Ӱгредіг чылы
| Ӱгредіг чылы | |
|---|---|
 Праздничная линейка в школе «Протон», 1 сентября 2017 года | |
| Тузаланчатхан чирі | Ӱгредіг |
Ӱгредіг чылы (орыс. Уче́бный год) — ӱгредіг учреждениелеріндегі ӱгредіг киреен таныхтапчатхан тус[1].
Оңнағ
«Ӱгредіг чылы» оңнағ пір чылға кӧріл парған ӱгредіг киреенің тузы чіли таныхталча. Ӱгредіг чылын ӱгредіг кирее килісчеткен изерістіре парчатхан календарьдағы чыллар номерлері пастыра таныхтапчалар. Кӧзідімге, «2025/2026 ӱгредіг чылы»[2].
Ӱгредіг чылының узарааны
Ӱгредіг чылының пасталғаны паза тоозылғаны тилекейдегі хазналарда пасхалалча. Ол тус хазнаның законнары хоостыра кӧріл парған. Занятиелернің пасталчатхан паза тоозылчатхан кӱнін ӱгредіг заведениезі удаа пос алынҷа турғызар оңдайлығ[3].
Европа хазналарында ӱгредіг кирее орғах — ӱртӱн айларында пасталча паза сілкер — хандых айларында тоозылча. Кӧзідімге, орғах айының ортызында школалар Данияда, Финляндияда, Швецияда тоғынып пастапчалар; ӱртӱн айының пастағы чардығында — Австрияда, Францияда, Испанияда, Италияда. Германияда паза Швейцарияда регион хоостыра ӱгредіг чылы орғах айының ортызында, ідӧк сілкер айының халғанҷы кӱннерінде дее пасталарға айабас[3][4].
США-наң Канадада пір тӧӧй стандарт чоғыл. Кӱннерні штат/провинцияның законодательствозы кӧрче, че занятиелер ӱгредіг заведениелерінде кӱскӱ пасталғаннаң чайғының пастағы кӱннеріне теере иртчелер[3].
Латин Америказының пірее хазналарында пастағы ӱгредіг кӱні азығ айының пастағы кӱннеріне килісче (Аргентина, Бразилия, Коста-Рика). Чилиде ӱгредіг чылы кӧрік айының 1-ғы кӱнінде пасталча, Кубада паза Мексикада, тізең, ӱртӱн айының пастағы кӱннерінде.
Австралияда паза Наа Зеландияда ӱгренҷілер кӱрген айының халғанҷы кӱннерінде азығ айында ӱгрен сыхчалар[3].
Африка хазналарында ӱгредіг календарьлары пасхалалчалар. Кӧзідімге, Ӱстӱнзархы Африка Республикада паза Танзанияда ӱгредіг чылы кӱрген айында пасталча, Суданда — ӱртӱн айында, Алжирде, Тунисте, Египетте, Мароккода, Эфиопияда, Сомалиде, Нигерияда — ӱртӱн айында.
Азияда ӱгредіг чылы ідӧк аймах туста пасталча. Кӧзідімге, ӱртӱн айының 1-ғы кӱнінде ӱгредіг процезі Хыдатта, Монголияда, Казахстанда, Киргизияда, Таджикистанда, Туркменистанда пасталча, кӱрген айының 2-ҷі кӱнінде Сингапурда пасталча, кӧрік айының пастағы кӱннерінде — Ӱстӱнзархы Кореяда, хосхар айының 1-ғы кӱнінде КНДР-да занятиелер пасталчалар, сілкер айында — Таиландта, хандых айында — Филиппиннерде, от айында Индиянаң Непалда паза пасхазында пасталча[3].
Россияда
Ӱгредіг чылы изере школада ӱгредіг пір класста парча, пӧзік ӱгредіг заведениезінде алай ортымах ӧнетін ӱгредіг заведениезінде — пір курста.
Россияда очнай оңдайнаң ӱгредіг чылы ӱртӱн айының 1-ғы кӱнінде пасталча, «Піліс кӱні» адалча. Ӱгредіг учреждениезінің чарадиинаң ӱгредіг чылын кӧзірерге чарир, че ол ікі айдаң орай пасталбасха кирек[5].
Очнай-заочнай формаҷа ӱгредіг чылының пасталғанын ӱгредіг пірігізі пӧкче.
Ӱгредіг чылы ӱгредіг планы хоостыра тоозылча. Аны ӱгредіг учреждениезі чаратча[1]. Школа тоосчатхан класстарда ӱгредіг халғанҷы аттестациянаң тоозылча[6].
