Зимняя вишня

Зимняя вишня
Зимняя вишня
	Европадағы фильмнің тастындағы кӧрімі; Европадағы фильмнің тастындағы кӧрімі
Жанр	мелодрама
Режиссёр	Игорь Масленников
Сценарий; авторы	Владимир Валуцкий
Ӧӧн рольларда	Елена Сафонова; Нина Русланова; Лариса Удовиченко; Виталий Соломин; Ивар Калныньш
Оператор	Юрий Векслер
Композитор	Владимир Дашкевич
Хоосчы-постановщик	Белла Маневич
Кино компаниялары	«Ленфильм» кино студиязы. Пастағы чайаачы пірігіс.
Узуны	91
Хазна	СССР[d];
Тіл	орыс тiлi[d]
Чыл	1985
Пазағы фильм	Зимняя вишня 2
Кинопоиск	ID 45356
IMDb	ID 0090371

Сыныхталған статья

«Зи́мняя ви́шня» — «Ленфильм» киностудиязында 1985 чылда суурылған режиссёр Игорь Масленниковтың совет хоос фильмі. Ол ӱс чардыхтығ произведение полча.

Фильмде чарылысхан соонда, пис частығ оолахтығ халған ипчідеңер чоохталча. Анын сағынған сағызы сын сӧбіре чуртазы паза хыныс полча. Часказын тілеп, ол хада тоғынчатхан ипчіліг кізінең ораалыс сыхча, че анзы сӧбірезін тастирға сағынминча.

1986 чылда фильм «За исследование актуальных нравственных проблем» премияа турысча, аның ӧӧн рольын толдырған Елена Сафонова иң артых ипчі кізі рольы ӱчӱн нинҷе-нинҷе премия алған. Композитор Владимир Дашкевичке иң артых музыка ӱчӱн сыйых пиргеннер^[1].

1990 чылда Масленников фильмнің ікінҷі чардығын олох актерларнаң хада суурыбысхан, 1995 чылда тоғыстың ӱзінҷі чардығы сыххан.

Сюжет

Фильмнің полтазы чиит Ольга ипчінің (Елена Сафонова) ибіре пӱдірілче. Ол ирінең чарылыс парған, чалғызан пис частығ Антон оолғын ӧскір парча. Аның пос чурты, хынығ тоғызы, ӧӧрелері паза хынған ир кізізі — хада тоғынчатхан Вадим (Виталий Соломин) пар. Ол Ольгаа хынча, че ипчізін тастирға тимде нимес. Киректер Ленинградта полча (амғы — Санкт-Петербург).

Ольганаң хости чуртапчатхан ӧӧрелері — автобаза бухгалтері Ларисаның (Нина Русланова) паза олған сады воспитательі Валентинаның (Лариса Удовиченко) пос чуртастарында ідӧк сидіксіністер пар. Лариса ирінең чарылыс парған, чалғызан оолғын ӧскір парча, Валя, тізең, ирі полар кӱннегҷі хоккеист Александрға сохтырып ирееленче.

Ольга сӧбіре тӧстирге сағынып, пасха ирлернең танысча. Валентинада ааллап, Александрның хада ӱгренген арғыстары — Вениаминнең (Александр Леньков) паза Гербертнең (Ивар Калныньш) тоғасча. Пастап ол 36 частығ Вениаминнең палғалыс тутча, анзы хаҷан даа ипчі албаан паза іҷезінең хада чуртапча. Ӱр тоғаспин, олар чарылыс парчалар. Соонаң хыс соонҷа Москвадағы дипломат Герберт чӧрче. Ола абахай, маңнаныстығ, Швейцарияда чахсы тоғызы пар, Ольгаа паза кічіг оолағына чахсы хайча, соонаң позына ирге парарға хығырча. Че аннаңар Вадим піліп алғанда, чииттернің хонығы сайбал парча. Вадим Гербертті тастабызып, Ольганы анынаң хада поларға кӧӧктірче. Анзы анынаң чарасча, че часка ӱр полбаан, ирен сӧбірезін тастап полбаан.

