Россия кӱні

Рувики тiп сайттаң
Presidential-library-icon.svg

Тузаланылған материаллар

Б. Н. Ельциннің адынаң Президент библиотеказынаң алылғаннар

Пу статьяда Б. Н. Ельциннің адынаң Президент библиотеказының чыындызының
материаллары тузаланылча
Россия кӱні
День России.png
Тип Нация кӱні
Закон хоостыра Россия кӱні
Пасха 2002 чылның азығ айының 1-ғы кӱніне теере — «Россия Федерациязының Хазна суверенитедінеңер декларациязы алылған кӱн»
Тузазы РСФСР-ның Хазна суверенитедінеңер декларациязы
Тӧстелген 1992 чылның хандых айының 11-ҷі кӱнінде
(Россия Федерациязының Ӧӧркі Чӧбінің 2981-I № «Хандых айының 12-ҷі кӱніндегі ӱлӱкӱннеңер» чарадии хоостыра)
Таныхталчатхан орны  Россия
Кӱні Хандых айының 12-ҷі кӱні
Таныхталчатханы концерттер, патриотизм чӧрімнері, фейерверктер
Кибiрлер Кремльде Хазна сыйыхтарын паза сыйыхтарны читірері
Логотип РУВИКИ.Медиа Медиафайлы на РУВИКИ.Медиа

Россия кӱні (орыс. День России; алнындағы ады — Хазна суверенитедінеңер декларация алылған кӱн, ідӧк Пос алынҷа полар кӱн) — Россия Федерациязының хазна ӱлӱкӱні, чыл сай хандых айының 12-ҷі кӱнінде таныхталча. РФ-ның Ӧӧркі Чӧбінің чарадиинаң 1992 чылның хандых айының 11-ҷі кӱнінде РСФСР-ның Хазна суверенитедінеңер декларациязы алылғанына чарыдылып тӧстелген. Тоғынминчатхан кӱн полча[1][2].

Тархын

1990 чылның хандых айының 12-ҷі кӱнінде РСФСР-ның чон депутаттарының I чыылиинда РСФСР-ның Хазна суверенитедінеңер декларациязы  (орыс) (рус. алылған. Пічік республиканың Конституциязының паза законнарының Совет Союзының акттарынаң пӧзік полчатханын чарлаан, ідӧк ӱлгӱлерні чарар принципті паза кізілернең халых пірігістеріне тиң праволарны чаратхан[3][4].

Ӱлӱкӱннің тоғынминчатхан кӱн статузы 1992 чылның хандых айының 11-ҷі кӱнінде РФ-ның Ӧӧркі Чӧбінің чарадии хоостыра пиктел парған[1], пастап ӱлӱкӱн Пос алынҷа полар кӱн тіп адалған[5].

1993 чылның хандых айында Россия чуртағҷыларына айланып, Борис Ельцин таныхтаан:

Россия позының хазна ӱлӱкӱнін, Пос алынҷа полар кӱнні, удурлапча. Пу ӱлӱкӱн чиит, ол Россияның Хазна суверенитедінеңер декларациязы алылған соонда чуртазыбысха кирiлген[6]

Президенттің 1994 чылның хандых айының 2-ҷі кӱніндегі чарадиинаң ӱлӱкӱн хазна ӱлӱкӱні тіп чарлалған паза Россия Федерациязының Хазна суверенитедінеңер декларациязы алылған кӱн пол парған[7].

1998 чылда Борис Ельцин телевизионнай айланыста ӱлӱкӱнні «Россия кӱні» тіп адирға чӧп пирген.

Борис Ельциннең Владимир Путин Россия кӱніне чарыдылған пайрамнығ тоғазығда, 2001 чыл

Ӱлӱкӱннің ады 2002 чылда ӱлӱкӱн паза тынағ кӱннері пазыл парған наа Россия Федерациязының Істеніс кодекзі кӱзіне кірерінең пічік хоостыра чарадылған[8].

