Ирония судьбы, или С лёгким паром!

Рувики тiп сайттаң
Сыныхталған статья
Ирония судьбы, или С лёгким паром!
Постер фильма
Жанр мелодрама
трагикомедия
Режиссёр Эльдар Рязанов
Сценарий авторы Эмиль Брагинский
Эльдар Рязанов
Ӧӧн
рольларда		 Андрей Мягков
Барбара Брыльска
Юрий Яковлев
Любовь Добржанская
Рольлар
ӱннері		 Сергей Яковлевич Никитин[d], Валентина Илларионовна Талызина[d] и Алла Пугачёва[d]
Оператор Владимир Нахабцев (ӧӧн)
Вадим Алисов
Сергей Арманд
Борис Кочеров
Монтажёр Валерия Белова
Композитор Микаэл Таривердиев
Хоосчы-постановщик Александр Борисов
Сын телеканал ЦТ-ның Пастағы программазы
Компания «Мосфильм» киностудия. Телевизионнай фильмнернің чайаачы пірігізі
Дистрибьютор СССР-ның телевидениеҷе паза радио искіриинҷе Министрлер чӧбінің хазна комитеді
Узуны 184 пағат
Хазна  СССР
Тіл орыс
Сыххан кӱні 1976
Сериялар саны 2
Пазағы фильм Ирония судьбы. Продолжение[d]
IMDb ID 0073179
Андағох алай тӧӧй аттығ пасха фильмнер: кӧр. Ирония судьбы.

«Ирония судьбы, или С лёгким паром!» — 1975 чылда режиссёр Эльдар Рязанов суурған телевизионнай ікі сериялығ совет фильмі. Пастағызын на СССР-да 1976 чылда кӱрген айының 1-ғы кӱнінде Центральнай телевидениенің Пастағы программазынҷа кӧзіділген[1].

Фильм тархыны

[тӱзедерге | код тӱзедерге]

Фильм Эмиль Брагинскийнің паза Эльдар Рязановтың «С лёгким паром! или Однажды в новогоднюю ночь…» ойыны хоостыра фильмге суурылған. Ойын 1969 чылда пазылған. Фильм суурылғанҷа СССР-ның нинҷе-нинҷе театрында турғызылған. Соонаң ойын хазнаның 110 театрында кӧзіділген[2], а также за границей.

Рязановтың чооғынаң, ойынның паза фильмнің полтазы сын полған киректер полча. Улуғ хырлас айының 31-ҷі кӱнінде мылчаға парып, иртен пасха городта пол килген кізі сынап полған. Нименең ол кирек тоозылғанын Рязановнаң Брагинский пілбееннер, анзын олар постары сағынып алғаннар.

1975 чылда кӱскӱде, СССР-да фильмні пастағызын на кӧзідер алнында, Тиксі союзтағы телевизионнай фильмнер фестивальының программазы хоостыра, «Ирония судьбы» фильмні пастағызын на Грузияның чуртағҷылары кӧріп алғаннар. Тбилисиде ирткен фестивальда фильм пастағы орынға турысхан[3].

Фильм полтазы

[тӱзедерге | код тӱзедерге]

Фильм полтазында Брежневтің тузындағы халых архитектуразының тӧӧй оңдайы кӧзіділче. Іди СССР-ның полған на городында, посёлогында кӧп хадыллығ тӧӧй туралар пӱдірілгеннер[4].

Cалыл парған кибір хоостыра, Наа чылны таныхтир пӧгіннең, нанҷылар Москваның халых мылчаларының пірсінде тоғасчалар. Ӧӧн матыр Женя Лукашиннең Галя хоных хонарға итчеткенін таныхтап, прайзы ізірткіні илееде алыбысча. Мылча соонаң нанҷыларның пірсіне, Павликке, Ленинградсар парчатхан рейске маңнанарға кирек. Аны анда ипчізі сағыпча. Прай ӧменең аны аэропортсар ӱдезерге итчелер.

Нанҷылар аэропортта пол парғанда, Женянаң Павлик узубысчалар. Сашанаң Миша кемні ӱдесчеткенін ундут салып, алҷаастап, Павликтің орнына самолётха Женяны одыртыбысчалар.