Производство

Режиссёр Игорь Масленников фильмні суурарға пастир алнында, аның сценарийі «Ленфильм» киностудияда ӱс чыл чатхан полған. Аның алнында Илья Авербахтың паза Сергей Микаэлянның сценарийні совет кино стандарттарына килістір кӧргені ниме чарабаан. Герберт аттығ матырны хазна озаринда тоғынчатхан СССР-ның кізізі ит салза, Масленниковха кино суурарға чаратханнар. Пастағы концепцияҷа, тізең, ол Австрия чуртағҷызы полған. Город істіндегі сценалар Лениградта суурылғаннар, тастындағылары — Выборг алтында. Валяның чуртын Фонтанкадағы Толстовтың туразында кӧзіт салғаннар, интерьер сценалары — «Ленфильм» кино студиязының павильоннарында ^[2].

Фильмде Алла Пугачёва толдырчатхан «Держи меня, соломинка, держи» паза «Поднимись над суетой» сарыннар фонограммалары тузаланылча^[3].

Ларисаның рольы Нина Руслановаа актёр профессиязына айланарға полысхан. Е. Б. Вахтанговтың адынаң театрынаң парыбысхан соонда, ол тоғыс чох халған паза профессиязын даа алыстырарға сағыс тутхан. Че фильмнің маңңанызы соонда, актриса режиссёрларның хайиин хатап тарт сыххан, аны суурынарға хырғыр сыхханнар. Оператор Юрий Векслернің сурынызынаң Елена Сафонова ӱр нимеске тамкы тартпиныбысхан, анзы сырайының ӧӧн чахсы идібіскен. Фильмде пирстегі сценалар пар, анда Ольга Вадимге удура сыхча. Чоон планда Виталий соломин ойнапча, че кадрдағы азахтар Сергей Шакуровти^[2].

Вадимнің ипчізінің ӱні, хайзын фильмнің ікінҷі чардығында ойнаан Ирина Мирошниченко, Светлана Крючковани полча. Матырлар палаларынаң хада олған садынзар парчатхан сценада, Крючкова Сафонованы, Русланованы паза Удовиченконы ӱннендірген паза Алла Пугачёваның ырларының «Айсберг» сарынын толдырыбысхан. Пасха проекттерде араласхан сылтаанда, актрисалар пу эпизодты ӱннендір полбааннар^[2].

Фильм 21 октябрьда 1985 чылда кӧзіділген паза маңнаныстығ пол парған^[4]. Пастап ӧӧн рольларда Наталья Андрейченко паза Сергей Шакуров суурынарға кирек полғаннар. Че олар халғанҷы ла туста ынабиныбысханнар, іди Елена Сафонованаң Виталий Соломин суурынғаннар^[5].

Рольлар толдырғаннар

Актёр	Роль
Елена Сафонова	Ольга Николаевна Ольга Николаевна
Виталий Соломин	Вадим Михайлович Дашков
Ивар Калныньш	Герберт Мартинович Герберт Мартинович
Нина Русланова	Лариса Павловна автобазадағы бухгалтер, Ольганың ӧӧрезі Лариса Павловна
Лариса Удовиченко	Валентина Олған садының воспитательі, Ольганың ӧӧрезі Валентина
Александр Леньков	Вениамин ипчі чох Вениамин
Сергей Паршин	Александр хоккеист, Валяның ирені Александр
Алла Осипенко	Софья Николаевна Ольганың полған хазинезі Софья Николаевна
Миша Подущак	Антон Ольганың оолғы Антон
Анатолий Сливников	Василий автобус водительі Василий ^[3]

