Радько, Тимофей Николаевич

Тимофей Николаевич Радько
Тӧреен кӱні	16 чарыс айы 1937({{padleft:1937|4|0}}-{{padleft:10|2|0}}-{{padleft:16|2|0}}) (88 час)
Тӧреен чирі	Чынай[d], Алтай аймағы, Хакас автоном облазы, Хызылчар крайы[d], РСФСР[d], СССР[d]
Тоғыс орны	Москвадағы хазна юридическай университеді[d]
Ӱгредии	Томсктағы хазна университеді[d]
Учёнай степеньі	юридическай наукаларның докторы[d]
Сыйыхтар паза премиялар

Тимофе́й Никола́евич Радько (тӧр. 16 чарыс айы 1937, Чынай^[d], Хызылчар крайы^[d]) — совет паза Россия юризі. Юридическай наукалар докторы (1978), профессор, Россия Федерациязының саблығ юризі, О. Е. Кутафиннің адынаң Москвадағы хазна юридическай университедінің (МГЮА) хазна правозы кафедразының профессоры.

Чуртас чолы

1937 чылның чарыс айының 16-ҷы кӱнінде Хызылчар крайындағы Хакас автоном облазының Алтай аймаандағы Чынай (амғы Хакас Республика) аалда тӧреен. Андох ортымах школаны тоос салған. 1959 чылда хырығҷы войсколарында служба иртібізіп, Томск хазна университедінің юридическай факультедіне ӱгренерге кіріп алған. 1964 чылда ӱгредіг завдениезін тоос салып, Саратовтағы юридическай институттың аспирантуразынзар ӱгренерге кіріп алған. 1967 чылда «Функции социалистического общенародного права» темаҷа кандидат диссертациязын арачылап алған (наука устағҷызы — Б. И. Байтин). СССР-ның Ӏстіндегі киректер министерствозының ӱгредіг заведениелері системазында преподаватель тоғызынаң пастап, МВД-ның ӱгредіг паза наука учреждениелерінің ӧӧн устанызының пастығына читкен. 1978 чылда «Теоретические и методологические проблемы функций социалистического права» темаҷа доктор диссертациязын арачылап алған.

Тимофей Радько істіндегі киректер органнарында чибіргі пис чыл азыра істен салған. Ӏстіндегі службаның отставкадағы генерал-майоры полча. 1993 чылдаң сығара 1996 чылға теере Россияның юстиция министрінің орынҷызы полған. 1996 чылдаң сығара 1999 чылға теере — право сурығларынҷа Хазна Думазының Кнезінің чӧпчізі.

300 азыра наука тоғызының авторы полча, В. В. Лазаревтің паза В. К. Бабаевтің хазна паза право теориязынҷа учебниктерні пасхан авторлар ӧмезіне кірче, 2000 чылда сыххан ӱс томнығ «Актуальные проблемы теории государства и права» академия курзының авторларының пірсі. Москва городтағы Права паза устаныс академиязының ректоры (2003). Хакасиядағы юридическай ӱгредігнің тӧстелгеніне паза тилізіне хозым иткен.

2002 чылда О. Е. Кутафиннің адынаң Москвадағы юридическай университетте (МГЮА) тоғын сыххан, пастап профессор полған, анаң хазна паза право теориязы кафедразынаң устаан, амғы туста — кафедра профессоры. «Государство и право» журналның редакторлар коллегиязының кізізі.

Кибелістер чыындыларының авторы.

Тоғыстар

• «Основные функции социалистического права» (1970);
• «Социальные функции советского права» (1971);
• «Методологические вопросы познания функций права» (1974);
• «Актуальные проблемы права» (2012);
• «Твоих черёмух белый цвет…» (2013)
• «Теория функций права» (2014);
• «Хрестоматия по теории государства и права» (2014);
• «Проблемы теории государства и права» (2016);
• «Теория государства и права» (2018);
• «Теория государства и права в схемах и определениях» (2020);
• «Правовая система России на юридической карте мира» (2021).

Сыйыхтар паза аарластығ аттар

• Россия Федерациязының саблығ юризі, «законностьты пиктирінде туза ағылған паза кӧп чыллар ах сағыснаң істенген ӱчӱн» (1998);
• Россия Федерациязының пӧзік ӱгредиинің аарластығ тоғынҷызы;
• «Ада чир-сууна чахсы киректер иткен ӱчӱн» II синніг орден;
• Анатолий Кони медальы.

Алған орын

Литература

• Энциклопедия Республики Хакасия : [в 2 т.] / Правительство Респ. Хакасия; [науч.-ред. совет.: В. А. Кузьмин (пред.) и др.]. — Красноярск: Поликор, 2008. Т. 2 : [О — Я]. 320 с. : илл. С. 79. ISBN 978-5-91502-008-4 — С. 82.