Мраморка (парк)
| «Мраморка» ӱтертінҷең парк | |
|---|---|
 | |
| Основная информация | |
| Тӧстелген | 2019 чыл |
| Орныхханы | |
| 52°55′22″ с. ш. 91°27′37″ в. д.GЯO | |
| Хазна | |
 | |
Мраморка — Хакасияның Нымырттығ посёлок хыриндағы Россияның иң килкім мрамор хайазының хойнындағы хорғыс ағылчатхан ӱтертінҷең паркы. Аны 2019 чылда промышленность альпинизі Александр Жигалов тӧстеен[1].
Орныхчатханы
Парк Россияның иң улуғ мармор хайазының хойнында, Ағбан городтаң 105 километр оортах, «Саяногорск-Нымырттығ» автомобильлер чолының 22-ҷі километрінде, форель ӧскірҷең «Изербель» питомниктең тоғыр орныхча. Мрамор хайазының пӧзии — 200 метр[2].
Туристтер орны
Парк чыл тооза тоғынча, андар чон ахча тӧлеп кірче. Аалҷыларны паза хорғыс ағылчатхан тынаға хынчатхан кізілерні удурлаҷаң оңдайлар кӧріл парғаннар: парковка пӱдірілген, 100 метр пӧзік чирде Ким суға паза Хан тигір сынына айланых нинҷе-нинҷе кӧріг ачығы тимнелік, альпинизм музейі[3], сувенирлер сатчаң орын тоғынча, сомға суурынҷаң чирлер тимнеліктер, купол оңдайынаң пӱдірілген аалҷыларны удурлаҷаң кін пар[4].
Парктың чирінең таныстырҷаң чорыхтар иртірілчелер, оларның узуны 5 км-ге чит парча. Парктың ӧӧн кӧстее улуғ-кічіглерге хайаларға паза пустарға сығары полча. Іди иң ӧткіннерге хайаларға сыхчаң чорыхтар (Ким суғның синінең 300 м пӧзік чир), орғанда одырҷаң оңдай (чир синінең 70 метр пӧзік орын), «Виа Феррата» тіп хайа чиріне сыхчаң чол (пӧзии 150 м) паза пасха оңдайлар тимнелгеннер. Парк хойнында хайаларға сыхчаң занятиелер иртірілчелер: анда чалғыс кізіні паза группаны ӱгретчелер.
Соох туста паркта пус иділче, ол Хакасиядағы иң килкім сурнахха саналча. Андар хорғыс ағылчатхан спортнаң айғазарға хынчатхан кізілер сығадырлар, пуссар 7 час ас парған палаларға сығарға чарадылча[5].
Парктаң ырах нимес Сойан-Сус ГЭС, саналығ чылҷаң «Гладенькая» паза «Нымырттығ хол» комплекстер орныхчалар[2].
Тархын
Мрамор хайазына 1970 чылларда, Сойан-Сус ГЭС пӱдірілчеткен туста, сых сыхханнар. 2017 чылның хосхар айында пу чирде пастағызын на Хакас Республиканың хайа клазынҷа альпинизмҷе азых марии ирткен[6][2], андада 22 чолҷа 13 ӧме сыңағларны тобырған. 2018 чылдаң сығара мында хайа клазынҷа альпинизмҷе Россия кубогының пастағы чардығын иртірҷең кибірі кирілген[7][8][9].
2019 чылда спортсмен, промышленность альпинизі Александр Жигалов ӧткін тынанарға хынчатхан улусха «Мраморка» паркты асхан: проект хоостыра экскурсия чорыхтары, кӧріг ачыхтары, тынағ орыннары, сомға суурынҷаң чирлер иптелгеннер. 2023 чылда геокупол азылған. Аалҷыларны удурлаҷаң паза соох туста чылытчаң орынның диаметрі 10 метрге тиңнелче, пӧзии 4,5 метрге читче[10].
2022 чылдаң сығара паркта кибірли «Классика тағларда» фестиваль иртіріл сыххан[11][12].
Уғаа чапсых чӧрімнер санына пусха сыхчаң «Фрукт пузы» тіп фестиваль кірче. Анда олаңай кізілер паза профессионаллар араласчалар. 2025 чылда арға-мӧрійде прай хырыхча кізі араласхан[13]
Алған орын
- ↑ Создатель первого в Хакасии экстрим-парка – о спорте, адреналине и особенном отдыхе. Шанс (28 Орғах айы 2020). Дата обращения: 21 От айы 2025.
- ↑ 1 2 3 Парк впечатлений «Мраморка». Хакасия. Земля пяти стихий. Дата обращения: 21 От айы 2025.
- ↑ Музей альпинизма открылся на Мраморке. Юг Сибири (2 Азығ айы 2023). Дата обращения: 21 От айы 2025.
- ↑ Рядом с самой высокой мраморной скалой России появился геокупол. Газета «Хакасия». Дата обращения: 21 От айы 2025.
- ↑ Ледолазание. Сайт «Мраморка». Дата обращения: 21 От айы 2025.
- ↑ В Хакасии прошел Первый Чемпионат республики по альпинизму. climbing.ru. Дата обращения: 21 От айы 2025.
- ↑ 1-ый этап Кубка России по альпинизму в скальном классе и Чемпионат республики Хакасия. Риск. Дата обращения: 21 От айы 2025.
- ↑ Забраться на вершину самой большой мраморной горы России смогли скалолазы в Хакасии. ГТРК "Новосибирск" (21 Хосхар айы 2023). Дата обращения: 21 От айы 2025.
- ↑ В Хакасии альпинисты сразились за Кубок России. Без формата (14 Хосхар айы 2025). Дата обращения: 21 От айы 2025.
- ↑ Парк "Мраморка": какие впечатления ждут зимой? abakan.ru (29 Чарыс айы 2023). Дата обращения: 21 От айы 2025.
- ↑ Чем удивил фестиваль «Классика в горах». Газета «Хакасия» (19 Хандых айы 2022). Дата обращения: 21 От айы 2025.
- ↑ Чемпионат России по альпинизму завершился в Хакасии. Победили красноярцы. Юг Сибири (29 Ӱртӱн айы 2023). Дата обращения: 21 От айы 2025.
- ↑ В Хакасии спортсмены покоряли "Фруктовый лёд". Республиканская Телевизионная Сеть (17 Кӧрік айы 2025). Дата обращения: 21 От айы 2025.
Ссылкалар
- Парк впечатлений «Мраморка». Хакасия. Земля пяти стихий. Дата обращения: 21 От айы 2025.;
- В Хакасии прошел Первый Чемпионат республики по альпинизму. climbing.ru. Дата обращения: 21 От айы 2025..