Заболоцкий, Анатолий Дмитриевич

Анатолий Заболоцкий
Тӧреен  кӱні	16 ӱртӱн айы 1935({{padleft:1935|4|0}}-{{padleft:9|2|0}}-{{padleft:16|2|0}})
Тӧреен чирі	Сыда[d], Краснотуранск аймағы[d], Хызылчар крайы[d], РСФСР[d], СССР[d]
Ӱреен кӱні	16 кӱрген айы 2026({{padleft:2026|4|0}}-{{padleft:1|2|0}}-{{padleft:16|2|0}}) (90 час)
Ӱреен чирі	Россия[d]
Гражданство	Россия[d]  СССР[d]
Профессия	кинооператор, сомға суурҷаң хоосчы, писатель
Сыйыхтар
IMDb	ID 0951441

Анатолий Дмитриевич Заболо́цкий (16 ӱртӱн айы 1935, Сыда^[d], Хызылчар крайы^[d] — 16 кӱрген айы 2026, Россия^[d]) — кинооператор-постановщик, сомға суурҷаң хоосчы, писатель, халых деятельі. РСФСР-ның искусствозының саблығ тоғынҷызы (1976).

Чуртас чолы

Анатолий Дмитриевич Заболоцкий 1935 чылның ӱртӱн айының 16-ҷы кӱнінде Хызылчар крайындағы Краснотуранск аймааның Сыда аалында кресеннер сӧбірезінде тӧреен.

1953 чылда Ағбандағы ортымах школаны тоос салған. 1954 чылның ӱртӱн айында Тиксі Союзтағы кинематография хазна институдының оператор факультедінде ӱгрен сыххан.

1959 чылда ВГИК-ты тоосхан соонда, 1960 чылның чарыс айының 1-ғы кӱнінең сығара «Беларусьфильмде» кинооператор полып тоғынған, анда, аның сӧстерінең, «кӧріл парған отпускха парбин даа, студия тоғызына 1969 чылға теере саңай сабыл парыбысхан».

Соонаң «Таллинфильм», М. Горькийнің адынаң, «Мосфильм» киностудияларда істенген. 15 хоос паза 8 документальнай фильмні тимнирінде араласхан. Оларның аразында «Альпийская баллада», «Через кладбище», «Печки-лавочки», «Калина красная», «Слово для защиты», «Целуются зори», «Обрыв» паза пасхазы. Ідӧк «Слово для защиты», «Печки-лавочки» фильмнерде актёр чіли араласхан, «Слово матери» сынны кӧзітчеткен фильмде сценарист паза режиссёр полған (1979).

1977 чылдаң сығара хоос сомнарнаң айғасхан. 1983 чыл соонаң кинематография тоғызынаң хыйа парыбысхан, аразында кизектерде ле араласхан. Аның сӧстерінең: «Мин кинодаң нимес, че пӱӱнде кӱнде тиліділчеткен кинодаң парыбысхам…».

А. Д. Заболоцкийнің сомнар кірчеткен 26 киндезі чарыхха сыххан — кинделер, альбомнар, календарьлар. Оларның санында В. И. Беловтың «Лад» киндезінің ікі сығарызы, В. А. Солоухиннің «Письма из Русского музея» киндезі, академик Д. С. Лихачёвтың редакциязындағы «Слово о полку Игореве» — 800 лет" пайрамнығ сығарызы, «Лик православия» сомнар киндезі. А. Д. Заболоцкийнің сомнар кӧзідии нинҷе-нинҷе хати Москвада (Федерация Чыылиинда, Христос арачылағҷының тигірибінде, Манежте)), Ағбанда, Минсуғда паза Россияның пасха городтарында ирткен.

Заболоцкий мемуар-публицистика жанрында пасхан. Тоғыстары «Москва», «Наш современник», «Роман-газета», «Роман-журнал XXI век» паза пасха изданиелерде чарых кӧргеннер. Нанҷызы В. М. Шукшиннеңер «Шукшин в кадре и за кадром. Записки кинооператора» сағысха киргені чон аразында тарап парыбысхан (1998).

Моквада чуртаан. Россияның Писательлер пірігізінің кізізі, «Роман-газета» чон журналының редколлегия кізізі полған.

2025 чылның улуғ хырлас айында инсульт соонда комаа кір парып, 2026 чылның кӱрген айының 16-ҷы кӱнінде ах чарыхтаң парыбысхан. Анатолий Заболоцкийні 2026 чылның кӱрген айының 20-ҷі кӱнінде Троекуровскай сыыратта чыып салғаннар.

Аарластығ аттар паза сыйыхтар

• БССР-ның искусствозының саблығ тоғынҷызы (1967).
• РСФСР-ның искусствозының саблығ тоғынҷызы (1976).
• Хакас Республиканың искусствозының саблығ тоғынҷызы (1998).
• Ленин комсомолының сыйии (1979) — «Слово для защиты» фильм ӱчӱн (1976).
• Андрей Первозваннайның «Киртініс ӱчӱн» чоннар аразындағы сыйии (2005).

Фильмография

• 1962 — Звезда на пряжке;
• 1962 — Маленькие мечтатели (киноальманах);
• 1963 — Последний хлеб (Ю. Марухиннең хада);
• 1964 — Через кладбище;
• 1965 — Альпийская баллада;
• 1967 — Житие и вознесение Юрася Братчика;
• 1969 — Безумие;
• 1972 — Печки-лавочки;
• 1973 — Калина красная;
• 1976 — Слово для защиты;
• 1978 — Целуются зори;
• 1983 — Обрыв;
• 1984 — Нам не дано предугадать (В. Межековнаң хада);
• 1986 — Скакал казак через долину (В. Межековнаң хада);
• 1990 — Всё впереди (СССР—Франция).

Кинделер паза публикациялар

• А. Заболоцкий. . «Шукшин в кадре и за кадром. Записки кинооператора» (орыс). — М.: Роман-газета, 1999. — С. 5—6. — 48 с.
• Василий Белов. Тяжесть креста. — М.: Советский писатель, 2002.
• Анатолий Заболоцкий. Но не любить тебя, не помнить, я научиться не могу» // Хакасия. — 1999. — 7 август.

Алған орын

Литература

• Н. К. Баранова. Заболоцкий Анатолий Дмитриевич. / Энциклопедия Республики Хакасия. — Т. 1. — Красноярск, 2007. — С. 206.
• Николай Меженков. Анатолий Заболоцкий: Шукшина бы сегодня замалчивали  (рус.). Вечерняя Москва, № 192 (24237) (14 Чарыс айы 2005). Дата обращения: 15 Улуғ хырлас айы 2025.
• Виктория Катаева. Анатолий Заболоцкий: На самом деле Шукшин бросил пить и вообще не торопился на тот свет  (рус.). web.archive.org (24 От айы 2014). Дата обращения: 15 Улуғ хырлас айы 2025.

Ссылкалар

• Анатолий Заболоцкий  (рус.). Русский переплёт. Дата обращения: 15 Улуғ хырлас айы 2025.
• Анатолий Заболоцкий: Сподвижник Василия Шукшина  (рус.). Абаканский городской портал. Дата обращения: 15 Улуғ хырлас айы 2025.