Хыдат Наа чылы 2025

Рувики тiп сайттаң
Хыдат Наа чылы 2025
НГ змея.webp.png
Пасха Ай мӱчелінҷе Наа чыл
Тузазы Наа чылның пасталғаны
Кибiрлер Наа чыл ярмаркалары, городтарны паза тураларны, сыбыларны чазиры
Палғалыстығ Хыдат мӱчелі, Хыдат зодиагі, Хыдат Наа чылы

Хыдат Наа чылы 2025 — хысхыдағы наа чайға чарыдылған ӱлӱкӱн (21 декабрь соонаң ікінҷі наа ай). Григориан мӱчелінде 21 январь паза 21 февраль аразындағы пір кӱнге килісче.

Хыдат гороскобында полған на чыл 12 аңның паза 5 элементтің (от, чир, тимір, суғ алай ағас) хайиинда полча[1].

Хыдат мӱчелі хоостыра, 2025 чыл От кӧк ағас чылан чылы полча. Ол 29 январьда 2025 чылда пасталча паза 16 февральда 2026 чылда тоозылча. Іскеркі гороскопта 12 чыллығ циклнің 6-ҷы орнында турча.

Тархын

Хыдат Наа чылын кӧп чӱс чыл таныхтапчалар. Ол аймах кӱннерге килісче. 21 январь паза 21 февраль аразындағы кӱнде таныхталча. Хыдат зодиагының он ікі тании — 12 чыллығ цикл. Полған на чыл пірее аң таниина килісче. Хыдат гороскобында ол кӱскӱ, пуға, ала парыс, хозан, дракон, чылан, ат, ӧскі, маймун, петук, адай, сосха полча.

Полған на хыдат позының паза туған-чағыннарының зодиак таниин пілче[2].

Хыдат Наа чылы кибірліг ӱлӱкӱн. Ай мӱчелі хоостыра пу кӱнде сӧбіре пір орында чыылысча. Ол іҷе-пабаларны, улуғларны аарлап-улуғлаҷаң кӱн полча[3].

От кӧк Ағас Чылан тании

Гороскоп змея.jpg

2025 чыл От кӧк Ағас Чылан чылы саналча. Ол хыйға, алызығларға тимде таныға саналча[4]. Пу чылның стихиязы ағас полча. Ол ӧзісті, тилісті, наа нимені таныхтапча.

Іскеркі культурада чылан чахсы саринаң таныхталча. Ол чуртасха, олаңай нимелерге ӧрінче. Сын чуртаста чылан хорғыс таа ағылча, че аны пастап тың тарындырыбызарға кирек[5].

От кӧк Ағас Чылан чылында тӧреен кізілер чітіг сағыстыға саналчалар. Олар кізілернің оңдайын чахсы сизінчелер. Ағас чайаачы кӱс пирче, анзы сурығларны пасхаҷыл оңдайнаң пӧгерге полысча. От кӧк ӧң амырны, сӱмеліг поларын таныхтапча. Чыланнар алызығларға табырах кӧнік парчалар, пӧгіннерні толдырар наа чоллар таап алчалар. Пасха кізілернің хайиин тартып алчалар. Пу танығ чылында тӧрееннері маңнаныстығ, саблығ кізілер пол парчалар.

Олох туста Чыланнар туйух таа полчалар, сағыс-кӧгістерінең ӱлезерге хынминчалар[6].

Іскеркі гороскоптың пасха танығларына теелгені

Хыдат зодиагы пис элементтіг теорияа тӧстенче. Ол системада полған на танығ позына пис класс кирче (ағас, от, чир, тимір, суғ). Чылан тании Чылан, Петук, Пуға танығларнаң килісче. Ол ідӧк Драконнаң, Маймуннаң, Кӱскенең, Адайнаң, Ала парыснаң, Атнаң, Кроликнең паза Ӧскінең килісче. Ағаа сосха ла чарабинча.

Пу чыл Чылан, Дракон, Петук чылында тӧрееннерге маңнаныстығ полар. Олар пос талантын чуртасха кир поларлар, тоғыста чидіглерге чидерлер, ахча суриин чахсыландырарлар. Чайаачы кирекнең айғасчатхан паза пасты тоғындырып істенчеткен улусха талаан тартар[7].

Кибірлер

Китайский Новый год.jpg

Хыдатта Наа чылнаң кӧп кибір палғалыстығ. Пурунғы хыдаттар кибірінең, Наа чыл алнынҷа ибдегі тоғыс иділ парарға кирек. Чурт істі ізіктең сығара ортызынзар арығлалча.

Ӱлӱкӱн тузында Хыдатта ӧӧнінде хызыл ӧң учурапча.

Наа чыл алнында ізіктің наағына пис узун чазын чолыҷах хаптырылча. Олар «часканың пис кӧрімін» - маңнанысты, аарласты, ӱр паза пай чуртасты, ӧріністі – таныхтапчалар[8].