Оңарғаны паза контекст

Эксперттернің паалағларынаң, ӱлӱкӱнге хайығ пола-пола алысхан. Пастап хандых айының 12-ҷі кӱні РСФСР-ға Совет Союзынаң сығар правоны пиктепчеткен Суверенитеттеңер декларация призмазы пастыра кӧрілген. Ол туста кӱн удаа тархын палғалыстары чуға пол парғаны паза хазна тилізінің алнындағы чардығынаң оортах пол парғаны чіли оңарылған[9]. Пола-пола, СССР-ның изелгенін улуғ геополитика хорылызы чіли хатап паалаанда, ӱлӱкӱннің тузазы алыс парған: акцент ирткен тусты хыйа иткенінең амғы хығыртығларны пӱдіріг оңдайынаң пӧгерге паза алнындағы наа чолларны табарға полыбысхан[10].

2001 чылның хандых айының 12-ҷі кӱнінде Россия президенті Владимир Путин, пайрамнығ тоғазығда чоох тудып, искірген:

Пу чыллар аразына прай кӧрген ниме, пістің прай опыдыбыс — чидіглерібіс паза алҷаастарыбыс — пір нимедеңер чоохтапча. Хайдағ даа алызығлар андада тузалығлар, хаҷан чонға тоғынчалар. Алызығлар чонға тузалығ полбазалар — сайбал парчалар. Россия демократиязының ӧӧн урогы мында полча. Піс пӱӱн, Россия кӱнінде, аннаңар чоохтирға кирекпіс[11].

Тиксі Россиядағы халых сағызын ӱгренҷең кіннің Аналитика кінінің сурастырығ салтарлары хоостыра, Россиядағыларның чарымынаң артии (57 %) Совет Союзы изел парғанына ачырғанча, аннаң ос халарға чарир полған тіп санапча (2026 чылның азығ айының 15-ҷі кӱнінің танығлары хоостыра)[12].

Кибірлер паза мероприятиелер

Ӱлӱкӱннің ӧӧн тании национальнай ӱс ӧң полча, ӱлӱкӱннің ӧӧн мероприятиелері кибірли Москвада Хызыл площадьта  (орыс) (рус. иртчелер. 2001 чылдаң сығара ӱлӱкӱн Москвада паза хазнаның пасха городтарында салюттарнаң хада парча[1].

Россия кӱніне чарыдылған Хызыл площадьтағы концерт, 2025 чылның хандых айының 12-ҷі кӱні

Пу кӱнде Улуғ Кремль ӧргезінің Георгиевскай залында наука паза технологиялар, литература паза искусство киреенде, ідӧк право арачылаҷаң паза полызығлығ тоғыстарда улуғ чидіглер ӱчӱн Россия Федерациязының Хазна сыйыхтарын паза «Істеніс Матыры» медальларны читірер пайрамнығ сыйыхтас иртче[4][13][14].

Владимир Путин Россия кӱнінде Улуғ Кремль ӧргезінде хазна танығларын паза сыйыхтарын читірер кибірде, 2024 чыл

Прай хазнаҷа городтар чирлері хазна флагтарынаң паза тематическай баннерлернең чазалчалар. Фестивальлар, концерттер, кӧзідіг проекттері, спорт марығлары паза гражданско-патриотическай чӧрімнер иртчелер.

2024 чылның улуғ киректерінің пірсі Краснодар крайының Сукко посёлогында ирткен чӧрім полған, анда улии 4 муң квадрат метр ас парған Россия флагының чаламазы чазылған. Хара талай  (орыс) (рус. хазындағы чӧрімде 1221 кізі араласхан. Чидігні Россияның Рекордтар киндезінің эксперттері таныхтааннар[15].

Хандых айының 12-ҷі кӱні наа хоных хонғаннарның аразында сабланча. Іди 2024 чылда Россия кӱнінде Москвада 165 сӧбіре тӧстелген[16].

2007 чылдаң сығара «Россия ӱс ӧңі» чӧрім иртірілче, аның хоостыра волонтёрлар национальнай флаг ӧңніг чаламаларнаң ӱлесчелер[1][4].

