Саннығ салковай

Рувики тiп сайттаң
Саннығ салковай
Digital ruble red logo.svg.png

Саннығ салковай (орыс. Цифровой рубль) — Россия Банкы тоғындырчатхан Ӧӧн Банктың саннығ валютазы (ЦБ РФ), холдағы ахча паза холда тутпас ахча формаларына Россияның национальнай валютазының хоза ӱзінҷі формазы. Россия Банкы саннығ салковайны сан оңдайли сығарар. Сан салковай холдағы ахчаға паза холда тутпас салковайға тӧӧй оңдайларны піріктірче[1].

Тархын

Криптовалюта  (орыс) (рус. тилізі тузында 2017 чылның чарыс айында Россия Федерациязының Правительствозының «криптосалковайны» технология саринаң тимнеҷең чарадығ проекті тимнелген[2].

Банктарның чоннар аразындағы сананыстарынаң, 2020 чылға прай ӧӧн банктарның  (орыс) (рус. 80% азыра пос саннығ валютазын тимнеен[3].

2020 чылның чарыс айында Россия Федерациязының Ӧӧн Банкы саннығ салковай (Ӧӧн Банктың саннығ валютазын, ЦВЦБ) тӧстиріне чарыдылған докладты чарыхха сығарыбысхан[4]. Анда Ӧӧн Банктың саннығ валютазы криптовалюта полбас тіп, аны Россия Банкы ла сығарар тіп, анзы сананыстарны хорғыс чох идеріне ізендіріг полар тіп таныхталған. Саннығ салковайның единицалары пос саннығ кодынаң таныхтал турарлар. Ӧӧн Банктың саннығ валютазы холда тутпас ахчаның паза холдағы ахчаның функцияларын позында піріктірерге кирек — анынаң ырахтаң паза офлайн-кошелёк  (орыс) (рус. пастыра тӧленерге чарир полар: саннығ салковай холдағы паза холдағы нимес ахчаа 1:1 курсча айландырыл турар.

Докладта Ӧӧн Банктың саннығ валютазының айланыста полар 4 модельі кӧзіділген. Анзы кем, хайди паза кемге кошелёк асча паза сананыстар итчеткенінең палғалыстығ. Андадох президенттің пресса хачызы Дмитрий Песков  (орыс) (рус. саннығ салковай 3—7 чыл аразына кирілер тіп паалаан[5].

2021 чылның хосхар айында РФ-ның Ӧӧн Банкы проекттің ол тустағы ит салған тоғызына сан пиріс иткен. Россия Банкы, кошелёк азып, оларны финанс институттарына апарчатхан, анзылары, тізең, кошелёктарны азып, оларны клиенттерге апарчатхан модельні тапхан. 2021 чылның соонзар пазағы чылда саннығ салковайны тоғындыр кӧрер платформаны тӧстирі кӧрілген[6].

2021 чылның хандых айында Ӧӧн Банк 2022 чылның кӱрген айында саннығ салковайны сыныхтағ оңдайынаң тоғындыр кӧрер 12 банкты тапхан: Ак Барс Банк, Альфа-банк, ДОМ.РФ Банк, ВТБ Банк, Газпромбанк, Тинькофф Банк, Промсвязьбанк, Росбанк, Сбербанк, СКБ-банк, СОЮЗ Банк, ТКБ банк[7], 2022 чылның кӱрген айының 19-ҷы кӱнінде сынағ апарыл сыххан[8]. 2022 чылның азығ айының 15-ҷі кӱнінде Россия Банкы паза рынок араласчылары саннығ салковай платформазын сынап сыхханнар, гражданиннер аразында саннығ салковайларны маңнаныстығ ыс кӧргеннер, соонаң платформа хабазиинаң товарлар паза услугалар ӱчӱн тӧлеглер идері кӧріл парған[9].

