Совет чонының геноциді

Рувики тiп сайттаң
Совет чонының геноциді
Вермахттың чааҷыларының ӧменең суурынған сомы. Школа досказында мелнең пазылых: «Піс чуртир ӱчӱн, орыс ӧл парарға кирек» (нем. Der Russe muß sterben, damit wir leben). Брянск облазы, 1941 чылның чарыс айының 2-ҷі кӱні
Вермахттың чааҷыларының ӧменең суурынған сомы. Школа досказында мелнең пазылых: «Піс чуртир ӱчӱн, орыс ӧл парарға кирек» (нем. Der Russe muß sterben, damit wir leben). Брянск облазы, 1941 чылның чарыс айының 2-ҷі кӱні
Тирігліг талас Илбек Адалығ чаа
Орын
Хронология
Тузы 1941 чылның хандых айының 22-ҷі кӱні – 1945 чылның сілкер айы
Ӧӧн киректер Совет чонының геноциді РСФСР-ның чирінде,
Совет чонының геноциді Белорус ССР-ның чирінде,
Совет чонының геноциді Украина ССР-ның чирінде,
Совет чонының геноциді Литва ССР-ның чирінде,
Совет чонының геноциді Латвия ССР-ның чирінде,
Совет чонының геноциді Эстония ССР-ның чирінде,
Совет чонының геноциді Молдавия ССР-ның чирінде,
Совет чонының геноциді Карел-Фин ССР-ның чирінде
Геноцидке хыйалланған кізілер
Хыйалланған кізілер славяннар, еврейлер, цыганнар
Хайылланған кізілернің саны 13 млн азыра кізі
Способы геноцида кӧп кізінің ӧдірізі
Кӧп кізі ӱреп парзын тіп ӧнетін оңдайларны идері
кізілернің улуғ группаларын кӱснең кӧзірері
кӱл салғаны
Социальнай инфраструктураны паза культура ис-пайын ӧнетін чох идері
Геноцид ӱчӱн нандырығлығлар
Геноцид тимнегҷілері Нацист Германиязы
Геноцид толдырығҷылары

Айнзацгруппалар
СС войсколары
Вермахт
Хорғыс чох поларынҷа служба (СД)
Румыния Королевствоның армиязы
Румыния Королевствоның жандармериязы

Венгрия Королевствоның армиязы
Королевскай итальян армиязы
Финляндияның арачыланыс кӱстері
коллаборанттар
Право паалии
Геноцид полғанын істескен орган Немец-фашист азымахчыларының паза оларнаң хада араласханнарның чабал ниме иткенін табарынҷа паза істезерінҷе сағыбаан хазна комиссиязы; Нюрнбергтегі чоннар аразындағы трибунал; Россия Федерациязының Ӏстезіг комитеді

Совет чонының геноциді (орыс. Геноци́д сове́тского наро́да) — Илбек Адалығ чаа чылларында немец нацисттері, оларның союзниктері паза полысчылары совет чонынаң хомай ниме иткені.

РФ-ның 21.04.2025 чылда сыххан 74-ФЗ № Федеральнай законы хоостыра,

совет чонының геноцидіне 1941—1945 чыллардағы Илбек Адалығ чаа тузында СССР-да чуртаан национальнай, этническай паза раса группаларын, кізілерін ӧдіріп, хазыхха аар ӱрег ағылып, кӱснең пала таппас идіп, палаларны кӱснең алып алып, кізілерні кӱснең кӧзіріп алай ол группаларның кізілері ӧл парар иде чуртас оңдайларын идіп, прай алай чардыхти чох идер ӱчун киректер иткені саналча[1].

Нацист Германиязы паза оларның полысчылары чабал ниме иткен сылтаанда амыр хоныхтағы 13,6 млн азыра кізі ӱреп парған. Чаа тузында 1700-че совет городы паза посёлогы изел парған, 70 муң аал чох иділген[2][3][4][5].

Немец-фашист азымахчыларының чабал ниме иткенін табарынҷа паза істезерінҷе сағыбаан хазна комиссиязы ол чабал киректернің синін паза тимнеп иткенін кӧзітчеткен кӧп документальнай пічіктерні чыып алған. Ӱзінҷі рейхтың устағ-пастаа Нюрнбергтегі чоннар аразындағы трибуналнаң паза СССР-ның азых чарғы процесстерінде чарғылатхан, ыырҷының холындағы совет чирлерінде иділген нацисттернің сайбағлары соонаң геноцидке санал парғаннар[6][7][8][9].

Нацист Германиязының совет чоны хоостыра пӧгіннері

Совет Союзынаң тоғыр тимнелчеткен чааның идеология тӧстее Адольф Гитлер чоохтаан «чонны хырҷаң чаа  (орыс) (рус.» сағыс полча. 1941 чылның кӧрік айынын 30-ҷы кӱнінде вермахттың ӧӧркі устаа алнындағы чазыттығ чооғында ол Востокта полҷаң талас Западтағы чаадаң саңай пасха полар паза хазыр оңдайнаң апарыларға кирек тіп искірген[10][11].

Нацист Германиязының устағ-пастаа Востокта холға кирген чирлерні Ӱзінҷі рейхтың чир-сырьё колонияларын идерге пӧгін тутханнар. Орындағы чон «раса тузазы» паза немецтерге сыны хоостыра категорияларға чарылған. Нацисттер прай хырыбызарға иткен «Тӧбінгі расаа» еврейлернең цыганнар чарлалғаннар; оларның соонда іскеркі славяннар чоны парған, оларны ниик тоғыс кӱзі чіли кӧргеннер, чардыхти хырыл парарға алай немец тіліне айландырыларға кирек полғаннар. Пірее чоннарға (кӧзідімге, Прибалтика чоны) Германияның ӱлгӱ тударында полысчылар полар группалар тузазы пирілген[lower-alpha 1][6].

Пістің культураа хуллар полар ӱчӱн не пасха чоннар чахсы чуртапчатханынын алай ӧлгенҷе ӧзӧкчеткенін мағаа пілерге кирек, пасха киректе киреем халбинча[12]. Генрих Гиммлер

"Ост  (орыс) (рус." планына СССР-ның славян чонының улуғ чардығын Уралдаң сӱрібізіп, пола-пола аны немец колонисттеріне алыстырары саналған. Еврейлер, цыганнар паза ВКП(б) функционерлері табырах хырыл парарға кирек полғаннар[13].