Женя чол тооза тарынчатхан хонҷығының иңнінде узуп парча. Анзы Ленинградта Женяны самолёттаң сығарға полыс пирче. Чиит кізі Лениградтағы аэропортта усхун килче, позын Москвадазын сағынча. Таксині тудып, водительге пос адрезін чоохтап пирче.

Ленинградта Москвадағы осхас андағох адрестіг Женяның Москвадағызына тӧӧй тура пар полтыр. Москвич лифтче «пос» квартиразына читче. Хайхастығ, че аның клӱзі дее ізікке килісче (прологта чоохталча: ) «…тӧӧй замоктығ тӧӧй квартираларның пӱдірии»). Тура істіндегі мебель Женяның чуртындағызына тӧӧй, че Женя пасхалалчатханын сизінерге уғаа изірік полған.

Олох туста чурт ээзі Надя Шевелёва ибінзер айланча. Ол Наа чылны Ипполит арғызынаң хада таныхтирға тимненче. Че орғанында узупчатхан таныбас кізіні кӧр салча. Сағыбаан аалҷыны ибінең сығарыбызарға кӱстенче, че анзы таныбас ипчі аның квартиразында ниме итчеткенін паза ноға мында устапчатханын оңар полбинча. Паспорттарынаң ӱлезіп, фильм матырлары ниме пол парғанын сизін салғаннар. Женя ачырғаста: аны Москвада Галя сағыпча. Ипполит, тізең, Надязар киліп, Женянаң Надяа киртінминче. Женя Москвазар парарға итче, че аның ахчазы хада чоғыл. Ол Надяның чуртынзар айланча. Ипполит, Надяны кӱннеп, парыбысча. Надя Женяны табырах ызыбызарға сағынча, че пазағы иртенге теере Москвазар самолет учухпинча. Женя кӧп хати Москвазар сығдыратча:Галяа ниме пол парғанын чоохтирға итче. Хызына сығдырадып алча, че анзы Ленинградтаңар ис салып, трубканы тастабысча. Надя, Москвадағы вокзалзар парып, наа таныс кізізіне Москваға читіре билет ал пирче. Анзы, тізең, аны талабысча, ибінзер парарға ынабинча.

Женянаң Надяа наа чыл хараазында хада поларға килісче. Пастап олар ыырҷы чіли тудынчалар, анаң оларның аразында кӧӧленіс оды кӧй килче. Иртен, тізең, чарылыс парарға сығыныбысчалар. Женя Москвазар айланча. Чолға майых парып, он узуп парыбысча. Усхун киліп, Надя тӱзінде килген тіп сағынча. Анзы, тізең, сынында хости одырча. Ол хынғанынзар Москвазар килче, аны табарға сидік полбаан: адрестері тӧӧй, клӱзі дее замокха килісче.

Новеллизация[тӱзедерге | код тӱзедерге]

«Иронии судьбы» чайаачы тоғыстың новеллизациязы пар (алғыдылған ремаркалығ драма). Ол Эльдар Рязановтың фильмнерінің новеллизациязының аймах чыындыларында чарых кӧрген[5]. Ол фильмге паза ойынға тӧӧй.

