Хара пис хоных (садығ)
| Хара пис хоных | |
|---|---|
.jpg) Сан-Паулуда телевизорларны сатханы | |
| Пасха | Black Friday |
| Тузазы | рождество садығ сезонын асча |
| Тӧстелген | XIX чӱс чыл |
| Таныхталчатхан орны |
 США |
| Кӱні | Кічіг хырлас айының тӧртінҷі тӧрт хоных (Алғыстас кӱні) соондағы пис хоныхта |
| Таныхталчатхан тузы | Садығ тураларын ирте азары, кассаларда улуғ теес полары |
| Кибiрлер | Розница паза онлайн оңдайынаң тоғынчатхан садығ тураларында ниик паазынаң садығлар (90% теере) |
 Медиафайлы на РУВИКИ.Медиа | |
Хара пис хоных (орыс. Чёрная пятница) — США-дағы Алғыстас кӱні соонаң иртчеткен пис хоных. Анынаң пасталча садығларның Кӧлееде сезоны. Пу кӱнде ниик паанаң садығлар апарары XIX чӱс чылда кирілген, «хара пис хоных» термин 1966 чылда пол килген. Пастап ол ӧӧнінде США-ның Іскеркі хазында тузаланылған. Хара пис хоных кічіг хырлас айының 23—29 кӱннеріне килісче[1].
Хара пис хоных пічікке кирілбеен ӱлӱкӱн, че кӧп тоғынҷы пу кӱнде тынағ кӱнін сурынып алча. Розницада тоғынчатханнар ла тынанминчалар, оларның тоғыстары пу кӱнде уламох кӧп пол парча. Хара пис хоныхта садығ туралары иртӧк — 5 сағат иртен тузында, хайзы улуғ садығ палғалыстары орты хараада даа азылчалар. Пастағы алчатхан улусха ниме-нооларны 50—80 % ниик паазынаң алып аларға чарир. Ол садығ тураларынзар кӧп чонны тартып алар пӧгіннең иділче.
«Хара пис хоных» термин пастағызын на Филадельфияда пол килген. Ол Алғыстас кӱні соонаң пис хоныхта, машиналар тол парып, чол чӧрізі ағырин парчатханын таныхтаан[2][3]. Пу терминнің англия тілінде амғы тузазы чахсы: ол «in the black» теенінең палғалыстығ («чахсы баланс», аның хомайы, тізең, «in the red»), кӧп садығҷылар пу кӱнде «плюсха сығарларын» таныхтапча[4].
2000 чыллардаң пасти хайзы компаниялар тӧӧй садығ чӧрімнерін тилекейнің пасха хазналарында иртірчелер, 2010 чыллардаң сығара — Россияда[5].
Кӧлееде садығларының «пабазы»
«Хара пис хоныхха» ағылған кибірнің тӧстегҷізіне Фрэнк Вулворт саналча. Ол пастағызын ниик паазынаң садығларны 1873 чылда Пенсильвания штаттағы Ланкастер городта апарған. Вулворт кресен сӧбірезінең сыххан кізі, аалда чуртаан. Хол кӱзінең тоғынарға ынабаан. Ӱгредіг алҷаң оңдайы чох полған, артых чайалғаны даа полбаан. Пабазы 21 частығ оолғына садығ туразының садығҷы полысчызына кірерге хабас пирген[6]. Ол туста садығҷылар чонның садызар оңдайын кӧріп, опыттарына тӧстеніп, товарлар паазын постары турғысчаңнар. Вулпорт маңнаныстығ тоғын полбаҷан, аны нинҷе-де хати сығарыбызарға иткеннер. Андада ол кӧйтіктенібіскен: ол сезонның прай товарларын сығарыбызып, «Прай ниме 5 центнең» тіп пас салған. США-да ол пастағы ниик паазынаң садығ полған. Пір ле сменаа ол алты кӱнге идерге иткен парысха читкен. Аның соонда ол пос киреен азыбызарға сағыныбысхан: анда пір синде турчатхан ниме-ноолар садылары паза тӧреміл ниик паазынаң садылар чӧрімнер иртірері кӧріл парған. Іди XX чӱс чылның пастағы чардығында иң килкім розница палғалыстарының пірсі пол килген[7].
США-дағы розница садығлары (статистика)
США-ның розница садығларының национальнай федерациязы Алғыстас кӱнінде иртірілчеткен садығлар танығларын тӧреміл сығарча[8]. Халғанҷы чылларда ниме-ноллар садысчатхан кізілернің тиксі саны 200 миллион ас парған; ортымах чек — $400 чағын.
Статистика хоостыра, США-да прай розница садығларының 20-ҷе % хара пис хоных паза Кӧлееде аразына килісче.
Хара пис хоных Хыдатта
Хыдатта шопинг кӱнін чыл сай кічіг хырлас айының 11-ҷі кӱнінде алай ағаа чағын кӱннерде иртірчелер.
Пастағызын на Хыдатта 2009 чылда Alibaba Group компания пастаанаң ирткен. Анзы «хара пис хоныхты» Хоных хонғалахтар кӱнінде иртірерге сағыныбысхан полған.