Герберт Бакке тимнеп салған ӧзӧгіс планынҷа, пір саринаң, холдағы чирлерні тонап парыбызып, вермахттың чааҷыларына паза офицерлеріне тохтағ чох ас-тамах читірерге, ідӧк Европазар азых-тӱлӱк синін ӧскірерге, пасха саринаң, холға алған чирлернің чонын, реквизиция пастыра паза чиистің нормазын уғаа тың хызырып, чонны ӧзӧктіріп, хызырарға сағынған[14].

1941 чылның сілкер айының 6-ҷы кӱнінде чирдегі кӱстернің Ӧӧркі устааның пастығы фельдмаршал Вальтер фон Браухич «Комиссарлардаңар» чахығны чарыхха сығарыбысхан, анда герман чааҷыларына паза айнзацгруппаларға совет политика тоғынҷыларын хырарға чарадылған[13][15].

  • Адольф Гитлернің вермахт устағҷыларынаң хада «Барбаросса» — «Ольденбург» планның хоных чардығының тимнег пӱдізін ӱзӱрерінҷе чыылығ протоколы, 1941 чылның хосхар айының 29-ҷы кӱні

    Адольф Гитлернің вермахт устағҷыларынаң хада «Барбаросса» — «Ольденбург» планның хоных чардығының тимнег пӱдізін ӱзӱрерінҷе чыылығ протоколы, 1941 чылның хосхар айының 29-ҷы кӱні

  • Хатап ыырҷы холына кірген іскеркі областьтарда экономика устаанҷа директивалар. («Зелёная папка». 1 № чардых. 2 № издание)

    Хатап ыырҷы холына кірген іскеркі областьтарда экономика устаанҷа директивалар. («Зелёная папка». 1 № чардых. 2 № издание)

  • 1941 чылның хандых айының 6-ҷы кӱніндегі «Политика комиссарларына хайарынаңар директиваларға» хоза пічік

    1941 чылның хандых айының 6-ҷы кӱніндегі «Политика комиссарларына хайарынаңар директиваларға» хоза пічік

Вермахттың Ӧӧркі устааның штабының пастығы генерал-фельдмаршал Вильгельм Кейтель 1941 чылның сілкер айының 13-ҷі кӱнінде сыххан «„Барбаросса“ операция чирінде чааҷы чарғызынаңар паза войсколарның алынҷа полномочиелерінеңер» чахиинаң немецтер холындағы СССР-ның чирінде сині чох террор режимін кирген. Пічік хоостыра гражданскай чоннаң тоғыр хайдағ даа сайбағ иткен вермахттың чааҷылары нандырыға тартылбас полғаннар. Гиммлер СС-тың войсколарына андағох директиваны сығарыбысхан[16].

Нацисттернің устағ-пастаа олох туста Совет Союзының чир-чайаан, производство паза істеніс ис-пайын прай тонап паза анынаң тузаланҷаң планны тиксі саринаң тимнеен. Ол пӧгіннең 1941 чылның кӧрік айының 19-ҷы кӱнінде Гитлернің чахиинаң Герингтің устаанда «Ольденбург» хоных штабы тӧстелген[17].

1941 чылның хандых айында вермахттың пропаганда пӧлии сығарыбысхан 112 № бюллетеньде СССР-ны чаалап  (орыс) (рус. сыххандох, чааның пӧгіннері піди хысхаҷахти искірілген:

Хызыл кізінің тӧбіннерін Кремль диктаторларынаң хада чох идібізерге кирек. Германия чонына тархындағы иң илбек пӧгінні толдырыбызарга кирек, пу пӧгін читіре иділерін тилекей ам даа истер[18].

Наа немец поселениелерінің проекттерінің ӱзӱрии. Ортызында: Генрих Гиммлер паза Рудольф Гесс

Геноцид политиказын толдырары

Амыр хоныхтағы чуртағҷыларның ӧдірізі

Нацисттернің СССР-ның чиріндегі политиказының танығлығ сари сині хоостыра аның алнында полбаан орындағы чонның ӧдірізі полған. «Ӏскеркі чирлер» хоостыра славян паза пасха «киремет» чонын саңай хызырҷаң кӧзідіг пирілген, аны СС-тың айнзацгруппалары, вермахттың соединениелері паза коллаборационистскай формированиелер чуртасха киргеннер. Ӏди, 33 муңҷа еврей Киевте Бабий Ярда 1941 чылның ӱртӱн айында ӧдірт салған, 15 муң азыра амыр хоныхтағы совет чоны «Хысхы хайхазы  (орыс) (рус.» чарғы операциязы тузында Белоруссия-Латвия хырығларында ӱреп парған, 27 муң азыра кізіні нацисттер Ростовтағы Змиёвскай балкада хыр салғаннар. Андағ чӱзерлеп кирек полған[9][19][20][21].

Тастынаң партизаннардаң тоғыр чарғы операциялары сынында удаа «бандитизмнең» тоғыр кӱрезіг сылтаанда амыр хоныхтағы чонның хырылғанына айландырылғаннар. Чирні ӧртеҷең тактика хоостыра, чон чуртапчатхан чирлер ибірілҷең, кӧп чон ӧдірілҷең, инфраструктура пӱкӱлеезінең чох иділҷең. Чонны ат салҷаңнар, ідӧк машина-душегубкаларда алай стационарнай газ камераларында уғарлығ газнаң оохтырҷаңнар, тіріге ӧртеҷеңнер, хысхыда соохха сӱрібісчеңнер, ӧзӧктіріп ӧдірҷеңнер. Андағ политиканың хорғыстығ кӧзідімнерінің пірсі 1943 чылның кӧрік айының 22-ҷі кӱнінде Хатынь аалны 149 чуртағҷызынаң хада чох иткені полыбысхан. Аны СС-тың «Дирлевангер» батальонының составының чарғы отряды паза украин коллаборационисттері идібіскеннер. Чаа тузына муңарлап совет аалы чох иділген[4][19][20].

