Семёнов, Дмитрий Владимирович (ниик атлет)

Рувики тiп сайттаң
В РУВИКИ есть статьи о других людях с фамилиями Семёнов, Дмитрий и Семёнов, Дмитрий Владимирович.
Лёгкая атлетика
Дмитрий Семёнов
Семенов Дмитирий Владимирович (легкоатлет).png
Тиксі искіріг
Тӧреен кӱні паза чирі 4 от айы 1975({{padleft:1975|4|0}}-{{padleft:7|2|0}}-{{padleft:4|2|0}}) (49 лет)
Гражданство
Чоннар аразындағы ниик атлетика федерацияларының ассоциациязы 181881
Пос рекордтары
3000 м 8:05,0 (2002)
5000 м 13:44,90 (2001)
10 000 м 28:45,35 (2002)
Чарым марафон 1:03:21 (2002)
Марафон 2:11:15 (2007)
Пос рекордтары тура істінде
3000 м 8:17,74 (1999)
5000 м 14:50,54 (2009)
Чоннар аразындағы медальлар

Знак мсмк России.jpg

Дмитрий Владимирович Семёнов (тӧр. 4 от айы 1975, Хызылчар[d]) — Россияның ниик атледі, ырахха ҷугӱрҷең паза марафонҷа специалист. 2000 чылларда профессиональнай синде араласхан, 10 000 метр ырахха чӱгӱрістің Россия чемпионы, шосседегі килкім марығларның чиңісчізі паза чиңіс орыннарына турысхан спортсмені. Хакасия Вологда паза Кострома областьтарының адынаң марығларда араласхан. Россияның чоннар аразындағы класстығ спорт узы  (орыс) (рус..

Чуртас чолы

[тӱзедерге | код тӱзедерге]

Дмитрий Семёнов 1975 чылның от айының 4-ҷі кӱнінде Хызылчарда тӧреен, 1979 чылда сӧбірезінең хада Ағбан городсар чуртирға кӧзібіскен.

Ниик атлетиканаң 14 частығдаң сығара айғас сыххан. Тренерлер И. В. Корниенконың паза А. П. Румянцевтің холында тимненген. 1990 чылларда олғаннар паза чииттер аразында маңнаныстығ спорт салтарларын кӧзіткен.

Тиксі Россия синіндегі марығларда 2000 чылда пастағызын на позын кӧзіт пирген, андада ол Туладағы Россия чемпионадында  (орыс) (рус. 5000 паза 10 000 метр ырахха чӱгӱрісте хола медальлар утып алған. Олох сезонда Европада коммерциялығ марығларда араласхан, ідӧк марафон дистанциязында кӱзін сынап кӧрген: Дренттегі марафонда чиңісчі полыбысхан, аның салтары — 2:24:45.

2001 чылда Баракальдода 10 000 метр ырахха чӱгӱрҷең Европа мариинда араласхан. Туладағы Знаменских харындастар мемориалы тіп чоннар аразындағы марығда 5000 метрге кӱмӱс медальын утып алған, Туладағы Россия чемпионадында  (орыс) (рус. 10 000 метр ырахха чӱгӱрісте артығы полыбысхан. Тибеде ирткен Чоннар аразындағы экиденеде паза Тунада ирткен кроссча Европа чемпионадында араласхан.

2002 чылда Камайорда ирткен 10 000 метр ырахха чӱгӱрісче Европа мариинда пос рекордына читкен — 28:45:35. Чебоксарда ирткен Россия чемпионадында 10 000 метр ырахха чӱгӱрісте хола медал утып алған. Москвада чарым марафонда чиңіс тутхан. 2:13:16 тусха иртіп, Эйндховендегі марафонда  (орыс) (рус. читінҷізі читкен.

2003 чылда Кисловодскта ирткен кроссча часхыдағы Россия чемпионадының 12 км дисциплиназында хола медаль утып алған. Афинада ирткен 10 000 метр ырахха чӱгӱрісче Европа мариинда 27-ҷі орында пол парған.

