Россия кӱні

Рувики тiп сайттаң
Россия кӱні
Россия кӱніне чарыдылған Нижний Новгород кремльі ӱстӱндегі ӱлӱкӱн салюды Нижний Новгород, 2015 чылның хандых айының 12-ҷі кӱні.
Россия кӱніне чарыдылған Нижний Новгород кремльі ӱстӱндегі ӱлӱкӱн салюды
Нижний Новгород, 2015 чылның хандых айының 12-ҷі кӱні.
Тип Нация кӱні
Закон хоостыра Россия куні
Пасха 2002 чылның азығ айының 1-ғы кӱніне теере— «Россия Федерациязының Хазна суверенитедінеңер декларациязын алған кӱн»
Тузазы Пу кӱнде 1990 чылда РСФСР-ның Хазна суверенитедінiң декларациязы алылған
Тӧстелген 1992 чылның хандых айының 11-ҷі кӱнінде сыххан
(2981-I № «12 июньдағы ӱлӱкӱннеңер» Россия Федерациязының Ӧӧркі Чӧбінің чарадии хоостыра)
Таныхталчатхан орны  Россия
Кӱні Хандых айының 12-ҷі кӱні
Таныхталчатхан тузы концерттер, патриотизм чӧрімнері, фейерверктер
Кибiрлер Кремльде Хазна премияларын читірері
Логотип РУВИКИ.Медиа Медиафайлы на РУВИКИ.Медиа

Россия кӱні (алнындағы ады — Независимость кӱні, Хазна суверенитедінің декларациязын алған кӱн) — Россияның хазна суверенитедін чарлалғанына чарыдылған Россия Федерациязының хазна ӱлӱкӱні. Чыл сай хандых айының 12-ҷі кӱнінде таныхталча. РФ-ның Ӧӧркі Чӧбінің чарадиинаң, РСФСР-ның Хазна суверенитедінің декларациязына чарыдылып[1], 1992 чылның хандых айының 11-ҷі кӱнінде тӧстелген[2]. Хандых айының 12-ҷі кӱні тоғыс нимес кӱні полча. Чечімеге алай алай позырахха килісчетсе, тынағ кӱні пазағы тоғыс кӱніне чылдырылча.

Тархыны

[тӱзедерге | код тӱзедерге]

1990 чылның хандых айының 12-ҷі кӱнінде РСФСР-ның чон депутаттарының I-ғы чыылиинда РСФСР-ның Хазна суверенитедінің декларациязы  (орыс) (рус. алылған, ол пазағы Ельциннің правительствозының алызығларының тӧстее полған, СССР-ның изелгеніне ағылған сылтағларның пірсі полған[3]. Декларация тархында «Суверенитеттер парады  (орыс) (рус.» тузында чарлалған, андада соон сӱрістіре республикалар Союзтаң сыхчатханнар. Аның хоостыра, президент Борис Ельцин танығлығ кӱнге Независимость кӱні атты тапхан[4]. 1993 чылның хандых айында Россияның чуртағҷыларына айланып, хазна пазы таныхтаан:

Россия позының Независимость кӱні хазна ӱлӱкӱнін удурлапча. Пу ӱлӱкӱн чиит, ӱс чыл мының алнында, Россияның Хазна суверенитедінiң декларациязы алылған соонда чуртазыбысха кирiлген[5].

Волгоградтың чуртағҷылары узуны чӱс метр флагты апарчалар (2023)

1994 чылда Борис Ельцин позының чахиинаң хандых айының 12-ҷі кӱнін РСФСР-ның Хазна суверенитедінiң декларациязын алған кӱн чіли чарлабысхан. Россия кӱні тіп ат 2002 чылда кирілген[6].

Оңарғаны паза контекст

[тӱзедерге | код тӱзедерге]

Ӱлӱкӱннің оңарғаны тархыннаң палғалыстығ полған. Пастап хандых айының 12-ҷі кӱні Суверенитет декларациязынаң пик палғалыс парған, аның хоостыра РСФСР «СССР-даң пос алынҷа сығыбызар праволығ» полыбысхан. Іди пу кӱн тархын палғалызының ӱзілгенін, хазна тилізінің килкім тузын хыйа иткенін таныхтаан тирге чарир[7]. 91 чылдағы киректерні «XX чӱс чылның иң улуғ геополитика саайы» чіли хатап паалап, ӱлӱкӱннің тузазы алыс парған, аның ӧӧн пӧгіні ирткен тусты хыйа итпеске, пӱдіріг оңдайынаң чит килген сурығларны пӧгерге паза алнындағы наа чолларны табарға полыбысхан[8]. 2001 чылның хандых айының 12-ҷі кӱнінде Россия кӱніне чарыдылған чооғында Владимир Путин таныхтаан:

Пу чылларда тобырған прай ниме, пістің опыдыбыс – маңнаныс паза алҷаастар – пір нимені кӧзітче. Хайдағ даа алызығлар андада киректер, хаҷан чонға тоғынчалар. Алызығлар чонға тузалығ полбазалар – сайбал парчалар. Пу нимеде Россия демократиязының ӧӧн урогы, аннаңар піс пӱӱн, Россия кӱнінде, чоохтирға кирекпіс[9].

