Лебедев, Юрий Дмитриевич

Юрий Дмитриевич Лебедев
Юрий Дмитриевич Лебедев
Тӧреен кӱні	24 от айы 1933
Тӧреен чирі	Тастып, Хакас автоном облазы;
Ӱреен кӱні	15 кӧрік айы 2019 (85 час)
Ӱреен чирі	Ағбан, Россия[d];
Хазна	СССР[d]; Россия[d];
Айғасчатхан кирее	стол теннизінҷе тренер

Юрий Дмитриевич Лебедев (24 от айы 1933, Тастып, Хакас автоном облазы — 15 кӧрік айы 2019, Ағбан) — стол теннизінҷе совет паза Россия тренері. РСФСР-ның саблығ тренері. Хакас Республиканың физическай культуразының паза спортының саблығ тоғынчызы. Ағбан городтың аарластығ кізізі^[1]^[2].

Чуртас чолы

1933 чылның от айының 24-ҷі кӱнінде Хызылчар крайындағы Хакас автоном облазының Тастып аалында тӧреен. 1930 чылларның соонзар Лебедевтернің сӧбірезі Ағбанзар кӧс парыбысхан^[2]^[3].

1953 чылда Лебедев Пӧзік ӱгредігліг партия школазын тоос салған (заочнай оңдайнаң)^[1]. Ағбандағы механическай заводтың тыхтағ мастерскойларында электрообмотчиктің ӱгренҷізі полып, істеніс чолын пастаан. Соонаң анда физкультура комитедінең устап сыххан. Заводта тоғынчадып, Лебедев меспектіг хоккейҷе, футболҷа паза волейболҷа спартакиадалар иртірҷең. Аҷазы теннис ойнаҷаң наборны сыйыхха алған соонда, стол теннизіне тартыл сыххан. Пола-пола ойынға заводтың тоғынҷылары сабыл сыхханнар, іди завод клубы тӧстелген^[2].

Тренер паза устағ-пастағ тоғызы

1966 чылда Юрий Лебедев городта стол теннизінҷе пастағы секцияны тӧстеп алған. 1970 чылда аның пастаанаң Ағбанда чон ӱгредиинің город пӧлиине кірчеткен олған спорт школазында стол теннизінҷе пӧлік азылған, занятиелер, тізең, «Торпедо» стадионның чиріндегі наа спорт залынзар кӧзірілгеннер. 1975 чылда аның араласханы хоостыра стол теннизінҷе олған-чииттер школазы азылған. 1989 чылда школа Ағбан городтың стол теннизінҷе Олимп резервінің ӧнетін олған-чииттер школазы (СДЮШОР) синні алған^[1]^[2]. Лебедев СДЮШОР-ның устағҷызы полып 6 чыл тоғынған.

2000 чылда Хакас Республиканың стол теннизінҷе федерациязын тӧстирінде ӧткін араласхан^[4]^[2]. 2005 чылда устағ-пастағ тоғызын артыс салған, че 2010 чылға теере Олимп резервінің піріктірілген олған-чииттер спорт школазында тренер-консультант полып тоғынған^[2].

1976 чылдаң сығара 1987 чылға теере РСФСР-ның чииттернің піріктірілген ӧмелерінің тренері полған^[1]. Тоғынған тус аразына СССР-ның паза Россияның 30 азыра спорт узын тимнеп салған. Аның холында устарын тыытханнар аразында — Россияның паза Европаның чемпионказы, чоннар аразындағы класстығ спорт узы Ирина Запевалова (орыс) (рус.^[1]^[5].

2007 чылдаң сығара Ағбанда Юрий Лебедевтің хумартхызына чарыдылған регионнар аразындағы стол теннизінҷе марығ иртірілче, 2024 чылда арға-мӧрій Россия синін алған^[6]. 2022 чылда тренернің чуртазына паза киреене чарыдылған «Человек. Тренер. Личность» кинде чарыхха сыххан^[1].

2019 чылның кӧрік айынын 15-ҷі кӱнінде Ағбанда ӱреен^[7].

Сӧбіре

Пабазы — Дмитрий Иванович Лебедев (1900—?), юрист, Петербургтағы университетті тоос салған. Тастып райисполкомының кнезі полған, анаң облисполкомда істенген;
Мать — Анастасия Павловна Лебедева, имҷі-эпидемиолог, Омсктағы имҷілер тимнеҷең институтты тоос салған, малярия станциязында тоғынған^[3];
Харындазы — Валерий Дмитриевич Лебедев, стол теннизінҷе тренер;
Хада тӧреен хыс — Тамара Дмитриевна Лебедева, стол теннизінҷе тренер^[2].

