Пірге хазна экзамені

Рувики тiп сайттаң
Пірге хазна экзамені
ЕГЭ.png
Тузаланчатхан чирі 11 класс ӱгренҷілерінің
хазна аттестациязы
Сыххан тузы 2001

Пірге хазна экзамені (орыс. Единый государственный экзамен) (ЕГЭ) — Россия Федерацизында ортымах ӱгредіг заведениелерінде — школаларда, лицеялерде паза гимназияларда — пір саңай иртірілчеткен сыныхтағ. Ортымах тиксі ӱгредігнің ӱгредіг программаларының ГИА-зын иртірҷең формазы полча[1]. Пір саңай школаны тоосҷаң паза вузха кірҷең сыныхтағ тоғызы полча. 2013 чылға теере ідӧк ортымах ӧнетін ӱгредіг заведениезіне кірҷең сыныхтағ полған, че ӱгредігнің наа законынҷа анзы чох иділген. Экзамен полчатса, Россияның прай чирлерінде тӧӧй заданиелер пирілчелер паза иділген тоғыстарны паалаҷаң пірге оңдайлар тузаланылчалар. 2009 чылдаң сығара ЕГЭ школа тоосчатханнарның чалғыс сыныхтағ тоғыс формазы паза вузтарға кірҷең ӧӧн форма полча. ЕГЭ-ны пазағы чылларда хатап тутчаң оңдай пирілче. ЕГЭ орыс тілінҷе, математикаҷа, пасха хан чирі тілінҷе (англия, немец, француз, испан, хыдат), физикаҷа, химияҷа, биологияҷа, географияҷа, литератураҷа, тархынҷа, обществознаниеҷе, информатикаҷа тудылча[2][3][4].

2015 чылда математикаҷа экзамен ӧӧн паза профиль синнеріне пӧлілген[5]. Математиканың ӧӧн синін пӧзік ӱгредіг заведениезінде ӱгренерге итпинчеткеннері алай вуз-ха кірҷең экзаменнер санында «Математика» чох вузтарға кірчеткеннері тутча. Вузтарға кірҷең экзаменнер санында «Математика» предмет пар полза, андада ортымах ӱгредіг заведениезін тоосчатханнары профиль синін тутчалар.

2016 чылда кӱскӱде Амурдағы ӱгренҷілер тиксі Россия синінде хыдат тілінең ЕГЭ-ны пастағызын на сыныхтағ оңдайынаң тут кӧргеннер. 2019 чылда Россия Федерациязында хыдат тілінең ЕГЭ-зы кирілген[6].

6 июньда 2024 чылда ЛДПР, КПРФ паза Справедливая Россия — За правду фракциялар депутаттары Думаа ЕГЭ-ны чох идіп, кибірліг хазна сыныхтағларына айландырар закон проектін киргеннер[7].

Экзаменнің А паза В блоктарының нандырығларына 2009 чылдағы ЕГЭ бланктары

ЕГЭ-ның кирілгені

[тӱзедерге | код тӱзедерге]

ЕГЭ-ны пастағызын на 2001 чылда Чувашия, Марий Эл, Якутия республикаларда, ідӧк Самара паза Ростов оластьтарында сигіс ӱгредіг дисциплиназынҷа кир кӧргеннер[8]. 2002 чылда андағ эксперимент хазнаның 16 регионында ирткен[9]. 2003 чылда экспериментке РФ-ның 47 субъекті хозылған, 2004 чылда — хазнаның 65 регионы[10]. 2006 чылда ЕГЭ-ны Россияның 79 регионының 950 муңҷа ӱгренҷізі тутхан. 2008 чылда аны прай регионнарда миллион азыра ӱгренҷі тутхан. 2001—2008 чылларда иртірілген ЕГЭ-ның предметтер изерізін регионнар пос оңдайынаң тимнееннер.

ЕГЭ-ның авторы — министр Владимир Филиппов[ru] паза аны чуртасха кирген кізі Владимир Хлебников полча[11].

ЕГЭ-ның иртірерінең Ӱгредіг паза наука кӧрізінҷе федеральнай служба[ru] Россия Федерациязының субъекттерінің толдырығ ӱлгӱзінің органнарынаң хада айғасча[12].