Хара пис хоных Россияда
Россияда пастағызын на «хара пис хоных» теен садығлар 2013 чылның улуғ хырлас айының 6-ҷы кӱнінде ирткеннер, анзы тилекейдегізінең читілекке орай полған. 2014 чылдаң сығара ниик паазынаң садығларның кӧп сабазы тилекейдегізінең пір туста иртче, че тӧрт хоныхтың 19:00 сығара позырахха теере[9]. Хара пис хоных кічіг хырлас айында даа иртсе, хайзы ритейлерлер пу терминнең тузаланып, андағ аттығ садығларны чыл тооза апарчалар. Ол Наа чылдағы садығны пастапча[10].
2018 чылда онлайн оңдайнаң хара пис хоныхта садылған сині 15 млрд салковай ас парыбысхан, анзы алнындағы чылдағызынаң 2 хати кӧп полған[11]. 2019 чылның салтары хоостыра, онлайн-садығлар сині Россияда 22,3 млрд салковайға читкен[12].
«Black Friday» товарлар тании хоостыра Россиядағы таластар
2016 чылда Россиядағы «Блэк Фрайдэй» ООО аттығ компания адына «Black Friday» товар тании пічікке кирілген[13]. Іди компания онлайн-садығларында «Black Friday» теенінең тузаланарына монополия полыбысхан. 2017 чылда Монополиядаң тоғыр федеральнай служба, Интернет-садығ компаниялар ассоциациязының (30-ча ретейлер піріктірче, ол санда «М.Видео», Media Markt паза KupiVip) айланызын кӧріп, «Блэк Фрайдэй» ООО «Black Friday» товар таниин алып, позы ла анынаң тузаланчатханында, чахсы нимес конкуренцияны кӧр салған[14][15].
2018 чылда Интеллектуальнай праволарҷа чарғы Монополиядаң тоғыр федеральнай службаның чарадииның правоҷа орта полчатханын киречілеен[16].
Алған орын
- ↑ Черная пятница (Black Friday) 2020 в Фокстроте - распродажа, скидки, акции на Блекфрайдей в Киеве и Украине. www.foxtrot.com.ua. Дата обращения: 21 Кічіг хырлас айы 2020. Архивировано 27 Кічіг хырлас айы 2020 года.
- ↑ [1966] «Black Friday» (day after Thanksgiving) (англ.). American Dialect Society. Дата обращения: 19 Кічіг хырлас айы 2012. Архивировано из оригинала 13 Чарыс айы 2008 года.
- ↑ Ben Zimmer. The Origins of "Black Friday" (англ.). Thinkmap Visual Thesaurus. Дата обращения: 19 Кічіг хырлас айы 2012. Архивировано из оригинала 27 Кічіг хырлас айы 2012 года.
- ↑ Zimmer, Ben The Origins of "Black Friday" (англ.). Word Routes (25 Кічіг хырлас айы 2011). Дата обращения: 20 Кічіг хырлас айы 2017. Архивировано 29 Кӱрген айы 2012 года.
- ↑ Почему «черная пятница» не работает в России и ждать ли улучшений — Мнение управляющего директора Criteo Архивная копия от 7 Кічіг хырлас айы 2016 на Wayback Machine // vc.ru, 4 ноября 2016
- ↑ История Черной пятницы. Почему ее так любят американцы?, Habr (18 Кічіг хырлас айы 2016). Дата обращения: 14 Кічіг хырлас айы 2024.
- ↑ Почему «Черную пятницу» называют черной, откуда берутся огромные скидки и причем тут два американских президента, Культурология. Дата обращения: 14 Кічіг хырлас айы 2024.
- ↑ Black Friday Weekend Shines as Shoppers Line up for Deals. Дата обращения: 30 Кічіг хырлас айы 2011. Архивировано из оригинала 29 Кічіг хырлас айы 2011 года.
- ↑ "Черная пятница" вышла за рамки // Коммерсантъ. — 2014-01-12. Архивировано 19 Улуғ хырлас айы 2018 года.
- ↑ Черная пятница-2024: когда будет, что выгодно покупать, советы экспертов, РИА Новости (20.11.2024). Дата обращения: 5 Улуғ хырлас айы 2024.
- ↑ Онлайн-продажи в России во время "Черной пятницы" выросли в два раза. ТАСС. Дата обращения: 19 Улуғ хырлас айы 2018. Архивировано 19 Улуғ хырлас айы 2018 года.
- ↑ Россияне за три дня черной пятницы потратили в интернет-магазинах 22,3 млрд рублей - Hi-Tech Mail.ru. Дата обращения: 3 Улуғ хырлас айы 2019. Архивировано 29 Кічіг хырлас айы 2021 года.
- ↑ Товарный знак "Black Friday" в реестре товарных знаков Роспатента. new.fips.ru. Дата обращения: 16 Улуғ хырлас айы 2019. Архивировано 2 Улуғ хырлас айы 2021 года.
- ↑ Исключительное использование бренда Black Friday признали незаконным. РБК. Дата обращения: 16 Улуғ хырлас айы 2019. Архивировано 16 Улуғ хырлас айы 2019 года.
- ↑ Ритейлеры отстояли «черную пятницу». Ведомости. Дата обращения: 16 Улуғ хырлас айы 2019. Архивировано 16 Улуғ хырлас айы 2019 года.
- ↑ Карточка дела № СИП-491/2017 в системе "Мой арбитр". kad.arbitr.ru. Дата обращения: 16 Улуғ хырлас айы 2019. Архивировано 16 Улуғ хырлас айы 2019 года.