Орыс тілі кӱні
| Орыс тілі кӱні | |
|---|---|
 | |
| Тип | Культура |
| Закон хоостыра | Орыс тілі кӱні |
| Пасха | Россиядағы Пушкиннің кӱні |
| Тӧстелген | 6 июньда 2011 чылда сыххан Россия Федерациязының президентінің орыс тіліне чарыдылған чахиинаң |
| Кӱні | 6 июньда |
| Палғалыстығ | амғы орыс литература тілінің тӧстегҷізі А. С. Пушкиннің тӧреен кӱнінең |
Орыс тілі кӱні — орыс тіліне чарыдылған чоннар аразындағы кӱн. ООН 2010 чылда тӧстеп алған, хандых айының 6-ҷы кӱнінде, илбек орыс кибелісчі Александр Сергеевич Пушкиннің тӧреен кӱнінде, таныхталча[1].
Россияда ӱлӱкӱн хазна ӱлӱкӱні чіли 2011 чылда тӧстелген.
Тархын
Орыс тілі кӱнін тӧстирдеңер сағысты 26 декабрьда 2007 чылда сыххан «Парламентская газета» страницаларында «Русская игра слов» проекттің авторы Иван Клименко искірген[2]. Автор ол статьяда Орыс тілі чылының салтарын идіп, таныхтапча: «…тілні тилідер ӱчӱн, полған на чылда пос кӱні поларға кирек. Орыс тілі кӱні. Тиксі тилекейдегі ӱлӱкӱн прай Орыс тилекейге». Андада Россияның ӱлгӱлері ол чӧпке хайбааннар.
Аның алнында, 1996 чылда, орыс тілін хайраллир кӱнні, 6 июньны, А. С. Пушкиннің тӧреен кӱнінде Крымдағы Орыс общиназы таныхтап пастаан. 2007 чылдаң сығара Крымда оларның кӱстенізі хоостыра хандых айының 6-ҷы кӱнінде орыс, славян культуразының «Великое Русское Слово» чоннар аразындағы фестивальы иртіріл сыххан. Пу кӱнде фестиваль араласчыларын кӧп чыллар Россия Федерациязының президенті алғыстапча.
2011 чылның хандых айының 6-ҷы кӱнінде Россия Федерациязының президенті Д. А. Медведев: «Орыс тілі кӱнін тӧстирге паза аны чыл сай, 6 июньда, илбек орыс поэт, амғы орыс литература тілінің тӧстегҷізі А. С. Пушкиннің тӧреен кӱнінде таныхтирға» чахығда хол салған[3].
ООН-ның тіллер кӱннері
ООН-дағы тӧреен тіл кӱнінең хада организацияның хазна тіллерінің кӱннері таныхталчалар[4]. Олар 2010 чылда ООН-ның Халых искіріглер департаментінең тіллер паза культуралар аймағына хабазар пӧгіннең кирілгеннер[5].
ООН-ның программазының танығлығ кӱннері
- 20 март — Француз тілінің кӱні (Чоннар аразындағы франкофония кӱні).
- 20 апрель — Хыдат тілінің кӱні (хыдат пічиинің тӧстегҷізі Цан Цзе чарыдылча).
- 23 апрель — Англия тілінің кӱні (Уильям Шекспирнің тӧреен кӱні).
- 23 апрель — Испан тілінің кӱні (Мигель Сервантестің ӱреен кӱні).
- 6 июнь — Орыс тілі кӱні (А. С. Пушкиннің тӧреен кӱні).
- 18 декабрь — Араб тілінің кӱні (ООН-ның хазна тіллерінің санына 1973 чылда кирген кӱн)[1].
Алған орын
- ↑ 1 2 День русского языка в ООН. Дата обращения: 6 Хандых айы 2011. Архивировано 26 Сілкер айы 2013 года.
- ↑ Иван Клименко. «Да будет день!», Парламентская газета (27 Улуғ хырлас айы 2007). Архивке ызылған 31 Чарыс айы 2015 чылда. Дата обращения: 6 Хандых айы 2016.
- ↑ О Дне русского языка : Указ Президента РФ от 06.06.2011 № 705 // Собрание законодательства РФ. 13.06.2011. № 24. Ст. 3401.
- ↑ Список международных дней на сайте ООН. Дата обращения: 26 Хосхар айы 2017. Архивировано 27 Сілкер айы 2016 года.
- ↑ Department of Public Information to Launch ‘Language Days at the United Nations’ Архивная копия от 2 Кӱрген айы 2018 на Wayback Machine (англ.)
Ссылкалар
- Официальный сайт Российской академии наук
- В России появился новый праздник — День русского языка (Грамота.ру)
- Указом Президента установлен День русского языка — 6 июня (Кремлин.ру)
- Стенограмма встречи в Институте русского языка, на которой Президент объявил о подписании указа «О Дне русского языка»
- Официальный сайт празднования Дня Русского языка в Москве «Русский Лад»