Квадробер

Рувики тiп сайттаң
Квадробер
Квадробер.jpg
Пол килген 2020
Тарадылғаны Тиксі тилекейде

Квадро́бер (лат. quattuor — «тӧрт» паза англ. aerobics — «аэробика») — квадробиканаң айғасчатхан кізі. Пічікке кирілбеен спорттың, олғаннарның субкультуразының паза 7-14 частығ саарбахтарның кізізі. Квадроберлер аңнарның маскаларын кизіп, оларға кӧӧгісчелер[1].

Квадроберлер сурии хоостыра халыхта хатығ ӱзӱріг парча. Анда философтар, профессиональнай психологтар паза психиатрлар, политиктер араласчалар[2].

Россияда квадроберлерге хайығ айландырылған соонда, бизнес кізілері оларға аймах товарлар сығар сыхханнар. Маркетплейстерде квадроберлерге паза олардаң тоғыр парфюмерия, пос иткен теернең иділген ниме-ноолар, азырал паза пасхазы пол килгеннер. Субкультураа теелбинчеткен товарлар даа рекламада сығарыл сыхханнарПерейти к разделу «#Реакция рынка»[3].

Тастындағы кӧрімі паза оңдайы

[тӱзедерге | код тӱзедерге]

Квадроберлер постарына чағын аңның омазын таллап алчалар. Маскалар, пос иткен азахтар, хулахтар, хузурух хабазиинаң аңа тӧой полып, ағаа кӧӧгізіп сыхчалар. Удаа аңа тӧӧй чардыхтарны постары итчелер, піреезі аңа саңай тӧӧй иде хубулып алча[4]. Аңа кӧӧкчелер, пасха квадроберлернең палғалыс тутчалар. Андағ аңнар аразында пос орнын таапчалар. Квадроберлер чӱгӱрісте, атығыста, отта ойнирынҷа устарын тилітчелер. Квадробикаа тартылчатхан кізілер постарының матырларының тархынын сағынып алчалар, офлайн паза онлайн ӧмелер тӧстеп алчалар. Чыылығлар иртірчелер, социальнай сетьтерге видеолар суурчалар[5] паза опыттарынаң ӱлесчелер[6].

Квадробика.jpg

Спорт паза субкультура

[тӱзедерге | код тӱзедерге]
Ӧӧн статья: Квадробика

Квадроберлер аэробика кӧніктіріглерін итчелер: орындағы чӱгіріс, атығыс паза пасхазы. Тастындағы кӧрімі субкультураа кірчеткенін таныхтапча. Пірееде субкультура спорт дисциплиназына айлан парча, кӧзідімге, хоббихорсинг[7].

Квадробикаs.jpg
Квадробер кошка.jpg

Квадроберлер, терианнар, фурри

[тӱзедерге | код тӱзедерге]

Квадроберлернің тастындағы кӧрімі фурри субкультураа тӧӧй. Оларның пасхалалчатхан сари: квадроберлер аңңарға тӧой хыймыранчалар, фурри кізее тӧой аңңарға кӧӧгісчелер. Квадроберлер ӧӧнінде аэробиканаң айғасчалар, фурри омаларынаң чайаачы киректе тузаланчалар[8]. Квадроберлер аразында терианнар алай териантроптар тоғасчалар. Кізілер аңңарға кӧӧгіспинчелер, постарын аңа санапчалар[9].

Сабланғаны

[тӱзедерге | код тӱзедерге]

Квадроберлернің «ВКонтакте» социальнай сетьтегі пастағы пірігізі 2022 чылның кӧрік айында тӧстелген. 2024 чылның чарыс айына 46 ӧме саналған, оларзар 17 503 кізі пазын салған. Рунетте квадробинг тың на тарабинчатхан полған[10], че ырҷы Mia Boyko Надымда 31 августта 2024 чылда ирткен концертінде сценаа ікі хызыҷах-квадробер сыххан соонда[11], СМИ-да паза социальнай сетьтерде пу темадаңар искіріглер тарааны тың ӧс парған (пір хоныхта 5,1 муңнаң 30 муңа читіре). Пу кирек хоостыра улуғ ӱзӱріг апарыл сыххан, хайзында Федерация Чӧбінің сенаторлары паза Хазна думазының депутаттары, медиа- паза политтехнологияларның специалисттері араласханнар[10].

Халыхтағы хайығ

[тӱзедерге | код тӱзедерге]
Квадробер

Чон квадроберлерге аймах оңдайнаң хайча. Піреезі палаларның хылынчатханын ит-сӧӧкке тузалығ полчатханына, чазы хоостыра соонаң ирт парарына санапча[8]. Олох туста квадроберлер палаларға, улуғларға даа тыынчатханы паза ызырчатханы тоғасча[12]. Хайзы психологтарның кӧрізінең, квадробиканаң айғасчатханы паланың психика ағыриина кӧзідерге айабас[13]. Саарбахтар аразында квадроберлер пірееде иреелетірчелер[14].

8 октябрьда 2024 чылда Россияның паза Арменияның пасха хан чирі киректерінҷе министрлер тоғазиинда Сергей Лавров Арарат Мирзоянның квадроберлердеңер сурған[15]. Мирзоян чӧрімнеңер пілчеткенін киречілеен. РФ-тағы Арменияның илҷізі Гурген Арсенянның искіриинең Европаның хазналарында квадроберлер постарын «гендер чіли» оңарчалар[16].