17 ноябрьда 2023 чылда Рособрнадзорның пазы искіриинең, 2026 чылға ЕГЭ-ны иртірерінең палғалыстығ системаларны Ада чирібістің программа обеспечениезіне кӧзірібіскеннерCite web|url=https://www.rbc.ru/rbcfreenews/6556ce599a794733e70e774d%7Ctitle=Рособрнадзор планирует перевести системы ЕГЭ на российское ПО к 2026 году|date=2023-11-17|publisher=РБК|access-date=2023-11-17}}</ref>.

29 ноябрьда 2023 чылда Рособрнадзор пазы Анзор Музаев килер 5-10 чылға ЕГЭ-ны онлайн-форматха айландырарын хыйа иткен[13].

Заданиелернің пӱдізі паза істі

[тӱзедерге | код тӱзедерге]

ЕГЭ заданиелері контрольнай сыныхтағ материаллары (КИМ-нар) адалчалар. Оларны Педагогика синеглерінің федеральнай институды тимнепче.

Пастап предметтернің чахығлары ӱс чардыхха (блокха) чарылғаннар: A, B, C.

A чардыхта тесттер заданиелері полғаннар, полғанында ла тӧрт нандырығ санынаң пірсін таллап аларға киректелген.

B блоктың полған на заданиезінде пір алай нинҷе-де сӧстіг, саннығ алай буквалығ нандырығ пирерге киректелген. A паза B блоктарның сурығлар нандырығлары ӧнетін бланкха кирілчелер паза компьютер пастыра сыныхталчалар.

C блок пір алай нинҷе-де сурығлығ полған. Аның нандырии толдыра поларға кирек. Пу чардыхтың нандырығларын региондағы сыныхтағ комиссиязының эксперттері паалапчалар. КИМ-ның С чардығының сурығларының эксперттерге паалаҷаң критерийлері парлар.

Хайзы предметтерҷе КИМ-нарның пасхалалчатхан оңдайлары парлар. Кӧзідімге, литератураҷа паза математикаҷа КИМ-нарда (2010 чылдаң сығара[14]) нандырығлар аразында таллаҷаңнары чоғыллар. Пасха хан тілінҷе КИМ-да пасха хан тілінің текзінің аудиода пазылғаны пирілче, аны истіп, текст пастыра сурығларға нандырарға кирек. 2015/2016 ӱгредіг чылынаң сығара прай предметтернің КИМ-наң ікі пирілген нандырығдаң пірсін таллир сурығлар чох иділгеннер (аның алнында —«А» чардығы), 1 чардыхтың істі алғыдылған (аның алнында «Б») 2 чардыхтың сурығлары тӱзеділгеннер.

КИМ-ның істі Рособрнадзор хоостыра кӱскӱде кирілген ӱс пічікке тӧстенче: КИМ-ның істіндегі элементтер кодификаторлары, экзаменнің спецификациязына паза экзаменнің демо кӧріміне. Іди, КИМ-ның пӱдізі, формазы паза істі (толдырылғаны) азынада тимнел парғаннар, пос алынҷа алыстырылбинчалар[15][16].

Таблицада 2013 чылдағы ЕГЭ-ның кодтары, заданиелер саны паза иң улуғ азынада балл пирілче[15]. Сыныхтағның иң ӱр тузы 2019 чылның ЕГЭ-да пирілче. Иң асхынах баллар саны кирілген. Ол тесттер балларында кӧрін парча.

Код Предмет Сыныхтағ тузы
(пағат)		 A блоктың
сурығлары		 B блоктың
сурығлары		 C блоктың
сурығлары		 Азынада балларның
иң улуғ саны		 2011 чылдағы балларның
иң улуғ саны 		2023 чылдағы балларның иң улуғ саны[17]
1 Орыс тілі 210 30 8 1 64 36[18] 40
2 Математика(ӧӧн/профиль) 180/235 0 15 6 32 24[19] 39
3 Физика 235 25 4 6 51 33[20] 39
4 Химия 210 28 10 5 65 32[21] 39
5 Информатика паза ИКТ 235 13 15 4 40 40[22] 44
6 Биология 235 36 8 6 69 36[23] 39
7 Тархын 180 21 13 6 58 30[24] 35
8 География 180 24 13 6 54 35[25] 40
9 Англия тілі 190+17 28 16 2 80 20[26] 30
10 Немец тілі 190+17 28 16 2 80 20[26] 30
11 Француз тілі 190+17 28 16 2 80 20[26] 30
12 Обществознание 210 20 8 9 59 39[27] 45
13 Испан тілі 190+17 28 16 2 80 20[26] 30
18 Литература 235 0 12 5 42 32[28] 40
19 хыдат тілі 180+14 30

