Бухгалтер кӱні
| Бухгалтер кӱні | |
|---|---|
 | |
| Кӱні |
Россия |
«Бухгалтер кӱні» — профессия ӱлӱкӱні. Аны тилекейде чыл сай бухгалтерия сананызынаң айғасчатхан специалисттер таныхтапчалар.
Чоннар аразындағы бухгалтерия кӱні
«Чоннар аразындағы бухгалтерия кӱні» (англ. «International Accounting Day», орыс. «Международный день бухгалтерии») чыл сай кічіг хырлас айының 10-ҷы кӱнінде таныхталча. Пу кӱнде 1494 чылда бухгалтерияның амғы принциптерінің тӧстегҷілерінің пірсі, итальян математик Лука Пачоли, «Сумма арифметики, геометрии, отношений и пропорций» (итал. «Summa de arithmetica, geometria, proportioni et proportionalità») киндені чарыхха сығарыбысхан[1].
Россиядағы бухгалтер кӱні
Россияда хазна синінде «Бухгалтер кӱні» пічікке кирілбеен[1].
Чуртаста пу профессия ӱлӱкӱнін чыл сай Россияның бухгалтерлері кічіг хырлас айының 21-ҷі кӱнінде таныхтапчалар[2]. Пу кӱнде Россия Федерациязының Президенті Борис Ельцин 1996 чылның кічіг хырлас айының 21-ҷі кӱнінде алылған 129-ФЗ № «Бухгалтерия сананызынаңар» Федеральнай законда хол салған (2013 чылның кӱрген айының 1-ғы кӱнінде кӱзін чідір салған; аның орнына 2011 чылның улуғ хырлас айының 6-ҷы кӱнінде 402 №. Федеральный закон алылған)
2000 чылда пу кӱнде, кічіг хырлас айының 21-ҷі кӱнінде, Россияда хазна синінде «Россия Федерациязының налог органнары тоғынҷыларының кӱні» профессия ӱлӱкӱні таныхталча. Ол 2000 чылның кічіг хырлас айының 11-ҷі кӱнінде тӧстелген[2].
Россиядағы ӱлӱкӱннің тархыны
2000 чылның хандых айының 21-ҷі кӱнінде Москвада ирткен Россияның бухгалтерлер паза аудиторлар Съездінің исполкомының ікінҷі чыылиинда Россия бухгалтерінің кӱнінеңер сурығ ӱзӱрілген. «Бухгалтер кӱні» профессия ӱлӱкӱнін тӧстирінеңер сурығҷа Россия Федерациязының Финанстар министерствозынзар айланарға чаратханнар. «Бухгалтер кӱнін» кічіг хырлас айының 21-ҷі кӱнінде таныхтирға чӧп пирілген, пу кӱнде 1996 чылда Россия Федерациязының Президенті Борис Ельцин «Бухгалтерия сананызынаңар» Федеральнай законда хол салған полған[3].
2002 чылдаң сығара Россияның Профессиональнай бухгалтерлер паза аудиторлар институды (Россия ИПБ-зы) Москвада чыл сай «Профессиональнай бухгалтер кӱнін» кічіг хырлас айының 28-ҷі кӱнінде таныхтап сыххан[4].
2014 чылда Россия Федерациязының Финанстар министерствозында пічік хоостыра «Россиядағы бухгалтер кӱнін» иртірҷең кӱнні табарынҷа сурығны пӧк сыхханнар[5], че ол тоғыс читіре иділбеен.