  • Нижний Новгородтағы кремльнің ӱстӱнде Россия кӱніне чарыдылған ӱлӱкӱн салюды

    Нижний Новгородтағы кремльнің ӱстӱнде Россия кӱніне чарыдылған ӱлӱкӱн салюды

  • Россия кӱнінде Санкт-Петербургта Петровскай фарватер хыринда Россия флагын кӧдірер чӧрім тузында флайбордисттер 12 метр пӧзікке сыхханнар

    Россия кӱнінде Санкт-Петербургта Петровскай фарватер хыринда Россия флагын кӧдірер чӧрім тузында флайбордисттер 12 метр пӧзікке сыхханнар

  • «Маяковская» метро станциязында наа ла хоных хонған чииттер (2022 чылның хандых айының 12-ҷі кӱні )

    «Маяковская» метро станциязында наа ла хоных хонған чииттер (2022 чылның хандых айының 12-ҷі кӱні )

  • Волгоградтың чуртағҷылары Россияның пір чӱс метр флагын апарчалар (2023)

    Волгоградтың чуртағҷылары Россияның пір чӱс метр флагын апарчалар (2023)

  • Россия кӱніне чарыдылып, Анапа алтында чазылған РФ-ның иң улуғ чаламазы (2024 чылның хандых айының 12-ҷі кӱні)

    Россия кӱніне чарыдылып, Анапа алтында чазылған РФ-ның иң улуғ чаламазы (2024 чылның хандых айының 12-ҷі кӱні)

«Піс — Россия кізілері!» тиксі Россия чӧрімі кибірліг пол парған. Аның хоостыра ӱгредігде, спортта алай халых киреенде чидіглерге читкен 14 частығ ӱгренҷілер пастағы паспорттарын пайрамнығ оңдайда алчалар, ол санда хазнаның пастағы кізілерінің холынаң[1][4].

Алған орын

  1. ↑ 1 2 3 4 5 История празднования Дня России, TACC. Дата обращения: 9 Хандых айы 2026.
  2. ↑ Указ Президента РФ О государственном празднике Российской Федерации. docs.cntd.ru (2 Хандых айы 1994). Дата обращения: 9 Хандых айы 2026.
  3. ↑ 12 июня отмечают День России. Межпарламентская Ассамблея государств — участников СНГ. Дата обращения: 9 Хандых айы 2026.
  4. ↑ 1 2 3 4 День России 2026: когда, какого числа, как празднуют 12 июня, история праздника. РБК Life (28 Сілкер айы 2026). Дата обращения: 9 Хандых айы 2026.
  5. ↑ День принятия Декларации о государственном суверенитете России - День России. ФГБУ «Президентская библиотека имени Б.Н. Ельцина». Дата обращения: 9 Хандых айы 2026.
  6. ↑ Обращение Президента Российской Федерации Б.Н.Ельцина к гражданам Российской Федерации накануне праздника - Дня независимости России. yeltsin.ru. Дата обращения: 9 Хандых айы 2026.
  7. ↑ День России 2026: какого числа, история и традиции. Комсомольская правда. Дата обращения: 9 Хандых айы 2026.
  8. ↑ День России 2026: когда отмечается и что за праздник, РИА Новости (12 Хандых айы 2025). Дата обращения: 9 Хандых айы 2026.
  9. ↑ Декларация о государственном суверенитете Российской Советской Федеративной Социалистической Республики. docs.cntd.ru. Дата обращения: 9 Хандых айы 2026.
  10. ↑ Путин разъяснил свои слова о "геополитической катастрофе" в контексте распада СССР, TACC. Дата обращения: 9 Хандых айы 2026.
  11. ↑ Выступление на торжественном приеме по случаю Дня принятия Декларации о государственном суверенитете России. kremlin.ru (12 Хандых айы 2001). Дата обращения: 9 Хандых айы 2026.
  12. ↑ Опрос показал, сколько россиян сожалеют о распаде СССР, РИА Новости (17 Кӧрік айы 2026). Дата обращения: 9 Хандых айы 2026.
  13. ↑ В День России Владимир Путин вручил медали «Герои труда РФ»: Кого наградил президент, Сайт «Комсомольской правды» (12 Хандых айы 2024). Дата обращения: 9 Хандых айы 2026.
  14. ↑ Путин в День России вручил госпремии и медали Героев Труда. rbc.ru (12 Хандых айы 2023). Дата обращения: 9 Хандых айы 2026.
  15. ↑ На Кубани в День России развернули самый большой триколор страны, TACC. Дата обращения: 9 Хандых айы 2026.
  16. ↑ В День России в Москве поженились 165 пар, Интерфакс Россия (13 Хандых айы 2024). Дата обращения: 9 Хандых айы 2026.

Ссылкалар

Алған орны - https://kjh.ruwiki.ru/w/index.php?title=Россия_кӱні&oldid=155032