Толдыразынаң чох итчең системаның ӧӧн чардығы СССР-ның чирінде тӧстелген концентрационнай лагерьлер полғаннар. Хомзыныстығ сабға читкен Львов алтындағы Яновскай  (орыс) (рус. посёлоктағы ӧлім лагерьі, анда 200 муңа теере кізі хырылған, ідӧк Минск геттозынаң тудыстыра парған Тростенец лагерь (Освенцим, Майданек паза Треблинка соонда Европада хырылған чонның саны хоостыра тӧртінҷі лагерьлер комплекзі) полча. Ӏдӧк 85 муң азыра кізі Империяның хорғыс чох поларынҷа ӧӧн устанызы системазының лагерьлерінде паза плендегі чааҷыларға ӱр нимеске иділген, Порховтағы Дулаг-100 осхас, лагерьлерде ӧзӧгіп паза ағырып ӱреен[19][20][22].

Оккупанттарның киректері ӱчӱн СССР-ның гражданскай чонынаң иң тӧбін 13,6 млн кізізі ӱреен[2][3].

  • Немец полицейскай кӧп чонны ӧдірген соонда хазых халған еврей ипчілерні паза палаларны читіре ӧдірче

    Немец полицейскай кӧп чонны ӧдірген соонда хазых халған еврей ипчілерні паза палаларны читіре ӧдірче

  • Немецтерге ӧдірт салған амыр хоныхтағы кізілер

    Немецтерге ӧдірт салған амыр хоныхтағы кізілер

  • Немецтерге моондырт салған совет партизаннары Лугада

    Немецтерге моондырт салған совет партизаннары Лугада

Совет городтарына бомба тӱзіргені

Нацисттернің чирні ӧртеҷең паза совет чонын толдыразынаң чох итчең политиказында уламох кӧзідімніг Сталинградха, Ленинградха, Москваға, Горькийге паза СССР-ның пасха городтарына бомба тӱзіргені полыбысхан. 1942 чылның орғах айының 23-ҷі кӱнінде ле Сталинградха 1000-ҷа бомба тӱзірілген, анзы онарлап амыр хоныхтағы чонның ӧліміне, чурт чыындызының 90 азыра процентінің чох иділгеніне, городтың изелгеніне ағылған. Ленинградтың хурчаа ідӧк сыбыра парчатхан авиация абылазынаң таныхталған: гуманитарнай саайны идібізер пӧгіннең городтың азых-тӱлӱктіг складтарына паза чон чуртапчатхан кварталларға бомба тӱзіріл турған. Кӧптең иділчеткен авиация абылазына совет ПВО системалары тоғырланҷаң, андағ даа полза, олар гражданскай чонның кӧп хырылғанына паза чурт чыындызының, коммуникацияларның, имнег тураларының, промышленнай объекттернің паза культура-тархын памятниктерінің изелгеніне ағылҷаңнар[23][24][25][26].

  • Бомба тӱскен соонда Сталинградтың изел парған кварталлары

    Бомба тӱскен соонда Сталинградтың изел парған кварталлары

  • Бадаевтің складтары люфтваффе кӧп бомба тӱзірген соонда

    Бадаевтің складтары люфтваффе кӧп бомба тӱзірген соонда

  • Горькийдегі Лениннің адынаң заводха бомба тӱзірген соондағы салтарлар. 1941 чылның кічіг хырлас айы

    Горькийдегі Лениннің адынаң заводха бомба тӱзірген соондағы салтарлар. 1941 чылның кічіг хырлас айы

Ленинградтың хурчаа

СССР-ның чирінде нацисттер иткен иң улуғ чабал кирек Ленинградтың хурчаа  (орыс) (рус. полған, ол 1941 чылның ӱртӱн айының 8-ҷі кӱнінең сығара 1944 чылның кӱрген айының 27-ҷі кӱніне теере узарадылған[lower-alpha 2]. Хурчағда 1,093 азыра млн кізі хыйал кӧрген. 2022 чылда Санкт-Петербургтың чарғызы ол киректерні геноцид акты чіли чарат салған[27][28].

  • Ленинградтың чуртағҷылары бомбанаң изел парған тураларын артысчалар, 1942 чылның улуғ хырлас айының 10-ҷы кӱні

    Ленинградтың чуртағҷылары бомбанаң изел парған тураларын артысчалар, 1942 чылның улуғ хырлас айының 10-ҷы кӱні

  • 58 № олған садының воспитательі И. К. Лирц палаларнаң хада бомбоубежищеде, Ленинград, 1942 чыл

    58 № олған садының воспитательі И. К. Лирц палаларнаң хада бомбоубежищеде, Ленинград, 1942 чыл

Чонға сыдаҷаа чох оңдайлар иткені

Кӱннің сай иділчеткен террор

Оккупанттар СССР-ның холға кирген чирлерінде, алынҷа чахығларнаң хозылған Германияның законнарын тарадып, прай совет законнарын хыйа идібіскеннер. Орындағы чонны чарғылаҷаң ондайлар аразында иң кӧп ӧдіріс полған, аны оох-теек киректер ӱчӱн дее итчеңнер: комендант тузын сайбаан ӱчӱн, совет листовкаларын чыған ӱчӱн, вермахттың солдаттарына кӧріл парған чирдең суғ алған ӱчӱн, чолларны кірлеен ӱчӱн паза пасхазы. Прай пасха сайбағлар ӱчӱн совет чоны концлагерьге кір парар даа полған. Чіглендірткен кізінің пырозын киречілирге кирек тее полбаан: ӧнетін чарғылар чігленіс хоостыра даа приговор идібісчеңнер[6][29].

Чонның чуртазында кӧп ниме чарадылбаҷаң, оларны хыйыстырарға аар полҷаң. Пастырбаан ӱчӱн хазыр хатығлаҷаңнар. Пыролығ кізіні таап полбаза, оккупанттар заложниктерні ат салҷаңнар. Немец чааҷылар паза оларның союзниктері сылтағ даа чох амыр хоныхтағы чонны алчаасха ӧдір салҷаңнар. Нацисттер палаларны адайларнаң сӱргенін, чоон чӧрчеткен ипчілерні паза ыңаҷахтарны ӧдіргенін, ипчілерні сох салып, оларға кӱл салғанын, кинектерні паза улуғ частығларны ирееленін кӧргеннернің илееде сағыстары халған[6][30].