Суурған ӧме

Сыйыхтар

Фильмнің полтазы сынға тӧӧй полған ӱчӱн, фильм 1985 чылның иң саблығ кинолар санында пол парған, ол нинҷе-нинҷе совет паза чоннар аразындағы сыйыхтар чыып алған^[4]. 1986 чылда Алма-Атадағы Тиксі Союзтағы кинофестивальда фильм «За исследование актуальных нравственных проблем» премияа турысхан паза актриса Елена Сафонова иң артых ипчі рольы премияларын алған. Ідӧк иң артых ипчі рольы ӱчӱн актрисаа Мадридтегі Чоннар аразындағы кино фестивальында сыйых читірілген, композитор Владимир Дашкевич фильмнің иң артых кӧӧ ӱчӱн «Советский экран» журналның премиязын алған^[3]^[6].

Книга

Репина Н. А. «Всё к лучшему. История любви, которая легла в основу фильма „Зимняя вишня“». М.: Астрель, 2012. — 317 с., 2000 экз.^[4]^[7]

Фильмің узарааны

Пис чыл пазынаң Игорь Масленников олох актёрларнаң фильмнің узарааның суурыбысхан, 1995 чылда экранға фильмнің ӱзінҷі чардығы сыххан^[8]^[9].

«Зимняя вишня-2» (1990)

Пу серия ікінҷі фильм, сиквел полча^[8]^[10].

Ӧӧн матыр чахсы чуртап парча. Оолғынаң хада США-зар кӧс парыбысча. Маңнаныстығ американ идінҷектің ипчізі паза пис частың Катя хызыҷахның іҷезі полыбысча. Алты чыл пазынаң СССР-зар айланча паза кинетін хынған Вадимінең тоғас парча. Ол ідӧк ле ипчізінең хада чуртапча, анынаң нинҷе-де чыл орааласчатхан чиит кізізі пар, че часкалығ ол тӱзінде ле полча, хаҷан ол Олянаңар сағынча. Аның айланғанын піл салып, прай ниме нандыра айланнарына ізенче, че іди полбинча. Ольга Вадимні кічіг хызыҷағынаң таныстырча. Ол ағаа тың тӧӧй. Ирен Катя аның палазы пол парбазын тіп сизінче. Ол ӱр нимес полған тоғазығдаңар удаа сағынча, тӱзінде Олянаң хызыҷахты кӧрче^[9]^[11].

«Зимняя вишня-3» (1995)

Пастағы ікі фильмге тӧстенчеткен триквел ^[12].

Киректер 1995 чылда Лос-Анджелесте, Парижте паза Санкт-Петербургта полча. Ольга чағыннарынаң ирінең чарылыс парғанын чазырча паза Вадимнең тоғазып аларға кӱстенче. Кинетін хырығ озариндағы ис-пайға чидіп, Вадим андар чуртирға парыбысча. Анзы сағыбаан нимелерге ағылча: ол хынған ипчінең паза ӧс парған Катерина палазынаң тоғас парча. Анзы ағаа часка ағылча^[13].

«Зимняя вишня-4» (сығарылбаан)

2017 чылда Санкт-Петербургтағы «Троицкий мост» студияда тӧрт серияллығ телевизионнай хоос фильм суурыл сыххан. Аның тоғыс ады «Зимняя вишня — 2016. Финал фамильной саги» полған. Ол Николай Котяш паза Евгения Черепанованың пастағы режиссёр тоғызы полған. Сценарий авторы паза проекттің хоос устағҷызы алнындағы ӱс чардыхтың тӧстегҷізі Игорь Масленников полған. Че нинҷе-де тус пазынаң проект тохтадылған ^[14]^[15].

Киректер амғы туста полча. Вадим ӱрееннең пеер чарым чыл ирт парча. Санкт-Петербургта иртчеткен асимпозиумы хоостыра, Ольганың палалары Антоннаң Катя Россиязар килчелер. Тӧрт кӱн аразына Вадимнің Франциядағы чуртының ээлері поларға сағынчатхан кізілер табылчалар. Хыс сӧбірезінің кирексіністері ӱчӱн кӱрезерге итче. Катянаң Антон пос істезиин апар сыхчалар...^[16].