Рольларны толдырғаннар

[тӱзедерге | код тӱзедерге]
Актёр Роль
Андрей Мягков Евгений (Женя) Михайлович Лукашин (вокал — Сергей Никитин)[6] хирург Евгений (Женя) Михайлович Лукашин (вокал — Сергей Никитин)[6]
Барбара Брыльска Надежда (Надя) Васильевна Шевелёва (ӱні — Валентина Талызина, вокал — Алла Пугачёва) орыс тілі паза литература ӱгретчізі Надежда (Надя) Васильевна Шевелёва (ӱні — Валентина Талызина, вокал — Алла Пугачёва)
Юрий Яковлев Ипполит Георгиевич Надяның арғызы Ипполит Георгиевич
Любовь Добржанская Марина Дмитриевна Женяның іҷезі Марина Дмитриевна
Ольга Науменко Галя Женяның хызы Галя
Лия Ахеджакова Таня Надяның ӧӧрезі паза хада тоғынчатхан кізізі Таня
Валентина Талызина Валя Надяның ӧӧрезі паза хада тоғынчатхан кізізі Валя
Александр Ширвиндт Павел / Женяның нанҷызы Павел / фильм пасталчатханда, кадр тастындағы ӱн
Георгий Бурков Миша Женяның нанҷызы Миша
Александр Белявский Саша Женяның нанҷызы Саша
Любовь Соколова Надяның іҷезі[7] Надяның іҷезі[7]
Готлиб Ронинсон Хызылчардағы пассажир самолёттың одырарын сағыпчатхан кізі Хызылчардағы пассажир
Эльдар Рязанов самолёттағы пассажир (тирлерде кӧзіділбеен) самолёттағы пассажир (тирлерде кӧзіділбеен)
Борис Руднев таксист (титрлерде чоғыл) таксист (титрлерде чоғыл)
Николай Погодин баяннығ аалҷы (тирлерде чоғыл) баяннығ аалҷы (тирлерде чоғыл)
Александр Постников прохожий (тирлерде чоғыл) прохожий (тирлерде чоғыл)
Елена Наумкина аэропорттағы буфетчица (титрлерде чоғыл) аэропорттағы буфетчица (титрлерде чоғыл)
Николай Кузнецов хонҷых (титрлерде чоғыл) хонҷых (титрлерде чоғыл)
Михаил Бочаров адайлығ хонҷых (титрлерде чоғыл) адайлығ хонҷых (титрлерде чоғыл)

Фильмдегі кадрлар

[тӱзедерге | код тӱзедерге]
  • Женяның рольындағы Андрей Мягков паза Галяны толдырчатхан Ольга Науменко

    Женяның рольындағы Андрей Мягков паза Галяны толдырчатхан Ольга Науменко

  • Павелнің рольын толдырчатхан Александр Ширвиндт

    Павелнің рольын толдырчатхан Александр Ширвиндт

  • Барбара Брыльска Надяның рольында

    Барбара Брыльска Надяның рольында

  • Юрий Яковлев Ипполиттің рольында

    Юрий Яковлев Ипполиттің рольында

  • Любовь Добржанская Женяның іҷезінің рольында

    Любовь Добржанская Женяның іҷезінің рольында

  • Андрей Мягков (Женя) паза Барбара Брыльска (Надя)

    Андрей Мягков (Женя) паза Барбара Брыльска (Надя)

Фильмні суурған ӧме

[тӱзедерге | код тӱзедерге]
  • Сценарий авторлары: Эмиль Брагинский, Эльдар Рязанов
  • Режиссёр-постановщик: Эльдар Рязанов
  • Ӧӧн оператор: Владимир Нахабцев
  • Ӧӧн хоосчы: Александр Борисов
  • Ікінҷі режиссёр: Игорь Петров
  • Звукооператор: Юрий Рабинович
  • Композитор: Микаэл Таривердиев
  • Дирижёр: Георгий Гаранян
  • Кип-азах хоосчызы: Ольга Кручинина
  • Грим хоосчызы: Ольга Струнцова
  • Кинооператорлар: Вадим Алисов, Сергей Арманд, Борис Кочеров
  • Комбинированнай съёмкалар: Борис Травкин (оператор), Валентин Гласс (хоосчы)
  • Монтаж: Валерия Белова
  • Режиссёр ассистенттері: Нина Коренева, Григорий Торчинский
  • Оператор ассистенттері: Владимир Горшков, Владимир Батузов, Александр Михалычев, Сергей Кочебуров, Николай Коробейник
  • Монтажёр ассистенттері: Элеонора Праксина
  • Хоосчы-декоратор: И. Фёдоров
  • Чарых узы: Марк Вайсман
  • Редактор: И. Наумова
  • Музыка редакторлары: Раиса Лукина, В. Лаписов
  • Мультипликация кӧзідии фильм алнында: Виталий Песков
  • Фильм директоры: Ефим Голынский

Сарыннар паза кибелістер

[тӱзедерге | код тӱзедерге]

Фильмнің сценарийіне 9 кибеліс пазылған. Оларның сигізі сарыннар поларға кирек полғаннар. Эльдар Рязанов пір композитор аны ит полбас тіп, тӧрт автор Ян Френкельзер, Исаак Шварцсар, Андрей Петровсар паза Микаэл Таривердиевсер айланған. Аның сағызынаң полғаны ла ікілер сарын пас поларҷых. Пастап прайзы чарасхан, соонаң аймах сылтағларҷа ӱзі ынабиныбысхан. Микаэл Таривердиев ле халған[2].

