Майнагашев, Вячеслав Виссарионович
| Вячеслав Виссарионович Майнагашев | |
|---|---|
| Тӧреен кӱні | 4 кічіг хырлас айы 1976 |
| Тӧреен чирi | Хызылчар, РСФСР, СССР |
| Ӱреен чылы | 12 орғах айы 2000 (23 час) |
| Ӱреен чирi | Баренцев талай |
| Хазна |
 Россия |
| Войско кӧрімі | Чаа-талай флоды |
| Служба чыллары | 1994 ― 2000 |
| Сыйыхтар паза премиялар |
 |
Вячеслав Виссарионович Майнагашев (4 ноябрьда 1976 — 12 августта 2000) — Россия Федерациязының Тирігліг кӱстерінің чааҷызы, «Курск» суғ алтындағы кименің корабльның ӧӧн старшиназы. Махачызы ӱчӱн орденнең сыйыхтатхан чааҷы[1].
Чуртас чолы
Вячеслав Майнагашев Хызылчарда тӧреен. Пасталығ класстарда Тастып аймаандағы Индіркі Хурлығас аалдағы школада ӱгренген. 1991 чылда 8 классты Тастыптағы 1 № школада тоозып, Тастыптағы 16 № СПТУ-зар ӱгренерге кірген.
1994 чылда чааҷы службазына Чаа-талай флодынзар тартылған. Чааҷы ӱгредиин Кронштадтта ирткен соонда, Алтынзархы флоттың суғ алтындағы кимелер дивизиязында службазын узаратхан. Суғ алтындағы атом крейсері «Курск» К-141 экипажына кірген. Ыраххы чааҷы чорыхтарында араласхан[1].
2000 чылның 12 орғах айында Алтынзархы флодының Баренцев талайдағы ӱгредіглері тузында суғ алтындағы кименің алнындағы чардығында чара чачырап парған. Прай экипаж ―118 кізі ― тыны ӱзілген[2]. Вячеслав Майнагашевтің сӧӧгі 6-ҷы отсекте табылған.
Сыйыхтар
Чааҷы киреен апарчадып, махачызын кӧзіткен ӱчӱн, Россия Президенті чахиинаң Махачызы ӱчӱн орденнең сыйыхтатхан (ӱреен соонда)[3].
Хумартхызы
Хакас Республикада талайҷы Вячеслав Майнагашевті хумартхызына чарыдылған чӧрімнер иртіріледір[4][5].
26 чылда 2016 чылда, Вячеслав Майнагашевтің хумартхызына чарыдып, Тастыптағы «Урожай» спорт ӧргезінде хумартхы чарды хызылған[6].
2022 чылда Тастыптағы 16 № профессиональнай училищеде «Матыр партазы» турғызылған[7].
2024 чылда Индіркі Хурлығас аалдағы «» Хумартхылас скверінде» хумартхы мемориалы турғызылған[8].
Алған орын
- ↑ 1 2 [Майнагашев Вячеслав Виссарионович// Энциклопедия «Хакасия» (Хакасско-Минусинская котловина) Кто есть кто? – Абакан, 2002. с 417.]
- ↑ Полный список членов экипажа атомной подводной лодки «Курск»
- ↑ Указ Президента РФ от 26.08.2000 N 1578 "О награждении государственными наградами Российской Федерации военнослужащих Вооруженных Сил Российской Федерации и гражданских лиц"
- ↑ 23 года назад на подлодке "Курск" погиб житель Хакасии
- ↑ В Хакасии вспоминают погибшего 21 год назад на подлодке «Курск» Вячеслава Майнагашева
- ↑ Майнагашев Вячеслав Виссарионович
- ↑ Памяти земляка-героя
- ↑ В Хакасии создан Сквер Памяти
Литература
- Энциклопедия Республика Хакасия / Правительство Респ. Хакасия ; [рук. проекта Г. Ю. Семигин ; науч.-ред. совет: В. А. Кузьмин (пред.) и др.]. Т. 1 : [А — Н].— Абакан: Поликор, 2007, 430 с.