2022 чылның хосхар айының 21-ҷі кӱнінде РФ-ның Ӧӧн Банкының пазы Эльвира Набиуллина  (орыс) (рус. Хазна Думазында сан пиріс иткен туста хазна істіндегі паза чоннар аразындағы сананыстардағы сынағ операциялары асхынах синде 2023 чылдаң сығара иртірілерлер тіп искірген. Эльвира Набиуллина теен: «Пазағы чылда ағырин-кӧӧлҷе сын экономикада саннығ салковайнаң сынағ сананыстарын иртірербіс. Саннығ салковай сананыстарны ниик арах идерге кирек. Ол чоннар аразындағы сананыстарда тузаланылар тіп санапчабыс»[10].

2023 чылның кӧрік айының 16-ҷы кӱнінде саннығ салковайдаңар закон проекті Хазна Думазының пастағы хығыртиин иртібіскен[11]. 2023 чылның хандых айының 20-ҷі кӱнінде РФ-ның Хазна Думазы закон проектін чарат салған. Аның хоостыра, саннығ валюта чӧптезіг, пос ниме-ноозы, наследование объекті чіли чарадылған[12]. От айының 11-ҷі кӱнінде ікінҷі паза ӱзінҷі хығыртығларда Хазна Думазы саннығ салковайны кирердеңер законны алыбысхан[13].

2023 чылның от айының 24-ҷі кӱнінде Россия Президенті Владимир Путин саннығ салковайны кирерінеңер паза аның платформазын тӧстирінеңер законда хол салыбысхан. Законның ӧӧн положениелері 2023 чылның орғах айының 1-ғы кӱнінде тоғын сыхханнар[14]. Анзы Ӧӧн Банкха саннығ салковайларның сынағ проектін пастабызарға оңдай пирген, анда 13 банктың кӧп нимес клиенттері араласханнар[15].

2023 чылның орғах айының 3-ҷі кӱнінде Россия Банкы саннығ салковайның логотибін чарат салған[16] паза видео сығар салған[17].

2023 чылның орғах айының 15-ҷі кӱнінде саннығ салковай сын операцияларда сыныхтал сыххан[18].

2024 чылның от айының 17-ҷі кӱнінде Владимир Путин саннығ салковайның тузаланызынҷа сынағ проектінде 12 банк, 600 физическай кізі, 11 городтың 22 садығ-сервис предприятиезі араласхан тіп искірген. 2024 чылнын от айының танығларынҷа, саннығ салковайнаң 27 муң перевод иділген паза читі муң азыра хати товарлар паза услугалар ӱчӱн тӧлеглер ирткен. Аның хоостыра Россия президенті саннығ салковайның тузаланыс сфераларын алғыдарға чахығ пирген[19].

2025 чылның кӱрген айының 28-ҷі кӱнінде Россия Банкы Россия Федерациязының Финанстар министерствозынаң паза Казначействонаң хада бюджет процезі хоостыра саннығ салковайны пастағызын на сынап кӧргені искірілген. Саннығ салковайны халыхта тоғындырары 2025 чылның от айының 1-ғы кӱніне кӧрілген, Россия Банкы система тузалығ прай кредит пірігістері ол тусха тимде полар тіп таныхтаан[20].

2025 чылның азығ айының 4-ҷі кӱнінде Россия Банкы мессенджерлерде паза социальнай сетьтерде саннығ салковайдаңар кип-чоохтар тарадылчатханын таныхтаан. Регуляторның танығларынаң андағ искіріглернің ӧӧн пӧгіні — ӱрӱгіске ағыларға паза, саннығ салковайға кіріс кӱснең иділер тіп, ахчаның наа формазына киртісті чох идерге. Ӧӧн Банк ол чоохты хыйа иткен, саннығ салковай холдағы ахчаға паза холда тутпинчатхан средстволарға хоза сығарылар, оларнаң тузаланҷаң чарадығны кізілер постары кӧрерлер тіп таныхтаан[21].

2025 чылның азығ айында Ӧӧн Банк саннығ салковайны 2025 чылның от айының 1-ғы кӱнінде алғым кирерін сала соона артыс салған[22].