Сценарийні хығырған соонда, Микаэл Леоновичті жанрларның пасхалалчатханы чапсытхан. Анаң ол хоосты Наа чыл нымағы чіли кӧр салған[8] Композитор Марины Цветаеваның, Евгений Евтушенконың, Белла Ахмадулинаның паза пасха саблығ кибелісчілернің тоғыстарына кӧӧн салған.

Фильмнің музыказын Микаэл Таривердиев пасхан. Ипчізі Вера сағысха кирген[9]:

«Пір хати Таривердиев азыранҷаң орын хыринҷа иртіп, пасха кізілер аразында «На Тихорецкую состав отправится...» сарынны сарнапчатхан Рязановты кӧр салған. Пу сарынны ол позының наа фильмінзер аларға иткен, ол чонның сарыны тіп ачырғанған. Сынында ол сарын ирімнің операзына пазылған. Аны Владимир Высоцкий толдырған, аннаңар Рязанов аны искен, че авторын пілбеен»

Ир кізі сарынын фильмде кӧп сабазын Сергей Никитин толдырча («Со мною вот что происходит», «Я спросил у ясеня», «Никого не будет в доме» паза «Если у вас нету тёти»), ипчі сарынын — Алла Пугачёва («По улице моей», «На Тихорецкую», «Мне нравится», «У зеркала»). Александр Кочетковтың кибелістерінҷе «Баллада о прокуренном вагоне» хығырчалар Андрей Мягковнаң Валентина Талызина. Пастап фильмдегі сарыннарны Анна Герман толдырарға иткен, че записьті идерге киліспеен — пасха хан чирінең ырҷыны хығырҷаң ахча сметаа кирілбеен полтыр[10].

Фильм саундтрегі чардыхти 1976 чылда «Мелодия» фирма сығарған Таривердиевтің пластинказында сығарылған[11]. Толдыра саундтректі 2009 чылда «Бомба-Мьюзик» фирма CD-да сығарған[12]. 2016 чылда саундтрек Великобританиядағы «Earth» лейблде винилде сығарылған[13], 2019 чылда — «Бомбой-Мьюзик» ӧңніг винилде[8].

2009 чылдағы «Бомба-Мьюзик» изданиезі
№ НазваниеСловаВокал Длительность
1. «Увертюра» (инструментал)   2:43
2. «Со мною вот что происходит» Евгений ЕвтушенкоС. Никитин 2:28
3. «Надежда» (инструментал)   4:24
4. «В ожидании Нового года» (инструментал)   1:14
5. «Никого не будет в доме» Борис ПастернакА. Пугачёва 2:17
6. «Снег над Ленинградом» (инструментал)   2:45
7. «По улице моей который год» Белла Ахмадулина  2:48
8. «На Третьей улице Строителей» (инструментал)   1:15
9. «На Тихорецкую» Михаил ЛьвовскийА. Пугачёва 1:29
10. «С Новым годом!» (инструментал)   2:46
11. «Мне нравится[14]» Марина ЦветаеваА. Пугачёва 1:35
12. «Если у вас нету тёти (Ария московского гостя)» Александр АроновС. Никитин 1:53
13. «Последний вальс» (инструментал)   1:45
14. «Хочу у зеркала спросить» М. Цветаева  1:36
15. «Я спросил у ясеня» Владимир КиршонС. Никитин 3:08
16. «С любимыми не расставайтесь» Александр КочетковА. Мягков паза В. Талызина 4:26
17. «Мелодия» (инструментал)   4:33
41:03

2014 чылда радиостанция «Серебряный дождь» кинофильмнең алылған сарыннар пластинказын позының «„Мелодия“ фирманың 50 культ пластинкалар» изерізіне кир салған[15].