2009—2011 чыллардағы иң тӧбін баллардаңар искірігні ЕГЭ-ның официальнай сайтында таап аларға чарир.

Матиматиканың ӧӧн паза профиль синнеріндегі экзаменде нандырығлар аразында таллаҷаң сурығлар чоғыллар.

2024 чылдаң сығара орыс тілінҷе ЕГЭ-да сурығларның пірсінде кӧзідімге компьютер ойыннарының, анименің, мангинің, комикстернің полтазын аларға чарир[29].

2025 чылдаң сығара ӱгренҷілерге орыс тілінҷе ЕГЭ-дағы сочинение чардығында комикстердең, анимедең, фанфиктердең паза компьютер ойыннарынаң алылған кӧзідімнерні чаратпасха итчелер[30].

ЕГЭ бланктары

[тӱзедерге | код тӱзедерге]
  • Регистрация бланкы экзамен араласчыларын пічікке кирерінде тузаланылча.
  • 1 № нандырығлар бланкында А паза В блоктарның сурығларына нандырығлар кирілчелер.
  • С блоктың сурығларына толдыра нандырығларға 2 № нандырығлар бланкы тузаланылча; орын читпинчетсе, 2 № нандырығларның хоза бланкы пирілче.

ЕГЭ-ның прай бланктарының улии 210 мм × 305 мм:

  • Регистрация бланкы

    Регистрация бланкы

  • 1 № нандырығлар бланкы

    1 № нандырығлар бланкы

  • 2 № нандырығлар бланкы

    2 № нандырығлар бланкы

  • 2 № нандырығларның хоза бланкы

    2 № нандырығларның хоза бланкы

Ідӧк бланктың арған саринаң тузаланарға чарир:

  • 2 № нандырығлар бланкының арған сари

    2 № нандырығлар бланкының арған сари

  • 2 № нандырығларның хоза бланкының арған сари

    2 № нандырығларның хоза бланкының арған сари

ЕГЭ-ның бланктары хатығ правилолар пастыра толдырыларға кирек, алай ол хығырылбас, аннаңар саба нандырығ чіли саналар.

Паалағлар турғызары

[тӱзедерге | код тӱзедерге]

ЕГЭ-ның полған на суриина пір алай аннаң даа кӧп балл турғызылча. Балларның тиксі саны сыныхтағ иртчеткеннің «пастағы балларына» саналча. Ол баллар предметтер пастыра пасхалалчалар. Іди, 2012 чылда иң асхынах пастағы баллар саны математикаҷа (32 балл) полған. Иң кӧп балл биологияҷа (69 балл) паза пасха хан тіллерінҷе (80 балл).

Анаң пастағы паза тест оңлайлығ баллар тиңнестірілчелер (иң пӧзік тест оңлайлығ балл хаҷан даа 100-ке тиңнелче). Пастағы балларны тест оңдайларына айландырарын ӧнетін компьютер программазы санапча. Ол экзамен араласчыларының салтарларын санға алча[31]. Пу шкала предметтер хоостыра пасхалалча. Кӧзідімге, 2020 чылда орыс тілі экзаменінде 58 баллның пастағы 30-ы 54 баллға айландырылған, математикада, тізең, 32 баллның пастағы 10 баллы 50 тест баллына айландырылған[32].

Салтарлар

[тӱзедерге | код тӱзедерге]

ЕГЭ тузында сынағ оңдайынаң экзамен салтарын сайтта таап аларға чарир, андар араласчының паспорт танығларын кирерге кирек. 2009 чылда Рособрнадзор «кізі танығларын хайраллир пӧгінні» («в целях защиты персональных данных») хыйа иткен[33], андада ЕГЭ салтарларын кізі холындағы компания чарыхха сығарҷаң. Олох туста экзамен салтарларын Интернетте региондағы искіріглернең тоғынчатхан кіннер (РЦОИ) сығарар оңдайлығлар.

