Крым Республика кӱні
| Крым Республика кӱні | |
|---|---|
 | |
| Тип | Крым Республиканың национальнай ӱлӱкӱні |
| Закон хоостыра | Крым Республика кӱні |
| Кӱні | Кӱрген айының 20-ҷі кӱні |
Крым Республика кӱні — Крым Республикада чыл сай кӱрген айының 20-ҷі кӱнінде таныхталчатхан хазна ӱлӱкӱні.
2009 чылда тӧстелген. 2014 чылда Крым Россия Федерациязына піріккен соонда, чарым олтырыхтың ӱлгӱзі пу кӱнні «Крым Республиканың ӱлӱкӱннерінеңер паза танығлығ кӱннерінеңер» законға кирібіскен[1].
Тархын
1945 чылның хандых айының 30-ҷы кӱнінде Крымдағы чоннарның депортациязы соонаң СССР-ның Ӧӧркі Чӧбінің президиумының чахиинаң, [[Депортация Крым автоном ССР-зы РСФСР-ға кірчеткен Крым облазына айландырылған. 1954 чылның азығ айында КПСС ЦК-ның пастағы хачызы Никита Хрущёвтың пастаанаң Крым Украина ССР-на пиріл парған[2].
1991 чылның улуғ хырлас айында СССР изел парған. УССР Тиксі Украинадағы референдум иртірібіскен. Украинаның пос алынҷа полыбызары ӱчӱн Крымдағы чуртағҷыларның 54% искірген — республиканың прай регионнары аразында пу иң уйан салтар полған. Россия Федерациязының Пасха хан чирі министерствозының кӧрізінең, Тиксі Украинадағы референдумны иртіргенде, СССР-ның 1990 чылның хосхар айының 3-ҷі кӱнінде сыххан Законының уғаа кирек статьязы сайбал парған: аның хоостыра автономияның СССР холында алай сыхчатхан союз республиказы Украина ССР-ның холында полар сурығҷа Крым АССР-да алынҷа плебисцит иртірерге киректелген[3].
2014 чылның кӧрік айының 11-ҷі кӱнінде Украинадағы хазна алызығлары соонаң Крымның Ӧӧркі чӧбі паза Севастопольның город чӧбі Автономнай Крым Республиканың паза Севастополь городтың пос алынҷа полыбысханынаңар декларацияны алыбысханнар[4]. 2014 чылның кӧрік айының 30-ҷы кӱнінде референдум иртірері кӧріл парған — чарым олтырыхтың иң наа тархынында ікінҷізі полған. Аның салтары хоостыра, Россияа пірігер ӱчӱн табығҷыларның 95 % азыра ӱні пирілген, Украина санында автономияның полары ӱчӱн — 3 %-таң асхынах ӱн[5].
Кӧрік айының 17-ҷі кӱнінде референдум салтарларын Крымның паза Севастопольның законнар алҷаң органнары чаратханнар. Олох кӱнде Россия Федерациязының Президенті В. В. Путин Крым Республика пос алынҷа хазнаа саналчатханынаңар чахығда хол салған (андар алынҷа статустығ Севастополь город кірген)[5]. 2014 чылның кӧрік айының 18-ҷі кӱнінде Россия Президенті Владимир Путин, Крымның устағҷылары паза Севастополь мэрі Крым Республика Россия Федерациязына кірчеткенінеңер Чӧптезігде хол салғаннар. Аның хоостыра, Россия санында ікі наа субъект тӧстелче — Крым Республика паза федеральнай синдегі Севастополь город[6].
2016 чылда Крым Республика пазы Сергей Аксёнов искірген[7]:
1991 чылның референдумы Крымның чиріне Крым часхызының ӱренін сал салған. Пу пістің ибзер, Россиязар, ӱр паза аар чолыбыс полған! Ол тархында халар 2014 чылның кӧрік айының 16-ҷы кӱнінде ирткен референдумнаң тоозылча, хайзында тархын хоостыра Ада чирібіснең хатап хада полар ӱчӱн Крымның 97 % кізізі ӱнін пирібіскен. Чылларнаң чарылған ікі референдум — ікі саңай тӧӧй даа салтар: 93 % паза 97 %. Пу танығ! Анзы Крым сағыс-кӧгізінең, культуразынаң хаҷан даа Россияның чардығы полғанын кӧзітче.