Ідӧк кӧріңер

Алған орын

↑ Зимняя вишня, 1985. 1985 / СССР (неопр.) . Kinoafisha.info. Дата обращения: 20 Чарыс айы 2023.
↑ ¹ ² ³ ⁴ Сериал Зимняя вишня (неопр.) . Вокруг ТВ. Дата обращения: 9 Кӱрген айы 2024.
↑ ¹ ² ³ ⁴ Зимняя вишня (1985) (неопр.) . Кино-театр.ру (12 От айы 2023). Дата обращения: 9 Кӱрген айы 2024.
↑ ¹ ² ³ Татьяна Уланова. Это её «Зимняя вишня»! Как лав-стори известного сценариста стала фильмом (неопр.) . Аргументы и факты (12 Кӧрік айы 2023). Дата обращения: 9 Кӱрген айы 2024.
↑ Анна Велигжанина, Владимир Сергеев. «Зимней вишне» - 25. Вместо Сафоновой должна была играть Андрейченко [видео] (неопр.) . Комсомольская правда (25 Улуғ хырлас айы 2010). Дата обращения: 9 Кӱрген айы 2024.
↑ КИНО: Энциклопедический словарь, главный редактор С. И. Юткевич, М. Советская энциклопедия, 1987, с.539
↑ Как актриса Надежда Репина стала прототипом главной героини фильма «Зимняя вишня» (неопр.) . Культурология.РФ. Дата обращения: 9 Кӱрген айы 2024.
↑ ¹ ² Зимняя вишня 2 (1990) (неопр.) . Кинопоиск. Дата обращения: 9 Кӱрген айы 2024.
↑ ¹ ² Зимняя вишня 2 (фильм, 1990). 1990, мелодрама, Россия, США (неопр.) . Film.ru. Дата обращения: 9 Кӱрген айы 2024.
↑ «Зимняя вишня 2», СССР (Soviet Union), 1990. Архивная копия от 8 Орғах айы 2021 на Wayback Machine (англ.) // imdb.com
↑ «Новейшая история отечественного кино 1986—2000». Кинословарь, том III. — СПб.: «Сеанс», 2001. — С. 78. — 624 с.
↑ «Зимняя вишня 3», Россия (Russia), 1995. Архивная копия от 8 Азығ айы 2017 на Wayback Machine (англ.) // imdb.com
↑ Зимняя вишня 3 (ТВ, 1995) (неопр.) . Кинопоиск. Дата обращения: 9 Кӱрген айы 2024.
↑ Зимняя вишня-4 (2022) (неопр.) . Кино-театр.ру. Дата обращения: 9 Кӱрген айы 2024.
↑ Светлана Мазурова. Игорь Масленников: Сегодня зритель приучен Голливудом к аттракционам. Игорь Масленников снимет продолжение своего знаменитого фильма (неопр.) . Российская газета (7 Хосхар айы 2016). Дата обращения: 9 Кӱрген айы 2024.
↑ «Зимнюю вишню 4» снимают без Соломина Сетевое издание «Вести.ру» // vesti.ru (21 июня 2017 года)

Ссылкалар

«Зимняя вишня» на сайте «Энциклопедия отечественного кино»
Соломинка успеха на Кино-театр.ру
Киноляпы в фильме «Зимняя вишня» (1985 года) на YouTube
Сериал «Зимняя вишня» на Вокруг ТВ

[1] Зимняя вишня, 1985. 1985 / СССР (неопр.) . Kinoafisha.info. Дата обращения: 20 Чарыс айы 2023.

[:1-2] ¹ ² ³ ⁴ Сериал Зимняя вишня (неопр.) . Вокруг ТВ. Дата обращения: 9 Кӱрген айы 2024.

