Гирлянда
Гирля́нда (фр. guirlande, итал. ghirlanda, лат. gerrae — ӱрілгені) — чахайахтарнаң, ағас салааларынаң, пӱрлернең, чистектернең ӱрілген чазаҷаң ниме. Пірееде ленталарнаң, банттарнаң ораалых полча. Веноктаң алай монҷыхтаң пасха гирлянда хоос искусствозындағы рамаларда, бордюрларда, тура хырларында аймах композициялар чардығы полча[1].
Тархын
Гирляндаларны пурунғы тустардох итчеңнер. Іди 2006 чылда Египеттегі Ханнар ойымында частама саркофагында чахайах гирляндалары табылғаннар. Оларзар алтын чіптер ӱрілік полғаннар[2][3][4]. Гирляндалар античнай рельефтерде учурапчалар. Классика архитектуразында ағаа тӧӧй мотив фестон адалча.
Италиядағы Ренессанс тузында гирляндаларны гротесктер (орнамент) композициязына кирҷеңнер. Классицизм паза барокко стильлерінде гирляндаларнаң архитектура ордерінде тузаланҷаңңар. Гирляндалар чолын античнай факеллерге тӧӧй нимелернең алай тоғылах розеткаларнаң чар салҷаңнар.
Россия архитектуразында гирляндаларнаң барокко тузынаң сығара тузаланҷаңнар. Іди Меншиков башнязының алны гирлянданаң тартылған. Гирлянда мотиві орыс классицизм паза ампир архитектуразында полған. Санкт-Петербургтағы Александринскай театрның алнында гирлянда мотивіне театр маскалары хозылғаннар.
Чарытхы гирляндазы
Чарытхы гирляндазы — чарытхы эмектері жгудынаң піріктірілген лампа ілҷірбезінең алай светодиодтарнаң иділген чазаҷаң ниме. Наа чыл ӱлӱкӱннері тузында гирляндаларнаң сыбыларны, тура істін, аның тастындағы архитектура чардыхтарын паза зданиелерні чазапчалар.
1895 чылда США-да пастағы чарытхы гирляндазы иділген. Анынаң Ах тура алнындағы сыбыны чазабысханнар. Ол тустаң сығара чарытхы гирляндаларынаң олаңай свечі орнына тузалан сыхханнар.
Совет Россиязында пастағы гирляндалар 1938 чылда тимнел сыхханнар. Совет тузындағы пастағы чарытхы сыбы гирляндазы ЁГ-1 адалған. Ол ікі чара парчатхан ілҷірбе полған. Полғанында ла 13 вольттығ лампаҷахтар, хызыл, сарығ, ноған паза кӧк ӧңнерге сырлалған конус пӱдістіг колба полған. Ол гирляндада хоза ӱс лампа, инструкциязы пирілҷең [5].
СССР изел парған соондағы тустың гирляндалары алыстырылчатхан лампаҷахтығ полғаннар. Олар фонарьлар, ракеталар, аймах фигуралар оңдайынаң тимнелҷеңңер[6]. Олаңай лампаларда иділген пасха совет гирляндаларында фигуралығ пластмасса плафоннары полғаннар. Румяниядағы гирлянданың плафоны ырағаҷахтарға тӧӧй сығарылған.
Амғы чарытхы гирляндалары алынҷа азырылбинчатхан кічіг чарытхы изделиелері оңдайынаң сығарылчалар. Гирляндада нинҷе-нинҷе эмек жгуды пар, оларның хоостыра гирлянданы аймах чарыпчатхан оңдайынаң тоғындырарға чарир[7]). Пірее гирляндалар пір алай нинҷе-де кӧг сығарчалар, олар улуғ садығ орыннарына кӧріл парғаннар. Андағ ниме-ноолар кӧп сабазын Хыдаттың предприятиелерінде сығарылчалар. Кӧп тузаланылча светодиод гирляндазы паза оптика волокнозы.
СМИ-лар танығларынаң 2024 чылда «хыйға» смарт-гирляндалар сабланғаннар. Олар смарфон пастыра тоғынчалар. Ағаа ӧнетін приложениені киріп аларға кирек[8].
Галерея
Сыбы гирлянда мишуразы
Маргариткалар гирляндазы
Индиядағы Ченнаиде садыға сығарылған аар чахайах гирляндазы
Шраванбелаголдағы джайн храмындағы Деви омалығ гирлянда
Гирляндадағы хызыл састығ ипчінің Римдегі фресказы
Тамилнадтағы тура тойында тураның алнындағы ізігі гирлянданаң чазалған
.jpg)
Алған орын
- ↑ Власов В. Г. Гирлянда // Власов В. Г. Новый энциклопедический словарь изобразительного искусства. В 10 т. — СПб.: Азбука-Классика. — Т. III, 2005. — С. 174—175
- ↑ Lenta.ru: Культура: В древнеегипетском погребении нашли цветочные гирлянды. Дата обращения: 15 От айы 2014. Архивировано 20 От айы 2014 года.
- ↑ Tomb found in Valley of the Kings reveals flowers, but no mummies — The Boston Globe. Дата обращения: 15 От айы 2014. Архивировано 20 От айы 2014 года.
- ↑ В египетской гробнице обнаружены цветочные гирлянды. Дата обращения: 15 Кӱрген айы 2007. Архивировано 9 Чарыс айы 2006 года.
- ↑ Музейная азбука от " А до Я". Цветные гирлянды. | Музей Отрадного. museum-otradny.ru. Дата обращения: 11 Кічіг хырлас айы 2024.
- ↑ Ясинская, О. Раз. два, три - ёлочка, гори! // Всегда в движении : журнал. — 2013. — № 12. — С. 9.
- ↑ Троичный контроллер с полностью троичными шинами Version 2BT3BTCA02 (недоступная ссылка)
- ↑ Лучшие умные гирлянды с управлением со смартфона 2024 года: рейтинг топ-11 по версии КП. Дата обращения: 11 Кічіг хырлас айы 2024.
Литература
- Голубков Андрей Васильевич. «Гирлянда Юлии» и галантная антропология во французской салонной культуре XVII-XVIII вв // Филологические науки. Вопросы теории и практики. — 2017. — № 6—2 (72).
- Звездина Юлия Николаевна. Образ гирлянды в мозаиках Неаполя и Равенны IV-VI веков // Труды Санкт-Петербургского государственного института культуры. — 2009.
- Звездина, Ю. Н. Гирлянда в порталах соборов Московского Кремля // Московский Кремль в XVI столетии: Сб. статей. — М.: БуксМАрт, 2014. — Кн. 1: Древние святыни и исторические памятники. — С. 237–247.
- Ху Элис Джоан. Происхождение цветочных гирлянд во фламандской живописи XVII в // Манускрипт. — 2020. — № 7.