Андриенко, Александр Александрович

Александр Александрович Андриенко
Александр Александрович Андриенко
Тӧреен кӱні	21 кічіг хырлас айы 1918
Тӧреен чирі	Мирча аал, амғы туста Радомышль аймағы, Житомир облазы, Украина
Ӱреен кӱні	5 кӱрген айы 1998 (79 час)
Ӱреен чирі	Ворзель посёлок, Буча аймағы, Киев облазы, Украина
Хазна	СССР[d]; Украина[d];
Айғасчатхан кирее	колхоз кнезі

Алекса́ндр Алекса́ндрович Андрие́нко (21 кічіг хырлас айы 1918, Мирча^[d], Радомышльский район^[d] — 5 кӱрген айы 1998, Ворзель^[d]) — аал хонииндағы совет тоғынҷызы, Социалистическай Ӏстеніс Матыры (1948).

Чуртас чолы

Александр Александрович Андриенко 1918 чылның кічіг хырлас айының 21-ҷі кӱнінде Мирча (орыс) (рус. аалда (амғы туста — Украинаның Житомир облазындағы Радомышль аймағы)^[1].

Илбек Адалығ чаа пасталғанда, Андриенко Тоғысчы-кресен Хызыл Армиязына службаа тартылған паза Илбек Адалығ чаа фронтына ызылған. 368-ҷі атығҷылар дивизиязының 1228-ҷі атығҷылар полкында чааласхан. Чаалазығ тузында палығлатхан. Чаа соонаң улуғ сержант аттығ демобилизацияа парған^[2].

Чаа соондағы чылларда Хызылчар крайының Хакас автоном облазындағы Алтай аймаанда чуртаан, анда ол «Хызыл салда» колхозтың кнезі полған. Устаандағы хоныхты алнында парчатханнар санына кирген. 1947 чылда Андриенконың устаанда колхозтың тоғысчылары 500 гектар хыраның полғанынаң на 18 центнер пуғдай чыып алғаннар, иң пӧзік тӱзімніг хыраларның полған на гектарынаң 30,93 центнер алылған^[1].

Пазағы чылларда Украина ССР-зар кӧс парыбысхан. Киев облазының Ирпен аймааның Ворзель посёлогында чуртаан. 80 чазын апарчадып, 1998 чылның кӱрген айының 5-ҷі кӱнінде ӱреен^[1].

Сыйыхтар

Социалистическай Ӏстеніс Матыры (орыс) (рус. хазна сыйиинаң хада Ленин ордені паза 1803 номерліг «Серп и Молот» медаль пирілген (1948 чылның хосхар айының 10-ҷы кӱнінде «пуғдайның, арыстың паза лӧннің пӧзік тӱзімін 1947 чылда алған ӱчӱн»);
2 Ленин ордені (1948 чылның хосхар айының 10-ҷы кӱні, 1949 чылнын азығ айының 21-ҷі кӱні);
1-ғы синніг Адалығ чаа ордені (1985 чылның хосхар айының 6-ҷы кӱні);
медальлар^[1].

Алған орын

↑ ¹ ² ³ ⁴ Александр Александрович Андриенко (рус.). «Герои страны» сайт.
↑ Андриенко Александр Александрович (неопр.) . Память народа. Дата обращения: 6 Азығ айы 2026.

Литература

Полежаев В. В. Трудовая доблесть Хакасии (орыс). — 2018.

[wh-1] ¹ ² ³ ⁴ Александр Александрович Андриенко (рус.). «Герои страны» сайт.

[пн-2] Андриенко Александр Александрович (неопр.) . Память народа. Дата обращения: 6 Азығ айы 2026.

[1]

[2]