2025 чылның хосхар айының 11-ҷі кӱнінде Ӧӧн Банк кӱчӱрлеенінің наа оңдайы пол килгенінеңер сизіндірген: кӱчӱрлер тайма интернет-сайттар тӧстеп, саннығ салковайның чоох полчатхан программазына инвестициялар оңдайынаң кізілернің ахчазын тартчалар[23].

2025 чылның хандых айының 30-ҷы кӱнінде Ӧӧн Банк саннығ салковайның 2023 чылның орғах айының 15-ҷі кӱнінде пасталған сынағларының пастағы салтарын иткен. 2025 чылның сілкер айының халғанҷы кӱннеріне, операторы Ӧӧн Банк полчатхан саннығ салковайның платформазының араласчылары 63 муң азыра хати перевод иткеннер, 13 муңҷа хати товарлар паза услугалар ӱчӱн тӧлееннер, 17 муң азыра смарт-контракт толдырған тіп регуляторның сан пирізінде чоохталча. Платформада физическай паза юридическай кізілернің прай 2500-че кошелегы азылған — 150 азыра городтың 15 банкының клиенттері операциялар идер оңдайлығлар[24].

2025 чылның от айының 15-ҷі кӱнінде РФ-ның Хазна Думазы ӱзінҷі хығыртиинда ағырин-кӧӧлҷе айланысха саннығ салковайны, ідӧк товарларны паза услугаларны тӧлеҷең универсальнай QR-кодты кирерінеңер закон алыбысхан. 2026 чылның ӱртӱн айының 1-ғы кӱнінең сығара банктар клиенттерге операциялар иртерерге оңдай пирерге киректер. Чылда 5 млн салковайдаң тӧбін парыстығ садығҷылар саннығ салковайны албас оңдайлығлар[25]. Наа закон хоостыра, 2026 чылдаң сығара саннығ салковайнаң федеральнай бюджеттің хайдағ даа тӧлеглерінде тузаланарға чарир полар. Ол пенсияа, пособиелерге, стипендияларға паза бюджеттегі тоғынҷыларның чал ахчазына теелче.

Саннығ салковайның логотибі

Саннығ салковайның пастағы логотибін Россия Банкы 2023 чылның орғах айының 3-ҷі кӱнінде ӧнетін видеода сығарыбысхан. Ол салковай танығлығ паза РФ-ның Ӧӧн Банкының логотибіне тӧӧй[17][26][27].

Паалағ

Эксперттернің кӧрізінең, ахчаның закон чох айланызынаң  (орыс) (рус. тоғыр кӱрезиин нииктепчеткені саннығ салковайны артых итче, анзы транзакцияҷа  (орыс) (рус. искіріглер Россия Банкында хайраллаларынаң палғалыстығ, транзакцияларны хайығда тудар ӱчӱн, банк переводтарының полған на банк-звенозына айланарға кирек чох полар[28].

РФ-ның Финанстар министерствозының Пазы Антон Силуанов саннығ салковайны перспективалығ тіп адаан. Аның пигін министр валютаны Ӧӧн Банк сығарчатханынаң чарытхан. Силуановтың кӧрізінең, бюджетке проект ӧтіре кӧрінчеткенінең кирексіністіг полар[29]. «Яков и Партнеры» (McKinsey полған) компанияның эксперттерінің салтары хоостыра, саннығ национальнай валютаны киргенінің тиксі экономика тузазы бизнеске паза банктарға чыл сай 328 млрд салковайға теере тиңнелер, иң пурнада эквайринг операцияларында хызырғаны хоостыра[30].

Критика

«Сбербанк», ахчалар средстволары саннығ салковайға 2—4 триллион салковайға парыбызарын паалап, анзы кредит ставкаларының ӧзізіне ағылар тіп, докладты хомайлаан. Ол туста банктарның чарымызыҷа саннығ салковай тузазы чох тіп санаан[31]. Ідӧк валютаның наа формазы кибер саринаң чуға тіп сизіндірген. Аның синін ӧскірер ӱчӱн, банктың устағ кнезінің орынҷызы Станислав Кузнецовтың чооғынаң, чапсых система тӧстирге кирек, хайзының паазы 20-25 млрд салковайға чидер[32].

