Лачина, Светлана

Светлана Лачина
Светлана Лачина
	;
Тӧреен кӱні	22 азығ айы 1991 (35 час)
Тӧреен чирі	Ағбан, РСФСР[d], СССР[d];
Гражданство	Россия[d];
Профессия	оперы ырҷызы
Карьера	2010 — амғы тус

Светла́на Ла́чина (тӧр. 22 азығ айы 1991, Ағбан) — Россиядағы опера ырҷызы, сопрано. Улуғ театрның опера труппазының солизі^[1].

Чуртас чолы

Светлана Лачина 1991 чылның азығ айының 22-ҷі кӱнінде Хакас Республиканың Ағбан городында тӧреен^[1].

Ағбандағы 25 № ортымах школаның экспериментальнай клазын тоос салған. Ӱгретчі Татьяна Погодинаның олған хорында ӱгренген. Улуғ класстарда Марина Штарктың «Каданс» хорында ырлаан. Чайаачы ӧмеге кіріп, ыраххы чорыхтарда араласхан, марығларда пастағы орыннар ал турған, мастер-класстарда араласхан^[2].

Школа соонаң Н. Ф. Катановтың адынаң Хакас хазна университедінің Музыка колледжін тоос салған^[2]. Наталья Кутикованың холында «хор дирижированиезі» специальностьча ӱгренген. Олох туста Хакас Республиканың филармониязында тоғынған^[2]. Сцена спектакльларында паза олғаннарның музыка ойыннарында араласхан. Генри Пёрселлнің (орыс) (рус. «Дидона и Эней» операзында Дидонаның партиязын толдырған^[3].

2013 чылда Ольденбургтағы (орыс) (рус. Oldenburgisches Staatstheater Сергей Рахманиновтың «Алеко» операзында Земфираның партиязынаң пастағызын улуғ сценаа сыххан^[4].

2015 чылда В. С. Поповтың адынаң Хор искусствозының академиязын тоос салған^[1]. Академияның хоры санында Германияда, Австрияда, Грецияда, Францияда, Швейцарияда, Польшада, Италияда паза Россияның пасха городтарында гастрольларда араласхан^[4]

2018 чылдаң сығара Галина Вишневскаяның опера ырлаҷаң кінінде (орыс) (рус. СССР-ның чон артизі Маквала Касрашвилинің клазында ӱгренген^[4].

2019 чылда Светлана Лачина Улуғ театрның опера труппазының стажёры полыбысхан. 2022 чылда аның солизіне алылған^[1].

Мариинскай театр турғысхан Пётр Чайковскийнің «Евгений Онегин» ойынындағы Татьянаның партиязын Улуғ театрның сценазында толдырыбысхан^[1].

2021 чылның азығ айында Пласидо Домингонаң (орыс) (рус. хада Джакомо Пуччининің «Богема» операзындағы Миминің партиязын толдырыбысхан^[4].

Лачина — Новосибирсктегі опера паза балет академия хазна театрының хығыртылған артизі^[5].

Репертуар


Роль	Турғысхан
Чиис пызырҷаң ипчі	Николай Римский-Корсаковтың «Сказка о царе Салтане» операзы
Арығның ікінҷі нимфазы	Антонин Дворжактың «Русалка» операзы
Герда	Сергей Баневичтің «История Кая и Герды» операзы
Марфа	Николай Римский-Корсаковтың «Царская невеста» операзы
Мими	Джакомо Пуччининің «Богема» операзы
Татьяна	Пётр Чайковскийнің «Евгений Онегин»
Донна Анна	Вольфганг Амадей Моцарттың «Дон Жуан» операзы
Графиня Альмавива	Вольфганг Амадей Моцарттың «Свадьба Фигаро» операзы
Тамара	Антон Рубинштейннің «Демон» операзы
Микаэла	Жорж Бизенің «Кармен» операзы
Адриана	Франческо Чилеаның «Адриана Лекуврёр» операзы
Виолетта	Джузеппе Вердинің «Травиата» операзы
Горислава	Михаил Глинканың «Руслан и Людмила» операзы — Мариинскай театрның ойынындағы Тархын сценазындағы пастағы ойыны
Эмма	Модест Мусоргскийнің «Хованщина» операзы
Милитриса хан ипчізі	Николай Римский-Корсаковтың «Сказка о царе Салтане» операзы
Софья	Сергей Прокофьевтің «Семён Котко» операзы
сопрано партиязы	Сергей Рахманиновтың «Колокола» симфония поэмазы
Бригитта	Пётр Чайковскийнің «Иоланта» операзы
Земфира	Сергей Рахманиновтың «Алеко» операзы^[1]

Сыйыхтар

2013 чыл — А. П. Ивановтың адынаң Чоннар аразындағы вокалисттер мариинің II сыйии (Тверь)^[1].

Алған орын

↑ ¹ ² ³ ⁴ ⁵ ⁶ ⁷ Светлана Лачина (неопр.) . Большой театр. Дата обращения: 11 Кӧрік айы 2026.
↑ ¹ ² ³ ФГБОУ ВО «ХГУ им. Н.Ф. Катанова» (англ.). khsu.ru. Дата обращения: 11 Кӧрік айы 2026.
↑ Выпускница хора Каданс из Хакасии будет петь в Большом театре (рус.). mk-hakasia.ru (19 Хандых айы 2019). Дата обращения: 11 Кӧрік айы 2026.
↑ ¹ ² ³ ⁴ Светлана Лачина - Персоны - Санкт-Петербургская академическая филармония имени Д.Д. Шостаковича (неопр.) . philharmonia.spb.ru. Дата обращения: 11 Кӧрік айы 2026. Архивировано 19 От айы 2025 года.
↑ Светлана Лачина: биография, роли, награды, звания, фото (рус.). novat.ru. Дата обращения: 11 Кӧрік айы 2026.

[:0-1] ¹ ² ³ ⁴ ⁵ ⁶ ⁷ Светлана Лачина (неопр.) . Большой театр. Дата обращения: 11 Кӧрік айы 2026.

[:2-2] ¹ ² ³ ФГБОУ ВО «ХГУ им. Н.Ф. Катанова» (англ.). khsu.ru. Дата обращения: 11 Кӧрік айы 2026.

[3] Выпускница хора Каданс из Хакасии будет петь в Большом театре (рус.). mk-hakasia.ru (19 Хандых айы 2019). Дата обращения: 11 Кӧрік айы 2026.

[:1-4] ¹ ² ³ ⁴ Светлана Лачина - Персоны - Санкт-Петербургская академическая филармония имени Д.Д. Шостаковича (неопр.) . philharmonia.spb.ru. Дата обращения: 11 Кӧрік айы 2026. Архивировано 19 От айы 2025 года.

[5] Светлана Лачина: биография, роли, награды, звания, фото (рус.). novat.ru. Дата обращения: 11 Кӧрік айы 2026.

[1]

[2]

[3]

[4]

[5]