ЕГЭ салтарларын чарыхха сығарҷаң сервизтер прай Россияның прай субъекттерінде чоғыллар.

Экзаменні пастағы хати тут полбаан школа тоосханнарның проценті[тӱзедерге | код тӱзедерге]

Чыл Орыс тілі Математика
2013[34] 2,2 % 7,6 %

29 февральда 2024 чылда Россия президенті Владимир Путин ЕГЭ-ны хатап тутчаң нормадағы алызығларны хысхаҷахти искірген. Ол, вузтарзар кірҷең кампания тоозылғанҷа, ӱгренҷілерге предметтернің пірсін хатап пас кӧрҷең ондай пирерге чӧп пирген[35].

6 мартта 2024 чылда Рособрнадзор пазы Анзор Музаев ЕГЭ-ның пір предмедін 2024 чылның хандых айынаң сығара хатап тударға чарир поларын искірген[36].

3 апрельде 2024 чылда РФ-ның премьер-министрі Михаил Мишустин ЕГЭ-ның пір предмедін 2024 чылның от айының 4 паза 5 кӱннерінде хатап тударға чарир поларын искірген[37].

4 апрельде 2024 чылда ЕГЭ-2024 расписание проекті чарыхха сығарылған, анда экзаменні хатап тутчаң оңдай кӧріл парған. 4 июльда информатиканы, обществознаниені, орыс тілін, физиканы, химияны, пасха хан тілінің пасчаң чардығын тудары кӧріл парған. 5 июльға биология, география, математиканың ӧӧн паза профиль чардыхтары, история, литература паза пасха хан тіллерінің чоохтанҷаң сыныхтағ чардығы киліскен[38].

2024 чылның салтарлары[тӱзедерге | код тӱзедерге]

2024 чылда Россиядағы пір ӱгренчі ЕГЭ-ны 400 баллға тудыбысхан. Иң артых салтарны 1580 № Бауманскай инженер школазының ӱгренҷізі Александр Оглоблина кӧзіткен. Ол орыс тілінҷе, профиль математиказынҷа, физикаҷа паза информатикаҷа сыныхтағ тоғыстарын тутхан[39]. Россияның 42 ӱгренҷізі тӧрт экзаменні 300 баллға тудыбысхан, 648 ӱгренҷі — 200 баллға[40]. Рособорнадзор танығларынаң, ЕГЭ правилоларын сайбаан ӱчӱн, 2024 чылда 768 ӱгренҷі экзаменнең сығардырған[41].