«Сколково-РЭШ» кінінде чахсы саринаң пасха, саннығ салковай кирілзе, Ӧӧн Банк финанс услугаларының рыногына кирілер тіп таныхтааннар. Анзы пос алынҷа статус чох халарға паза регулятор функциязын апарчатханына киртісті чідіреріне ағыларға айабас[33].

Макроэкономика анализі паза хысха тустығ прогноз итчеткен кіннің эксперттері саннығ салковай банктарның ликвиднозын чох идеріне хорғыс ағылчатханын таныхтааннар. 2024 чылның соонзар физическай паза юридическай кізілернің счеттарынаң 9 трлн салковайдаң асхынах нимес парыбызар тіп хорғыс парын чоохтааннар[33].

Саннығ салковайны кирерінҷе хорғыс

Ӧӧн Банк саннығ валютаны кирері мындағ хорғыстарнаң палғалыстығ: РФ-ның финанс системазының монополизациязы; кізілерге, пірігістерге паза хазна, муниципальнай учреждениелерге ахча айланызы сурығда лимит турғысчаң харазығлар, ідӧк ахчаның чығҷаң оңдайын чідірері. Саннығ салковайны кирерінің хорғыстарының пірсі иртіре регулированиезі полча тіп кӧріс пар[34].

Алған орын

  1. ↑ Цифровой рубль | Банк России. cbr.ru. Дата обращения: 15 Орғах айы 2025.
  2. ↑ Федор Наумов. Цифровой суверенитет. Зачем правительству понадобился крипторубль. Форбс.ру (3 Кічіг хырлас айы 2017). Дата обращения: 15 Орғах айы 2025.
  3. ↑ Кисаров И. В. О переходе к цифровому рублю // Вестник Тверского государственного университета.Серия: Экономика и управление. — 2021. — № 1 (53). — С. 198—208.
  4. ↑ Доклад ЦБ РФ от 13 октября 2020. cbr.ru. Дата обращения: 15 Орғах айы 2025.
  5. ↑ Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере «цифрового рубля» // Вестник Российского нового университета. Серия: Человек и общество.. — 2021. — № 1. — С. 51—60.
  6. ↑ ЦБ наполнит кошельки цифровыми рублями. Коммерсантъ (8 Хосхар айы 2021). Дата обращения: 15 Орғах айы 2025.
  7. ↑ ЦБ выбрал 12 банков для тестирования цифрового рубля. Forbes (29 Хандых айы 2021). Дата обращения: 15 Орғах айы 2025.
  8. ↑ Некоторые российские банки уже тестируют платежи между физлицами с цифровым рублём. ТАСС (19 Кӱрген айы 2022). Дата обращения: 15 Орғах айы 2025.
  9. ↑ Цифровой рубль: старт тестирования | Банк России. cbr.ru (15 Азығ айы 2022). Дата обращения: 15 Орғах айы 2025.
  10. ↑ С 2023 года в России планируют начать расчёты в цифровых рублях. ИА REGNUM (21 Хосхар айы 2022). Дата обращения: 15 Орғах айы 2025.
  11. ↑ Госдума приняла в первом чтении законопроект о цифровом рубле. РБК (16 Кӧрік айы 2023). Дата обращения: 15 Орғах айы 2025.
  12. ↑ Анастасия Кузмичева. Госдума одобрила законопроект о наследовании цифрового рубля. РБК (21 Хандых айы 2023). Дата обращения: 15 Орғах айы 2025.
  13. ↑ Госдума приняла закон о внедрении цифрового рубля. ТАСС (11 От айы 2023). Дата обращения: 15 Орғах айы 2025.
  14. ↑ Путин подписал закон о внедрении цифрового рубля. ТАСС (24 От айы 2023). Дата обращения: 15 Орғах айы 2025.
  15. ↑ ЦБ РФ начнет пилот с реальными цифровыми рублями после появления законодательной базы. Interfax (22 Кӧрік айы 2023). Дата обращения: 15 Орғах айы 2025.
