Гребешкова, Нина Павловна

Сыныхталған статья

Нина Гребешкова
Надежда Ивановна Горбункованың рольын толдырча. «Бриллиантовая рука» фильм кадры (1968) Надежда Ивановна Горбункованың рольын толдырча. «Бриллиантовая рука» фильм кадры (1968)
Тӧреен ады	Нина Павловна Гребешкова
Тӧреен  кӱні	29 кічіг хырлас айы 1930({{padleft:1930|4|0}}-{{padleft:11|2|0}}-{{padleft:29|2|0}})
Тӧреен чирі	Москва, РСФСР-да, СССР-да
Ӱреен кӱні	10 сілкер айы 2025({{padleft:2025|4|0}}-{{padleft:5|2|0}}-{{padleft:10|2|0}}) (94 года)
Гражданство	СССР  Россия
Профессия	актриса
Карьера	1950 — н. в.
Сыйыхтар
IMDb	ID 0337380
Автограф
Медиафайлы на РУВИКИ.Медиа

РУВИКИ проектте пу фамилиялығ пасха кізілердеңер статьялар парлар Гребешков.

Ни́на Па́вловна Гребешко́ва (тӧр. 29 ноябрьда 1930, Москва, РСФСР, СССР) — совет паза Россия актрисазы. Аны Совет Союзындағы «Кавказская пленница, или Новые приключения Шурика», «Бриллиантовая рука», «12 стульев», «Иван Васильевич меняет профессию», «Не может быть!», «За спичками», «Спортлото-82», «Частный детектив, или Операция «Кооперация»» осхас кино комедияларындағы рольлар пастыра таныпчалар.

Россия Федерациязының саблығ артизі (2001).

Союза кинематографистов Россия Федерациязының Кинематографисттер пірігізінің араласчызы.

Кинорежиссёр, сценарист, актёр, СССР-ның чон артизі Леонид Гайдайның ӧкіс халған ипчізі.

Чуртас чолы

Нина Павловна 29 ноябрьда 1930 чылда Москвада тӧреен. Аның пабазы — Павел Александрович Гребешков, профессияҷа сырлаҷаң ус полған. Тоғызында орнаменттер уламох чахсы килісчең. Нина Павловнаның іҷезі — Екатерина Ивановна Гребешкова, кип-азах тікчең ус полған. Нинаның ікі улуғ харындазы полған — Николай паза Валентин.

Нина орымах школаның 2-ҷі клазын тоосханда, Илбек Ада чаа пасталыбысхан. Пабазы Павел Александрович, Ада чир-суун арачылирға фронха парыбысхан, іҷезі Екатерина Ивановна Нинанаң харындастарын эвакуацияа Пенза облазынзар апарыбысхан.

Нина Павловнаның школа тузынаңар сағыстары чарых полғаннар. Нина ӱзінҷі классха парған Пенза облазының Сурьмино аалындағы школада уроктарны Фрунзе академиязының преподавательлері апарғаннар. Ӱгренерге хынҷаң, ӧс парза, ӱгретчі, педагог полар сағыстар аны ӧріндіргеннер. Олғаннарнаң айғазарға хынҷаң. Актёр профессиязы Нинаның сағызында даа чох полған, ВГИКтеңер пілбеен.

Чаа соонаң Нина Павловнаның сӧбірезі Москвазар айланған. Хызыҷах ортымах школада ӱгредиин узаратхан. Аның хада ӱгренген хызыҷах кибелісчі Владимир Луговскойның хызы Маша полған. Халғанҷы класста Маша Нинаны тӧреен кӱніне хығырған. Иирде чыылысхан хада ӱгренген чииттерге Нина кибелістер хығырған паза аймах тархын чоохтаан. Машаның пабазы, Нинаның толдырығҷы узына паарсап, ӱгретчілер ВУЗ-ның орнына актёр искусствозында позын сынап кӧрерге чоохтаан. Кибелісчі хысты ВГИК-сар кірерге сағынчатхан хызы Машанаң хада парарға чӧптеп алған. Нина кирек килізеріне киртінмеен: марығда пір орынға пір чӱс азыра кізі кірген. Че ӧрчіліг, олаңай хыс институтха сах андох кіріп алған, ол Сергей Герасимовтың курзына алылған.

1954 чылда Тиксі Россиядағы кинематография хазна институдын (ВГИК) (Владимира Белокурова мастерскойы) тоос салған.

Кинода студент полғандох суурын сыххан. Пастағы тоғызы «Смелые люди» фильмдегі эпизод рольы полыбысхан (1950). Пу рольны Нинаа толдырарға ниик полған: ол ніске паза пӧзік нимес полған. Соонаң Нина нинҷе-нинҷе хати саарбахтар, ӱгренҷілер, пионерлер рольларын толдырған. Соонаң чиит іҷелерні паза ӱгретчілерні ойнаан.

«Честь товарища» кинода суурынар хығыртығ Ленинградтаң килгенде, Нина ӱзінҷі курстың студенті полған. Ағаа Галя Богачеваның рольы киліс парған. Фильмде суурынған соонда, хығыртығлар ӱзілбинібіскеннер.

