Лямкина, Валентина Дмитриевна

Валентина Дмитриевна Лямкина
Валентина Дмитриевна Лямкина
Тӧреен кӱні	11 улуғ хырлас айы 1937
Тӧреен чирі	Хызылчар крайында, Хызылчар крайы, РСФСР, СССР
Ӱреен кӱні	17 орғах айы 2002 (64 час)
Ӱреен чирі	Харатас, Хакасия, Россия
Гражданство	СССР,; Россия
Айғасчатхан кирее	ис сохчаң ус
Сыйыхтар паза премиялар

Валентина Дмитриевна Лямкина (11 улуғ хырлас айы 1937, Хызылчар крайы^[d] — 17 орғах айы 2002, Хакас Республика) — совет текстиль промышленнозында алнында парған кізі, РСФСР-ның Текстиль промышленнозы министерствозының Харатастағы камвольнай паза сикпен пірігізінің ис сохчаң тоғынчызы, Социалистическай Ӏстеніс Матыры (1977).

Чуртас чолы

1937 чылның улуғ хырлас айының 11-ҷі кӱнінде Хызылчар крайындағы Ужур аймааның Учур посёлогында кӧп палалығ орыс тоғысчы сӧбірезінде тӧреен. Пабазы Илбек Адалығ чаада чат халған^[1]^[2].

Сигіс класс тоозып, Канск городсар парыбысхан. Анда фабрика-завод школазын тоос салып, хлопок-чаҷын комбинадында ис сохчаң ус полып тоғын сыххан^[2].

1965 чылда Харатас городсар кӧс парыбысхан, анда 17 № шахтада машинист-хачы полып істен сыххан. 1968 чылда ниик промышленностьтың наа предприятиезі — Харатастағы камвольнай паза сикпен комбинадынзар — тоғысха кірібіскен, нинҷе-де чыл пазынаң ол пір саңай 14 станокнаң тоғынған паза производствода алнында парчатхан кізі полыбысхан. Ӱс чылға даа читпин, тоғызынҷы пис чылға тоғыс планын толдырыбысхан. Аның ӱчӱн ағаа «РСФСР-ның иң чахсы ис сохчаң тоғынчызы» аарластығ ат пирілген. Онынҷы пис чылда 24 станокта тоғынған, уғаа табырах производствоның пӧзік кӧзідімнеріне читкен. Аның пір пис чыл аразына ікі норманы толдырҷаң хығыртиина хазнаның прай предприятиелерінің ис сохчаң устары хозылғаннар^[2]^[3].

СССР-ның Ӧӧркі Чӧбінің Президиумының 1977 чылның сілкер айының 17-ҷі кӱнінде сыххан чахиинаң «1976 чылға планны толдырарында паза халыхха сӧс пиргенінде улуғ чидіглерге читкен ӱчӱн, отрасльда істеністің иң пӧзік синдегі тӱзіміне читкен ӱчӱн, чон тузаланчатхан пӧзік качестволығ ниме-ноо сығарызын ӧскірерінде хозым иткен ӱчӱн, коммунистическай оңдайнаң ӱгреткенінде паза профессияа чиит тоғысчыларны тимнеенінде улуғ чайаачы тоғызы ӱчӱн» Валентина Дмитриевна Лямкинаа Социалистическай Ӏстеніс Матыры (орыс) (рус. аарластығ атнаң хада Ленин ордені паза «Серп и Молот» медаль пирілген.

Валентина Дмитриевна ниик промышленностьта анаң андар тоғызын узуратхан. Чон хонии чидіглерінің кӧзідиинде (орыс) (рус. араласхан, сыйыхха «Москвич» автомобиль алған. Соонаң ӱгредігҷе инструктор полған. Тынаға сых парып, чурт-коммунальнай хоныхта хоза 10 чыл тоғын салған^[2].

СССР-ның Ӧӧркі Чӧбінің 10-ҷы хығыртииның депутады чіли отрасльның паза регионың адынаң сыххан. Хызылчар крайындағы паза Харатас город чӧптерінің депутады полған. 1971 чылдаң сығара — КПСС кізізі. Партияның Хызылчар крайындағы, Хакас облазының паза Харатас город комитеттерінің кізізі полған^[2].

Харатаста чуртаан. 2002 чылның орғах айының 17-ҷі кӱнінде ӱреен^[2].

Сыйыхтар

Ӏстеніс маңнанызы ӱчӱн сыйыхтатхан:

«Серп и Молот» алтын чылтыс (12.05.1977);
ікі Ленин ордені (20.02.1974, 12.05.1977);
Ӏстеніс Хызыл Знамя ордені (орыс) (рус. (05.04.1971);
пасха медальлар;
Харатас городтың аарластығ чуртағҷызы (1986).

Алған орын

↑ Личный фонд Валентины Дмитриевны Лямкиной (рус.). Министерство культуры Республики Хакасия. Дата обращения: 20 Кӱрген айы 2026.
↑ ¹ ² ³ ⁴ ⁵ ⁶ Сергей Кузоватов. Лямкина Валентина Дмитриевна (рус.). «Герои страны» сайт. Дата обращения: 20 Кӱрген айы 2026.
↑ Лямкина Валентина Дмитриевна (1937 — 2002 гг.) - Книга памяти города Черногорска (неопр.) . web.archive.org. Дата обращения: 20 Кӱрген айы 2026.

Литература

Трудовая доблесть Хакасии. — Абакан, 2018.

Ссылкалар

Лямкина Валентина Дмитриевна (рус.). «Герои страны» сайт.

[1] Личный фонд Валентины Дмитриевны Лямкиной (рус.). Министерство культуры Республики Хакасия. Дата обращения: 20 Кӱрген айы 2026.

[вх-2] ¹ ² ³ ⁴ ⁵ ⁶ Сергей Кузоватов. Лямкина Валентина Дмитриевна (рус.). «Герои страны» сайт. Дата обращения: 20 Кӱрген айы 2026.

[3] Лямкина Валентина Дмитриевна (1937 — 2002 гг.) - Книга памяти города Черногорска (неопр.) . web.archive.org. Дата обращения: 20 Кӱрген айы 2026.

[1]

[2]

[3]