Россияның регионнарындағы бухгалтер кӱні
Россия Федерациязының пірее субъекттерінде «Бухгалтер» кӱні регион синінде таныхталча:
- «Ярославль облазындағы бухгалтер кӱні» — чыл сай хосхар айының пастағы позырағында таныхталча (1996 чылдаң сығара)[6];
- «Волгоград облазындағы бухгалтер кӱні» — кічіг хырлас айының 1-ғы кӱнінде[7];
- «Хызылчар крайының бухгалтер кӱні» — кічіг хырлас айының 12-ҷі кӱнінде[8];
- «Петербургтағы бухгалтер кӱні» — кічіг хырлас айының 15-ҷі кӱнінде;
- «Москвадағы бухгалтер кӱні» — кічіг хырлас айының 16-ҷы кӱнінде[8];
- «Татарстанның бухгалтер кӱні» — кічіг хырлас айының халғанҷы пис хонығында[9];
- «Краснодар крайының аудитор паза бухгалтер кӱні» — улуғ хырлас айының пастағы позырағында (2007 чылдаң сығара)[10];
- «Пермь крайындағы бухгалтер кӱні» — кічіг хырлас айының 19-ҷы кӱнінде (2021 чылдаң сығара).
Алған орын
- ↑ 1 2 Екатерина Добрынина. «Homo buhgalteris». — Есть неофициальные праздники, которые «почитаемы в народе» побольше иных государственных дат. Например, День бухгалтера. «Российская газета» // rg.ru (21 Кічіг хырлас айы 2011). Дата обращения: 25 Чарыс айы 2014. Архивировано 25 Чарыс айы 2014 года.
- ↑ 1 2 Галина Миловидова, Константин Полтавский. Профессиональный календарь на ноябрь 2019 года. Архивная копия от 25 Чарыс айы 2019 на Wayback Machine Информационно-правовой портал «Гарант.ру» // garant.ru (25 октября 2019 года)
- ↑ Заседание исполкома съезда бухгалтеров и аудиторов России. Официальный сайт Института профессиональных бухгалтеров и аудиторов России (ИПБ России) // ipbr.org (14 Кічіг хырлас айы 2000). Дата обращения: 25 Чарыс айы 2014. Архивировано 22 Улуғ хырлас айы 2014 года.
- ↑ С Днём профессионального бухгалтера! — Уважаемые члены ИПБ России, поздравляем вас с корпоративным праздником — Днём профессионального бухгалтера, который отмечается ежегодно, 28 ноября! Архивная копия от 1 Улуғ хырлас айы 2017 на Wayback Machine Официальный сайт Института профессиональных бухгалтеров и аудиторов России (ИПБ России) // ipbr.org (27 ноября 2013 года)
- ↑ Новости от главного редактора. Минфин выбирает День бухгалтера. Журнал «Главбух» // e.glavbukh.ru (4 Азығ айы 2014). Дата обращения: 25 Чарыс айы 2014. Архивировано из оригинала 28 Кӧрік айы 2022 года.
- ↑ Постановление губернатора Ярославской области А. И. Лисицына от 18 марта 1996 года № 109 «О проведении в Ярославской области Дня бухгалтера». Архивная копия от 1 Улуғ хырлас айы 2017 на Wayback Machine АО «Кодекс» // docs.cntd.ru
- ↑ Волгоградские бухгалтеры отмечают свой праздник. Архивная копия от 3 Кічіг хырлас айы 2013 на Wayback Machine // volgograd.ru
- ↑ 1 2 День бухгалтера в 2024 году: дата, история и традиции праздника, Lenta.RU (19.09.2024). Дата обращения: 13 Кічіг хырлас айы 2024.
- ↑ С днём бухгалтера Татарстана! Архивная копия от 12 Кічіг хырлас айы 2013 на Wayback Machine // tatpochta.ru
- ↑ Закон Краснодарского края от 14 декабря 2006 года № 1145-КЗ «Об установлении праздничных дней и памятных дат в Краснодарском крае». Архивная копия от 22 Кічіг хырлас айы 2017 на Wayback Machine АО «Кодекс» // docs.cntd.ru
Ссылкалар
- Галина Миловидова, Константин Полтавский. Профессиональный календарь на ноябрь 2019 года. Информационно-правовой портал «Гарант.ру» // garant.ru (25 октября 2019 года)