Алған орын

[тӱзедерге | код тӱзедерге]
  1. ↑ Приказ Минобрнауки России от 26.12.2013 N 1400. legalacts.ru. Дата обращения: 5 Хосхар айы 2019. Архивировано 1 Хосхар айы 2019 года.
  2. ↑ Федеральный закон от 09.02.2007 N 17-ФЗ "О внесении изменений в Закон Российской Федерации "Об образовании" и Федеральный закон "О высшем и послевузовском профессиональном образовании" в части проведения единого государственного экзамена" (с изменениями и дополнениями) (утратил силу) | ГАРАНТ. base.garant.ru. Дата обращения: 5 Хосхар айы 2019. Архивировано 11 Хосхар айы 2019 года.
  3. ↑ Об утверждении сроков и единого расписания проведения ЕГЭ в 2009 году | Педагогическая периодика. Каталог публикаций. periodika.websib.ru. Дата обращения: 5 Хосхар айы 2019. Архивировано 17 Хандых айы 2019 года.
  4. ↑ Порядок проведения ЕГЭ в 2009 году (недоступная ссылка)
  5. ↑ ЕГЭ по математике разделят на базовый и профильный уровень (орыс.), РИА Новости. Архивке ызылған 13 Кічіг хырлас айы 2017 чылда. Дата обращения: 16 Сілкер айы 2017.
  6. ↑ ЕГЭ по китайскому языку свидетельствует о возрастающем интересе к Китаю — министр науки и высшего образования РФ, «Синьхуа» (4 июня 2019). Дата обращения: 23 декабря 2022.
  7. ↑ В Госдуму внесли проект об отмене ЕГЭ. РИА Новости (6 Хандых айы 2024). Дата обращения: 6 Хандых айы 2024.
  8. ↑ Е.В.Мишукова. Единый государственный экзамен. Идея, сущность, принципы. bank.orenipk.ru (Улуғ хырлас айы 2001). Дата обращения: 22 Сілкер айы 2010. Архивировано из оригинала 18 Чарыс айы 2018 года.
  9. ↑ Чарымы артиинаң ӱгренҷілер пірге хазна сыныхтаан тударлар, Страна.RU (8 октябрьда 2002). Архивке ызылған 11 Кӧрік айы 2012 чылда. Дата обращения: 22 Сілкер айы 2010.
  10. ↑ ЕГЭ не может расцениваться в качестве единственного критерия, Российский общеобразовательный портал (18 октября 2004). Архивке ызылған 29 Хандых айы 2013 чылда. Дата обращения: 22 Сілкер айы 2010.
  11. ↑ История Единого государственного экзамена в России. Дата обращения: 29 Орғах айы 2016. Архивировано 11 Ӱртӱн айы 2016 года.
  12. ↑ Положение о Федеральной службе по надзору в сфере образования и науки — Постановление Правительства РФ от 17.06.2004 № 300. Дата обращения: 18 Улуғ хырлас айы 2011. Архивировано из оригинала 5 Орғах айы 2011 года.
  13. ↑ В Рособрнадзоре исключили перевод ЕГЭ в онлайн-формат в ближайшие 5-10 лет. Росбалт (29 Кічіг хырлас айы 2023).
  14. ↑ Проект КИМ ЕГЭ по математике 2010 г. Архивная копия от 13 Орғах айы 2009 на Wayback Machine
  15. ↑ 1 2 Спецификации и демоверсии КИМ 2009 г. Архивная копия от 19 Кӱрген айы 2009 на Wayback Machine
  16. ↑ Демонстрационные варианты ЕГЭ всех лет Архивная копия от 23 От айы 2008 на Wayback Machine
  17. ↑ Министерство науки и высшего образования РФ. Приказ Министерства науки и высшего образования РФ от 12.08.22 №758 (неопр.). garant.ru (12.08.22).
  18. ↑ Распоряжение Рособрнадзора от 09.06.2011 № 1837-10 «Об установлении минимального количества баллов ЕГЭ по русскому языку, подтверждающего освоение основных общеобразовательных программ среднего (полного) общего образования в 2011 году» Архивная копия от 28 От айы 2011 на Wayback Machine
  19. ↑ «Об установлении минимального количества баллов единого государственного экзамена по математике, подтверждающего освоение выпускником основных общеобразовательных программ среднего (полного) общего образования в 2011 году» Архивная копия от 17 Улуғ хырлас айы 2011 на Wayback Machine
  20. ↑ 22 июня комиссия по шкалированию Рособрнадзора определила минимальное количество баллов ЕГЭ, свидетельствующее об освоении школьного курса по физике в 2011 году — 33 балла Архивная копия от 17 Улуғ хырлас айы 2011 на Wayback Machine
  21. ↑ Распоряжение Рособрнадзора от 09.06.2011 № 1835-10 «Об установлении минимального количества баллов ЕГЭ по химии, подтверждающего освоение основных общеобразовательных программ среднего (полного) общего образования в 2011 году» Архивная копия от 28 От айы 2011 на Wayback Machine