1954 чылда актрисаны «Испытание верности» фильмде суурынарға позы Иван Пырьев хығырған. Анынаң тоғынары улуғ чидіге саналҷаң, уламох чиит актрисаа.

1954 — 1990 чылларда — Нина Павловна Кино актёры театр-студияның актрисазы полған.

Нина Гребешкова ӧӧнінде режиссёрлар Леонида Гайдайның паза Георгий Данелияның киноларындағы рольларынаң саблан парған.

Нины Гребешкованың иң чағын ӧӧрезі хада ӱгренген Татьяна Никулина полған.

Актрисаның иң саблығ рольлары —«Кавказская пленница, или Новые приключения Шурика» фильмдегі психиатрия имнег туразының имҷізі (1966), «Бриллиантовая рука» фильмдегі Надежда Ивановна Горбункова (фильмнің ӧӧн матыры Семён Семёнович Горбунковтың ипчізі) (1968), «12 стульев» фильмдегі Мусик паза Тамара царица (1971), «Не может быть!» фильмнің пастағы новеллазындағы Анна Горбушкина (1975), «Спортлото-82» фильмдегі Клава тётя (1982) паза пасхазы. «Бриллиантовая рука» паза «Не может быть!» фильмнерде чайалған омалар актрисаның адын кинематограф тархынында пиктеп салғаннар. Гребешкова Леонид Гайдайның «Иван Васильевич меняет профессию» фильмінең пасха прай даа танығлығ тоғыстарында ойнаан.

Нина Павловнаның паза ирі Леонид Гайдайның халғанҷы пірге тоғызы «На Дерибасовской хорошая погода, или На Брайтон-Бич опять идут дожди» кӱлкӱстіг фильм полыбысхан. Ол 1992 чылда экранға сыххан, че артист эпизодта ла пол килген, фильмнің титрлерінде аның ады пазылбаан.

90 чазына Гребешкова «Содержанки-2» драма сериалының актёрлар санында сыххан. Пу тоғыста Нина Павловна одырҷахта одырчатхан ууҷаның рольын толдырған.

2020 чылда 90 час пайрамынаң Нина Павловнаны Россия президенті Владимир Путин алғыстаан. Кремльнің сайтындағы телеграммада актрисаның улуғ таланты таныхталған. Ол кинематографта «чапсых паза аймах омалығ тоғыстарның чалтырама галереязын» чайап салған. Ідӧк актрисаның «чабы чох кирее паза саблығ кинорежиссёр паза сценарист Леонид Иович Гайдайның хумартхызын паза чайаачы ис-пайын хайраллирына улуғ хозым иткені» таныхталған.

Чайаачы киреендегі ӱр чыллар аразында актриса фильмнерде 80 азыра рольны толдыр салған.

Россия Федерациязының Кинематографисттер пірігізінің кізізі полча.

Сӧбіре

• Ирі — Леонид Гайдай (1923—1993), режиссёр, сценарист, актёр; СССР-ның чон артизі (1989). Хада 40 чыл чуртап салғаннар.
  • Хызы — Оксана Леонидовна Гайдай (Худякова) (тӧр. 1958), экономист.
    • Пархазы — Ольга Худякова, экономист, танкта тоғынча. Малайзияда тӧреен. Будучи еще маленькой девочкой, Ольга приняла участие в съёмках одного из фильмов Леонида Гайдая – «Частный детектив, или операция «Кооперация»».