1941 чылның от айының 17-ҷі кӱнінде вермахттың устаа чааҷыларға кӧңнілеріне кірген прай нимені амыр хоныхтағы чоннаң кӱснең аларға чаратчатхан паза ол нимені идерге дее хығырчатхан чахығны сығарыбысхан. Ис-пайның ээлерінің тоғырланызын хазыр чабыра пазарға чарадылған. Вермахттың частьтары, чон чуртапчатхан чирлерні чаалап сыхсох, чонны ат салҷаңнар, мародёрлар паза оғырлар хайын сыхҷаңнар. Ӏдӧк аарлығ культура ис-пайы сығарылҷаң[6][31].

Нацист оккупациязы тузында Донбасс чиріндегі Мариновка аалдағы немец комендантының искірии

Халыхтығ ӧзӧгіске ағылғаны

Хайдағ даа городты холға алып, гитлеровецтер сах андох складтарның паза садығ тураларының азых-тӱлӱк реквизициязын иртірҷеңнер. Чуртағчылар ас-тамах ал полбин сыхханнар. Аның орнына чиис ӱлестірілҷең: улуғ нимес халас пайы предприятиелерде алай оккупанттарның устағ-пастағ аппарадында тоғынған улусха пирілҷең[32][33].

Карточкаларнаң ӱлеҷең халасты нацисттернің азых-тӱлук министерствозы чарат салған рецептінҷе итчеңнер: 50 % арыс шрот (комбикормның чардығы), 20 % свекланың артхан-халғаны (сахар свеклазының халғаны), 20 % целлюлоза уны, 10 % тартылған сызыр алай пӱр. Сурогатты чеен палалар, улуғ частығлар паза ағырығлар пурнада ӱреп парҷаңнар[34].

Аалдағы чуртағҷыларның пос хоныхтарына ахчалығ алай чииснең алчаң налог салылҷаң. Тамахнаң ӱӱчіктегі ас-тамахты оккупация устағ-пастаана уғаа ниик паазынаң садары кӧріл парған[14]. «Саботаж» ӱчӱн ат салҷаңнар. Чоон мӱӱстіг малны чазырып соғыбысханы чон алнында моондырарынаң хорғыстығ полған[35].

Халыхтығ ӧзӧгіс ӱчӱн аймах-пасха ағырығлар тарадылҷаң, ол санда чуғынҷах ағырығлар, оларның ӱчӱн кӧп кізі ӱреп парҷаң[29].

  • Плендегі совет чааҷылары Маутхаузен концлагерьде

    Плендегі совет чааҷылары Маутхаузен концлагерьде

  • Дистрофиянаң ағырчатхан хурчағдағы кізі

    Дистрофиянаң ағырчатхан хурчағдағы кізі

Чонны тоғындыртханы

1941 чылның орғах айының 5-ҷі кӱнінде іскеркі чирлернің министрі Альфред Розенберг холға кирген чирлердегі чуртағчыларға айда хайди даа 22 кӱн істенерге кирек полчатханынаңар чахығны сығарыбысхан. Кӱстең иттірчеткен аар тоғысха 14 частығдаң пасти 65 часха чит парған орындағы чуртағчыларны тартчаңнар. Городтарда істеніс биржалары азылғаннар, олар тоғын полар прай кізілерні хатығ учётта тутханнар. Биржаа турбааны саботажха саналҷаң, аның ӱчӱн ӧлімге чарғылабысчаңнар[36].

Тоғыс кӱнінің узуны 14—18 час полҷаң, тоғысты тӧреміл немец устағ-пастаа паза орындағы полицейскай-коллаборационисттер сыныхтаҷаңнар. Тоғысчыларның ӧӧн хатығлазы чиис чох халары алай ӧлімге чарғылатханы полған[36][37].

СССР-ның кізілерін тоғысха Германиязар сӱргені

Нацисттернің «іскеркі чирлерін» колониялар итчең оңдайларның пірсі амыр хоныхтағы чонны тоғысха Германиязар сӱрері полған, анда пазығдағы совет тоғысчыларын СССР-ның ыырҷы холындағы чирлерде хорыхтырҷаң паза иреелеҷең ондайлар тузаланылҷаң. 1942—1944 чылларда 5,2 млн азыра совет кізізін кӱснең сӱр парыбысханнар. Оларға хазых халҷаң паза тоғыста тузалығ поларға читкіҷе ле ниме пирілҷең, анзы кӧп ӧлімге ағылған[36][38].

  • Амыр хоныхтағы совет чонын нацист Германиязынзар сӱргені

    Амыр хоныхтағы совет чонын нацист Германиязынзар сӱргені

  • Лодзь алтындағы лагерьдең позыдылған «OST» нашивкалығ остарбайтер хыс

    Лодзь алтындағы лагерьдең позыдылған «OST» нашивкалығ остарбайтер хыс

Сӱрігдегі совет чааҷыларының кирее

Геноцид политиказының кӧзідігліг кӧзідімнерінің пірсі нациттернің сӱрігдегі совет чааҷыларына хайғаны полыбысхан. Тоғысчы-Кресеннернің Хызыл Армиязының чааҷыларын паза офицерлерін лагерьзер апарчатхан тустох, суғнаң чиисті пирбин, кӱс чох халып, анаң андар пар полбинчатханнардаң тоғыр тирігнең тузаланып, кӧп чонны ӧдір салҷаңнар[39].

Лагерьлерде сӱрігдегі совет чааҷыларының ӧлімінің ӧӧн сылтаа ӧзӧгіс паза анынаң хости парчатхан ағырығлар полғаннар. Аннаң пасха, пиктегдегі кізілерні удаа лагерьнің устағ-пастаа иреелеҷең[39][40].

Сӱрігдегі совет чааҷыларының тиксі саны хоостыра наука ӱзӱріглері ам даа парчалар, удаа оларның саны 4,5—5,75 млн кізее паалалча. Ӏстезігҷілернің кӧрізінең, пленге кіргеннернің аразында иң тӧбін чарымы лагерьлерде алай чол пара ӱреп парған[2][41][42].