  22. ↑ Распоряжение Рособрнадзора от 03.06.2011 № 1781-10 «Об установлении минимального количества баллов ЕГЭ по информатике и ИКТ, подтверждающего освоение основных общеобразовательных программ среднего (полного) общего образования в 2011 году» Архивная копия от 28 От айы 2011 на Wayback Machine
  23. ↑ Распоряжение Рособрнадзора от 03.06.2011 № 1780-10 «Об установлении минимального количества баллов ЕГЭ по биологии, подтверждающего освоение основных общеобразовательных программ среднего (полного) общего образования в 2011 году» Архивная копия от 28 От айы 2011 на Wayback Machine
  24. ↑ 22 июня комиссия по шкалированию Рособрнадзора определила минимальное количество баллов ЕГЭ, свидетельствующее об освоении школьного курса истории в 2011 году — 30 баллов Архивная копия от 17 Улуғ хырлас айы 2011 на Wayback Machine
  25. ↑ Распоряжение от 17.06.2011 № 1960-10 «Об установлении минимального количества баллов единого государственного экзамена по географии, подтверждающего освоение основных общеобразовательных программ среднего (полного) общего образования в 2011 году» Архивная копия от 17 Улуғ хырлас айы 2011 на Wayback Machine
  26. ↑ 1 2 3 4 Распоряжение Рособрнадзора от 09.06.2011 № 1836-10 «Об установлении минимального количества баллов ЕГЭ по иностранным языкам, подтверждающего освоение основных общеобразовательных программ среднего (полного) общего образования в 2» Архивная копия от 28 От айы 2011 на Wayback Machine
  27. ↑ Распоряжение от 17.06.2011 № 1961-10 «Об установлении минимального количества баллов единого государственного экзамена по обществознанию, подтверждающего освоение основных общеобразовательных программ среднего (полного) общего образования в 2011 году» Архивная копия от 21 Ӱртӱн айы 2011 на Wayback Machine
  28. ↑ Распоряжение Рособрнадзора от 03.06.2011 № 1782-10 «Об установлении минимального количества баллов ЕГЭ по литературе, подтверждающего освоение основных общеобразовательных программ среднего (полного) общего образования в 2011 году» Архивная копия от 28 От айы 2011 на Wayback Machine
  29. ↑ На ЕГЭ по русскому языку разрешили ссылаться на аниме, видеоигры и комиксы, Коммерсант (20 Кӧрік айы 2024). Дата обращения: 20 Кӧрік айы 2024.
  30. ↑ В ЕГЭ-2025 по русскому языку хотят запретить приводить примеры из комиксов, РИА Новости (23 Орғах айы 2024). Дата обращения: 23 Орғах айы 2024.
  31. ↑ Методика шкалирования результатов ЕГЭ в 2012 году. Дата обращения: 5 Хандых айы 2012. Архивировано 3 Сілкер айы 2012 года.
  32. ↑ Шкала перевода баллов ЕГЭ 2021. Дата обращения: 16 Улуғ хырлас айы 2020. Архивировано 17 Кӱрген айы 2021 года.
  33. ↑ В этом году Рособрнадзор отказался от публикации в Интернете результатов ЕГЭ каждого участника Архивная копия от 5 Хандых айы 2009 на Wayback Machine
  34. ↑ Итоги заседания комиссии Рособрнадзора по результатам ЕГЭ. Дата обращения: 14 Хандых айы 2013. Архивировано 19 Орғах айы 2013 года.
  35. ↑ Путин предложил дать шанс пересдавать ЕГЭ перед поступлением в вуз, РБК (29 Азығ айы 2024). Дата обращения: 29 Азығ айы 2024.
  36. ↑ Власти раскрыли, когда появится право пересдать ЕГЭ для поступления в вуз, РБК (6 Кӧрік айы 2024). Дата обращения: 6 Кӧрік айы 2024.
  37. ↑ Мишустин назвал даты для пересдачи одного предмета ЕГЭ, РИА Новости (3 Хосхар айы 2024). Дата обращения: 3 Хосхар айы 2024.
  38. ↑ Опубликован проект расписания ЕГЭ-2024 с учетом нового порядка пересдачи, TACC. Дата обращения: 4 Хосхар айы 2024.
  39. ↑ Выпускница из Москвы набрала 400 баллов по четырем предметам на ЕГЭ, РИА Новости (23 Хандых айы 2024). Дата обращения: 8 От айы 2024.
  40. ↑ Рособрнадзор: один российский выпускник сдал ЕГЭ в этом году на 400 баллов, RT на русском. Дата обращения: 8 От айы 2024.
  41. ↑ С ЕГЭ за нарушение порядка удалили более 750 школьников. РИА "Новости" (8 От айы 2024). Дата обращения: 8 От айы 2024.

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Пірге_хазна_экзамені&oldid=97106