Владимир Путин паза Борис Ельцин Россия кӱніне чарыдылған пайрамнығ приёмда (2001)

Россия Федерациязы ибіре геополитика сурии тыыпчатхан ӱчӱн, пастап санкция, анаң хазнанаң тоғыр гибрид чаазын пастаан ӱчӱн, Россия кӱні суверенитеттің айландырылғанын, державаның экономика кӱзі нааҷылалчатханын паза арачыланыс оңдайын пиктепчеткенін таныхтапча. Тиксі Россиядағы халых кӧрізін істесчеткен кіннің 2022 чылда апарылған істезии хоостыра, 58 % СССР-ның изелгеніне ачырғанғаннар[10].

Ӱлӱкӱннің кибірлері паза танығлары

[тӱзедерге | код тӱзедерге]

Россия кӱнінде Кремльде кибірли наукада паза технологиялар киреенде, культурада паза искусствода пӧзік чидіглерге читкен улусха пайрамни Россия Федерациязының Хазна сыйыхтары, ідӧк «РФ-ның Істеніс матыры» медальлары читірілче.

Россия кӱніне чарыдылып Анапада чаза тартылған РФ-ның иң улуғ флагы. 12 июньда 2024

Ӱлӱкӱннің тании – Россияның флагы. Таныхтир ӧӧн орны – Хызыл площадь. Тиксі хазнада орамалар флагтарнаң, плакаттарнаң чазалчалар. Фестивальлар, концерттер, кӧзідіглер, спорт марығлары паза патриотизм чӧрімнері иртчелер. Кӧзідімге, 2024 чылда Краснодар крайының Сукко посёлогында Россия кӱніне чарыдып, РФ-ның флагын чаза тартыбысханнар, аның улии 4 муң м² ас парған. Хара талай хыриндағы улуғ чаламаны 1 муң 221 кізі тутхан. Россияның рекордтар киндезінің эксперттері пу киректі пічікке кир салғаннар[11].

Санкт-Петербург. Россия кӱнінде Петровскай фарватер хыринда Россияның флагын кӧдірер чӧрім тузында. Флайбордисттер 12 метр пӧзікке сыхханнар.

12 июньда тойлар удаа иртіріледір. Кӧзідімге, 2024 чылда Россия кӱнінде Москвада 165 пара ирепчі хоных хонған[12]. Хазнаның ӧӧн городында хоных хончатханнарны пічікке кирер пӧгіннең, хоза орыннар азылчалар: Москва суғҷа кічіг круизтернің суғ трамвайларында, метрополитен станцияларында, городтың мының алнындағы саблығ тураларында.

«Маяковская» метро станциязында хоных тӧстеен чиит ирепчі (12 июня 2022)

Тиксі хазнаҷа ӱлӱкӱнге чарыдылған концерттер, спорт, патриотизм чӧрімнері иртчелер; салюттар атылчалар. Хандых айының 12-ҷі кӱні тоғыс нимес кӱні, чечімеге алай позырахха киліс парза, тынағ кӱні тоғыс кӱніне чылдырылча[13].

Нижний Новгородтағы кремльнің ӱстӱнде Россия кӱніне чарыдылған ӱлӱкӱн салюды.
Нижний Новгород, 12 июньда 2015 чылда.

Алған орын

[тӱзедерге | код тӱзедерге]
  1. ↑ Указ Президента РФ О государственном празднике Российской Федерации. https://docs.cntd.ru (2 Хандых айы 1994). Дата обращения: 2 Сілкер айы 2024.
  2. ↑ История празднования Дня России - ТАСС, TACC. Дата обращения: 27 Хосхар айы 2024.
  3. ↑ День России 12 июня: как отмечают, история праздника, РБК Life. Дата обращения: 27 Хосхар айы 2024.
  4. ↑ День принятия Декларации о государственном суверенитете России - День России.
  5. ↑ Обращение Президента Российской Федерации Б.Н.Ельцина к гражданам Российской Федерации накануне праздника - Дня независимости России. https://yeltsin.ru. Дата обращения: 2 Сілкер айы 2024.
  6. ↑ День России в 2024 году: история и традиции праздника. РИА Новости (2 Сілкер айы 2023). Дата обращения: 24 Сілкер айы 2024.
  7. ↑ Декларация о государственном суверенитете Российской Советской Федеративной Социалистической Республики. https://docs.cntd.ru. Дата обращения: 30 Хосхар айы 2024.
  8. ↑ Путин разъяснил свои слова о "геополитической катастрофе" в контексте распада СССР - ТАСС, TACC. Дата обращения: 30 Хосхар айы 2024.
  9. ↑ Выступление на торжественном приеме по случаю Дня принятия Декларации о государственном суверенитете России. http://www.kremlin.ru (12 Хандых айы 2001). Дата обращения: 2 Сілкер айы 2024.
  10. ↑ Ровно тридцать лет и три года, Коммерсантъ (11 Хандых айы 2023). Дата обращения: 2 Сілкер айы 2024.
  11. ↑ На Кубани в День России развернули самый большой триколор страны, TACC. Дата обращения: 4 Хандых айы 2025.
  12. ↑ 165 пар поженились в Москве в День России // Новости НТВ, НТВ. Дата обращения: 4 Хандых айы 2025.
  13. ↑ Праздник и выходные в июне 2025 года: как работаем и отдыхаем \ КонсультантПлюс. www.consultant.ru. Дата обращения: 4 Хандых айы 2025.

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Россия_кӱні&oldid=98796