Ӱгредіг цикллары
Школаларда
«Россия Федерациязының ӱгредиинеңер» закон хоостыра[7] школалар ӱгредіг циклларын пос оңдайынҷа алар оңдайлығлар, олар четверть, триместр алай биместрлер пастыра полчалар[8]. Ӱгредіг чылының андағох пӧліс оңдайлары тилекейнің пасха хазналарында парлар[9].
Четвертьтер
Четвертьтер системазы ӱгредіг чылын тӧрт чардыхха чарча[10]:
- пастағы четверть — ӱртӱн айынаң сығара чарыс айының халғанҷа кӱннеріне теере;
- ікінҷі четверть — кічіг хырлас айынаң сығара улуғ хырлас айының халғанҷа кӱннеріне теере;
- ӱзінҷі четверть — кӱрген айынаң сығара кӧрік айының халғанҷы кӱннеріне теере;
- тӧртінҷі четверть — хосхар айынаң сығара сілкер айының халғанҷы кӱннеріне теере.
Четверть системазынҷа ӱгренҷілер каникулларға чылда тӧрт хати чӧрчелер[8].
Триместрлер
Триместр системазында ӱгредіг чылы «5 + 1» оңдайҷа модульларға чарылча: пис ӱгредіг неделя соонаң пір неделя каникуллары парчалар[10].
Биместрлер
Ӱгредіг чылы читілер неделялығ пис ӱгредіг тузына (биместрлерге) чарылча, оларның аразында — ікілер неделянаң пис каникул. Алтынҷы биместр — чайғы каникуллар, ікі ай узарадылчалар[8].
Колледжтерде паза вузтарда
Россияның ортымах ӧнетін паза пӧзік ӱгредігучреждениелерінде ӱгредіг кирее семестрлерге чарылча (фр. semestre лат. sēmestris (*secsmestris) «алты айлығ» сӧстең килген). Тиксі вариантта ол чарым чылға тиңнелче. Ол тоозылчатса, экзаменнер сессиязы пар сыхча[11].
Каникуллар
Ӱгредіг чылына каникуллар кірчелер[2].
Каникулларның узарааны ӱгредіг стандарты пастыра алылча.
Алған орын
- ↑ 1 2 Вопрос: Что такое календарный год, что такое учебный год? Корректно ли говорить о "полугодиях" учебного года применительно к временным периодам с сентября по декабрь и с января по август и издавать приказы о выплате стипендий учащимся в соответствии с указанными временными рамками? (ответ службы Правового консалтинга ГАРАНТ, декабрь 2013 г.). base.garant.ru. Дата обращения: 19 Ӱртӱн айы 2025.
- ↑ 1 2 Сфера образования — документация. docs.istina.msu.ru. Дата обращения: 19 Ӱртӱн айы 2025.
- ↑ 1 2 3 4 5 По школьному календарю: когда начинается учебный год в разных странах (неопр.). Forbes.ru (3 Ӱртӱн айы 2024). Дата обращения: 19 Ӱртӱн айы 2025.
- ↑ Как устроен учебный год в разных странах мира: где-то начинается в январе, а где-то летние каникулы – всего месяц, gol.ru (31 Орғах айы 2022). Дата обращения: 19 Ӱртӱн айы 2025.
- ↑ Учебный год начинается 1 сентября \ 2025-2024-2023 год \ Акты, образцы, формы, договоры \ КонсультантПлюс. www.consultant.ru. Дата обращения: 19 Ӱртӱн айы 2025.
- ↑ Статья 59. Итоговая аттестация \ КонсультантПлюс (неопр.). www.consultant.ru. Дата обращения: 19 Ӱртӱн айы 2025.
- ↑ Статья 28. Компетенция, права, обязанности и ответственность образовательной организации \ КонсультантПлюс (неопр.). www.consultant.ru. Дата обращения: 19 Ӱртӱн айы 2025.
- ↑ 1 2 3 Ирина Кочковая. Триместры, четверти, модули, биместры в школе. В чем различие?, roditeli.maximumtest.ru (5 Орғах айы 2022). Дата обращения: 19 Ӱртӱн айы 2025.
- ↑ Как устроены школы в разных странах мира, Известия (1 Ӱртӱн айы 2017). Дата обращения: 19 Ӱртӱн айы 2025.
- ↑ 1 2 Школьные каникулы 2025/2026. Расписание по четвертям и триместрам, РБК Life (18 Орғах айы 2025). Дата обращения: 19 Ӱртӱн айы 2025.
- ↑ Семестр: что это такое, сколько месяцев длится в учебном году в колледже, ВУЗе | Университет Синергия. synergy.ru. Дата обращения: 19 Ӱртӱн айы 2025.
 |
|
|---|
