Хакас Республиканың чон хайҷызы
| Хакас Республиканың чон хайҷызы | |
|---|---|
| II степень | |
| III степень | |
| Хазна | Россия |
| Федерация субъекті | Хакасия |
| Тип | Хакас Республиканың аарластығ аттары |
| Статус | пирілче |
| Статистика | |
| Тӧстелген кӱні | 2 ноябрьда 2022 чылда |
| Теес | |
Хакас Республиканың чон хайҷызы (орыс. Народный хайджи Республики Хакасия) — Хакас Республиканың хазна сыйыхтарына кірчеткен аарластығ ады.
Тархын
Хакас Республиканың 2 ноябрьда 2022 чылда сыххан 82-ЗРХ № «Хакас Республиканың хазна сыйыхтары чардығындағы Хакас Республиканың алынҷа законнар акттарына алызығлар кирерінеңер» Законы хоостыра, «Хакас Республиканың чон хайҷызы» аарластығ ат тӧстелген[1][2].
Аарластығ ат статузы
Аарластығ ат ӱс оңдайнаң (харыға, кӱӱледе, сығыртып) хайлап полчатхан, 20-нең асхынах нимес чон ырын, алыптығ нымахтар ӱзіктерін, ідӧк хакас чонның пазылбин пӱткен чайаачызының пасха жанрларын: кип-чоохтарны, нымахтарны, тахпахтарны, сарыннарны – толдыр полчатхан хайҷыларға пирілче.
Аарластығ атха хоос пос киреенде 5 чылдаң асхынах нимес ӧткін араласчатхан, Хакас Республикада паза аның озаринда хакас чонның пазылбин пӱткен чайаачызын чон аразына кирчеткен, чайаачы марығларның лауреаттары паза чиңісчілері турысчалар.
Аарластығ атты пирерінде хайҷының ӱгредии паза айғасчатхан кирее санға алылбинча.