[:5-3] ¹ ² ³ ⁴ Зимняя вишня (1985) (неопр.) . Кино-театр.ру (12 От айы 2023). Дата обращения: 9 Кӱрген айы 2024.

[:2-4] ¹ ² ³ Татьяна Уланова. Это её «Зимняя вишня»! Как лав-стори известного сценариста стала фильмом (неопр.) . Аргументы и факты (12 Кӧрік айы 2023). Дата обращения: 9 Кӱрген айы 2024.

[5] Анна Велигжанина, Владимир Сергеев. «Зимней вишне» - 25. Вместо Сафоновой должна была играть Андрейченко [видео] (неопр.) . Комсомольская правда (25 Улуғ хырлас айы 2010). Дата обращения: 9 Кӱрген айы 2024.

[6] КИНО: Энциклопедический словарь, главный редактор С. И. Юткевич, М. Советская энциклопедия, 1987, с.539

[7] Как актриса Надежда Репина стала прототипом главной героини фильма «Зимняя вишня» (неопр.) . Культурология.РФ. Дата обращения: 9 Кӱрген айы 2024.

[:3-8] ¹ ² Зимняя вишня 2 (1990) (неопр.) . Кинопоиск. Дата обращения: 9 Кӱрген айы 2024.

[:4-9] ¹ ² Зимняя вишня 2 (фильм, 1990). 1990, мелодрама, Россия, США (неопр.) . Film.ru. Дата обращения: 9 Кӱрген айы 2024.

[10] «Зимняя вишня 2», СССР (Soviet Union), 1990. Архивная копия от 8 Орғах айы 2021 на Wayback Machine (англ.) // imdb.com

[11] «Новейшая история отечественного кино 1986—2000». Кинословарь, том III. — СПб.: «Сеанс», 2001. — С. 78. — 624 с.

[12] «Зимняя вишня 3», Россия (Russia), 1995. Архивная копия от 8 Азығ айы 2017 на Wayback Machine (англ.) // imdb.com

[13] Зимняя вишня 3 (ТВ, 1995) (неопр.) . Кинопоиск. Дата обращения: 9 Кӱрген айы 2024.

[14] Зимняя вишня-4 (2022) (неопр.) . Кино-театр.ру. Дата обращения: 9 Кӱрген айы 2024.

[15] Светлана Мазурова. Игорь Масленников: Сегодня зритель приучен Голливудом к аттракционам. Игорь Масленников снимет продолжение своего знаменитого фильма (неопр.) . Российская газета (7 Хосхар айы 2016). Дата обращения: 9 Кӱрген айы 2024.

[16] «Зимнюю вишню 4» снимают без Соломина Сетевое издание «Вести.ру» // vesti.ru (21 июня 2017 года)

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

Игорь Масленниковтың фильмнері паза телесериаллары
1960 чыллар	Личная жизнь Кузяева Валентина (1967) Завтра, третьего апреля… (1969)
1970 чыллар	Лето в Бережках (1970) Гонщики (1972) Под каменным небом (1974) Сентиментальный роман (1975) Ярославна, королева Франции (1978) Шерлок Холмс и доктор Ватсон (1979) Приключения Шерлока Холмса и доктора Ватсона (1980)
1980 чыллар	Собака Баскервилей (1981) Пиковая дама (1982) Сокровища Агры (1983) Зимняя вишня (1985) Двадцатый век начинается (1986) Продление рода (1988) Филипп Траум (1989) Зимняя вишня 2 (1990)
1990 чыллар	Тьма (1992) Зимняя вишня 3 (1995) Зимняя вишня (телесериал) (1995) Театр Чехонте. Картинки из недавнего прошлого (1996) Что сказал покойник (1999)
2000 чыллар	Воспоминания о Шерлоке Холмсе (2000) Письма к Эльзе (2002) Тимур и его коммандос (2004) Русские деньги (2006) Взятки гладки (2009) Банкрот (2009)