Пиртінген ӱчӱн 2004 чылда марығларда араласпаан. 2005 чылда Жуковскайда ирткен часхыдағы Россия чемпионадында 8 км дисциплинада хола медаль алған. 15 км ырахха чӱгӱрісте Россия чемпионы полыбысхан. Стамбулдағы марафонда иң артых он спортсмен санына кірген, аның салтары — 2:19:51.

2006 чылда 2:12:37 тусха тобырып, Гамбургтағы марафонда 11-ҷі орынға сыххан, іди Гётеборгтағы Европа чемпионадында араласчаң квалификация нормативін тудыбысхан, анда 2:13:09 салтарны кӧзідіп, марығның халғанҷы протоколында алтынҷы орында пол парған (ӧменің зачёдында россияннар тӧртінҷі орынға сыхханнар).

2007 чылда Бива кӧлнің марафонында дистанциядаң сығыбысхан, Франкфурдта ирткен марафонда, 2:11:15 пос рекордын турғызып, 11-зі читкен. Жуковскайдағы ниик атлетикаҷа Россия чемпионадында 10 000 метр ырахха чӱгӱрісте 8-зі пол парған[1].

2008 чылда Пекиндегі Олимп ойыннарына кандидат чіли кӧрілген, че аның алнында ирткен Венадағы марафонда Олимпиадаа талағны ирт полбаан. Олох чылда Новосибирсктегі чарым марафонҷа Россия чемпионадында пизінҷізі финишке читкен, Рио-де-Жанейродағы чарым марафонҷа тилекей чемпионадында 43-ҷі орында пол парған. Афинадағы классика марафонында 11-ҷі салтар кӧзіткен (2:21:52)[1].

2009 чылның азығ айында Москвада ирткен хысхы Россия чемпионадында 5000 метр чӱгӱрген, аның соонда спорт карьеразын тоос салған[2][3].

Спортта улуғ чидеглерге читкен ӱчӱн «Россияның чоннар аразындағы спорт узы» аарластығ атха турысхан[4]. Ағбан городта чуртапча, СДЮСШОР тренері[5]. Дмитрий Семёновтың холында устарын тилітчеткен спортсменнер ниик атлетикаҷа Россияның чемпионаттарынының, первенстволарының, регион синіндегі марығларның чиңісчілері полчалар паза чиңістіг орыннарға турысчалар[6][7][8][9].

Алған орын

[тӱзедерге | код тӱзедерге]
  1. ↑ 1 2 Семенов Дмитрий Владимирович. rusathletics.com. Дата обращения: 9 Хандых айы 2025.
  2. ↑ Дмитрий Семёнов — профиль на сайте Международная ассоциация легкоатлетических федераций (англ.)
  3. ↑ Дмитрий Семёнов. ARRS. Дата обращения: 9 Улуғ хырлас айы 2020. Архивировано 1 Кӧрік айы 2022 года.
  4. ↑ Семенов Дмитрий. Лёгкая атлетика Кострома. Дата обращения: 14 От айы 2022. Архивировано 14 От айы 2022 года.
  5. ↑ Руководство и тренерско-преподавательский состав. сдюшор-ла.абакан.рф. Дата обращения: 9 Хандых айы 2025.
  6. ↑ Легкоатлеты определили чемпионов Хакасии. stm19.ru (25 Улуғ хырлас айы 2018). Дата обращения: 9 Хандых айы 2025.
  7. ↑ Результаты Чемпионата и Первенства СФО по лёгкой атлетике, проводимого в Хакасии. shansonline.ru (15 Кӱрген айы 2024). Дата обращения: 9 Хандых айы 2025.
  8. ↑ Легкоатлеты из Хакасии показали себя на чемпионате и первенстве Сибири. 19rusinfo.ru (23 Кӱрген айы 2025). Дата обращения: 9 Хандых айы 2025.
  9. ↑ Легкоатлеты Хакасии вошли в число сильнейших. 19rusinfo.ru (17 Чарыс айы 2022). Дата обращения: 9 Хандых айы 2025.
Алған орны - https://kjh.ruwiki.ru/w/index.php?title=Семёнов,_Дмитрий_Владимирович_(ниик_атлет)&oldid=99496