  • Немецтернің сӱрігдегі совет чааҷыларын апарчатханы, 1941 чыл

    Немецтернің сӱрігдегі совет чааҷыларын апарчатханы, 1941 чыл

  • Немец хазна архивінең сом. Сӱрігдегі совет чааҷылары лагерьде, 1942 чылның орғах айы

    Немец хазна архивінең сом. Сӱрігдегі совет чааҷылары лагерьде, 1942 чылның орғах айы

  • Демблиндегі концлагерьде сӱрігдегі совет чааҷыларының харындас сӧӧк оймағы

    Демблиндегі концлагерьде сӱрігдегі совет чааҷыларының харындас сӧӧк оймағы

Геноцидті толдырғаннар

Совет чонының геноцид политиказының ӧӧн толдырығҷылары хорғыс чох поларынҷа полицияның айнзацгруппалары паза хорғыс чох поларынҷа службалар  (орыс) (рус. полғаннар. СССР-ның чирінде прай тӧрт айнзацгруппа (A, B, C и D) тӧстелген, оларның полғаны ла зондеркомандаларға паза айнзацкомандаларға чарылған, олар ыырҷы холының хайзы регионнарында хайынғаннар. Группаларның кізілеріне СД тоғынҷылары, гестапо, криминальнай полиция, СС войсколарының офицерлері паза полиция школаларының тоғынҷылары кіргеннер. Айнзацгруппаларны палғалыстырғаннар Гиммлер позы турғысхан СС-тың паза полицияның пӧзік фюрерлері: СС-тың группенфюрері Ганс-Адольф Прютцман (алтынзарых), СС-тың обергруппенфюрері Эрих Бах-Целевски (кін) паза СС-тың обергруппенфюрері Фридрих Еккельн (ӱстӱнзарых). Вермахттың саринаң палғалыстырчатхан звено удаа тыл службалары паза Абвер офицерлері полғаннар[9][43][44][45].

Немец чааҷылары партизаннарны ӧдірчеткенін сомға суурчалар, 1941 чыл

Олох туста амыр хоныхтағы совет чонынаң тоғыр сайбағларда СС-тың паза полызығ полициязының чааҷылары ла нимес, ідӧк вермахттың олаңай солдаттары паза офицерлері, оккупация устағ-пастааның ӱлгӱ кізілері араласханнар. Геноцидтің кӧп акттарында ідӧк нацист Германиязына союзник хазналарының чааҷылары араласханнар: Румыния Королевствоның, венгер паза итальян армиялары паза жандармериялары, ідӧк совет чоны аразынаң полысчылар[9][44][45][46][47].

Мизочедегі геттодаң Хуба чалаас еврей ипчілер паза олғаннар ӧдіртерге теесте турчалар, аны немец Хорғыс чох поларынҷа полицияның (Зипо) паза Хорғыс чох поларынҷа службаның тоғынҷылары Украинаның полызығ полициязының хабазиинаң толдырчалар

Нацист сайбағҷыларын чарғылааны

1942 чылның кічіг хырлас айында Сағыбаан хазна комиссиязы (ЧГК) тӧстелген, ол нацисттер иткен чабал киректердеңер паза олар иткен ӱрегдеңер муңар пічік чыып алған. Ол материалларға тӧстене, СССР-ның Ӧӧркі Чӧбінің Президиумының 1943 чылның хосхар айының 19-ҷы кӱнінде сыххан Чахиинаң, чаа сайбағҷыларынаң паза оларның полысчыларынаң тоғыр азых чарғы процесстері пасталғаннар. Пастағы андағ процесстер Краснодарда, Краснодонда паза Харьковта ирткеннер[9][48][49][50].

Сағыбаан комиссия чыып алған материаллар Нюрнбергтегі процессте  (орыс) (рус. пыроға тартчатхан сариның тӧстее полыбысханнар, ол процесс тузында тилекей халығының чарғызына нацизмнің халыхтығ чаа сайбағларынаңар толдыра пічіктер кӧзіділген[7][8][51].

  • Чарғылатчатхан кізілер пос орындалар. Пастағы ряд, сол саринаң оң саринзар: Герман Геринг, Рудольф Гесс, Иоахим фон Риббентроп, Вильгельм Кейтель; ікінҷі ряд, сол саринаң оң саринзар: Карл Дёниц, Эрих Редер, Бальдур фон Ширах, Фриц Заукель

    Чарғылатчатхан кізілер пос орындалар. Пастағы ряд, сол саринаң оң саринзар: Герман Геринг, Рудольф Гесс, Иоахим фон Риббентроп, Вильгельм Кейтель; ікінҷі ряд, сол саринаң оң саринзар: Карл Дёниц, Эрих Редер, Бальдур фон Ширах, Фриц Заукель

  • Харибнің істіндегі залы: хоных тооза хадарчылар камерадағы чарғылатхан кізілерні хадарғаннар, 1945 чылның кічіг хырлас айының 24-ҷі кӱні

    Харибнің істіндегі залы: хоных тооза хадарчылар камерадағы чарғылатхан кізілерні хадарғаннар, 1945 чылның кічіг хырлас айының 24-ҷі кӱні

  • Чарғылатчатхан кізілер Ригадағы процессте

    Чарғылатчатхан кізілер Ригадағы процессте

Хумартхы

Совет чонының геноцидіне хыйалланғаннарны сағысха кирҷең кӱн

Ӧӧн статья: Совет чонының геноцидіне хыйалланғаннарны сағысха кирҷең кӱн

Чыл сай хосхар айының 19-ҷы кӱнінде, Илбек Адалығ чаа тузында совет чонының геноцидіне хыйалланғаннарны сағысха киріп, Россияда Пірге киректер кӱні иртірілче. Хумартхы мероприятиелер ӱгредіг заведениелерінде, наука паза культура учреждениелерінде иртчелер. 2022 чылда тиксі Россияда чӧрімнерде 6,5 млн азыра кізі араласхан[49][50][52].

2025 чылның улуғ хырлас айының 29-ҷы кӱнінде РФ-ның президенті Владимир Путин хосхар айының 19-ҷы кӱнінде Россияда хумартхы кӱнін — Совет чонының геноцидіне хыйалланғаннарны сағысха кирҷең кӱнні — тӧстирінеңер законда хол салыбысхан[53].

Хумартхы тастар

Халыхтығ ӧдірістер полған Россияның паза Белоруссияның чирлерінде хумартхы комплекстер турғызылчалар (кӧзідімге, Тихвинде ӱреен палаларға хумартхы тас, Песчанай холдағы монумент, «Хатынь» хумартхы комплекс, Хурчағдағы Ленинградтың палаларына хумартхы тастар паза пасха архитектура объекттері).

