Жаворонков, Иван Степанович

Иван Степанович Жаворонков
Иван Степанович Жаворонков
	; Иван Степанович Жаворонков
Тӧреен кӱні	13 азығ айы 1920
Тӧреен чирi	Сергеевка аал, амғы Каратуз аймағы, Хызылчар крайы
Ӱреен чылы	1 кӧрік айы 1962 (42 час)
Ӱреен чирi	Алтай аал, Алтай аймағы, Хакасия
Хазна	СССР
Войско кӧрімі	артиллерия
Служба чыллары	1940 чылның хосхар айының 23-ҷі кӱні—1946 чылның кӱрген айы
Аарластығ ады
Часть	22-ҷі гвардия Евпаторийдегі Краснознаменнай артиллерия полкы, 3-ҷі гвардия Волновахадағы Краснознаменнай атығҷылар дивизиязы, 11-ғы гвардия Краснознаменнай атығҷылар корпузы, 2-ҷі гвардия армиязы
Чаалазағлар/чаалар	Илбек Адалығ чаа: Сталинградтағы наступление операциязы; Донбасстағы наступление операциязы; Мелитопольдағы операция; Крымдағы наступление операциязы; Шауляйдағы наступление операциязы; Мемельдегі наступление операциязы; Ӏскеркі Пруссиядағы наступление операциязы;
Сыйыхтар паза премиялар

Иван Степанович Жаворонков (13 азығ айы 1920, Каратуз аймағы^[d] — 1 кӧрік айы 1962, Хакас Республика) — Илбек Адалығ чаа араласчызы, Сабланыс орденінің толдыра кавалері.

Чуртас чолы

1920 чылның азығ айының 13-ҷі кӱнінде амғы Хызылчар крайының Каратуз аймаандағы Сергеевка аалында кресеннер сӧбірезінде тӧреен, Алтай аалда (Хакас Республика) читі класс тоозып, орындағы клубтың устағҷызы полып тоғынған^[1].

1940 чылның хосхар айының 23-ҷі кӱнінде Хызыл Армияа службаа тартылған, чаалазығларда Илбек Адалығ чааның пастағы кӱннерінең сығара аралас сыххан.

Донбасстағы наступление операциязы (орыс) (рус. тузында аның расчёды танктардаң тоғыр пір пушканы, 5 пулемётты паза 2 пулемёт расчёдын, 2 миномётты, 2 автомашинаны паза ыырҷының кӧп солдадын чох идібіскен. 1943 чылның кічіг хырлас айының 23-ҷі кӱнінде Хызыл Чылтыс орденінең сыйыхтатхан.

1944 чылнын хосхар айының 9-ҷы кӱнінде, Армянск городты (Крым) ыырҷы холынаң позытхан туста, Жаворонков ыырҷының 2 пулемёт точказын паза 20-ҷе солдадын чох идібіскен. 1944 чылның хосхар айының 23-ҷі кӱнінде 3-ҷі синніг Сабланыс орденінең (орыс) (рус. сыйыхтатхан.

1944 чылның от айының 23-ҷі кӱнінде, Коварскты (Литва) ыырҷыдаң позытхан туста, пулемёт точказын расчёдынаң хада чох идібіскен. 1944 чылның от айының 25-ҷі кӱнінде, Сесикая (Литва) хыринда ыырҷының контратаказына нандырығ пирген туста, штурм тириин сайбабысхан паза ыырҷының атчатхан точказын чох идібіскен. 1944 чылның ӱртӱн айының 6-ҷы кӱнінде 2-ҷі синніг Сабланыс орденінең сыйыхтатхан.

1945 чылның кӧрік айының 14-ҷі кӱнінде, Оттен ӱчӱн (Ӏскеркі Пруссия, амғы тустағы Калининград облазы) чаалазығлар тузында, ыырҷының 2 станковай пулемёдын паза 12 солдат кірчеткен расчёдын чох идібіскен. Ол чаалазығда ол палығлатхан. 1945 чылның кӧрік айының 18-ҷі кӱнінде Прейсиш-Тирау хыриндағы чаалазығлар тузында, ыырҷының 3 станковай пулемёдын паза 9 солдат кірчеткен расчёдын чох идібіскен. 1945 чылның хандых айының 29-ҷы кӱнінде 1-ғы синніг Сабланыс орденінең сыйыхтатхан.

1946 чылның кӱрген айында демобилизацияа кірген паза тӧреен аалынзар айланған. Трактор бригадазының бригадирі полған, анаң — колхоз кнезінің орынҷызы. 1962 чылның кӧрік айының 1-ғы кӱнінде ӱреен. Тӧреен аалындағы сыыратта сӧӧгі чатча^[2].

Сыйыхтар

Иван Степанович Жаворонков мындағ танығларнаң сыйыхтатхан^[2]:

I синніг Сабланыс ордені (1945 чылның хандых айының 29-ҷы кӱні; 59 №);
II синніг Сабланыс ордені (1944 чылның ӱртӱн айының 6-ҷы кӱні; 3979 №);
III синніг Сабланыс ордені (1944 чылның хосхар айының 23-ҷі кӱні; 35588№);
Хызыл Чылтыс ордені (1943 чылның кічіг хырлас айының 24-ҷі кӱні);
пасха медальлар.

Хумартхы

Жаворонковтың адынаң Алтай аалдағы школа адалған.

Хакасияның Алтай аймаандағы Хубачар паза Чынай аалларның орамалары Сабланыс орденінің толдыра кавалерінің адынаң адалғаннар^[3].

Жаворонковтың ады Ағбандағы Чиңіс паркының Матырлар аллеязындағы хумартхы таста пазылых^[4].

Алған орын

↑ Жаворонков Иван Степанович (рус.). mo-altay.ru. Дата обращения: 26 Кӱрген айы 2026.
↑ ¹ ² Иван Степанович Жаворонков. Герои страны (неопр.) . Дата обращения: 26 Кӱрген айы 2026. Архивировано 6 Орғах айы 2017 года.
↑ В сёлах Алтайского района улицы названы в честь героического земляка (рус.). 19rusinfo.ru (6 Сілкер айы 2024). Дата обращения: 26 Кӱрген айы 2026.
↑ Жаворонков Иван Степанович (рус.). Национальная библиотека им Н. Г. Доможакова. Дата обращения: 26 Кӱрген айы 2026.

Ссылкалар

Жаворонков Иван Степанович (рус.). Министерство обороны Российской Федерации. Дата обращения: 26 Кӱрген айы 2026.

[1] Жаворонков Иван Степанович (рус.). mo-altay.ru. Дата обращения: 26 Кӱрген айы 2026.

[Герои_страны-2] ¹ ² Иван Степанович Жаворонков. Герои страны (неопр.) . Дата обращения: 26 Кӱрген айы 2026. Архивировано 6 Орғах айы 2017 года.

[3] В сёлах Алтайского района улицы названы в честь героического земляка (рус.). 19rusinfo.ru (6 Сілкер айы 2024). Дата обращения: 26 Кӱрген айы 2026.

[4] Жаворонков Иван Степанович (рус.). Национальная библиотека им Н. Г. Доможакова. Дата обращения: 26 Кӱрген айы 2026.

[1]

[2]

[3]

[4]