Фильмні суурғаны

[тӱзедерге | код тӱзедерге]

Фильмнің ӧӧн операторы, Владимир Нахабцев, ол туста наа ӱс камералығ системанаң тузаланарға сағыныбысхан. Пір саңай ӱс камера тоғынған. Анзы тоғысты нииктеен, олох туста суурарын сӧӧ тартхан[2].

Фильм кӧрік айында суурыл сыххан, чайғының ортызынзар тоозылған. Аннаңар фильмде пос иткен хар полған. Андада харны ватанаң, чазыннаң паза пенопластнаң итчеңңер. Чил ӱбӱрчеткенін фен хабазиинаң кӧзіт пиргеннер[9].

Прай даа ниме Москвада суурылған, Ленинградта нинҷе-де ле сцена полған. Фильмдегі ікі квартира Москвадағы Вернадскийнің проспектінің 125-ҷі (анда Лукашиннің квартиразы полған) паза 113-ҷі туразында (Надяның квартиразы) полған. Мылчадағы сценаа «Мосфильмде» ӧнетін павильон пӱдірілген.

Пӱдірігҷілернің Ӱзінҷі сын орамазы Москвада Вернадскийнің проспекті полған олох аймағында орныххан. 1963 чылда ол Мария Ульянованың орамазы адал сыххан[16].

2003 чылда Женя Лукашин чуртаан тіп тураның стеназында хумартхы табличка хаптырылған. Аны асханында Эльдар Рязанов араласхан[17]. Пастағы хараадох аны суурыбысханнар. 2007 чылда Вернадскийнің проспектіндегі ікі турада, 125-ҷі паза 113-ҷі турада, андағ табличкалар хаптырылғаннар, олар ідӧк ӱр тудылбааннар[18][19][20].

Киноға суурынҷаң таллағ[тӱзедерге | код тӱзедерге]

Ӧӧн ир кізі Женя Лукашиннің омазын толдырарға иткен саблығ актёр Андрей Миронов. Рязанов кандидатуразын хыйа иткен. Пу рольға ол ипчі кізі хайиин тартпинчатхан омалығ ир кізіні тілеен. Мироновты Ипполитті ойнирға хығырғаннар, че анзы ынабаан. Женя Лукашиннің омазын толдыр кӧргеннер Олег Даль, Пётр Вельяминов, Станислав Любшин паза Иннокентий Смоктуновский[9]. Андрей Мягков кинетін не Лукашин пол парған. Режиссёр аны ол рольда кӧрбеен, че таллағ тузында ол иң килістіре ойнабысхан.

Ӧӧн ипчі омазының таллағ тузында сидіксіністер полғанох. Рязанов «Надяа» Людмила Гурченконы даа, Валентина Талызинаны даа, Светлана Немоляеваны даа, Антонина Шуранованы даа паза пасха совет саблығ чылтыстарын даа килістірбеен. Пастап ол Алиса Фрейндлихті ӧӧн рольда кӧрерге иткен: кӱлкӱстіг ойыннарда ол чахсы ойнапча, паза пу картинаа кирек сари – чахсы сарнапчатханы – килістіре полған. Че хоос чӧбі аны чаратпаан[2]. Польшадағы Барбара Брыльскидаңар ол пасха режиссёрнаң чоох алысхан соонда сығыныбысхан. Рязанов фильмде суурынарға аны хығырған, че пасха хан чирі чооғының ӱчӱн, аның ӱнінең Валентина Талызина чоохтанған. Ідӧк Талызина Надяның ӧӧрезі Валяны ойнаан.

Ипполиттің рольына пастап Олег Басилашвили турғызылған. Ол нинҷе-де эпизодта суурынарға маңнанған, че ол тоғыс тузында пір саңай пабазынаң хада тоғынған арғызы Ефим Копелян ах чарыхтаң парыбысханнар, ол тоғын полбаан. Андада аның орнына Юрий Яковлев килген.

Галяның рольына пастап Наталья Гвоздикова алылған[21].