Чайаачызы

Фильмография

• 1950 — Смелые люди — школа тоосчатхан хыс
• 1951 — Спортивная честь — Тоняның ӧӧрезі
• 1953 — Честь товарища — Галя Богачёва
• 1954 — Испытание верности — Варя Лутонина
• 1956 — Беспокойная весна — Рая
• 1957 — Звёздный мальчик — Дровосек хызы
• 1957 — Ботагоз (Казахфильм) — Лиза
• 1959 — Девочка ищет отца — Прасковьяның пархазы
• 1959 — Муму — Татьяна
• 1960 — Нормандия — Неман
• 1960 — Трижды воскресший — Зоя
• 1961 — Жизнь сначала — Катя, Виктораның хынған хызы
• 1961 — В пути — оолағастығ пассажир
• 1961 — Чужой бумажник (короткометражный) — пионерлер вожатайы
• 1961 — Музыка Верди (короткометражный) — порт дирекциязының тоғынҷызы (эпизод, титрлерде чоғыл)
• 1962 — Остров Ольховый — Елена
• 1963 — Слепая птица — проводник
• 1964 — Приключения Толи Клюквина — Слава Огоньковтың іҷезі
• 1964 — Сказка о потерянном времени — ӱгретчі
• 1965 — Чёрный бизнес — камвольнай комбинаттың тоғынҷызы, «комсомол прожекторының» кізізі
• 1966 — Кавказская пленница, или Новые приключения Шурика — психиатрия имнег туразының имҷізі
• 1968 — Бриллиантовая рука — Надежда Ивановна Горбункова, Семён Семёнович Горбунковтың ипчізі
• 1968 — Пробуждение — Алканың іҷезі
• 1968 — Доживём до понедельника — Аллочка, телефоннаң чоохтазарға хынчатхан ипчі
• 1971 — 12 стульев — Мусик / Тамара царица
• 1975 — Не может быть! — Анна, Горбушкиннің ипчізі
• 1975 — Шире шаг, маэстро! — Анна Афанасьевна, аалдағы имнег туразының ӧӧң имҷізі
• 1976 — Дни хирурга Мишкина — Наташа медсестра
• 1977 — Гармония — Лариса Павловна Баранова, КБ пастығының орынҷызы
• 1978 — Живите в радости — Куманьковтың хачызы
• 1978 — Расмус-бродяга — фру Нильсон
• 1980 — За спичками — Хювяриненнің ипчізі
• 1982 — Слёзы капали — Галкина
• 1982 — Спортлото-82 — Клавдия Антоновна, Костя Луковтың чаҷазы
• 1984 — Любочка — Эмма Матвеевна, олған садының устағҷызы
• 1984 — Предел возможного — Ольга Ивановна, олған садының устағҷызы
• 1984 — Неизвестный солдат — Агапованың хызы, Славаҷахтың іҷезі
• 1985 — Дайте нам мужчин! — Нина Павловна, школа устағҷызы
• 1985 — Опасно для жизни! — Зинаида Петровна Степанова
• 1988 — Француз — ӱгретчі
• 1988 — Это было прошлым летом — имҷі
• 1989 — Частный детектив, или Операция «Кооперация» — Анна Петровна Пухова, Еленаның іҷезі
• 1990 — Овраги — Догановская
• 1992 — На Дерибасовской хорошая погода или На Брайтон-Бич опять идут дожди — Брайтон-Бич орамаҷа пасчатхан ипчі (эпизод, титрлерде ады чоғыл)
• 1993 — Настя — округ префектінің хачызы
• 1995 — Орёл и решка — бинтнең ораатырған ипчі
• 1998 — Дар божий
• 1999 — Поклонник — чой ууҷа
• 2001 — Нина — Нинаның іҷезі
• 2001 — Сыщики — Лидия Викторовна, хонҷых ипчі
• 2002 — Лавина — іҷе
• 2002 — Каменская-2 — Каменскаяның палатаҷа хонҷығы
• 2002 — Железнодорожный романс — Вераның ууҷазы
• 2002 — Медики — Инесса Андреевна
• 2004 — Виола Тараканова. В мире преступных страстей — Леонованың хонҷығы
• 2005 — Странствия и невероятные приключения одной любви — Вераның хонҷығы
• 2005 — Звезда эпохи — Евдокия Дмитриевна Турчанинова
• 2006 — Сыщики-5 — хонҷых
• 2006 — Первый дома — Надежда Ивановна Горбункова
• 2007 — Фото моей девушки — тётя Таня, Сашаның ипчізі
• 2008 — Агентство «Мечта» — Евдокия Ильинична, Катяның туғаны
• 2008 — Победитель — Кира Михайловна, Семёновтың школа ӱгретчізі
• 2009 — Фонограмма страсти — Адамның хонҷығы
• 2013 — Легенда № 17 — Саша ууҷа, Ираның хонҷығы
• 2016 — Экипаж — бизнес-класстың пассажирі
• 2020 — Содержанки-2 — параднайдағы одырҷахтағы ууҷа (эпизод, 8-ҷі серия)

Кізі ӱнін толдырғаны

• 1953 — Граф Монте-Кристо — Гайде (Кристина Града)
• 1963 — Приключения Питкина в больнице — Хэскел пиҷе (Джанетт Старк)
• 1963 — Морской кот — Ливия Грогорян (Леопольдина Бэлэнуцэ)
• 1964 — Золотой гусь — Гретт (Ренате Уско)
• 1965 — Верная Рука — друг индейцев — Джудит (Летиция Роман)
• 1969 — Белые волки — Кэтрин Эмерсон (Барбара Брыльска)
• 1972 — Анатомия любви — Ева (Барбара Брыльска)
• 1990 — Николай Угодник и охотники — Агафон аңҷының ипчізі ады титрлерде чоғыл

Сыйыхтар

• Россия Федерациязының саблығ артизі (2001) — искусство киреендегі киректер ӱчӱн

Документальнай фильмнер паза телевидение передачалары

• «„Больше, чем любовь“. Леонид Гайдай паза Нина Гребешкова» («Культура», 2013)
• «Нина Гребешкова. „Я без тебя пропаду“» («Первый канал», 2016)

Алған орын

Чарыдығлар

Ссылкалар

• Нина Гребешкова на «Родоводе». Дерево предков и потомков
• Гребешкова Нина Павловна RUSKINO.RU сайтта
• Фадеичев Сергей. Гребешкова Нина Павловна  (рус.). tass.ru. ТАСС. Дата обращения: 31 Орғах айы 2023. Архивировано 4 Ӱртӱн айы 2021 года.