Ӱлӱкӱн кибірлері
| Крым Республика кӱні | |
|---|---|
 | |
| Тип | Крым Республиканың национальнай ӱлӱкӱні |
| Закон хоостыра | Крым Республика кӱні |
| Кӱні | 2024 чылның кӱрген айының 20-ҷі кӱні |
Кӱрген айының 20-ҷі кӱнінде кибірли регионның устағҷылары Крым чуртағҷыларын ӱлӱкӱннең алғыстапчалар. Республикада мероприятиелер пайрамни иртчелер. Крым Республика кӱнін чарым олтырыхтаң пасха, ідӧк Россияның пасха регионнарында таныхтапчалар. Аймах городтарда концерттер иртірілчелер, орамалар флагтарнаң, чарыпчатхан ниме-нооларнаң чазалчалар, иирде салют позыдылча[4].
2023 чылда Крым Республика кӱні Москвада ВДНХ-да ирткен Чоннар аразындағы «Россия» кӧзідіг-форумда таныхталған. Регионның стендінде чидіглердеңер 387 кӧзідіг, 6 210 мастер-класс, 3 050 марығ, викторина, лотерея, саблығ кізілернең пір муңҷа тоғазығ, 665 виртуальнай экскурсия ирткен[8].
2024 чылда, Республика кӱніне чарыдып, Ялтаның ӱстӱнҷе узуны 20 метр Крым флагын чазыбысханнар[9].
Алған орын
- ↑ ЗАКОН РЕСПУБЛИКИ КРЫМ О праздниках и памятных датах в Республике Крым. Государственный совет Республики Крым (24 Улуғ хырлас айы 2014).
- ↑ История Крыма. Досье - ТАСС, TACC (25 Хосхар айы 2014). Дата обращения: 25 Улуғ хырлас айы 2024.
- ↑ На референдуме 1991 года крымчане голосовали за автономию Крыма в составе России и были обмануты – Иоффе. www.c-inform.info. Дата обращения: 25 Улуғ хырлас айы 2024.
- ↑ 1 2 День Республики Крым 2024: традиции, праздничные мероприятия и история полуострова, РЕН ТВ (19 Кӱрген айы 2024). Дата обращения: 25 Улуғ хырлас айы 2024.
- ↑ 1 2 Крым провозглашен независимым суверенным государством – Республикой Крым. crimea.gov.ru. Государственный Совет Республики Крым (17 Кӧрік айы 2014). Дата обращения: 25 Улуғ хырлас айы 2024.
- ↑ Подписан договор о принятии Крыма и Севастополя в состав России, РИА Новости (18 Кӧрік айы 2014). Дата обращения: 25 Улуғ хырлас айы 2024.
- ↑ На референдуме 1991 года крымчане голосовали за автономию Крыма в составе России и были обмануты. glava.rk.gov.ru. КрымИнформ (19 Кӱрген айы 2016). Дата обращения: 25 Улуғ хырлас айы 2024.
- ↑ Крым стал регионом-лидером на выставке-форуме «Россия», Без формата (15 От айы 2024). Дата обращения: 25 Улуғ хырлас айы 2024.
- ↑ 20-метровый флаг Крыма развернули над Ялтой в честь Дня республики. crimea24tv.ru. Крым 24 (20 Кӱрген айы 2024). Дата обращения: 25 Улуғ хырлас айы 2024.
|
Пу материал «РУВИКИ» интернет-энциклопедия» АНО холында. Пу материалнаң пасха сайттарда «РУВИКИ» интернет-энциклопедия» АНО чарадиинаң на тузаланарға чарир. |