Женя Лукашиннің нанҷыларын Эльдар Рязановтың арғыстары — Георгий Бурков паза Александр Ширвиндт ойнааннар. Аның алнында режиссёр оларнаң хада пасха фильмнерде тоғынған. Александр Белявский соонаң арах хығыртылған. Надяның паза Женяның іҷелеріне Любовь Соколова паза Любовь Добржанская турғызылғаннар. Олар ідӧк аның алнында Рязановнаң хада «Берегись автомобиля» фильмде тоғынғаннар.

Фильмнің массовказында Александр Беляев суурынған, ол НТВ-дағы хайдағ кӱн поларын искірчеткен саблығ телеведущай[9].

Фильмнің пастағы кӧзідии

[тӱзедерге | код тӱзедерге]

1 январьда 1976 чылда 18:00 часта Пастағы каналда «Ирония судьбы, или С лёгким паром» фильмнің пастағы кӧзідии ирткен. Ол уғаа маңңаныстығ полған. Федор Раззаковтың чооғынаң, аны 100 миллион кӧрігҷі кӧрген[22]. Фильмні хатап кӧзідер сурыныстығ кӧп пічіктер кірген соонда, 7 февральда 1976 чылда «Ирония судьбы, или С лёгким паром» фильм эфирге ікінҷі хати сыххан. Аның хызырылған кӧрімін кинотеатрларда кӧзіткеннер, анда даа ол уғаа маңнаныстығ ирткен. Аны анда 7 миллионҷа кізі кӧрген[23][24][25].

«Советский экран» сығарыстың хығырығҷылары «Ирония судьбы» фильмні 1976 чылның иң чахсы фильмі тіп адааннар. Иң чахсы актёрға Андрей Мягков таллалған[26]. 1977 чылда режиссёр Эльдар Рязанов, сценарист Эмиль Брагинский, оператор Владимир Нахабцев, композитор Микаэл Таривердиев паза фильмнің ӧӧн актёрлары Барбара Брыльсканаң Андрей Мягков Совет Союзының Хазна сыйиин алғаннар[27].

Сыйыхтар

[тӱзедерге | код тӱзедерге]
  • 1976 — «Советский экран» журнал хығырығҷылары «Ирония судьбы…» фильмні чылның иң чахсы фильмі тіп адааннар.
  • 1976 — Совет экраны журналның сурастырии пастыра, Андрей Мягков СССР-ның иң чахсы актёры[28].
  • 1977 — режиссёр Эльдар Рязанов, ӧӧн рольларны толдырған Андрей Мягков паза Барбара Брыльска, композитор Микаэл Таривердиев, оператор Владимир Нахабцев, сценарий авторы Эмиль Брагинский СССР-ның Хазна сыйиинаң сыйыхтатханнар.

Танығлар

[тӱзедерге | код тӱзедерге]
Алҷаастығ кадр
  • Фильмні асчатхан титрлерде алҷаас иділген: «исключительно» сӧсте «л» танығ чоғыл. Орфография паза танығлар турғызары пу кӧзідімде артызылғаннар.

Совершенно нетипичная история которая могла произойти только и искючительно в новогоднюю ночь

  • Фильм пасталчатса, режиссёрның кӧрізінең, тӧӧй совет туралары вертолёттаң суурыларға кирек полғаннар. Че фильмнің ахчазы андағ тоғысха кӧрілбеен, аннаңар кӧрігҷі аның орнына анимацияны кӧрген.
  • Надя кӧртіктең Ипполиттің сомын кӧдіргенде, анда Яковлевтің орнына, Басилашвили кӧзіділген. Ол кадрны хатап суурарға иткенде, хар чох полған[29].
  • Ӧӧн матыр Надя ӱгретчі полча. Че Ипполитнең чоохтасчатханда, ол тібіскен: «Я забыла одеть праздничное платье». Орыс тілі правилолары хоостыра, ол «надеть» тиирге кирек полған.
  • Лукашин Ленинградсар Домодедово аэропорттаң учухча, че совет тузында алтынзархы паза кидеркі саринзар істіндегі рейстер Шереметьево-1 аэропорттаң полҷаңнар[30]
  • Эльдар Рязанов фильмнің кизегінде ле ойнаан. Ол самолёт пассажирі полған[30][31].
  • «Какая гадость эта ваша заливная рыба» паза «О, тёпленькая пошла» — теені фильмнің сценарийінде чох полған. Аны Юрий Яковлев суурынчатхан туста тібіскен[30].
  • Москвада 1958 чылдаң сығара Пӱдірігҷілернің 3-ҷі орамазы полған, че 1963 чылда ол Мария Ульянованың орамазы адал сыххан. Ленинградта Пӱдірігҷілернің 3-ҷі орамазы хаҷан даа полбаан, че 1955—1962 чылларда ікі Пӱдірігҷілер орамазы полған. Пірсі — Красногвардейскай аймахта (амғы Бокситогорскай орама), пасхазы — Киров аймаанда (амғы Маринеско орамазы).

