Буряк, Александр Ефимович

Александр Ефимович Буряк
Александр Ефимович Буряк
Тӧреен кӱні	3 кӧрік айы 1913
Тӧреен чирі	Новотроицкай, амғы Хызылчар крайындағы Минсуғ аймағы
Ӱреен кӱні	24 кӧрік айы 1991 (78 час)
Ӱреен чирі	Хубачар, Алтай аймағы, Хакасия
Хазна	Россия империязы[d]; СССР[d];
Айғасчатхан кирее	колхоз кнезі

Алекса́ндр Ефи́мович Буря́к (3 кӧрік айы 1913, Новотроицкай^[d], Хызылчар крайы^[d] — 24 кӧрік айы 1991, Хубачар^[d], Хакас автоном облазы) — аал хонииндағы совет тоғынҷызы, Социалистическай Ӏстеніс Матыры (1948).

Чуртас чолы

Александр Ефимович Буряк 1913 чылның кӧрік айының 3-ҷі кӱнінде Новотроицкай (орыс) (рус. аалда (амғы туста Хызылчар крайының Минсуғ аймағы) кресен сӧбірезінде тӧреен. Аал хонииның коллективизациязы тузында «Наа быт» колхозха кірібіскен^[1].

1930 чыллар соонзар Буряк Тоғысчы-кресеннер Хызыл Армиязына службаа тартылған. Совет-фин (орыс) (рус. паза Илбек Адалығ чааларда араласхан. Чаалазығларда азахтарынаң палығлатхан. Имненіп алған соонда демобилизацияа кірген^[1].

Ада чирінзер айлан киліп, «Новый быт» колхозтың кнезі полыбысхан. Аал хонии производствозында улуғ чидіглерге читкен, нинҷе-нинҷе хати край синінде тоғызы ӱчӱн таныхталған. Иң чахсы позын 1947 чылда кӧзіт пирген, андада позы устапчатхан колхоз пуғдайны чахсы чыып алған — 62 гектар чирдең ортымахти 31,5 центнер пуғдай^[1].

1977 чылдаң сығара Хызылчар крайының Хакас автоном облазындағы Алтай аймааның Хубачар аалында чуртаан. Халых тоғызынаң ӧткін араласхан, Хубачар аал чӧбінің депутадына табылған. 1991 чылның кӧрік айының 24-ҷі кӱнінде ах чарыхтаң парыбысхан, сӧӧгі Хакас Республиканың Алтай аймаандағы Хубачар аалның сыырадында чатча^[1].

Сыйыхтар

304 номерліг Социалистическай Ӏстеніс Матыры (орыс) (рус. хазна сыйиинаң хада Ленин ордені паза «Серп и Молот» медаль пирілген (1948 чылның кӱрген айының 7-ҷі кӱнінде, «пуғдайны паза арысты ӧскіріп, чахсы сығысты алған ӱчӱн, 1947 чылда колхоз хайди даа итчең поставкаларны иткен ӱчӱн паза пос тоғынып алған ниме-ноонаң МТС тоғызы ӱчун тӧленген ӱчӱн, ідӧк 1948 чылдағы часхы таарыға тамах ӱреенін тимнеен ӱчӱн»)^[1];
Адалығ чааның 1-ғы синніг ордені (1985 чылның улуғ хырлас айының 23-ҷі кӱні)^[2];
медальлар.

Алған орын

↑ ¹ ² ³ ⁴ ⁵ Александр Ефимович Буряк (рус.). «Герои страны» сайт.
↑ Буряк Александр Ефимович (неопр.) . Память народа. Дата обращения: 15 Кӱрген айы 2026.

Литература

Сибиряки: Герои Социалистического Труда Красноярского края. (орыс). — Красноярск: Кн. изд-во, 1976. — 352 с.

[wh-1] ¹ ² ³ ⁴ ⁵ Александр Ефимович Буряк (рус.). «Герои страны» сайт.

[пн-2] Буряк Александр Ефимович (неопр.) . Память народа. Дата обращения: 15 Кӱрген айы 2026.

[1]

[2]