Захаров, Захар Иванович
| Захар Иванович Захаров | |||
|---|---|---|---|
 | |||
| Тӧреен кӱні | 1918 | ||
| Тӧреен чирі | |||
| Ӱреен кӱні | пілдізі чох | ||
| Хазна | |||
| Айғасчатхан кирее | ат ӧскірҷең кізі | ||
| Сыйыхтар паза премиялар |
|
||
Заха́р Ива́нович Заха́ров (1918, Хаал[d], Кидеркі Сибирь крайы[d] — пілдізі чох) — аал хонииндағы совет тоғынҷызы, Социалистическай Ӏстеніс Матыры (1949).
Чуртас чолы
Захар Иванович Захаров 1918 чылда Хаал аалда (амы туста — Хакасияның Пии аймағы) тӧреен. Кічігдең сығара аал хониинда істен сыххан. Пасталығ школаны тоос салып, Хызылчар крайындағы Хакас автоном облазының Пии аймаандағы Ворошиловтың адынаң колхозтағы аттар ӧскірҷең фермада тоғынған[1].
1940 чылда Захаров Пии аймааның чаа комиссариады пастыра Тоғысчы-кресеннернің Хызыл Армиязына службаа тартылған. Илбек Адалығ чаада 554-ҷі миномёт полкы санында араласхан, палығлатхан, оң харағы чох халған. 1944 чылнын азығ айында хазии хоостыра СССР-ның Тирігліг кӱстерінең позыдылған[2].
Ада чирінзер айланып, Захаров хатап Ворошиловтың адынаң колхозта тоғын сыххан. Тӱрчедең аттар ӧскірҷең ферманаң устап сыххан. 1948 чылда улуғ чидіглерге читкен, андада ферманың хазааларында 30 пиидең 30 хулун ӧскіріп алған[1].
Пазағы чуртас чолы пілдістіг нимес.
Сыйыхтар
- Социалистическай Ӏстеніс Матыры хазна сыйиинаң хада Ленин ордені паза 4295 номерліг «Серп и Молот» медаль пирілген (1949 чылның орғах айының 10-ҷы кӱнінде, «1948 чылда мал ӧскірізінде пӧзік тӱзімге читкен ӱчӱн»);
- медальлар[1].
Алған орын
- ↑ 1 2 3 Захар Иванович Захаров. «Герои страны» сайт.
- ↑ Захаров Захар Иванович. Память народа. Дата обращения: 23 Кӧрік айы 2026.