DVD-дағы релиз

[тӱзедерге | код тӱзедерге]

DVD-да релиз 10 декабрьда 2009 чылда «Флагман-Трейд» компания пастыра ирткен[30].

Узарааны

[тӱзедерге | код тӱзедерге]

«Иронии судьбы» фильмнің «Ирония судьбы. Продолжение» узарааны 2007 чылның улуғ хырлас айында ирткен. Ол 55 млн доллар чыып алған. Женя Лукашиннің паза Надя Шевелеваның ӧс парған палалары андағох кирекке урунғаннар. Фильмде Константин Хабенский паза Елизавета Боярская суурынғаннар[32].

Андрей Мягков фильмде суурынған даа полза, аның салтарына чӧпсінмеен[33].

Алған орын

[тӱзедерге | код тӱзедерге]
  1. ↑ Фильм Ирония судьбы, или С лёгким паром!: смотреть онлайн в хорошем качестве, фото, видео - Вокруг ТВ. (англ.). Вокруг ТВ. Дата обращения: 26 Кічіг хырлас айы 2019.
  2. ↑ 1 2 3 4 Ирония судьбы - главный новогодний фильм СССР и России. Рассказываем историю его создания // Правила жизни : журнал. — 2021. — 31 Улуғ хырлас айы.
  3. ↑ 1 января исполняется 40 лет со дня премьеры комедии «Ирония судьбы, или С легким паром!» ТАСС.
  4. ↑ Frederick Edwin Ian Hamilton, Kaliopa Dimitrovska Andrews, Nataša Pichler-Milanović. Transformation Of Cities In Central And Eastern Europe. — New York: UN University Press, 2005. — С. 159. — ISBN 9280811053 (pbk.).
  5. ↑ Рязанов Э. А. Старики-разбойники. — АСТ, Зебра Е, 2008. — С. 151—232. — 688 с. — ISBN 978-5-17-048780-6. — ISBN 978-5-94663-535-6.
  6. ↑ Александр Мельман. Преображения Жени Лукашина: оказался на обочине, но в глазах надежда. Маленький человек. Московский комсомолец (14 Кӧрік айы 2023).
  7. ↑ Фильм суурылған пьесада Надяның іҷезінің пабазының ады кӧзіділген, фильмде анзы чоғыл.
  8. ↑ 1 2 Ирония судьбы или С лёгким паром! BoMB033-907 LP Discogs сайтта, аннотация
  9. ↑ 1 2 3 4 Галина Глазко. Необычные факты создания фильма «Ирония судьбы, или С легким паром!» // Спорт-экспресс : сайт. — 2021. — 31 Улуғ хырлас айы.
  10. ↑ Павел Соседов. Анна Герман: Почему она любила высоких мужчин? // 7дней.ру : сайт. — 2023. — 2 От айы.
  11. ↑ Музыка из кинофильмов «Ольга Сергеевна», «Ирония судьбы»] на сайте Discogs-14}}</ref>.
  12. ↑ Ирония судьбы или С лёгким паром! Discogs сайтта
  13. ↑ Tariverdiev – The Irony Of Fate (Original Score) Discogs сайтта
  14. ↑ «Мне нравится, что вы больны не мной» Цветаевой — любовный треугольник. pishi-stihi.ru. Дата обращения: 26 Кічіг хырлас айы 2019. Архивировано 8 Хандых айы 2021 года.
  15. ↑ 50 культовых пластинок фирмы «Мелодия» | Серебряный Дождь. web.archive.org. Дата обращения: 18 Кічіг хырлас айы 2024.
  16. ↑ 10 интересных фактов о фильме «Ирония судьбы, или С лёгким паром!» // Дом кино : журнал. — 2017. — 25 Улуғ хырлас айы.
