Санкт-Петербургтың тӧстелген кӱні
| Санкт-Петербургтың тӧстелген кӱні | |
|---|---|
| Файл:Санкт-Петербургтың 300 чылына чарыдылған кӱн. Невскайдағы пайрамнығ парад. - panoramio.jpg | |
| Тип | Город кӱні |
| Таныхталчатхан орны | чыл сай |
| Кӱні | Сілкер айының 27-ҷі кӱні |
Санкт-Петербургтың тӧстелген кӱні (орыс. Санкт-Петербургтың 27 майда 1703 чылда тӧстелген кӱніне чарыдылған Город кӱні. 2003 чылдаң сығара, Санкт-Петербургтың 300 чылына чарыдылған пайрам соонаң, чыл сай таныхтал сыххан. Аның алныңда чӱс чыллары ла таныхталҷаң. Пайрамнығ мероприятиелер нинҷе-нинҷе кӱн иртіріледір. 27 май тоғыс кӱніне киліссе, аны иртiрер кӱн иң чағын тынағ кӱннеріне чылдырыл парча.
Тархын
Санкт-Петербургтың Город кӱні пастағызын на 1803 чылда иртірілген. Ол туста император Александр I, город тӧстелгеннең пеер 100 чыл толчатханына чарыдып, ӧӧн городты иптебізерге чахығ пирген. Ӧӧн орамалар пайрамнығ иллюминацияларнаң чазалғаннар, прай корабльларда пушкалар атханнар. Пір кӱнінде Петр I сӧӧгі чатчатхан орынға «От благодарного потомства» пазылған медальны салғаннар. Пазағы кӱннерде сӧӧгінзер кӧп алтын паза кӱмӱс медальлар паза веноктар ағылғаннар[1].
Санкт-Петербургтың 200 чылына чарыдып, 1 -ғы гильдияның П. И. Лелеянов садығҷының устаанынаң ӧнетін комиссия пір чӱс чыл алнында ирткен пайрамны хатап таныхтабызарға чаратхан. 8 сағатта Петропавловск крепозынаң 21 пушка атызы иділген. Нева суғның акваториязынҷа чӱзер чазалған корабльлар ирткеннер. Петропавловск соборында иртірілген лития соонда, Петр I сӧӧгі чатчатхан орынға медаль салылған. Пу кӱнде царьның сӧбірезінің кӧзіне Троицк тахтазы азылған. Ол киректерні сомҷы Карл Булла суурып алған[2].
Теестегі пайрамы 1957 чылда ирткен, андада город Ленинград тіп адалған. Ідӧк пушкалар атханнар, Неваҷа Балтийскай флоттың корабльлары ирткеннер. Пайрамнығ кӱннерде «Аврора» крейсерде музей азылған, Финляндия вокзалында В. И. Ленин айланған паровоз турғызылған[3].
Город тӧстелгеннең пеер 300 чыл толчатханына чарыдылған ӱлӱкӱн Россия президенті В. В. Путиннің устааныңаң иртірілген.
Санкт-Петербургсар 45 хазнаның пазы хығыртылған; прай 2600 мероприятиеҷе таныхталған. Ӱлӱкӱнні тимнепчеткен хазна комиссиязы 100 чыл мының алнында иртірілген нимені:пушкалар салюдын, корабльлар парадын, парйамнығ медальны тӧстегҷі императорның сӧӧгіне саларын — хаттирға чаратхан [2].
2003 чыл соонаң Санкт-Петербург городтың кӱні чыл сай иртіріл сыххан.
Кибірліг мероприятиелер
Пайрамнығ кӱн городтың прай аймахтарында иртірілче. Кибірге кір парған паза чапсых киректер санында мындағ мероприятелерні таныхтирға чарир[4].
- Елагин олтырығындағы тюльпаннар фестивальы. Сілкер айының ортызында иртіріледір. Фестивальда тюльпаннарның 50 азыра аймағы чон алнына сығарылча. Чайаачы иирлер паза кӧзідіглер иртірілче. 2024 чылда фестиваль алнынҷа 200 муң чахайах ӱренін одырт салғаннар[5].
- Мороженай фестивальы. Островскийнің площадьында ікі кӱн иртіріледір. Прай 300-ке чағын мороженай аймағы чон алнына сығарылча[6].
- «Дворцовайдағы классика». Азых тигір алтындағы классика музыказының концерті. Чон алнына тилекей синінде саблығ опера ырҷылары, хор паза теелбек искусствозының чылтыстары сыхчалар[7].
- «Дворцовай тахтаның кӧӧ». Иирдегі симфония оркестрінің ойыны, аның тузында Дворцовай тахта кӧдірілче[3].
- Пайрамнығ салют паза оттың Петровскай фестивальы. Фейерверктер атызы Дворцовай тахта кӧдірілізінең пір тиңе иртче[1].
Ідӧк кӧр.
- Санкт-Петербург
- Санкт-Петербургтың 300 чылына чарыдылған пайрам
- «Аалай парустар»
Алған орын
- ↑ 1,0 1,1 День города Санкт-Петербурга — 2023. Дата и программа мероприятий, РБК Life. Дата обращения: 6 Сілкер айы 2024.
- ↑ 2,0 2,1 Виктор Петров. Как праздновали юбилеи СПб в прошлом. Меценат, интернет-портал. Дата обращения: 6 Сілкер айы 2024.
- ↑ 3,0 3,1 День города Санкт-Петербурга: 2021 год — Точная дата, программа, транспорт. Гид по Петербургу. Дата обращения: 6 Сілкер айы 2024.
- ↑ День города Санкт-Петербурга в 2024 году: когда и как отмечают? Лента.ру (16 Хосхар айы 2024). Дата обращения: 6 Сілкер айы 2024.
- ↑ День города в Санкт-Петербурге 2024. Водные прогулки и экскурсии по Санкт-Петербургу (11 Кӧрік айы 2024). Дата обращения: 6 Сілкер айы 2024.
- ↑ Фестиваль мороженого в Санкт-Петербурге. Туроператор «Прогулки». Дата обращения: 6 Сілкер айы 2024.
- ↑ «Классика на Дворцовой» Гала-концерт (май 2024 года, дата уточняется). Культура Петербурга. Дата обращения: 6 Сілкер айы 2024.
|
Пу материал «Интернет-энциклопедия «РУВИКИ» АНО-ның холында. Пасха сайттарда пу материалнаң «Интернет-энциклопедия «РУВИКИ» АНО-ның чарадиинаң на тузаланарға чарир |