Вата

Рувики тiп сайттаң
Сыныхталған статья
Пу терминнің пасха даа тузалары пар, кӧр. Вата (тузалар).
Хлопок ватазының тимнир материал — хлопчатник коробочказы

Вата (нем. Watte) — олаңай хлопок, хыл ис, лён алай синтетика волокноларынаң нымзадылған волокно материалы[1]. Имнег, пӱдіріг киректерінде, химия паза текстиль промышленностьтарында тузаланылча[2]Текстильная промышленность России.

Имнег киреенде хлопок паза лён ватазы тузаланылча, пӱдіріг киреенде — минеральнай вата[3], текстиль промышленнозында — чапсырылған вата, ол кип-азахтың, чорғаннарның істіндегі материалы чіли тузаланылча[4].

Сыхты тартчатхан материал чіли ол чаа хирургиязында XIX чӱс чылның халғанҷы чылларында тузаланыл сыххан. 1880 чылда пастағызын на хлопокнаң тимнелген сыхты тартынчатхан ватанаң тоғынарға чӧптеен хирург Дж. С. Гэмджи.

Тархын

«Вата» сӧс немец тіліндегі (Watte) сӧстең алылған, немец тіліне — араб тіліндегі (wáḍḍa) сӧстең. Орыс тіліне вата сӧс кирілгелекте, аны орыс. хлопчатая бумага адаҷаңнар. 2012 чылда пу сӧс орыс тіліне XVII чӱс чылда япон тілінең кірген тіп кӧріс искірілген[5].

XIX чӱс чылның пастағы чардығында аалдағы имҷілер хулах, тунҷух ағырығларын хыйыстырар пӧгіннең хлопок чазынын (ватаны) хулахха суғарға чӧптеҷеңнер[6].

XX чӱс чылның ортызына теере имнег киреенде ӧӧнінде хлопок ватазы тузаланылған, анаң анынаң хада вискоза. 2011 чылда Россияда лённаң иділген ватаны тимнеп сыхханнар. Ол санда имнег киреенде (хирургия, косметология, гигиена)[7].

XX чӱс чылның халғанҷы чылларында кізее арығ тудынарға полысчатхан ватанаң иділген ниме-ноолар пол килгеннер — вата палочказы (1927 чылдағы патент)[8], вата дискі (1937 чылдағы патент)[9], ипчілернің арығ тудынҷаң прокладкалары 1971 чылдағы (патент)[10].

Вата аймағы

Ӧӧн статья: Минеральнай вата

Вата иділчеткені хоостыра полча: (хыл ис, торғы, тӱк, хлопок, лён, пенька паза пасха материалларнаң иділгені паза пос иткені (асбест, сӱлейке, тимір, шлак, базальт ватазы)[3][11].

Вата имнег киреенде (хирургияда, косметологияда, арығ тудынарында), текстиль промышленнозында (кип-азахты чылығ итчеткен, аның істіне тігілчеткен, чорғаннарның істін толдырчатхан материалы чіли)[4], мебельде (тура істін чазирға кӧріл парған подушка істіне суғылча), минеральнай вата (пӧзік тимператураа сыдасчатхан, чылығлапчатхан, сыхты тартпинчатхан материалларны идерінде, ідӧк химия отрасльында фильтрлерні тимнирінде паза пасха киректерде тузаланылча)[3].

Минеральнай вата

Ватаны тимнирі

Олаңай ватаны тимнирінде пӧзік синдегі натрий гидроксиді, ПАВ, сера кислотазы паза пасха химия реагенттері тузаланылчалар. Имнег киреендегі ватаны итчетсе, мындағ тоғыс иділче: аны хайнатчалар, ағартчалар, кӧп хати чуунчалар паза хурғатчалар[12].

Хлопокнаң иділген ниме щёлочьта давлениеде пызырылча анаң натрий гипосульфидінең аймастырылча. Іди волокно ағар парча паза сыхты тарт сыхча[13].

Текстиль волокнозы чарылча, нымзадылча, арығлалча; волокно массазы киденге айланча, тараҷаң машина аны кирек чалбахтығ ватаа айландырча[12].

Лён ватазын тимнирінде иң аар тоғыс — волокноны ағартары. Пастап аны хлорлығ химия реактивтерінең итчеңнер, 2005 чылдаң сығара водород перекизі кірчеткен нимелернең тузалан сыхханнар. Россияда андағ тоғыс 2011 чылда апарыл сыххан[7].

Минеральнай вата вулканның сығара тастазы соонаң пол килген тағ породаларынаң, иң пурнада базальтнаң паза габбронаң, асбестнең паза фенолформальдегид чуғынаң иділче. Шлак ватазын хайылдырылған шлакнаң, сӱлейке ватазын — хайылдырған сӱлейкенең итчелер[14].

