Чииттер кӱні (Россия)
| Чииттер кӱні (Россия) | |
|---|---|
 | |
| Тип | Пічікке кирілген кӱн |
| Пасха | Чииттер кӱні |
| Тӧстелген | Россия президенті Борис Ельцин |
| Таныхталчатхан орны |
 Россия |
| Кӱні | 1993 чылның хандых айының 27-ҷі кӱні |
| Таныхталчатханы | хандых айының халғанҷы чечімезінде |
| Кибiрлер | концерттер, митингтер, фестивальлар, конференциялар, чӧрімнер |
 Медиафайлы на РУВИКИ.Медиа | |
Чииттер кӱні (Россия) — Россияның чииттерінің национальнай кӱні, чыл сай хандых айының халғанҷы чечімезінде таныхталча. 2025 чылда хандых айының 28-ҷі кӱніне киліс парған.
Россия Федерациязының президенті Владимир Путиннің 1993 чылның хандых айының 24-ҷі кӱнінде сыххан 459-рп № чахиинаң кирілген, пастап хандых айының 27-ҷі кӱнінде таныхталған[1]. РФ-ның президентінің 2923 чылның сілкер айының 2-ҷі кӱнінде сыххан 132-рп № чахиинаң хандых айының халғанҷы чечімезіне кӧзірілген[2].
Чарыдығ
2020 чылның улуғ хырлас айының 30-ҷы кӱнінде сыххан «Россия Федерациязының чииттер политиказынаңар» законҷа чииттерге Россия гражданстволығ 14-35 частығ кізілер кірчелер[3].
2024 чылға Россияда 37 млн чиит кізі саналған, ол хазнаның тӧртінҷі чардығы полча[4].
Чииттер — нацияның таңдағызы, анынаң хазна паза халых тилізі палғалыстығ, ол тиліс кӱзі полча[5].
Чииттер кӱні социальнай паза демография группазының оңдайларын тилідерге, чонның хайиин чииттернің сурығларына тартарға кӧріл парған[6].
Тархын
Россиядағы чииттер кӱнінің тархыны совет тузына апарча. 1917—1945 чылларда СССР-да ӱртӱн айының пастағы кӱннерінде Чоннар аразындағы чииттер кӱні (МЮД) таныхталған. Пу кӱнде социалистическай читтернің істеніс чидіглері таныхталҷаң[7][8]. Ӱлӱкӱннің аббревиатуразы хазнаның нинҷе-де городының орамалар аттарында халған (кӧзідімге, Владимир городта)[9]. Чоннар аразындағы чииттер кӱнінең шахтёр Алексей Стахановтың ады палғалыстығ. 1935 чылда, ӱлӱкӱн алнынҷа, ол харатас анирынҷа рекорд идібіскен[10].
1958 чылның азығ айының 7-ҷі кӱнінде СССР-ның Ӧӧркі Чӧбінің Приезидиумы чахиинаң Совет чииттерінің кӱнін тӧстебіскен, ол хандых айының позырығында таныхталҷаң[11]. Ӱлӱкӱн идеологиянаң палғалыстығ полған. Аны иртірҷең Тиксі Союзтағы Лениннің чииттер коммунисттер союзы (ВЛКСМ)[12]. Совет чииттерінің кӱнінде спорт марығлары, предприятиелердегі бригадалар, устар аразындағы марығлар, концерттер паза теелбек иирлері иртчеңнер[7].
СССР изел парған соонда, Россияның пастағы президенті Борис Ельцин 1993 чылның хандых айының 24-ҷі кӱнінде сыххан 459-рп N чахиинаң Чииттер кӱнін кирібіскен. Аны хандых айының 27-ҷі кӱнінде таныхтап сыхханнар. Ӱлӱкӱнні Чииттер киреенҷе Россия Федерациязының хазна комитедінің паза Чииттер пірігістерінің национальнай чӧбінің айланызынаң тӧстелген. Ӱлгӱ пу кӱнде концерттер, кӧзідіглер паза пасха чӧрімнер иртірерге кирек полған[1].
Пайрамнығ мероприятиелер хандых айының 27-ҷі кӱніне чағын тынағ кӱннерінде иртірілҷеңнер.
2023 чылның кӱрген айында Россия президенті Владимир Путин МГУ-ның «Воробьёв тағлары» Инновация наука-технология кінінің «Ломоносов» кластерінде чорыхтаң полғанда, хазна пазына тоғазығның араласчызы Чииттер кӱнін тынағ кӱнінде иртір турарға тіп айланыснаң сыххан. Пір ле кӱнге килісчеткен ӱлӱкӱн сессия алай тоғыс кӱніне килісчеткені килістере нимезіне сылтанған[13].
