Глазко, Анастасия Ивановна

Анастасия Ивановна Глазко
Анастасия Ивановна Глазко
Тӧреен кӱні	7 кӱрген айы 1928; Чынай[d], Алтай аймағы, Хакас автоном облазы, Кидеркі Сибирь крайы[d], РСФСР[d], СССР[d];
Ӱреен кӱні	19 от айы 1988 (60 час)
Партия	КПСС

Анастасия Ивановна Глазко (7 кӱрген айы 1928, Чынай^[d], Кидеркі Сибирь крайы^[d] — 19 от айы 1988) — совет хоных, хазна деятельі, РСФСР-ның мал ӧскірҷең узы, Социалистическай Ӏстеніс Матыры (1966).

Чуртас чолы

1928 чылнын кӱрген айының 7-ҷі кӱнінде Сибирь крайының Ново-Вознесенка аалында^[1] (амғы туста — Хакас Республиканың Алтай аймаандағы Чынай аал) Полтава губерниязынаң кӧскен сӧбіреде тӧреен.

Он частығдаң сығара іҷе-пабазына тоғынарға хабасхан, халых тоғызында араласхан. 1938—1982 чылларда — Хызылчар крайының Хакас автоном облазындағы Алтай аймааның «Россия» совхозында чабанның полысчызы, чабан, улуғ чабан, хойлар кӧрҷең бригаданың бригадирі. 1960 чылдаң сығара хойлар туғанын часхызар кӧрік айына чылдырыбысхан. 57198 ине хойдаң 60772 хураған алған (100 ине хойға ортымахти 105 хураған килісчең), иң кӧп тӧреен хурағанның саны 143,4 % читкен. Пір хойдан ортымахти 4,4 кг тӱк алҷаң.

1966 чылның кӱрген айынын 21-ҷі кӱнінде Хызылчардағы КПСС-тың крайкомының бюро чыылииның 27 № чарадиинаң Социалистическай Ӏстеніс Матыры атты аларына адалған^[2]. СССР-ның Ӧӧркі Чӧбінің Президиумының 1966 чылның кӧрік айының 22-ҷі кӱнінде сыххан чахиинаң Социалистическай Ӏстеніс Матыры (орыс) (рус. ат пирілген паза Ленин орденінең хада «Серп и Молот» медаль читірілген.

РСФСР-ның мал ӧскірҷең узы, коммунистическай істеніс матыры, Хакас автоном облазының Ӏстеніс сабланызы киндеге ады кирілген.

1959—1971 чылларда РСФСР-ның Ӧӧркі Чӧбінің 5-ҷі, 6-ҷы, 7-ҷі хығыртығларының депутадына табылған.

1982 чылда тынаға сых парған. 1988 чылның от айының 19-ҷы кӱнінде Алтай аймаандағы Новороссийскай аалда ӱреен^[3].

Сыйыхтар паза аарластығ аттар

Социалистическай Ӏстеніс Матыры атнан хада Ленин ордені паза 11378 номерліг «Серп и Молот» медаль пирілген (1966 чылның кӧрік айының 22-ҷі кӱнінде, «мал ӧскірізінде, итті, сӱтті, тӱкті аларында пӧзік чидіглерге читкен ӱчӱн»)^[3];
1 Ленин ордені (1966 чылның кӧрік айының 22-ҷі кӱнінде, 1971 чылның хосхар айының 8-ҷі кӱнінде);
Октябрь Революциязы ордені;
«1941—1945 чыллардағы Илбек Ада чаада махачы істенген ӱчӱн» медаль;
СССР-дағы ВДНХ-ның алтын паза кӱмус медальлары;
РСФСР-ның мал ӧскірҷең узы;
коммунистическай істеніс матыры^[3].

Хумартхызы

Новороссийскай аалда Социалистическай Ӏстеніс Матыры адынаң орама адалған^[4].

Алған орын

↑ Баяндин Л.Н. История образования села Кирово Алтайского (Минусинского) района (рус.). Дата обращения: 16 Азығ айы 2026.
↑ Герои Соц. Труда Красноярского края: Архивный перечень (неопр.) . Дата обращения: 16 Азығ айы 2026.
↑ ¹ ² ³ Анастасия Ивановна Глазко (рус.). «Герои страны» сайт.
↑ Хакасия — 2023 : календарь знаменательных и памятных дат (неопр.) . Национальная библиотека им. Н. Г. Доможакова, ГКУ РХ «Национальный архив». Дата обращения: 16 Азығ айы 2026.

Литература

Енисейский энциклопедический словарь. — Красноярск: КОО Ассоциация «Русская энциклопедия», 1998. — С.725

Ссылкалар

Глазко Анастасия Ивановна

[1] Баяндин Л.Н. История образования села Кирово Алтайского (Минусинского) района (рус.). Дата обращения: 16 Азығ айы 2026.

[2] Герои Соц. Труда Красноярского края: Архивный перечень (неопр.) . Дата обращения: 16 Азығ айы 2026.

[wh-3] ¹ ² ³ Анастасия Ивановна Глазко (рус.). «Герои страны» сайт.

[4] Хакасия — 2023 : календарь знаменательных и памятных дат (неопр.) . Национальная библиотека им. Н. Г. Доможакова, ГКУ РХ «Национальный архив». Дата обращения: 16 Азығ айы 2026.

[1]

[2]

[3]

[4]