  16. ↑ ЦБ утвердил логотип цифрового рубля. ТАСС (3 Орғах айы 2023). Дата обращения: 15 Орғах айы 2025.
  17. ↑ 1 2 Банк России. У цифрового рубля появился логотип. rutube.ru (3 Орғах айы 2023). Дата обращения: 15 Орғах айы 2025.
  18. ↑ ЦБ РФ: о появлении цифрового рубля не знают более 30% опрошенных россиян. Эксперт (журнал) (19 Хандых айы 2024). Дата обращения: 15 Орғах айы 2025.
  19. ↑ Путин поручил перейти к широкому внедрению цифрового рубля. РИА "Новости" (24 От айы 2024). Дата обращения: 15 Орғах айы 2025.
  20. ↑ ЦБ и Минфин провели первые тесты цифрового рубля в бюджетном процессе, РБК. Дата обращения: 15 Орғах айы 2025.
  21. ↑ ЦБ зафиксировал всплеск мифов о цифровом рубле в мессенджерах и соцсетях, РБК. Дата обращения: 15 Орғах айы 2025.
  22. ↑ ЦБ отложил массовое внедрение цифрового рубля, РБК (15 Орғах айы 2025). Дата обращения: 27 Азығ айы 2025.
  23. ↑ ЦБ предупредил о схеме похищения денег через ложные инвестиции в цифровой рубль, Известия (11 Хосхар айы 2025). Дата обращения: 15 Орғах айы 2025.
  24. ↑ Банк России подвел первые итоги пилотирования цифрового рубля, Ведомости (30 Хандых айы 2025). Дата обращения: 15 Орғах айы 2025.
  25. ↑ Госдума утвердила внедрение цифрового рубля, Коммерсантъ (15 От айы 2025). Дата обращения: 15 Орғах айы 2025.
  26. ↑ Фирменный стиль | Банк России. www.cbr.ru. Дата обращения: 15 Орғах айы 2025.
  27. ↑ ЦБ утвердил логотип цифрового рубля. Ведомости (3 Орғах айы 2023). Дата обращения: 15 Орғах айы 2025.
  28. ↑ Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование.. — 2021. — № 25. — С. 77—84.
  29. ↑ Министр финансов России Силуанов назвал создание цифрового рубля перспективным. газета.ru (6 Азығ айы 2023). Дата обращения: 15 Орғах айы 2025.
  30. ↑ Инновационный кошелек. Эксперт (14 Азығ айы 2024). Дата обращения: 15 Орғах айы 2025.
  31. ↑ Что не так с цифровым рублём: Сбер предупредил о рисках новой валюты. Вести.ру (15 Улуғ хырлас айы 2020). Дата обращения: 15 Орғах айы 2025.
  32. ↑ Сбербанк оценил, во сколько обойдётся устойчивость цифрового рубля. РБК (3 Улуғ хырлас айы 2020). Дата обращения: 15 Орғах айы 2025.
  33. ↑ 1 2 «Полный цикл операций». В России испытали цифровой рубль. газета.ru (15 Азығ айы 2022). Дата обращения: 15 Орғах айы 2025.
  34. ↑ Максим Стулов. Четыре главные опасности цифрового рубля, Ведомости (25 Кӧрік айы 2021). Дата обращения: 15 Орғах айы 2025.

Литература

  • Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере «цифрового рубля» // Вестник Российского нового университета. Серия: Человек и общество. № 1, 2021. С. 51—60.
  • Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование. № 25, 2021. С. 77—84.
  • Кисаров И. В. О переходе к цифровому рублю // Вестник Тверского государственного университета. Серия: Экономика и управление. № 1 (53), 2021. С. 198—208.

Ссылкалар

Алған орны - https://kjh.ruwiki.ru/w/index.php?title=Саннығ_салковай&oldid=154132