РФ-ның 21.04.2025 чылда сыххан 74-ФЗ № федеральнай законы хоостыра, «совет чонының геноцидіне хыйалланғаннарның сӧӧктері чатчатхан орыннарны, ідӧк хумартхы тастарны паза совет чонының геноцидіне хыйалланғаннарны хумартхылапчатхан объекттерні хазна хайраллапча»[1].

«Пазындырбаан кізі» скульптура «Хатынь» хумартхы комплекзінде

Геноцидке хыйалланғаннарны хумартхылирға чарыдылған музейлер

2024 чылның кічіг хырлас айында Ленинград облазының устағ-пастаа Зайцевтегі хумартхы комплекзінің чирінде СССР-ның амыр хоныхтағы чуртағҷылары геноцидке хыйалланғанын хумартхылаҷаң музейні тӧстеҷең планынаңар искірген[54].

2026 чылның азығ айының 20-ҷі кӱнінде Москваның правительствозында столицада Россияда Илбек Адалығ чаа тузында нацисттернің чабал киректерінең хайылланғаннарның хумартхызына чарыдылған пастағы национальнай музей азылар тір искіргеннер[55].

Совет чонының геноцидіне хыйалланғаннарны сағысха кирерін закон саринаң арачылиры

Россияда Илбек Адалығ чаа тузында нацисттер совет чонының геноцидін итпеен тіп алай аны чаратчатхан ӱчӱн, ідӧк геноцидке хыйалланғаннарның хумартхызын сӧклеен ӱчӱн уголовнай нандырығ тоғынча[56][57].

Алған орын

Чарыдығлар

  1. ↑ Эстонцев и латышей, например, некоторые идеологи нацизма планировали частично "германизировать".
  2. ↑ Несмотря на то, что кольцо окружения было прорвано 18 января 1943 года, полное освобождение города произошло лишь год спустя. Общая продолжительность осады составила 872 дня.

Источниктер

  1. ↑ 1 2 Федеральный закон от 21.04.2025 № 74-ФЗ ∙ Официальное опубликование правовых актов. publication.pravo.gov.ru. Дата обращения: 24 Хосхар айы 2026.
  2. ↑ 1 2 3 Россия и СССР в войнах ХХ века. Книга потерь / Г. Ф. Кривошеев, В. М. Андроников, П. Д. Буриков и др.. — М., 2010. — С. 219—235.
  3. ↑ 1 2 Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 299.
  4. ↑ 1 2 Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. — 2025. — № 1. — С. 69—75.
  5. ↑ Ковалёв Б. Н. Повседневная жизнь населения России в период нацистской оккупации. — М., 2011. — С. 11.
  6. ↑ 1 2 3 4 5 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941—1945 гг.: Сборник документов в двух частях. — М.: Фонд «Связь Эпох», 2020.
  7. ↑ 1 2 Полторак А. И. Нюрнбергский эпилог. — М.: Воениздат, 1969.
  8. ↑ 1 2 Савенков А. Н. Нюрнберг: приговор во имя мира. — М.: Проспект, 2021.
  9. ↑ 1 2 3 4 5 Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 35—45.
  10. ↑ Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 7—34.
  11. ↑ Яковлев Е. Н. Война на уничтожение. Третий рейх и геноцид советского народа. — СПб., 2026. — С. 192.
  12. ↑ Нюрнбергский процесс. Сборник материалов. Документ NO-5001 (PS-1919).
  13. ↑ 1 2 Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 7—34.
  14. ↑ 1 2 Баринов И. Аграрная политика нацистской Германии, 2013, с. 288.
  15. ↑ Нацизм. Документальные свидетельства преступлений, 2023, Предисловие.
  16. ↑ Яковлев Е. Н. Война на уничтожение, 2024, с. 404.
  17. ↑ Яковлев Е. Н. Война на уничтожение, 2024, с. 203—204.
  18. ↑ Цит. по: Ветте В. Война на уничтожение: Вермахт и Холокост // Новая и новейшая история. — 1999. — № 3.
  19. ↑ 1 2 3 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 1. — М.: Фонд «Связь Эпох», 2020. — С. 123—596.
  20. ↑ 1 2 3 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 2. — М.: Фонд «Связь Эпох», 2020. — С. 9—370.
  21. ↑ Аристов С. В. Система нацистских концентрационных лагерей, 2019, с. 9, 30.
  22. ↑ Аристов С. В. TERRA INCOGNITA: система нацистских концлагерей на оккупированной территории СССР (1941—1944 гг.). — М., 2022.
  23. ↑ Фёдоров А. Г. Авиация в битве под Москвой. — М.: Наука, 1975.
  24. ↑ Дёгтев Д. М. Воздушная битва за Сталинград: операции люфтваффе по поддержке армии Паулюса, 1942—1943. — М.: Центрполиграф, 2021.
  25. ↑ Дёгтев Д. М. Воздушная битва за город на Неве защитники Ленинграда против асов люфтваффе, 1941—1944, к 70-летию снятия блокады. — М.: Центрполиграф, 2014.
