Ағбандағы Н. Г. Булакиннің адынаң спорт ӧргезі

Рувики тiп сайттаң
Ағбандағы Н. Г. Булакиннің адынаң спорт ӧргезі
Абаканский спорткомплекс.jpg
Полное название " Н.Г. Булакиннің адынаң спорт ӧргезі" Ағбан городтың муниципальнай автоном учреждениезі
Орныхчатхан чирі Ағбан, Хакас Республика
Тӧстелген 2008 чылның орғах айының 18-ҷі кӱні
Азылған 2010 чылның хандых айының 1-ғы кӱні
Ээзі Ағбан городтың устағ-пастаа
Пӱдірігҷі «Муниципальнай чурт чыындызы» ПО
Сайт sk-abakan.ru

Н. Г. Булакиннің адынаң спорт ӧргезі (орыс. Спорткомплекс имени Н. Г. Булакина) — Хакасиядағы спорт пӱдірии, Россия.

Тархын

2010 чылға теере Хакасияның ӧӧн городының килкім спорт ӧргелері («Сойан» спорт ӧргезінең пасха) чох полғаннар. Арға-мӧрійлер улуғ нимес спортзалларда иртчеңнер. «Ағбан» город спорт ӧргезінің (пастағы ады полған) пастағы сваязы 2008 чылның орғах айының 18-ҷі кӱнінде кире сабылған. Ағбанның устағ-пастаа пастап Россия синіндегі ӱлгӱнің хабазиина, спорт ӧргезінің проектін федеральнай программаларның пірсіне кир саларға ізенген[1].

2010 чылның хандых айының 1-ғы кӱнінде универсальнай спортзал пайрамни азылған. 2011 чылның ӱртӱн айында устағ-пастағ корпузы тоғын сыххан. 2014 чылның кӱрген айынаң сығара узуны 50 метр бассейн тоғынча, ол тиксі Россиядағы чӱсчең кӧрім федерациязының кирексіністеріне килістіре иділік.

Спорт ӧргезінде Россияның саблығ спорт узы, Сеулда ирткен Олимп ойыннарының хола медальға турысхан кӱресчізі Сергей Карамчаковтың хумартхызына чарыдылған спорт (олаңай) кӱрезінҷе тиксі Россия синіндегі марығлар, хол кӱзінең тудысчаң Сибирьдегі чииттер марии (2013 чылдаң сығара), чӱсчең спортча Сибирь Кубогы (2014 чылдаң сығара), ооллар паза хыстар аразындағы кӱресче (дзюдо) СФО марии (2015 чылдаң сығара), Ағбан городтың мэрінің сыйыхтарына спорт теелбегінҷе СФО марии иртчелер.

2019 чылның чарыс айында городтағы спорттың кізілері, Николай Булакиннің Хакас Республиканың ӧӧн городының спортына хозым иткенін санға алып, городтың спорт ӧргезін аның адынаң адап салар айланыснаң сыхханнар. Мэр полған туста Булакин амғы тустағы спорт ӧргезін пӱдірҷең пастағнаң сыххан, аның пӱдіріг тоғыстарын хайығда тутхан. Город ӱлгӱзі ол айланыснаң чарасхан, іди 2020 чылның ӱртӱн айының 1-ғы кӱнінең сағыра «Ағбан» спорт ӧргезіне наа ат пирілген — «Н. Г. Булакиннің адынаң спорт ӧргезі» МАУ[2][3].

Тоғыс сфералары

Спорт ӧргезіне универсальнай спортзал, бассейн, устағ-пастағ кіні кірче. 2023 чылда «Спорт – чуртас нормазы»  (орыс) (рус. федеральнай проект хоостыра пӱдірілген ниик атлетика манежі азылған[4]. Спорт ӧргезінің ӧӧн пӧгіні культура, спорт киреенде тоғыс апарары, спорт марығларын, физкультура паза хазых пиктеҷең тоғысты иртірері полча[5].

Сыйыхтар

  • Хакасияның иң чахсы спорт пӱдірии (2015)
  • Россия Федерациязындағы иң артых кӧп функциялығ спорт ӧргезі (2019)[6][7]

Алған орын

  1. ↑ В Абакане пытаются построить крупнейший спорткомплекс Сибири. newslab.ru (19 Орғах айы 2008). Дата обращения: 7 Кӱрген айы 2026.
  2. ↑ Спорткомплексу в Абакане присвоили имя погибшего мэра Булакина. sibnet.ru (15 Ӱртӱн айы 2020). Дата обращения: 7 Кӱрген айы 2026.
  3. ↑ Легенда города: память Николая Булакина увековечена в центре Абакана. Агентство деловой информации (7 Орғах айы 2025). Дата обращения: 30 Кӱрген айы 2026.
  4. ↑ В Абакане Республики Хакасии открылся манеж для занятий легкой атлетикой. национальныепроекты.рф (26 Кӧрік айы 2023). Дата обращения: 7 Кӱрген айы 2026.
  5. ↑ Спорткомплекс «Абакан» лучший среди многофункциональных спортивных сооружений страны. gazeta19.ru (5 Кічіг хырлас айы 2019). Дата обращения: 7 Кӱрген айы 2026.
  6. ↑ Завершение ll Национального конкурса «АРЕНА» на образцовое спортивное сооружение. web.archive.org (17 Ӱртӱн айы 2020). Дата обращения: 7 Кӱрген айы 2026.
  7. ↑ Первую десятилетку спорткомплекс имени Николая Булакина завершил достойно - престижной наградой. web.archive.org (18 Ӱртӱн айы 2020). Дата обращения: 7 Кӱрген айы 2026.

Ссылкалар

Алған орны - https://kjh.ruwiki.ru/w/index.php?title=Ағбандағы_Н._Г._Булакиннің_адынаң_спорт_ӧргезі&oldid=154597