Россия Федерациязындағы школа формазы
| Россия Федерациязындағы школа формазы | |
|---|---|
| Россия Федерациязындағы школа формазының наа стандарты (орғах айы, 2025 чыл) | |
.jpg) | |
| Тузаланчатхан чирі | Ӱгредіг заведениелері |
| Сыххан тузы | 1992 |
| Сыххан орны |
 Россия |
Россия Федерациязында школа формазын (орыс. Школьная форма в Российской Федерации) ал чӧрҷең правилоны 1994 чылның часхызында хыйа иткеннер (чуртаста ол 1992 чылның хандых айының 1-ғы кӱнінде аны иткен предприятиелер тоғызын тохтатхан паза чох иділген соонда пол парған). 2013 чылның ӱртӱн айының 1-ғы кӱнінде школа формазы тиксі правило чіли кирілген.
2025 чылның орғах айында Россия Федерациязының Просвещение министерствозы Россияның ӱгренҷілеріне форманың наа стандартын кӧзіткен. Школа формазы чіли продукциязын сығарчатхан производительлер ГОСТ-ха тудынарға киректер. Школа формазының стильі деловой поларға кирек, аның пызылғаны — истіг. Россияда мындағ пастағы стандарт полча. Ол тиксі, ӧӧн паза ортымах ӱгредіг учреждениелерінің ӱгренҷілеріне тарадылча[1]. Просвещение министерствозында пірге школа формазын кирҷең пӧгінні турғыспинчатханын, ӱгредіг заведениелері ӱгренҷілернің тастындағы кӧріміне кирексіністерні постары турғысчатханын искіргеннер[2].
Тархын
Россия Федерациязында СССР-да чіли пірге школа формазы чоғыл, че лицейлернің паза гимназияларның кӧп сабазы ӱгренҷілернің ӱгредіг заведениезіне теелізін таныхтапчатхан пос формазын киргеннер. Пірее школаларда пічік хоостыра алылған школа формазы чоғыл, че форманы ӱгренчілернің іҷе-пабаларынаң чарадиинаң класс синінде кирерге чарир (кибірли андағ «класс» формазын пасталығ класстарда кирчелер). Ідӧк школа формазы чох ӱгредіг заведениелерінде деловой кӧрімніг кип-азахты кисчең правилолар поларға айабас. Совет тузындағы школа формазын (алай ағаа килістіре кӧгенектерні) ах фартуктарнаң хада кибірли Халғанҷы саңда школа тоосчатхан хыстар кизедірлер, ол школанаң анымҷохтасчатханын таныхтапча, пірее-пірее пасха ӱлӱкӱннерде кизілче.
Олох туста школада (Набережные Челны городтың нинҷе-де лицейі, Прохоровскаq гимназия, Хызылчарның паза Уфаның школалары) кӧгенектернең фартуктар совет тузынаң халғаннар алай хатап 2000 чылларда кирілгеннер. 2022 чылда Сергей Кравцов пірге школа формазын кирерге итчеткенін, ӱгредіг заведениелерінің устағ-пастаа ол хайдағ поларын пӧгер тіп искірген. Ӱгредігҷе комитеттің пазы Ольга Казакова андағ пастағ нимее кирек тіп чарыт пирген: «Школа формазы піріктірче паза дисциплинаны тударға оңдай пирче, аннаңар олғаннарға аны кизерге кирек»[3].
2025 чылның от айының 1-ғы кӱнінде Россияда школа формазынҷа наа ГОСТ чуртасха кирілген. Анда ол санда форма иптіг паза истіг поларға, анда «законны хыйыстырчатхан хылынысты таратчатхан» «асоциальнай формальнай нимес чииттер пірігістерінің» танығлары чох поларға кирек тіп пазылча. Хазна паза чир-сууна хынысты кӧзітчеткен танығны стандарт чаратча[4].
2025 чылның орғах айының 6-ҷы кӱнінде РФ-ның Просвещение министерствозы Россияның ӱгренҷілеріне форманың наа стандартын кӧзіткен. Школа формазы чіли продукциязын сығарчатхан производительлер ГОСТ-ха тудынарға киректер. Аның крексіністері хоостыра, школа формазының кӧрімі деловой поларға кирек, аның пызылғаны — истіг. Россияда пу пастағы андағ стандарт полча. Ол тиксі, ӧӧн паза ортымах ӱгредіг учреждениелерінің ӱгренҷілеріне тимнелген[1].
Просвещение министерствозында пірге школа формазын кирер пӧгін чоғыл, ӱгренҷілернің тастындағы кӧрімінҷе кирексіністерні ӱгредіг заведениелері постары турғызар праволығлар тіп искіргеннер[2].
Алған орын
- ↑ 1 2 Минпросвещения показало новый стандарт школьной формы, РБК (6 Орғах айы 2025). Дата обращения: 22 Орғах айы 2025.
- ↑ 1 2 Минпросвещения не планирует вводить единую школьную форму, РИА Новости (6 Орғах айы 2025). Дата обращения: 22 Орғах айы 2025.
- ↑ Единая школьная форма в России 2025-2026: суть законодательной инициативы, какой будет форма, когда введут (6 Орғах айы 2025). Дата обращения: 22 Орғах айы 2025.
- ↑ Появился полный текст ГОСТа с требованиями к школьной форме, РБК (29 Хандых айы 2025). Дата обращения: 22 Орғах айы 2025.