  26. ↑ Лашков А. Ю. Противовоздушная оборона Горьковского промышленного района в годы Великой Отечественной войны // Военно-исторический журнал. — 2023. — № 5. — С. 4—15.
  27. ↑ Белозёров Б. П. Ленинград сражающийся. — СПб.: Знание, 2016—2019. — Т. 1—4.
  28. ↑ Суд Петербурга признал блокаду Ленинграда геноцидом, РБК. Дата обращения: 24 Хосхар айы 2026.
  29. ↑ 1 2 Яковлев Е. Н. Война на уничтожение. Третий рейх и геноцид советского народа. — СПб., 2026.
  30. ↑ Яковлев Е. Н. Война на уничтожение, 2024, с. 414—415.
  31. ↑ Попов А. Ю. Новый экономический порядок на оккупированной советской территории в годы Великой Отечественной войны. Федеральная Служба Безопасности. Дата обращения: 24 Хосхар айы 2026.
  32. ↑ Кикнадзе В. Г. и др. Геноцид народов России, 2024, с. 438—439.
  33. ↑ Яковлев Е. Н. Война на уничтожение, 2024, с. 263—264.
  34. ↑ Яковлев Е. Н. Война на уничтожение, 2024, с. 265.
  35. ↑ Баринов И. Аграрная политика нацистской Германии, 2013, с. 289.
  36. ↑ 1 2 3 Принудительный труд 1939—1945. Опыт международного проекта. — Воронеж, 2020.
  37. ↑ Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 1. — М.: Фонд «Связь Эпох», 2020. — С. 222, 338, 511.
  38. ↑ Полян П. М. Жертвы двух диктатур: Остарбайтеры и военнопленные в Третьем рейхе и их репатриация. — М., 1996.
  39. ↑ 1 2 Штрайт К. "Они нам не товарищи": вермахт и советские военнопленные в 1941—1945 гг. — М., 2009.
  40. ↑ Яковлев Е. Н. Война на уничтожение. Третий рейх и геноцид советского народа. — СПб., 2026. — С. 314—325.
  41. ↑ Судьба военнопленных и депортированных граждан СССР. Материалы Комиссии по реабилитации жертв политических репрессий // Новая и новейшая история. — 1996. — № 2. — С. 91—112.
  42. ↑ Яковлев Е. Н. Война на уничтожение. Третий рейх и геноцид советского народа. — СПб., 2026. — С. 477.
  43. ↑ SS im Einsatz. Eine Dokumentation ϋber die Verbrechen der SS. — Berlin: Deutscher Militärverlag, 1967.
  44. ↑ 1 2 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941—1945 гг. Ч.1. — М.: Фонд «Связь Эпох», 2020. — С. 9—26.
  45. ↑ 1 2 Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. — 2025. — № 1. — С. 66—68.
  46. ↑ Нюрнбергский трибунал развеял миф о "чистом вермахте", заявил историк, РИА Новости (18 Кічіг хырлас айы 2025). Дата обращения: 24 Хосхар айы 2026.
  47. ↑ Мюллер Н. Вермахт и оккупация (1941—1945). О роли вермахта и его руководящих органов в осуществлении оккупационного режима на советской территории. — М.: Воениздат, 1974. — С. 158—275.
  48. ↑ Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 2. — М.: Фонд «Связь Эпох», 2020. — С. 371—431.
  49. ↑ 1 2 День единых действий, Без срока давности (12 Ӱртӱн айы 2022). Дата обращения: 24 Хосхар айы 2026.
  50. ↑ 1 2 День единых действий. russiancip.ru. Дата обращения: 24 Хосхар айы 2026.
  51. ↑ Алиева Л. В. Без срока давности: геноцид мирного населения на оккупированных территориях РСФСР в годы Великой Отечественной войны. — Красноярск, 2021. — С. 144.
  52. ↑ Акция «День единых действий в память о жертвах преступлений против советского народа, совершённых нацистами и их пособниками в годы Великой Отечественной войны» объединила школьников и студентов. Минпросвещения России. Дата обращения: 24 Хосхар айы 2026.
  53. ↑ Путин подписал закон об установлении Дня памяти жертв геноцида советского народа, TACC (29 Улуғ хырлас айы 2025). Дата обращения: 24 Хосхар айы 2026.
  54. ↑ Музей памяти жертв геноцида мирных жителей будет создан в Ленобласти, РИА Новости (25 Кічіг хырлас айы 2024). Дата обращения: 24 Хосхар айы 2026.
  55. ↑ Первый национальный Музей памяти откроется в Москве, Сайт Москвы (20 Азығ айы 2026). Дата обращения: 24 Хосхар айы 2026.
  56. ↑ Путин подписал закон о наказании за отрицание геноцида советского народа. tass.ru (9 Хосхар айы 2026). Дата обращения: 24 Хосхар айы 2026.
  57. ↑ Федеральный закон от 09.04.2026 № 100-ФЗ ∙ Официальное опубликование правовых актов. publication.pravo.gov.ru. Дата обращения: 24 Хосхар айы 2026.

