Пос иткен сыбы

Рувики тiп сайттаң
Оптоволокнонаң пос иткен сыбы

Пос иткен сыбы (орыс. Искусственная ёлка) — наа чыл ӱлӱкӱннері тузында тузаланылчатхан наа чыл сыбызына тӧӧй пӱдістіг ниме. Пос иткен пастағы сыбылар пирамидаа тӧӧй иде ағаснаң иділҷеңнер, алай хус чӱгінең чазалҷаңңар. Ікі кӧрімін немецтер тимнееннер. Амғы пос иткен сыбылар поливинилхлориднең иділчелер; ідӧк алюминийнең алай оптоволокнонаң тимнелген кӧрімнері парлар.

Тархын

Пастағы пос иткен сыбылар XIX чӱс чылда Германияда пол килгеннер[1][2], анынаң даа ирте сыххан сыбылар парлар[3]. Оларны ноған ӧңе сырлалған хас чӱглерінең итчеңнер[1]. Германияда ағастығ чирлер саны хызырылғаны ӱчӱн, пос иткен сыбылар хас чӱглерінең тимнелгеннер[2][4]. 1880 чылларда хас ҷӱгінең иділ сыххан сыбылар XX чӱс чылның пастағы чылларында саблан парыбысханнар[4]. Олар Піріккен Америка штаттарына читкеннер, анда даа саблан парғаннар[5][6].

США-да пос иткен сыбылар сын «кӧлееде ағастары» алнында тузаланыл сыхханнар тиирге чарир[3]. Пу пастағы «ағастар» ағасха тӧӧй иде пирамида пӱдістіг паза чарыдылған свечіліг полғаннар. Олар Вифлеемде (Пенсильвания штат) 1747 чылда иділгеннер[7].

Пос иткен сыбылар кӧрімнері

Чӱглернең

Чӱглернең иділген сыбы

Пос иткен сыбылар хас чӱглерінең иділҷеңнер. Олар, ноған ӧңе сырлалып, эмек салааларға хаптырылҷаңңар[5]. 1920 чылларда универмагта садылғаннарның иң кічіг сыбылары 2-дюймге читчеңнер, пӧзіктері 98-дюйм полҷаң[6]. Удаа свечілер орнына салаа пазына пос иткен хызыл «чистектер» хаптырылҷаңнар[5]. Салаалар аразы арам полҷаң, анзы свечілерні хорғыс чох чарыдарға паза сыбыны пасха даа ниме-нооларнаң чазирға оңдай пирҷең[5]. «Чӱглернең иділген сыбыларның» чахсызы — оларны нинҷе-нинҷе хати турғызарға чарир, сыбы сабы тоолабинча[8].

Ах тимірнең

Ах тимірнең иткен сыбы
Ӧӧн статья: Ах тимір наа чыл сыбызы

Ниик хуба тимірнең иділчеткен пос иткен сыбылар парлар[2]. Пастап олар США-да пол килгеннер: Чикагода 1958 чылда[9], соонаң — Манитовокта, анда ӧӧнінде андағ сыбылар сығарыл сыххан[10]. Ах тимір пос иткен сыбылар 1970 чылларға теере иділгеннер[9], иң кӧп олар 1965 чылда сығарылғаннар[11][12]. Ол чылда экранға «Рождество Чарли Брауна» мультфильм сыххан. Анынаң ах тимірнең иділген сыбылар садии тӧбін тӱс парғаны палғалыстығ тіп саналча[9].

Алған орын

  1. ↑ 1 2 Forbes, Bruce David. Christmas: A Candid History, (Google Books Архивная копия от 29 От айы 2016 на Wayback Machine), University of California Press, 2007, pp. 121—22, (ISBN 0-520-25104-0)
  2. ↑ 1 2 3 Hewitt, James. The Christmas Tree, (Google Books Архивная копия от 23 Хандых айы 2016 на Wayback Machine), Lulu.com, 2007, pp. 33—36, (ISBN 1-4303-0820-6).
  3. ↑ 1 2 Perkins, Broderick. «Faux Christmas Tree Crop Yields Special Concerns Архивке ызылған 8 Ӱртӱн айы 2008 чылда.», Realty Times, December 12, 2003, accessed December 15, 2008.
  4. ↑ 1 2 John, J. A Christmas Compendium, (Google Books Архивная копия от 20 От айы 2014 на Wayback Machine), Continuum International Publishing Group, 2005, p. 129, (ISBN 0-8264-8749-1).
  5. ↑ 1 2 3 4 Marling, Karal Ann. Merry Christmas!: Celebrating America's Greatest Holiday. — Harvard University Press, 2000. — P. 58—62. — ISBN 0674003187.
  6. ↑ 1 2 Silverthorne, Elizabeth. Christmas in Texas, (Google Books Архивная копия от 5 Кӧрік айы 2022 на Wayback Machine), Texas A&M University Press, 1994, p. 62, (ISBN 0-89096-578-1).
  7. ↑ «Christmas Tree Traditions Архивная копия от 4 От айы 2010 на Wayback Machine», University of Illinois Extension, accessed December 15, 2008.
  8. ↑ Marling, Karal Ann. Merry Christmas!: Celebrating America’s Greatest Holiday, (Google Books Архивная копия от 5 Кӧрік айы 2022 на Wayback Machine), Harvard University Press, 2000, pp. 58—62, (ISBN 0-674-00318-7).
  9. ↑ 1 2 3 Fortin, Cassandra A. «It’s beginning to look a lot like Christmas (1958) (недоступная ссылка)», The Baltimore Sun, October 26, 2008, accessed December 14, 2008.
  10. ↑ Andrews, Candice Gaukel. Great Wisconsin Winter Weekends, (Google Books Архивная копия от 5 Кӧрік айы 2022 на Wayback Machine), Big Earth Publishing, 2006, p. 178, (ISBN 1-931599-71-8)
  11. ↑ «A dark family secret: the artificial Christmas tree», Oakland Tribune, December 24, 2006, via findarticles.com, accessed December 14, 2008.
  12. ↑ Pinto, Barbara. «Town Leads Aluminium Christmas Tree Revival Архивная копия от 25 Кӧрік айы 2010 на Wayback Machine», ABC News, December 18, 2005, accessed December 14, 2008.
Алған орны - https://kjh.ruwiki.ru/w/index.php?title=Пос_иткен_сыбы&oldid=144334