Наа чыл алнынҷа Хыдатта суулирға кирек. Чонның кип-чооғы хоостыра, ол туста чурттарынаң сӱрілген чабал нимелер наа орын тілепчелер, олар ээлеріне чыл тооза хомайны ағыларға айабастар.

Наа чылны удурлапчалар аймах пӱдістіг фонарьларнаң. Сыбы орнына Хыдатта Чарых Ағазы тіп адалчатхан нимені чахайах гирляндаларынаң паза фонарьларнаң чазапчалар.

Наа чыл алнындағы харааны Хыдатта «чарылыс соондағы тоғазығ хараазы» адапчалар. Пу кӱн сӧбіренең таныхталчатхан ӱлӱкӱн полча[3].

Наа чылдағы столға алынҷа хайығ салылча. Стол кистіне прай сӧбіренең одырчалар, кил полбааннарға орын ідӧк халча.

Наа чылны хайди удурлирзың, іди ол иртер тіп киртінчелер хыдаттар. Аннаңар столға чиистің аймағын салчалар. Хайди даа таңах идінең, палыхнаң тимнелген ас-тамах паза «доуфу» — соянаң тимнелген эчігей — турғызылча. Хыдат тілінде пу чиистің аттары «часка», «ис-пай» сӧстерге тӧӧй истілчелер.

Пайрамнығ наа чыл иирінде улуғлар палаларына ахчалығ хызыл конверттер сыйлапчалар. Азыранып алған соонда, узирға чарабас. Андада часка чох халарзың тіп саналча.

Хыдатта хос ниме-ноолар сыйлалчалар. Частарны сыйлабинчалар, уламох улуғ частығларға, паза пала кӧргелек кізілерге ойнаҷахтар читірілбинчелер. Кибірли наа чыл сыйыхтары ээлерге парар алнында алай чазыт оңдайынаң сыйлалча[9].

Чылан чылында тӧреен саблығ кізілер

  • Одри Хепбёрн,
  • Андрей Миронов,
  • Том Харди,
  • Дмитрий Медведев,
  • Канье Уэст,
  • Джоан Роулинг,
  • Дэниел Рэдклифф,
  • Тейлор Свифт,
  • Александр Масляков,
  • Боб Дилан,
  • Ким Чен Ир,
  • Чарльз Дарвин,
  • Пабло Пикассо,
  • Авраам Линкольн,
  • Грета Гарбо,
  • Мухаммед Али,
  • Индира Ганди,
  • Людмила Зыкина,
  • Александра Пахмутова,
  • Махатма Ганди,
  • Джон Кеннеди,
  • Кристиан Диор,
  • Франс Шуберт,
  • Анри Матисс,
  • Гюстав Флобер,
  • Эдгар Аллан По,
  • Грета Гарбо,
  • Николай Коперник,
  • Аристотель Онассис,
  • Джакомо Казанова.

Алған орын

  1. Как встречать 2025 год, чтобы год был хорошим, Мой Санта (13 Чарыс айы 2024). Дата обращения: 13 Кічіг хырлас айы 2024.
  2. Цзя Хуэйминь. Лунный календарь и знаки зодиака в повседневной культуре Китая. cyberleninka.ru. Манускрипт (2016). Дата обращения: 13 Кічіг хырлас айы 2024.
  3. 3,0 3,1 Цзя Хуэйминь. Китайские новогодние праздники по лунному календарю в повседневной культуре современного Китая. cyberleninka.ru. Общество: философия, история, культура (2016). Дата обращения: 13 Кічіг хырлас айы 2024.
  4. Козлова, Екатерина. Принесет удачу: каким будет 2025 год Зеленой Деревянной Змеи, Пятый канал (9 Кічіг хырлас айы 2024). Дата обращения: 13 Кічіг хырлас айы 2024.
  5. Зеленая деревянная змея - символ 2025 года: что важно знать о главном символе, КП.ру. Дата обращения: 13 Кічіг хырлас айы 2024.
  6. Комарова, Валентина. Зеленая деревянная змея — символ 2025 года: что означает, характеристика символа, когда наступает, каким будет и как правильно встречать, Гороскопы Mail (30 Орғах айы 2024). Дата обращения: 13 Кічіг хырлас айы 2024.
  7. Екатерина Стрелкова. Как встретить год Змеи 2025: что приготовить, во что нарядиться - Zoon.ru (неопр.). zoon.ru. Дата обращения: 13 Кічіг хырлас айы 2024.
  8. Евгения Григорьевна Белая. Новый год в Китае, Корее, Японии и России. cyberleninka.ru. Россия и АТР (2005). Дата обращения: 13 Кічіг хырлас айы 2024.
  9. История и традиции празднования Китайского Нового года, РИА Новости (31 Кӱрген айы 2014). Дата обращения: 13 Кічіг хырлас айы 2024.
© Пу материал «РУВИКИ» интернет-энциклопедия» АНО холында.
Пу материалнаң пасха сайттарда «РУВИКИ» интернет-энциклопедия» АНО чарадиинаң на тузаланарға чарир.