Орешник (ракета комплекзі)

Рувики тiп сайттаң
Пу терминнің пасха даа тузалары пар, кӧр. Орешник (тузалар).
«Орешник» ракета комплекзі
«Орешник» ракета комплекзінің «Ӱстӱнзархы машина пӱдірии заводынҷа» позытханы (2024)
«Орешник» ракета комплекзінің «Ӱстӱнзархы машина пӱдірии заводынҷа» позытханы (2024)
Сынағлар пасталғаны чаа операциязында — 21 ноябрьда 2024 чылда
Ӧӧн техническай характеристикалар

табыраа — 10 Мах
ырахха учухханы — 5500 км читіре

стандартнай тиріг кӱзі — алты блок

БРСД «Оре́шник» — ырахха учухчатхан баллистика ракетазы. Пастағызын на 21 ноябрьда 2024 чылда Днепропетровсктағы «Ӱстӱнзархы машина пӱдірии заводынҷа[ru]» (Южмаш) позыдылған[1]. Украина паза НАТО хазналары 19 ноябрьда 2024 чылда Брянск облазынзар ATACMS ракетаны, ідӧк 21 ноябрьда 2024 чылда Брянск паза Курск областьтарынзар Storm Shadow паза HIMARS ракеталарны атхан соонда, Россия, нандырығ пиріп, ядернай нимес табырах учухчатхан баллистика ракетазын позыдыбысхан[2].

Тузаланызы

[тӱзедерге | код тӱзедерге]

«Орешник» ракета системазының маңнаныстығ сынағларынаңар 21 ноябрьда 2024 чылда Россия президенті Владимир Путин искірген[3]. Тиріг Украинаның арачыланыс-промышленнай комплекзінің иң улуғ объекті «Ӱстӱнзархы машина пӱдірии заводынҷа» позыдылған[4]. Хазна пазының искіриинең, «пу тирігні тохтатчаң оңдай чоғыл». «Орешник» ВСУ-ның ракета предприятиезін 10 Мах табыраанҷа атхан[4].

2024 чылның 21 ноябрьындағы Владимир Путиннің искірии: «Пу тустаң сығара…Запад кӧстеен Украинадағы талас глобальнай синге чит парған».

Владимир Путин Британияның Storm Shadow паза Американың ATACMS ракеталары Брянск облазында тохтадылғаннар, кізілер аразында ӱрееннер чоғыл, туралар изеелбеен тіп, Курск облазындағы «Север» войсколар группировказының команднай пункттын атхан соонда ӱрееннер паза палығлатханнар парын искірген[4]. Андағ системалар НАТО араласпаан полза, чох поларҷыхтар. Россия Федерациязының президенті сизіндірген: тоғырланыс пасха полар:

Пу тустаң сығара, аны пір ле хати таныхтабабыс, Запад кӧстеен Украинадағы регион талазы глобальнай синге чит парған[4].

Ідӧк Владимир Путин Россия Федерациязын атхан хазналарның чаа объекттерін атчаң Россияның правозынаңар хати чоохтаан:

Пістің объекттердең тоғыр чаа тиріглерінең тузаланчатхан хазналарның объекттерін піс пос тиріглерінең атчаң праволығ тіп санапчабыс. Пістің саринзар азымахтыныс полза, нандырығ андағох полар[5].

«Орешник» ракета комплекзінің «Южмашча» позыдылғаны (2024)

Техническай характеристикалар

[тӱзедерге | код тӱзедерге]

Россиядағы чаа эксперттері, «Южмашча» ракета атханын істезіп, «Орешниктің» мындағ характеристикаларын таныхтааннар:

  • ыраххы ортымах учухханы — 1000 — 5500 километр;
  • табыраа — 10 Мах;
  • стандартнай тиріг кӱзі — алты блок[6].
Хайдар «Орешник» ракета комплекзі «чит полар» (2024)

Атыстаңар искіргені

[тӱзедерге | код тӱзедерге]

«Орешник» ракетаны позыдар алнында 30 пағат алнынҷа Россия США-ға искірігні ызыбысханын Президенттің пресса-хачызы Дмитрий Песков чарытхан[7].

