Куликов, Сергей Сергеевич
| Сергей Сергеевич Куликов | ||||||
|---|---|---|---|---|---|---|
 | ||||||
| Тӧреен кӱні | 11 ӱртӱн айы 1913 | |||||
| Тӧреен чирі | Савушка аал, амғы туста Алтай аймағы, Хакас Республика | |||||
| Ӱреен кӱні | 12 кӱрген айы 1975 (61 час) | |||||
| Ӱреен чирі | ||||||
| Хазна | ||||||
| Айғасчатхан кирее | тимірчолҷы | |||||
| Сыйыхтар паза премиялар |
|
|||||
Серге́й Серге́евич Кулико́в (11 ӱртӱн айы 1913, Алтай аймағы, Кидеркі Сибирь крайы[d] — 12 кӱрген айы 1975, Хызылчар[d]) — совет тимірчолҷызы, Социалистическай Ӏстеніс Матыры (1959).
Чуртас чолы
Сергей Куликов 1913 чылның ӱртӱн айының 11-ҷі кӱнінде Савушка аалда (амғы туста — Хакасияның Алтай аймағы) кресеннер сӧбірезінде тӧреен. Чибіргі частығдаң сығара Хызылчарда чуртаан, анда ол тимір чолзар тоғынарға кірібіскен. Пастап ол ниме-ноо таарлаҷаң, анаң стрелочник полған, Хызылчар тимір чолының Хызылчар станциязында поездтер составительі полған. Поезд составительі полып, Илбек Адалығ чаа паза совет-япон чаалар тузында маңнаныстығ тоғынған, ол хазнаның фронт хыриндағы районнарзар эшелоннар тимнеп, оларны ызарынҷа норманы ікі хати кӧп толдырған. 1942 чылның ӱртӱн айының 1-ғы кӱнінде Ӏстеніс Хызыл Знамязы пастағы орденнен сыйыхтатхан[1].
Поездтерні тимнеп, чаа соонда маңнаныстығ тоғынған. Хызылчар станцияда прай отыс алты чыл істен салған. Чиит тимірчолҷыларны ӱгредіп, кӧстегҷі киреенең ӧткін айғасхан.
1975 чылның кӱрген айының 12-ҷі кӱнінде, 62 чазын апарчадып, ах чарыхтаң парыбысхан. Хызылчардағы «Бадалык» сыыратта сӧӧгі чатча[1].
Сыйыхтар
- Социалистическай Ӏстеніс Матыры аарластығ атнаң хада Ленин ордені паза 9872 номерліг «Серп и Молот» медаль пирілген (1959 чылның орғах айының 1-ғы кӱні, «тимір чол транспортын тилідерінде улуғ чидіглерге читкен ӱчӱн»);
- 2 Ӏстеніс Хызыл Знамязы ордені (1942 чылның ӱртӱн айының 1-ғы кӱні, 1953 чылның орғах айының 1-ғы кӱні);
- «Ӏстеніс сабланызы ӱчӱн» медаль (1951 чылның орғах айының 1-ғы кӱні), пасха медальлар[1].
Хумартхызы
- 2014 чылда, Куликовтың адын хумартхылап, Хызылчар городтағы Октябрьскай аймааның орамаларының пірсі адалған[2].
Алған орын
- ↑ 1 2 3 Сергей Сергеевич Куликов. «Герои страны» сайт. Дата обращения: 12 Азығ айы 2026.
- ↑ Улица Сергея Куликова. Краскомпас. Дата обращения: 12 Азығ айы 2026.
- 11 ӱртӱн айында тӧрееннері
- 1913 чылда тӧрееннері
- Алфавит пастыра кізілер
- Алтай аймаанда тӧрееннері
- 12 кӱрген айында ӱрееннері
- 1975 чылда ӱрееннері
- Хызылчарда ӱрееннері
- Социалистическай Ӏстеніс Матырлары
- Ленин орденінің кавалерлері
- Істеніс Хызыл Знамя орденінің кавалерлерi
- «Ӏстеніс сабланызы ӱчӱн» медальнаң сыйыхтатханнары
- СССР-ның тимірчолҷылары
- Бадалык сыырадында сӧӧгі чатчатханнары