Литература

  • Алиева Л. В. Без срока давности: геноцид мирного населения на оккупированных территориях РСФСР в годы Великой Отечественной войны. Красноярск. 2021.
  • Альтман И. Жертвы ненависти. Холокост в СССР. 1941—1945 гг. М. 2002.
  • Арад И. Катастрофа евреев на оккупированных территориях Советского Союза (1941—1945). Днепропетровск. М.: Центр «Холокост». 2007.
  • Аристов С. В. «Империя смерти». Концлагеря Третьего рейха: самая полная иллюстрированная энциклопедия нацистских концлагерей. М.: Яуза. 2022.
  • Аристов С. В. TERRA INCOGNITA: система нацистских концлагерей на оккупированной территории СССР (1941—1944 гг.). М. 2022.
  • Артамошин С. В. Идейные истоки национал-социализма. Брянск. 2002.
  • Багдасарян В. Э., Реснянский С. И. Геноцид советского народа в германской оккупационной политике: цивилизационный ракурс «войны на уничтожение» // Вестник Российского университета дружбы народов. Серия: История России. 2025. Т. 24. № 2. С. 126—147.
  • Баринов И. И. Направление — Украина: опыт изучения нацистской оккупационной политики, 1941—1944. М. 2014.
  • Безыменский Л. А. Особая папка «Барбаросса». М. 1972.
  • Белозёров Б. П. Ленинград сражающийся. Т. 1—4. СПб.: Знание. 2016—2019.
  • Великая Отечественная без грифа секретности. Книга потерь / под общ. ред. Г. Ф. Кривошеева, А. В. Кирилина. М.: Вече. 2010.
  • Великая Отечественная война 1941—1945 годов (в двенадцати томах). М.: Воениздат. 2011—2015.
  • Великая Победа советского народа: социально-политические и демографические аспекты / отв. ред. С. В. Рязанцев, В. Н. Иванов; ИСПИ ФНИСЦ РАН. М.: Экон-Информ. 2020.
  • Великая Победа (в пятнадцати томах) / под общ. ред. С. Е. Нарышкина, А. В. Торкунова. М.: МГИМО-Университет. 2015.
  • Вержбицкий Ю. Ю. «За все эти чудовищные преступления… преступное гитлеровское правительство, командование германской армии и их сообщники несут всю полноту уголовной и материальной ответственности»: организация расследования нацистских преступлений и наказание военных преступников, виновных в геноциде на оккупированной территории РСФСР в годы Великой Отечественной войны // Военно-исторический журнал, № 5, 2025. С. 82—89.
  • Веригин С. Г. Карелия в годы военных испытаний: политическое и социально-экономическое положение Советской Карелии в период Второй мировой войны 1939—1945 гг. Петрозаводск. 2009.
  • Веригин С. Г. Финская оккупация Карелии в 1941—1944 годах: дискуссии между российскими и финляндскими историками // Учёные записки Петрозаводского государственного университета. 2022. Т. 44. № 6. С. 75—82.
  • Ветте В. Образ врага: расистские элементы в немецкой пропаганде против Советского Союза // Почему Третий рейх проиграл войну. Немецкий взгляд. М. 2021.
  • Галкин А. А. Германский фашизм. М.: Наука. 1989.
  • Данченко Е. Л. Батраки поневоле. Принудительный труд «восточных рабочих» в сельском хозяйстве нацистской Германии (1941—1945). Воронеж: Издательство Воронеж. гос. пед. ун-та. 2012.
  • Дюков А. Р. Операция «Зимнее волшебство». Нацистская истребительная политика и латвийский коллаборационизм. М. 2011.
  • Захарина Е. А. Травматический опыт остарбайтеров и способы его преодоления в советской и постсоветской культуре памяти / Е. А. Захарина, Е. Ф. Кринко // Этнографическое обозрение. 2023. № 1. С. 11—29.
  • Звягинцев А. Г. Главный процесс человечества. М. 2012.
  • Истребительная война на Востоке. Преступления вермахта в СССР. 1941—1944. Доклады. // АИРО — научные доклады и дискуссии. Темы для XXI века. Выпуск 18. М. 2005.
  • История Великой Победы (в трёх томах) М.: МГИМО-Университет. 2020.
  • История Второй мировой войны. 1939—1945 (в двенадцати томах). М.: Воениздат. 1973—1982.
  • История Холокоста и геноцидов. ХХ век: Учебное пособие для вузов / Под ред. И. А. Альтмана. М.: МИК. 2022.
  • Кваша А. Я. Демографические потери СССР во Второй мировой войне // Вестник Московского Университета. Серия «Экономика». 1993. № 4.
  • Кикнадзе В. Г. Политико-стратегическое содержание планов Третьего рейха в отношении СССР // Вопросы истории. 2015. № 6. С. 168—175.
  • Кикнадзе В. Г., Романько О. В., Саенко А. С. Геноцид народов России. Преступления против советского мирного населения и военнопленных в годы Великой Отечественной войны. М. 2024.
  • Киселёва О. А., Никулина Т. В. Гражданское население и оккупационный режим // Отечественная история. 2006. № 4. С. 76—81.
  • Ковалёв Б. Н. Нацистская оккупация и коллаборационизм в России 1941—1944. М. 2004.
  • Крысин М. Ю. Прибалтийский фашизм. История и современность. М.: Вече. 2007.
  • Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. 2025. № 1. С. 64—78.
  • Козлов А. В. Имя ему геноцид. Преступления гитлеровской Германии на территории Белоруссии и России. М.: Вече. 2022.
  • Мюллер Н. Вермахт и оккупация (1941—1945). О роли вермахта и его руководящих органов в осуществлении оккупационного режима на советской территории. М.: Воениздат. 1974.
  • Немецко-фашистский оккупационный режим (1941—1944 гг.). М.: Политиздат. 1965.
  • Полторак. А. И. Нюрнбергский эпилог. М.: Воениздат. 1969.
  • Принудительный труд 1939—1945. Опыт международного проекта. Издательско-полиграфический центр. Воронеж. 2020.
  • Россия и СССР в войнах ХХ века. Книга потерь / Г. Ф. Кривошеев, В. М. Андроников, П. Д. Буриков и др. М.: Вече. 2010.
  • Савенков А. Н. Геноцид советского народа: от истории к праву, без срока давности // Государство и право. 2021. № 9. С. 7—30.
  • Савенков А. Н. Нюрнберг: приговор во имя мира. М.: Проспект. 2021.
  • Советские военнопленные во время Второй мировой войны на польских землях / науч. ред. Я. Войтковяк. СПб.: Алетейя. 2018.
  • Солонарь В. А. Очищение нации. Насильственные перемещения населения и этнические чистки в Румынии в период диктатуры Иона Антонеску (1940—1944). СПб. 2020.
  • Холокост на территории СССР. Энциклопедия. М. 2011.
  • Чумаков Г. В. Финские концентрационные лагеря для гражданского населения Петрозаводска в 1941—1944 гг. // Вопросы истории Европейского Севера (Народ и власть: проблемы взаимоотношений, 80-е гг. XVIII—XX в.). Петрозаводск. 2005. С. 142—151.
  • Шевяков А. А. Гитлеровский геноцид на территориях СССР // Социологические исследования. 1991. № 12. С. 3—11.
  • Штрайт К. «Они нам не товарищи»: вермахт и советские военнопленные в 1941—1945 гг. М. 2009.
  • Яковлев Е. Н., Дюков А. Р., Симиндей В. В. Нацизм на оккупированных территориях Советского Союза. СПб. 2024.
  • Barber J., Harrison M. Patriotic War, 1941—1945 // The Cambridge History of Russia. Vol. 3. Cambridge: Cambridge University Press. 2006. P. 217—242.
  • Borejsza J. W. A Ridiculous Hundred Million Slavs: Concerning Adolf Hitler’s World-View. Warsaw. 2017.
  • Connelly J. Nazis and Slavs: From Racial Theory to Racist Practice // Central European History. 1999. Vol. 32, № 1. P. 1—33.
  • Harrisville D. A. The Virtuous Wehrmacht: Crafting the Myth of the German Soldier on the Eastern Front, 1941—1944. Cornell University Press. 2021.
  • Heer Н., Streit С. Vernichtungskrieg im Osten. Judenmord, Kriegsgefangene und Hungerpolitik. Hamburg. 2020
  • Kaul С. F. Nazimordaktion, T. 4. Ein Bericht uber die erste industrimabig durchfuhrte Mordaktion des Naziregimes. Berlin. 1973.
  • Kay A. J. Empire of Destruction: A History of Nazi Mass Killing. Yale University Press. 2021.
  • SS im Einsatz. Eine Dokumentation ϋber die Verbrechen der SS. Berlin: Deutscher Militärverlag. 1967.
  • The Oxford History of the Third Reich. Oxford University Press. 2023.
Алған орны - https://kjh.ruwiki.ru/w/index.php?title=Совет_чонының_геноциді&oldid=152779