Школа алнындағы ӱгредіг тоғынҷыларының кӱні
Воспитательнің паза школа алнындағы прай тоғынҷыларның кӱні (орыс. День воспита́теля и всех дошко́льных работников) — Россия Федерациязындағы профессия ӱлӱкӱні. Чыл сай 27 сентябрьда таныхталча.
Ӱлӱкӱн тархыны
«Воспитательнің паза школа алнындағы прай тоғынҷыларның кӱні» Пір тиксі Россиядағы педагогика сығарыстарының пастаанаң («Детский сад со всех сторон» «Дошкольное образование» газеталар, «Обруч» журнал) 27 сентябрьда 2004 чылда тӧстелген. Ол пастағны школа алнындағы ӧӧн программаларның авторлары , олған садтарының ӱгретчілері паза іҷе-пабалар чаратханнар.
Ӱлӱкӱннің ӧӧн сағызы — халыхтың олған садына паза школа алнындағы тусха хайиин тартарға.
Ӱлӱкӱн халых, чон кӱні оңдайынаң тӧстелген. Соонаң 27 сентябрь Россия Федерациязының прай даа регионнарында таныхталған. «Воспитательнің паза школа алнындағы прай тоғынҷыларның кӱні» хазна синінде иртче.[1][2]
« Воспитательнің паза школа алнындағы прай тоғынҷыларның кӱні» Санкт-Петербургта азылған пастағы олған садына чарыдылған. Аны Васильев олтырығында профессор Люгебильнің ипчізі Софья Люгебиль 1863 чылда кӱскӱде асхан.
Чапсых танығлар
- Россияда пастағы олған садын Аделаида Симонович асхан тіп удаа таныхталча. Че анзы орта нимес, А. Симонович сынап XIX чӱс чылның 2-ҷі чардығында Россиядағы школа алнындағы ӱгредігнің иң улуғ деятельі полған, че аның олған сады 1866 чылда азылған.
- С. Люгебильнің олған сады амғы Россияның чирінде иң пастағызы полған, че Россия империязында нимес: Россия империязында олған сады Гельсингфорста 1859 чылда азылған.[3]
- «Воспитательнің паза школа алнындағы прай тоғынҷыларның кӱнін» таныхтир алнында, кӱскӱде 2003 чылда, Санкт-Петербургта городтағы пастағы олған сады азылғаннаң 140 чыл толчатханына чарыдылған Воспитатель кӱні таныхталған. Аның соонаң хазнаның прай регионнарынзар пу ӱлӱкӱнні национальнай чіли идер чӧптіг пічіктер ызылғаннар.
- 2008 чылда Москвадағы социология колледжі паза нинҷе-де газета Россияның он регионында социология істезіглерін иртірібіскеннер: олған садтарының воспитательлеріне «Школа алнындағы тоғынҷыларның профессия ӱлӱкӱні мӱчелде кирек пе?» тіп сурығ пирілген. Анынаң чарасхан воспитательлернің 81,6 %. Андағох сурығ пирілген пасха профессиялығ кізілерге, кӧбізі (66,7 %) андағ профессия ӱлӱкӱні кирек тіп санаан[4].
Совет Союзы тузы соонаң
Украинада 2012 чылдаң сығара андағох «Воспитательнің паза школа алнындағы тоғынҷыларның кӱні» тіп ӱлӱкӱн 27 сентябрьда таныхталча[5][6].
Алған орын
- ↑ Письмо Министерства образования и науки Российской Федерации, 2008. Дата обращения: 2 Ӱртӱн айы 2012. Архивировано из оригинала 15 Ӱртӱн айы 2019 года.
- ↑ Поздравление министра образования и науки Российской Федерации Андрея Фурсенко с Днём воспитателя и работника дошкольного образования 27 сентября 2009 г. Дата обращения: 2 Ӱртӱн айы 2012. Архивировано 10 Ӱртӱн айы 2019 года.
- ↑ Из истории дошкольного воспитания Архивная копия от 25 Хосхар айы 2013 на Wayback Machine
- ↑ День работников дошкольного образования | Краснодарский НМЦ. Дата обращения: 27 Ӱртӱн айы 2009. Архивировано 28 Ӱртӱн айы 2009 года.
- ↑ На Украине отмечают День воспитателя и всех дошкольных работников. Дата обращения: 30 Ӱртӱн айы 2015. Архивировано 1 Чарыс айы 2015 года.
- ↑ День воспитателя и всех дошкольных работников. Дата обращения: 30 Ӱртӱн айы 2015. Архивировано 26 Ӱртӱн айы 2015 года.