Финансист кӱні

Рувики тiп сайттаң
фр. Gerbault, Henry).

Финансист кӱні (орыс. День финансиста) — Россияның хазна синіндегі профессия ӱлӱкӱні. 2011 чылдаң сығара чыл сай 8 сентябрьда таныхталча[1][2].

Танығлығ кӱнні иртірерге полысчалар «„САПФИР“ тіп Финанстар рыногындағы профессионаллар пірігізі» паза «Финансисттер гильдиязы» халых пірігістері. Олар Россияның Финанстар министерствозы паза Россияның Банкы хабазиинаң ол тоғысты апарчалар. 2012 чылдаң сығара пайрамны тимнепчеткен комитетнең Россия Федерациязының Финанстар Министрі Антон Силуанов устапча[3].

Мының алнында пу кӱн 1802 чылда император I Александрның манифесті хоостыра Россия империязының Финанстар министерствозы тӧстелгеніне чарыдылған полған[2].

Ӱлӱкӱннің праграммазына аймах мероприятиелер кірчелер. Оларның санында: Тиксі Россиядағы «Репутация» финансисттер премиязы — Россиядағы финанстар системазын тилітчеткен ӱчӱн 2010 чылдаң сығара пирілчеткен саблығ сыйыхтарның пірсі. Ирткен чылларда Сыйых лауреаттары Россияның финанстар системазының онарлап ӧткін кізілері полыбысханнар. Оларның санында: Сергей Юрьевич Глазьев, Герман Оскарович Греф, Алла Георгиевна Грязнова, Евгений Григорьевич Ясин паза пасхазы.

Тиксі Россиядағы «Финанстар пічии ӱгредіг заведениелерінде» программа[4] — 2011 чылдаң сығара тӧреміл иртірілчеткен мероприятие. Программа хоостыра, финанстар системазының пӧзік пілістіг тоғынҷылары Россиядағы вузтарның студенттеріне паза школаларның ӱгренҷілеріне азых уроктар иртірчелер. Программаны иртірчеткен улустың танығларынаң, 2015 чылның от айына программада Россия Федерациязының 83 регионының чарым миллион азыра ӱгренҷізі араласхан[5].

«Чылның финансизі» интеллектуальнай культура-тоғыс марии — Россияның финанстар системазында тоғынчатхан ипчілер аразындағы 2011 чылдаң сығара чыл сай иртірілчеткен марығ. 2015 чылдаң сығара марығның таллағлығ чардыхтары Россияның Федеральнай округтарында иртчелер.

Ідӧк ӱлгӱнің алынҷа органнарының финанстар- экономика пӧліктері тоғынҷыларының кӱннері парлар. Іди, Россия МВД-ның чахиинаң 22 апрельде 2000 чылда «Россия МВД-ның істіндегі войсколарының паза істіндегі киректер службаларының финанстар паза сыныхтағ-ревизия службазы кӱні» кирілген. Ол 6 июльда таныхталча. Пу кӱнде 1918 чылда істіндегі киректер наркомы Петровскийнің V Советтер Чыылииндағы докладында пастағызын на СССР НКВД-ның финанстар пӧлиинің пӱдізі паза тоғызы таныхталған[6]. МВД-ның 1 июльда 2008 чылда сыххан 565 № чахиинаң ӱлӱкӱн «Россия МВД-ның финастар службазының кӱні» атха алыстырылған[7].

Олох кӱн (От айының 6-ҷы кӱні) РФ-ның национальнай гвардиязы чааҷыларының федеральнай службазы директорының 8 ноябрьда 2017 чылда сыххан чахиинаң «Финанстар-экономика службазының подразделениелерін тӧстеен кӱні» кирілген[8].

24 августта 2015 чылда РФ Президентінің чахиинаң Россия Федерациязының Тирігліг кӱстерінің «Финанстар паза экономика службазының кӱні» кирілген. Ол 22 октябрьда таныхталча. Пу кӱнде 1918 чылда Реввоенсоветтің сыххан чахиинаң Реввоенсоветтің финанстар пӧлиинің положениезі чарлалған[9].

