Тиксі тилекейдегі архитектура кӱні
| Тиксі тилекейдегі архитектура кӱні | |
|---|---|
 Архитектор (1893 чыл) | |
| Тип | Профессия ӱлӱкӱні |
| Пасха | «Архитектор кӱні» |
| Тӧстелген | Чоннар аразындағы архитекторлар пірігізі |
| Таныхталчатхан орны | Чир |
| 2024 | 7 Чарыс айы |
| 2025 | 6 Чарыс айы |
| 2026 | 5 Чарыс айы |
| Таныхталчатхан тузы | Чыл сай Ежегодно чарыс айының пастағы пас кӱнінде |
 Медиафайлы на РУВИКИ.Медиа | |
Тиксі тилекейдегі архитектура кӱні (орыс. Всемирный день архитектуры, англ. World Day of Architecture[1]) — архитекторларның паза архитектура произведениелерін паалапчатхан кізілернің чоннар аразындағы профессия ӱлӱкӱні. Чыл сай чарыс айының пастағы пас кӱнінде таныхталча.
Тархын
1946 чылның ӱртӱн айында Великобританияның ӧӧн городы Лондонда архитекторларның чоннар аразындағы чыылии ирткен. Анда араласхан кізілер санында Совет Союзының делегаттары полғаннар. Ол чыылығда наа пірігісті — Чоннар аразындағы архитекторлар пірігізін (МСА) — тӧстирінеңер чарадығ алылған. Ол пірігіске пір чӱске чағын национальнай секция кірче, аның араласчылары саны миллион азыра архитекторға читче[2].
1985 чылда «Чоннар аразындағы архитекторлар пірігізінің» чыылиинда «Тиксі тилекейдегі архитектура кӱнін» от айының пастағы пас кӱнінде таныхтирынаңар чарадығ алылған. Че 1996 чылда, Испанияның Барселона городында 20-ҷі Генеральнай Ассамблеязында МСА «Тиксі тилекейдегі архитектура кӱнін» чарыс айының пастағы пас кӱніне чылдырыбызарға чарадығ алған. Пу кӱн Піріктірілген Нациялар Пірігізінің хайииндағы Тиксі тилекейдегі чурт кӱні (Тиксі тилекейдегі Хабитат кӱні) таныхталча.
«Тиксі тилекейдегі архитектура кӱнінің» пос кибірлері парлар: пу кӱнде чир ӱстӱндегі прай архитекторлар конференцияларда, симпозиумнарда паза форумнарда аралазып, пілістерінең паза опыттарынаң ӱлесчелер. Пу кӱнде аймах кӧзідіглер паза экскурсиялар иртірілчелер.
Россия
Россия Федерациязы Президентінің 7 сентябрьда 2010 чылда сыххан 1099 № «Россия Федерациязының сыйыхтир хазна системазын чахсыландырарынаңар» Чахии хоостыра, Россия Федерациязы Президенті ӱлӱкӱн алнынҷа чылда пір хати «Россия Федерациязының чон архитекторы» аарластығ атты пирердеңер чахығны сығарча.
Москва
2008 чылдаң сығара Москвада «Архитектура кӱннері» иртчелер. Фестиваль чылда ікі хати иртірілче — чарыс айында (Тиксі тилекейдегі архитектура кӱніне чарыдылча) паза хосхар айында. Архитектура кӱннерінде амғы паза совет тузындағы пӱдіріглернең, наа объекттернең таныстырар экскурсиялар апарылчалар. Хоос чӧрімнер, лекциялар иртірілчелер.
Нижний Новгород
Чоннар аразындағы архитектура кӱнін Нижний Новгородта 2006 чылдаң сығара таныхтапчалар. Ағаа чарыдылча фестиваль. Аның пастағҷызы паза кураторы Марина Игнатушко полча. Фестиваль программазына кӧзідіглер, лекциялар, чӧрімнер, экскурсиялар кірчелер. Партнёрлар санында — Нижний Новгородтағы Россияның Архитекторлар пірігізінің организациялары, компания «U-kon», Приволжьедегі ГЦСИ филиалы, «О’город» архитектура бюрозы, Сергей Туманиннің Галереязы паза пасхазы.
Екатеринбург
Екатеринбургта архитектура кӱнін 2011 чылдаң сығара TATLIN издательство иртірче. От айының пастағы пас кӱнінде архитекторларға пикник иртірче. Кӧзідіг полча, архитекторлар чир-чайаан хойнында тынанчалар.
Алған орын
- ↑ World Day of Architecture — Message from the UIA President Архивная копия от 3 Кӱрген айы 2014 на Wayback Machine
- ↑ The International Union of Architects (UIA) Архивная копия от 1 Сілкер айы 2013 на Wayback Machine
Ідӧк кӧріңер
- «День строителя» — отмечается в России (со времён СССР) во второе воскресенье августа.
- Всемирный день модерна — отмечается ежегодно 10 июня с 2013 года.