Тиксі тилекейдегі почта кӱні

Рувики тiп сайттаң
Тиксі тилекейдегі почта кӱні
Ӱлӱкӱннің 50 чылына чарыдылған Россияның почта марказы
Ӱлӱкӱннің 50 чылына чарыдылған Россияның почта марказы
Кӱні Чарыс айының 9-ҷы кӱні
Логотип РУВИКИ.Медиа Медиафайлы на РУВИКИ.Медиа
Казахстанның стандартнай марказы (2003) «Тикі тилекейдегі почта кӱні» (Sc #430)

Тиксі тилекейдегі почта кӱні (орыс. Всеми́рный день по́чты , ООН-ның пасха хазна тіллерінде: англ. World Post Day, араб. اليوم العالمي للبريد, ‎исп. Día mundial del correo, хыд. 世界郵政日, фр. Journée mondiale de la poste ) — 1969 чылда Тиксі тилекейдегі почта пірігізі кирген чоннар аразындағы чыл сай таныхталчатхан ӱлукӱннернің пірсі.

Пічік читілегі хоостыра 9 октябрьда таныхталча. Тиксі тилекейдегі почта кӱні Піріктірілген Нациялар Пірігізінің (ООН) чоннар аразындағы кӱннер санына кірче.

Тархын

1939 чылда Буэнос-Айресте ирткен XI Тиксі тилекейдегі почта конгрезінде 9 октябрьда «Тиксі тилекейдегі почта пірігізінің кӱнін» таныхтир чӧп искірілген. Пу кӱнде 1874 чылда Тиксі тилекейдегі почта пірігізі тӧстелген полған. Ол чарадығ чуртасха кирілбеен. Андағох чарадығ алылған 1969 чылда Токиодағы (Япония) XIX Тиксі тилекейдегі почта конгрезінде. Чоннар аразындағы ӱлӱкӱн чіли, Тиксі тилекейдегі почта пірігізінің кӱні пастағызын на 1970 чылда таныхталған. Гамбургтағы XIX Тиксі тилекейдегі почта конгрезінде 1984 чылда «Тиксі тилекейдегі почта пірігізінің кӱні» «Тиксі тилекейдегі почта кӱніне» алыстырылған.

Аның алнында Оттавада (Канада) 1957 чылда полған XIV Тиксі тилекейдегі почта конгрезінде чыл сай иртірілчеткен Пічік неделязын 9 октябрьда, Тиксі тилекейдегі почта кӱні иртчеткен неделяда, иртірердеңер чарадығ алылған.

Ӱлӱкӱн ООН-ның тиксі тилекейдегі паза чоннар аразындағы кӱннер системазына кірче. Ол почта тоғызынаңар чон аразында искірерге, аны тилідерге кӧріл парған.

Россияда Россия Федерациязы Президентінің Чахиинаң 1994 чылда Россиядағы почта кӱні кирілген. Ол от айының ікінҷі позырағында таныхталча.

Тиксі тилекейдегі почта кӱніне чарыдылған аймах мероприятиелер иртчелер. Іди 2005 чылда Камерунда CAMTEL телекоммуникация компаниязының почта тоғынҷылары аразында футбол матчы ирткен[1]. Филателиянаң палғалыстығ чӧрімнер тӧреміл иртіріледір. Олар ідӧк Пічік неделязына чарыдылчалар. Іди кӧзідіглер, Тиксі тилекейдегі почта кӱніне чарыдылған почта маркаларының сығарызы, пастағы кӱннің конверттер сығарызы иртче паза пасхазы. Іди, 2006 чылда Тиксі тилекейдегі почта кӱніне чарыдылып, Архангельсктің почтамтында «Сорочка письма» тіп почта конверттерінің кӧзідии азылған[2], Приднестровьеде корреспонденияның ӧнетін гашениязы иділген[3].

2007 чылда пу кӱнде Россия почтазының регионнардағы пӧліктерінде Тиксі Россиядағы почта марказының «Я рисую алфавит» хоостар марииның чиңісчілерін сыйыхтааннар[4]. Марығ Россияда пастағы почта марказы кирілгенінең 150 чыл толчатханына,, ідӧк Орыс тілі кӱніне паза Россия почтазының тархын тилізіне чарыдылған. Марығны иртірген ФГУП «Почта России», Издатель-садығ кіні «Марка» паза Россияның филателисттер пірігізі.

Тиксі тилекейдегі почта кӱнінің темалары

Тиксі тилекейдегі почта кӱні полған на чылда пірее темаа чарыдылча. Іди, 2004 чылда ӱлӱкӱннің темазы «Почта тоғызын прай чирде тарадары» полған, 2006 чылда — «Тиксі тилекейдегі почта палғалызы: прайзына паза полған на городта».

Ідӧк кӧріңер

Алған орын

  1. ↑ Deutschmann J. 9 October celebrated the world over Архивная копия от 11 Хандых айы 2007 на Wayback Machine // Union Postale. — 2005. — Vol. 130. — No. 4. — P. 32—34. (фр.) (англ.) [Статья о праздновании Всемирного дня почты 9 октября 2005 года.] (Дата обращения: 6 Кічіг хырлас айы 2008)
  2. ↑ «В Архангельской области отметят Всемирный день почты» Архивная копия от 11 Кӱрген айы 2012 на Wayback Machine — заметка от 9 октября 2006 года на сайте Информационного агентства «Двина-Информ». Архивная копия от 11 Хандых айы 2008 на Wayback Machine (Дата обращения: 6 Кічіг хырлас айы 2008)
  3. ↑ См. описание спецгашения Приднестровья на сайте Информационного агентства «Ольвия-пресс» 2008-05-24 на Wayback Machine (от 24 Сілкер айы 2008):
    «„Почта Приднестровья“ проводит сегодня специальное гашение корреспонденции, приуроченное к всемирному дню почты» Архивная копия от 22 Кічіг хырлас айы 2014 на Wayback Machine — заметка от 9 октября 2006 года.  (Дата обращения: 6 Кічіг хырлас айы 2008)
  4. ↑ См. информацию об этом, например, на сайтах Информационного агентства «Бел. Ру» Архивная копия от 20 Кӱрген айы 2007 на Wayback Machine и УФПС Республики Хакасия Архивная копия от 16 Сілкер айы 2008 на Wayback Machine:
    «Сегодня — Всемирный день почты» Архивная копия от 7 Кӱрген айы 2012 на Wayback Machine — заметка Светланы Мегедь от 9 октября 2007 года. (Дата обращения: 6 Кічіг хырлас айы 2008)
    «Хакасский филиал Почты России во Всемирный день почты подготовил подарок для любителей филателии» Архивная копия от 4 Кӧрік айы 2016 на Wayback Machine — заметка от 12 октября 2007 года. (Дата обращения: 6 Кічіг хырлас айы 2008)

Ссылкалар

Алған орны - https://kjh.ruwiki.ru/w/index.php?title=Тиксі_тилекейдегі_почта_кӱні&oldid=126674