Брюханов, Иосиф Филаретович

Иосиф Филаретович Брюханов
Тӧреен кӱні	1893({{padleft:1893|4|0}})
Тӧреен чирі	Быстрай аал, амғы Хызылчар крайындағы Минсуғ аймағы
Ӱреен кӱні	1974({{padleft:1974|4|0}})
Ӱреен чирі	Асхыс аймағы, Хакас автоном облазы, Хызылчар крайы
Хазна	Россия империязы[d]  СССР[d]
Айғасчатхан кирее	чабан
Сыйыхтар паза премиялар

Ио́сиф Филаре́тович Брюха́нов (1893, Быстрай^[d], Хызылчар крайы^[d] — 1974, Асхыс аймағы, Хызылчар крайы^[d]) — аал хонииндағы совет тоғынҷызы, Социалистическай Ӏстеніс Матыры (1949).

Чуртас чолы

Иосиф Филаретович Брюханов 1893 чылда Быстрай аалда (амғы Хызылчар крайының Минсуғ аймағы) кресен сӧбірезінде тӧреен. Кічігдең сығара іҷе-пабазына иб аразынҷа полыс чӧрген. Аал хонииның коллективизациязы тузында тӧреен аалында тӧстелген «Волна» колхозсар тоғынарға кірібіскен. 1933 чылда сӧбірезінең хада Хакас автоном облазынзар кӧс парыбысхан, анда «Аскизскай» хойлар ӧскірҷең совхозта хой хадар сыххан.

Пос алынҷа тӧл алындырҷаң техник специальностьха ӱгреніп алған. Орындағы хойларның тӧлін чахсыландырарынҷа илееде чыл улуғ тоғыс апарған. Хызылчардағы ніске тӱктіг хойларны сығарған кізілернің пірсі полча, анзы СССР-ның Министрлер чӧбінің чахиинда таныхтал парған. Иң тӱзімніг 1948 чылда тоғынған, андада полған на 704 хойдаң Брюханов ортымахти 5,6 килограмм тӱк, ідӧк 100 ине хойдаң 129 хураған алған.

Нинҷе-нинҷе хати Чон хонии чидіглерінің кӧзідиинде араласхан, кӧзідіглер медальларынаң сыйыхтатхан. 1974 чылда ах чарыхтаң парыбысхан.

Сыйыхтар

• 4189 номерліг Социалистическай Ӏстеніс Матыры хазна сыйиинаң хада Ленин орденін паза «Серп и Молот» медальны алған (1949 чылның от айының 16-ҷы кӱнінде, «1948 чылда мал ӧскірізінде пӧзік тӱзімге читкен ӱчӱн»);
• медальлар.

Алған орын

Литература

• Сибиряки: Герои Социалистического Труда Красноярского края. (орыс). — Красноярск: Кн. изд-во, 1976. — 152 с.