Дорофеев, Алексей Иванович
| Алексей Иванович Дорофеев | ||||
|---|---|---|---|---|
 | ||||
| Тӧреен кӱні | 1914 | |||
| Тӧреен чирі | ||||
| Ӱреен кӱні | пілдізі чох | |||
| Хазна | ||||
| Айғасчатхан кирее | тракторист | |||
| Сыйыхтар паза премиялар |
|
|||
Алексе́й Ива́нович Дорофе́ев (тӧр. 1914, Абрамнар аалы[d], Ис аал чӧбі — пілдістіг нимес) — аал хонииндағы совет тоғынҷызы, Социалистическай Ӏстеніс Матыры (1948).
Чуртас чолы
Алексей Иванович Дорофеев 1914 чылда Корка улуста (амғы туста — Хакасияның Асхыс аймаандағы Абрамнар аалы) кресеннар сӧбірезінде тӧреен. Пасталығ класстар школазын тоос салған. Тӧреен чирінде Сталиннің адынаң колхоз тӧстел парғанда, анда тоғын сыххан. Трактористтер курстарын тоос салып, Хызылчар крайының Хакас автоном облазындағы Асхыс аймааның Асхыстағы машина-трактор станнциязынзар механизатор тоғызына кірібіскен. Соонаң трактор бригадазының бригадирі полыбысхан. Илбек Адалығ чаа тузында маңнаныстығ істенген[1].
Дорофеевтің бригадазына иң тӱзімніг 1947 чыл полыбысхан, андада ол «Арғыс Сталин» колхозтың хыраларында тоғынып, полған на 154 гектар чирдең ортымахти 24,5 центнер тоңас алған; андада анзы Хакас автоном облазындағызынаң ікі хати кӧп полған[1].
Пазағы чылларда даа тӱзімніг істенген. Асхыстағы машина-трактор станциязы 1957 чылда чох иділ парғанда, «Арғыс Сталин» колхозсар тоғынарға парыбысхан. Анда ол тынаға сыхханҷа істенген[2].
Сыйыхтар
- Социалистическай Ӏстеніс Матыры хазна сыйиинаң хада Ленин ордені паза 316 номерліг «Серп и Молот» медаль пирілген (1948 чылның кӱрген айының 7-ҷі кӱнінде, «1947 чылда пуғдайның паза подсолнухтың пӧзік сығызын алған ӱчӱн»);
- Ӏстеніс Хызыл Знамязы ордені (1950 чылның чарыс айының 19-ҷы кӱні);
- медальлар[1].
Алған орын
- ↑ 1 2 3 Алексей Иванович Дорофеев. «Герои страны» сайт.
- ↑ Дорофеев Алексей Иванович. МБУК «Абаканская централизованная библиотечная система». Дата обращения: 20 Кӧрік айы 2026.
Литература
- Полежаев В. В. Трудовая доблесть Хакасии. — Абакан, 2018.