Финансист кӱні пасха хазналарда таныхталча:

  • Белоруссияда Президенттің 26 мартта 1998 чылда сыххан чахиинаң «Банк паза финанстар тоғынҷыларының кӱні» кирілген. Ол кӱрген айының пастағы позырағында таныхталча. Ол кӱн Бероруссиядағы Госбанк конторазы тӧстелгенінең палғалыстығ, ол 3 январьда 1922 чылда тоғын сыхханКидеркі фронтның устағҷызының чахии сыххан, аның хоостыра фронттың финанстар устанызы тӧстелген[11].
  • Казахстанда Президенттің 20 январьда 1998 чылда сыххан чахиинаң «Национальнай валюта — тенге кӱні» кирілген, ол 15 ноябрьда таныхталча. Пу кӱнде, 15 ноябрьда 1993 чылда, Казахстанның национальнай валютазы кирілген. 20 ноябрьда 2011 чылда сыххан чахығҷа ӱлӱкӱннің «Национальнай валюта — тенге кӱні, Казахстан Республиканың финанстар системазы тоғынчыларының профессия ӱлӱкӱні» тіп наа ады кирілген[12].
  • Киргизияда 8 ноябрьда 1998 чылда сыххан Правительство чарадиинаң «Кыргызстан Республиканың финанстар-экономика тоғынҷыларының кӱні» кирілген, ол 10 декабрьда таныхталчаКыргызстан Республиканың финанстар паза экономика тоғынҷыларының кӱні» тіп наа ады кирілген, ол кічіг хырлас айының халғанҷы позырағында таныхтал сыххан[14]. 2003 чылда ӱлӱкӱн 7 июньға чылдырылған[15].
  • Сербияда чаа ӱлӱкӱннері санына «Финанстар службазының кӱні» (серб Дан финансијске службе) кірче. Ол 8 ноябрьда таныхталча. Пу кӱнде 1944 чылда Чон арачыланызы чӧбінің хойнында финанстар пӧлии тӧстелген[16].
  • Украинада 1999 чылда Арачыланыс министрінің чахиинаң «Чаа финанзизі кӱні» кирілген. Ол 29 октябрьда таныхталча. Пу кӱнде 1991 чылда Украинаның Арачыланыс министерствозының Финанстар устанызы тӧстелген[17].

Алған орын

  1. Дмитрий Медведев. Указом №1101 Президента России установлен День финансиста (19 Орғах айы 2011). Дата обращения: 8 Ӱртӱн айы 2012. Архивировано 30 Чарыс айы 2012 года.
  2. ↑ Lenta.ru (9 Орғах айы 2011). Дата обращения: 8 Ӱртӱн айы 2012.
  3. Lenta.ru (6 Ӱртӱн айы 2012). Дата обращения: 8 Ӱртӱн айы 2012.
  4. Международным днём грамотности, установленным ЮНЕСКО.
  5. ↑ Каждый финансист обязан, каждое учебное заведение может! finday.ru. Дата обращения: 31 Кӧрік айы 2016.
  6. ↑ Приказ МВД России от 22 апреля 2000 года № 421
  7. ↑ Об объявлении Дня финансовой службы МВД России от 01 июля 2008 - docs.cntd.ru. docs.cntd.ru.
  8. ↑ Loading... documentbase.net.
  9. ↑ Указ Президента РФ от 24 августа 2015 № 437
  10. ↑ [www.calend.ru/holidays/0/0/221/ День финансовых и банковских работников в Беларуси], calend.ru
  11. Wayback Machine, Белорусская военная газета
  12. ↑ О профессиональных и иных праздниках в Республике Казахстан - ИПС "Әділет". adilet.zan.kz.
  13. ↑ Постановление Правительства Киргызской Республики от 3 ноября 1998 года № 716
  14. ↑ Постановление Правительства Киргызской Республики от 16 апреля 2003 года № 219
  15. ↑ Постановление Правительства Киргызской Республики от 8 ноября 2001 года № 698
  16. Шаблон:Sr icon
  17. ↑ 29 октября — День военного финансиста, Ліга. Новости
Алған орны - https://kjh.ruwiki.ru/w/index.php?title=Финансист_кӱні&oldid=49843