Тузаланызы

Имнег киреенде

Сыхты тарт полчатхан сылтаанда, вата процедура паза хирургия пӧліктерінде, стоматология, физиотерапия, офтальмология кабинеттерінде хайди даа кирек материал полча. Хлопок паза лен ватазы косметологияда (косметика процедуралар тузында) паза посты арығ тудынарында (вата палочказы, дисктер, ипчі гигиена прокладкалары паза тампоннар) алғым тузаланылча[7][13].

Пӱдіріг киреенде

Минеральнай ватаның аймах кӧрімнері пӧзік температураларға пиктер паза химия веществоларына хайтпинчалар, чылығны тутчалар паза пӧзік табыстарға тарирға пирбинчелер[3]. Аннаңар туралар, транспорт машиналарының пӱдіріглерінде кирек ниме-нооларны тимнирінде тузаланылчалар. Базальтнаң паза асбестнең тимнелген минеральнай вата промышленнай объекттерде чылығ тутчатхан материал чіли тузаланылча.[14].

Текстиль промышленнозы

Чааҷыларның хысхы кип-азахтарының (Ватник, шароварлар, кафтаннар) істін чылытчатхан вата ирткен чӱс чылдох алғым тузаланылған. 2000 чыл соонаң амғы тустағы чылытчатхан материаллар кирілгеннер[15]. Клей эмульсиязынаң (ватилин) чапсырылған ӧнетін вата кип-азахта полча паза чорған істіне суғылча. Нымзах мебельде удаа тоғасча[4].

Ідӧк кӧріңер

Литература

Алған орын

  1. ↑ Ожегов С. И. Словарь русского языка / под ред. Н. Ю. Шведовой. — 20-е. — М.: Русский язык, 1989. — Т. 2.
  2. ↑ Большая Советская Энциклопедия / под ред. Л. С. Шаумяна. — 3-е. — М.: Госиздат, 1960. — Т. 1. — 1575 с.
  3. ↑ 1 2 3 4 Мартенс Л. К. Техническая энциклопедия / ред. А. Н. Бах, С. В. Берштейн-Коган и др.. — М.: Государственное словарно-энциклопедическое издательство «Советская энциклопедия», 1934. — Т. 12.
  4. ↑ 1 2 3 Калмыков П. Е. Современное состояние вопроса о теплой одежде // Гигиена и санитария : журнал. — 1961. — № 11. — С. 28.
  5. ↑ Габдуллина А. Х. Лексические заимствования из японского языка в русский: когнитивно-прагматические особенности и процесс ассимиляции // Вестник ЧелГУ. — 2012. — № 2 (256).
  6. ↑ Гордон Л. А. Какъ быть здоровымъ? // Уходъ за ухомъ и смежными органами. — Санкт-Петербургъ: Типография газеты Россия, 1911. — С. 79-81.
  7. ↑ 1 2 3 Анна Кошелева. В России научились делать вату из льна. Вести. Дата обращения: 22 Улуғ хырлас айы 2023.
  8. ↑ Process and apparatus for manufacturing medical swabs (англ.). Google Patents (12 Сілкер айы 1927). Дата обращения: 22 Улуғ хырлас айы 2023.
  9. ↑ Cotton cutting machine - Google Patents (англ.). Google Patents (26 Кӱрген айы 1937). Дата обращения: 22 Улуғ хырлас айы 2023.
  10. ↑ Описание изобретения к патенту. Patents.yandex.net (9 Чарыс айы 1992). Дата обращения: 22 Улуғ хырлас айы 2023.
  11. ↑ Большая Советская Энциклопедия / под ред. Л. С. Шаумяна. — 3-е. — М.: Госиздат, 1960. — Т. 1. — 1575 с.
  12. ↑ 1 2 Алейников В. Ю., Кошелева М. К. Совершенствование экологической и производственной безопасности технологических процессов в производстве медицинской гигроскопической ваты // Инновационное развитие легкой и текстильной промышленности (ИНТЕКС-2016) : сборник материалов Всероссийской научной студенческой конференции. — 2016. — Т. 1. — С. 180-182.
  13. ↑ 1 2 Кошелева М. К., Щеголев А. А., Кереметина А. П., Бедняшин А. А., Борушко Н. П. Изучение процесса химической очистки хлопкового волокна в реакторе периодического действия при производстве гигроскопической ваты // Успехи в химии и химической технологии : журнал. — 2011. — № 11 (127).
  14. ↑ 1 2 Каменная вата или минеральная вата: что лучше? Teplocom.RU (20 Кӧрік айы 2022). Дата обращения: 22 Улуғ хырлас айы 2023.
  15. ↑ Печейкин А. В. Одежда на вате - удобно и тепло. Военно-исторический журнал» Министерства обороны Российской Федерации (13 Кӱрген айы 2004). Дата обращения: 22 Улуғ хырлас айы 2023.
Алған орны - https://kjh.ruwiki.ru/w/index.php?title=Вата&oldid=142694