Ах тураның пресса-хачызы Карин Жан-Пьер брифингте США Украинаа паза союзниктерге Россия позытхан ракетадаңар азынада искіргенін чоохтаан[8].

Реакция

[тӱзедерге | код тӱзедерге]

Пентагонда США Россиянаң талазарға итпинчеткенін таныхтааннар[9]. Олох туста ведомствоның пресс-хачызы Сабрина Сингх Украина суриинҷа Вашингтонның политиказына «Орешниктең» тузаланғаны пір дее хайди теелбес тіп хосхан[10].

Венгрияның премьер-министрі Виктор Орбан НАТО хазналарын Россияның ядернай доктриназының алызығларына паза «Орешник» комплекстің маңңаныстығ сынағларына сизіктіг хайарға хығырған.

Хоза танығлар

[тӱзедерге | код тӱзедерге]

Комплекстің маңнаныстығ сынаа соонаң Интернет-магазиннерде Владимир Путин паза «Орешник» ракета хоосталған футболкалар садыға сых килгеннер[11].

Владимир Путин паза «Орешник» комплекзі хоосталған футболка (2024)

Алған орын

[тӱзедерге | код тӱзедерге]
  1. ↑ Путин рассказал об ударе баллистической ракетой «Орешник» по заводу в Днепре, Коммерсантъ (21 Кічіг хырлас айы 2024). Дата обращения: 21 Кічіг хырлас айы 2024.
  2. ↑ Силы ПВО отразили украинский удар ATACMS по Брянской области, РИА Новости (19.11.2024). Дата обращения: 19 Кічіг хырлас айы 2024.
  3. ↑ Путин сообщил об ударе баллистической ракетой по объекту на Украине, РБК (21.11.2024). Дата обращения: 22 Кічіг хырлас айы 2024.
  4. ↑ 1 2 3 4 Заявление Президента Российской Федерации, Президент России. Дата обращения: 21 Кічіг хырлас айы 2024.
  5. ↑ Путин заявил о праве ответных ударов по военным объектам других стран, РИА Новости (21.11.2024). Дата обращения: 21 Кічіг хырлас айы 2024.
  6. ↑ "Сбить невозможно". Что известно о ракете, которую представил Путин, РИА Новости (21.11.2024). Дата обращения: 21 Кічіг хырлас айы 2024.
  7. ↑ Белый дом: США заранее уведомили Украину о предстоящем запуске "Орешника", РИА Новости (21.11.2024). Дата обращения: 21 Кічіг хырлас айы 2024.
  8. ↑ В Белом доме ответили на пуск российской ракеты "Орешник", РИА Новости (21.11.2024). Дата обращения: 21 Кічіг хырлас айы 2024.
  9. ↑ США не стремятся к конфликту с Россией, заявили в Пентагоне, РИА Новости (21.11.2024). Дата обращения: 21 Кічіг хырлас айы 2024.
  10. ↑ Иванов, Глеб. Бежать и прятаться. В Киеве паника из-за удара «Орешником», AiF (22.11.2024). Дата обращения: 22 Кічіг хырлас айы 2024.
  11. ↑ Футболка с Путиным и ракетой «Орешник» появилась на маркетплейсах, AiF (22.11.2024). Дата обращения: 22 Кічіг хырлас айы 2024.


© Пу материал «РУВИКИ» интернет-энциклопедия» АНО холында.
Пу материалнаң пасха сайттарда «РУВИКИ» интернет-энциклопедия» АНО чарадиинаң на тузаланарға чарир.
Алған орны - https://kjh.ruwiki.ru/w/index.php?title=Орешник_(ракета_комплекзі)&oldid=92861