Сыйыхтар

РСФСР-ның саблығ тренері (орыс) (рус.^[1];
«Физическай культура паза спорт тилізіне туза иткен ӱчӱн» аарластығ танығ (2003)^[2];
Хакас Республиканың физическай культуразының саблығ тоғынҷызы^[1];
«Хакасияа чахсы киректер ӱчӱн» орден (2008)^[2];
«Россияның Госкомспортына 80 чыл» медаль^[2];
«Россияда стол теннизінің тилізіне туза иткен ӱчӱн» медаль;
Ағбан городтың аарластығ кізізі (2013)^[2].

Алған орын

↑ ¹ ² ³ ⁴ ⁵ ⁶ ⁷ ⁸ Наша история. 90 лет со дня рождения Юрия Лебедева (неопр.) . Федерация настольного тенниса России (24 От айы 2023). Дата обращения: 6 Хосхар айы 2026.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Все жизненные вершины Юрия Лебедева (неопр.) . Администрация города Абакана (17 От айы 2018). Дата обращения: 1 Хосхар айы 2026.
↑ ¹ ² Ветеран спорта республики рассказал о своей жизни (неопр.) . Министерство спорта Республики Хакасия (11 Азығ айы 2015). Дата обращения: 1 Хосхар айы 2026.
↑ Абакан: Почетные граждане (рус.). gorod.abakan.city. Дата обращения: 1 Хосхар айы 2026.
↑ Все жизненные вершины Юрия Лебедева (орыс), БезФормата (17 июля 2018). Дата обращения: 1 Хосхар айы 2026.
↑ Юрий Лебедев: преемственность поколений в спорте (рус.). abakan-news.ru (30 От айы 2025). Дата обращения: 1 Хосхар айы 2026.
↑ Ушел из жизни выдающийся тренер, почетный гражданин города Абакана Юрий Дмитриевич Лебедев (рус.). Хакасия. Республиканское интернет-издание (15 Кӧрік айы 2019). Дата обращения: 6 Хосхар айы 2026.

Литература

Асочаков А. Н. Лебедев Юрий Дмитриевич // Энциклопедия Республики Хакасия. — Т.1. — Абакан, 2007. — С. 340.
Дубровин Александр. Ветеран спорта республики рассказал о своей жизни; Ветеран спорта республики Юрий Лебедев продолжил рассказ о своей жизни // Хакасия. — 2015. — 11, 18 февраля.
Домненко Ирина. Судьба и достижения Юрия Лебедева // Абакан сегодня. — 26.07.2018.
Человек. Тренер. Личность: воспоминания о Ю. Д. Лебедеве / сост. О. Ю. Лебедева. — Абакан, 2022.

Ссылкалар

[oldttfr90-1] ¹ ² ³ ⁴ ⁵ ⁶ ⁷ ⁸ Наша история. 90 лет со дня рождения Юрия Лебедева (неопр.) . Федерация настольного тенниса России (24 От айы 2023). Дата обращения: 6 Хосхар айы 2026.

[mincult85-2] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Все жизненные вершины Юрия Лебедева (неопр.) . Администрация города Абакана (17 От айы 2018). Дата обращения: 1 Хосхар айы 2026.

[gazeta19interview-3] ¹ ² Ветеран спорта республики рассказал о своей жизни (неопр.) . Министерство спорта Республики Хакасия (11 Азығ айы 2015). Дата обращения: 1 Хосхар айы 2026.

[4] Абакан: Почетные граждане (рус.). gorod.abakan.city. Дата обращения: 1 Хосхар айы 2026.

[5] Все жизненные вершины Юрия Лебедева (орыс), БезФормата (17 июля 2018). Дата обращения: 1 Хосхар айы 2026.

[6] Юрий Лебедев: преемственность поколений в спорте (рус.). abakan-news.ru (30 От айы 2025). Дата обращения: 1 Хосхар айы 2026.

[7] Ушел из жизни выдающийся тренер, почетный гражданин города Абакана Юрий Дмитриевич Лебедев (рус.). Хакасия. Республиканское интернет-издание (15 Кӧрік айы 2019). Дата обращения: 6 Хосхар айы 2026.

[1]

[2]

[3]

[4]

[5]

[6]

[7]