РФ-ның президентінің 2023 чылның сілкер айының 2-ҷі кӱнінде сыххан 132-рп № чахиинаң Чииттер кӱні хандых айының халғанҷы чечімезіне турғызылған[2].
2025 чылның хандых айының 28-ҷі кӱнінде РФ-ның президенті Владимир Путин Россияның чуртағҷыларын ӱлӱкӱннең алғыстаан. Чооғында ӱлгӱ чииттер сурығларына алынҷа хайығ айландырарын, волонтёрлар чӧрімінің тилізіне хабазар тіп таныхтаан[14].
2025 чылның хандых айының 28-ҷі кӱнінде Хабаровск крайында, Ямал-Ненецкай автоном округында, Архангельск облазында, Дагестанда, Карачаево-Черкесияда паза Херсон облазында алты чииттер кіні азылған[14].
Кибірлер
Чииттер кӱнінде концерттер, фестивальлар, кӧзідіглер, лекциялары, спорт марығлары иртірілчелер.
Саблығ артисттернең, блогерлернең тоғазығлар иртчелер[12].
Музейлер. Культура кіннері, кинотеатрлар аймах чӧрімнер иртірчелер. Чииттер кӱніне флешмобтар, волонтёрлар паза экология пастағлары, полызығ итчең ярмаркалар полчалар[15].
Палғалыстығ кӱннер
- Чоннар аразындағы чииттер кӱні (орғах айының 12-ҷі кӱні)
- Тиксі тилекейдегі чииттер кӱні (ВФДМ) (кічіг хырлас айының 10-ҷы кӱні)
Алған орын
- ↑ 1 2 Распоряжение Президента Российской Федерации от 24.06.1993 г. № 459-рп, Президент России. Дата обращения: 6 Кічіг хырлас айы 2025.
- ↑ 1 2 Распоряжение Президента Российской Федерации от 02.05.2023 № 132-рп «О Дне молодежи». publication.pravo.gov.ru. Дата обращения: 6 Кічіг хырлас айы 2025.
- ↑ О молодежной политике в Российской Федерации. docs.cntd.ru. Дата обращения: 6 Кічіг хырлас айы 2025.
- ↑ Татьяна Голикова: на молодежь 14–35 лет приходится четверть населения РФ | Эксперт. Эксперт (4 Хосхар айы 2024). Дата обращения: 6 Кічіг хырлас айы 2025.
- ↑ День молодёжи России, РИА Новости (27 Хандых айы 2022). Дата обращения: 6 Кічіг хырлас айы 2025.
- ↑ 28 июня – День молодежи России. Канашский муниципальный округ Чувашской Республики. Дата обращения: 25 Хандых айы 2025.
- ↑ 1 2 День молодежи 2025: дата, история, традиции, суть праздника. interfax-russia.ru (3 Хандых айы 2024). Дата обращения: 6 Кічіг хырлас айы 2025.
- ↑ Энергия нового поколения: когда в 2025 году отмечают День молодежи | Ямал-Медиа, Ямал-Медиа (25 Хандых айы 2025). Дата обращения: 6 Кічіг хырлас айы 2025.
- ↑ МЮДа улица во Владимире | Владимир: с XIX в. до наших дней (неопр.). vladimir1896.ru. Дата обращения: 20 Кічіг хырлас айы 2025.
- ↑ День молодежи в 2025 году: какие традиции и история у этого праздника. vesti.ru (5 Хандых айы 2025). Дата обращения: 6 Кічіг хырлас айы 2025.
- ↑ Всесоюзный Ленинский Коммунистический союз молодёжи // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ 1 2 29 июня — День молодежи: история и традиции, праздничные мероприятия, Известия (28 Хандых айы 2024). Дата обращения: 6 Кічіг хырлас айы 2025.
- ↑ Встреча с учащимися вузов по случаю Дня российского студенчества, Президент России. Дата обращения: 6 Кічіг хырлас айы 2025.
- ↑ 1 2 Путин поздравил россиян с Днем молодежи, РИА Новости (28 Хандых айы 2025). Дата обращения: 6 Кічіг хырлас айы 2025.
- ↑ День молодежи 2025: какого числа, история и традиции праздника, КП. Дата обращения: 6 Кічіг хырлас айы 2025.