Россия президентінің пресса хачызы Дмитрий Песков РИА Новости интервьюзында, Владимир Путин квадроберлердеңер пілче бе тіп суриина[17]:

«Пілбинчеткеніне ізенчем. Олар андағ синде саблығ ниместер» тіп нандырған[18].

Квадроберам вход запрещен.jpg

Законнар саринаң хайығ

[тӱзедерге | код тӱзедерге]

2024 чылның чарыс айында Хазна думазының депутады Сергей Колунов олғаннар-квадроберлернің іҷе-пабазын нандырыға тартырар чӧпті кирген. Кӧзідімге, іҷе-паба правозы чох артызарға, административнай алай уголовнай нандырыға тартарға[19].

2024 чылның чарыс айында Хазна думазының депутаттар ӧмезі Административнай кодекстің тӱзедіглерін тимнеп сыхханнар. Ол чазы читкелектернің іҷе-пабазына паза 16 часха чит парған квадроберлерге теелче. Кізілерге паза ибдегі аң-хусха тыынғаннарны, хулиганство ӱчӱн нандырыға тартырары, оларның мойнына 5 муң салковай салылары кӧрілче. Квадробер 16 часха читкелек полза, іҷе-пабазына хоза 500 салковай салылар[20].

Алған орын

[тӱзедерге | код тӱзедерге]
  1. ↑ Квадроберы: кому на самом деле они подражают и почему этого не нужно бояться // Новости НТВ, НТВ (29 Хандых айы 2024). Дата обращения: 15 Орғах айы 2024.
  2. ↑ Лукашенко не выявил в Белоруссии проблем с квадроберами, РБК (23 Чарыс айы 2024). Дата обращения: 24 Чарыс айы 2024.
  3. ↑ Барьеры, духи и корм для квадроберов. Как из скандального детского хобби пытаются делать бизнес, Фонтанка.ру (4 Чарыс айы 2024). Дата обращения: 24 Чарыс айы 2024.
  4. ↑ Квадробика: что это и как заниматься, опасность тренда, почему хотят запретить в России, Lenta.RU (5 От айы 2024). Дата обращения: 15 Орғах айы 2024.
  5. ↑ Сходка квадроберов (неопр.) (20 Хосхар айы 2024). Дата обращения: 15 Орғах айы 2024.
  6. ↑ Что такое квадробика: спорт это или нет, РБК Life (23 Сілкер айы 2024). Дата обращения: 15 Орғах айы 2024.
  7. ↑ Скачки на деревянных лошадках стали видом спорта. Олимпиада ждет, sport-express.ru (9 Орғах айы 2023). Дата обращения: 15 Орғах айы 2024.
  8. ↑ 1 2 «Я — рысь, моя подружка — пантера»: чем опасно новое помешательство подростков — они надевают маски и прыгают на четвереньках, НГС.ру (30 Сілкер айы 2024). Дата обращения: 15 Орғах айы 2024.
  9. ↑ Териантропы: кто это, чем занимаются, как выглядят, отличия от фурри и квадроберов, Lenta.RU (12 От айы 2024). Дата обращения: 15 Орғах айы 2024.
  10. ↑ 1 2 Как, почему и зачем квадроберы стали «политтехнологическим случаем», РБК (19 Чарыс айы 2024). Дата обращения: 1 Кічіг хырлас айы 2024.
  11. ↑ Mia Boyka осудила квадроберов и их родителей - Газета.Ru | Новости, Газета.Ru (2 Ӱртӱн айы 2024). Дата обращения: 1 Кічіг хырлас айы 2024.
  12. ↑ В Кандалакше девочка-«зверёк» укусила ребёнка (18 Хандых айы 2024). Дата обращения: 15 Орғах айы 2024.
  13. ↑ Психолог об увлечении детей квадробикой и терианством: «Уходят в вымышленный мир» | Ямало-Ненецкий автономный округ | ФедералПресс, ФедералПресс (27 Сілкер айы 2024). Дата обращения: 15 Орғах айы 2024.
  14. ↑ Олеся Ларина. Фурри и квадроберы: в чем опасность сомнительных субкультур? (неопр.). https://mir24.tv (28 Хандых айы 2024).
  15. ↑ Лавров объяснил, почему затронул тему квадроберов перед переговорами стран СНГ, ОТР (8 Чарыс айы 2024). Дата обращения: 9 Чарыс айы 2024.
  16. ↑ Лавров на встрече в Кремле рассказал коллеге из Армении про квадроберов, РБК (8 Чарыс айы 2024). Дата обращения: 8 Чарыс айы 2024.
  17. ↑ Песков ответил на вопрос о Путине и квадроберах, Lenta.RU (9 Чарыс айы 2024). Дата обращения: 24 Чарыс айы 2024.
  18. ↑ Песков назвал квадробику полной ерундой, Ведомости (9 Чарыс айы 2024). Дата обращения: 24 Чарыс айы 2024.
  19. ↑ Депутат Колунов предложил ввести ответственность для родителей детей-квадроберов. ren.tv (3 Чарыс айы 2024). Дата обращения: 3 Чарыс айы 2024.
  20. ↑ "Приведут в чувство мам": названы будущие штрафы для квадроберов. mk.ru (10 Чарыс айы 2024). Дата обращения: 11 Чарыс айы 2024.
Алған орны - https://kjh.ruwiki.ru/w/index.php?title=Квадробер&oldid=61982