  17. ↑ Самый новогодний фильм увековечен мемориальной доской, РБК. Дата обращения: 18 Кічіг хырлас айы 2024.
  18. ↑ "Ирония судьбы" обзавелась памятными досками на местах съемок, РИА Новости (20071229T1430). Дата обращения: 18 Кічіг хырлас айы 2024.
  19. ↑ Вандалы украли памятную табличку, посвященную фильму "Ирония судьбы" – Москва 24, 24.07.2013. www.m24.ru. Дата обращения: 18 Кічіг хырлас айы 2024.
  20. ↑ Со стены дома, где снимали «Иронию судьбы», украли памятную табличку. Дата обращения: 18 Кічіг хырлас айы 2024.
  21. ↑ Женский портал: 10 актёров, которые могли бы сыграть в «Иронии судьбы, или С лёгким паром!»
  22. ↑ Почти рождественская История Архивная копия от 25 Кӧрік айы 2013 на Wayback Machine. market.umh.ua.
  23. ↑ 40 лет с «Иронией» - Газета.RU. Газета.RU.
  24. ↑ Ирония судьбы или с легким паром. Рождение легенды - Первый канал YouTubeта, 47:45
  25. ↑ Киностальгия «Ирония судьбы, или с лёгким паром», часть 3 - Пятый канал. Пятый канал. Дата обращения: 2 Кӱрген айы 2020.
  26. ↑ Победители конкурса журнала "Советский экран" // akter.kulichki.com. — 1983. — Чарыс айы.
  27. ↑ Телефильм "Ирония судьбы, или С легким паром!". Досье - ТАСС, TACC. Дата обращения: 18 Кічіг хырлас айы 2024.
  28. ↑ История, рассказанная в "Иронии судьбы, или С легким паром!", реальна. в 60-х годах 31 декабря композитор Никита Богословский решил пошутить: пьяного товарища отвезли на вокзал и с 15 копейками в кармане отправили в Киев. Факты и комментарии (10 Кӱрген айы 2007). Дата обращения: 26 Кічіг хырлас айы 2019. Архивировано из оригинала 21 Орғах айы 2009 года.
  29. ↑ 5 киноляпов в "Иронии Судьбы", которые вы не заметили даже спустя почти 50 лет, Life.ru (23 Улуғ хырлас айы 2022). Дата обращения: 18 Кічіг хырлас айы 2024.
  30. ↑ 1 2 3 4 Ирония судьбы, или С легким паром! (ТВ, 1975). www.kinopoisk.ru. Дата обращения: 18 Кічіг хырлас айы 2024.
  31. ↑ Ирония судьбы, или С легким паром! - «25-й кадр» | Независимый журнал о кино. 25-k.com. Дата обращения: 18 Кічіг хырлас айы 2024.
  32. ↑ Анна ВЕЛИГЖАНИНА. «Ирония судьбы»: Брыльска не хотела целоваться с Яковлевым, а Боярская - с Хабенским // Комсомольская правда : сайт. — 2007. — 27 Улуғ хырлас айы.
  33. ↑ Алина Минеева. «Не одобряю»: Андрей Мягков против «Иронии судьбы» // газета.ru : сайт. — 2018. — 25 Улуғ хырлас айы.

Литература

[тӱзедерге | код тӱзедерге]

. Комсомольская правда (26 Улуғ хырлас айы 2008).

Ссылкалар

[тӱзедерге | код тӱзедерге]

archive.is (31 Улуғ хырлас айы 2015).

Алған орны - https://kjh.ruwiki.ru/w/index.php?title=Ирония_судьбы,_или_С_лёгким_паром!&oldid=66077