Имнег киреендегі вата
Имнег киреендегі вата — олаңай волокноларнаң (хлопок, хыл ис, лён) нымзадылған волокно материалы[1].
Сыхты чахсы тартынчатханы (гигроскопичнозы) ӱчӱн, имнег киреендегі вата процедура паза палығ палғааны пункттарының кабинеттерінде, имнег-профилактика учреждениелерінің хирургия паза офтальмология, гинекология пӧліктерінде, стоматология клиникаларында паза пасха имнег учреждениелерінде хайди даа киректелчеткен материал пол парған. Аннаң пасха, хлопокнаң паза лённаң иділген вата ӱр тус алғым косметологияда тузаланылған[2][3].
Тархыны
Гигроскопическай имнег киреендегі вата палығлар палғаанында, хан тохтадарында, хирургия операциязы тузында киректелчеткен материал чіли; компресстер идерінде, ідӧк аймах косметика паза имнег-профилактика процедуралар иртірерінде алғым тузаланылча[3]. Сыхты тартынчатхан материал чіли, вата тилекейдегі имнег киреенде пастағызын на XIX—XX чӱс чылларда тузаланыл сыххан. 1880 чылда Бирмингемдегі Король госпитальында хирург Дж. С. Гэмджи хлопок ватазынаң гигроскопическай материаллар идерге чӧп пирген. Аның алнында лённаң иділген пенька алай корпия (хлопок ветошьының чіптері) алғым тузаланылған[4].
Имнег киреендегі ватаны идер ӱчӱн хлопок паза вискоза тузаланылча. Вискозанаң иділген вата ах паза пір оңдайлығ арах, че хлопок сыхты артых арах тартынча. 2011 чылдаң сығара Россияда имнег киреендегі кирексіністерге (хирургия, косметология, гигиена) лён ватазын ит сыхханнар, ол абсорбциязының сині хоостыра хлопокнаң иділгенінең халбинча[5].
Вата аймағы
Тузаланызы хоостыра гигроскопическай имнег киреендегі вата офтальмология алай харах (харахтарнаң айғасчатса, улуғ капиллярностьтығ), компресс (чылытчатхан компресстерге), хирургия (хирургия операция тузында киректелче), гигиена (кӱннің сай гигиена кирексіністері хоостыра тузаланылча) ваталарына чарылча[6].
Офтальмология ватазы ӧӧнінде хлопокнаң тимнелче. Хирургия паза гигиена ватазы — хлопокнаң алай хлопокнаң хада иділген вискоза шатпель волокнозынаң алай ӧнетін тимнелген лён чібінең. Вата чахсы таралған, чіптер аразындағы палғалыстығ, ідӧк хайдағ даа чалбах хадылларға ниик чарылчатхан поларға кирек[7].
Тузаланчатхан облазы хоостыра стерильнай алай стериальнай нимес полча[8].
Физика-механика паза химия оңдайлары
Имнег кирендегі гигроскопическай вата техническай регламенттің стандартының хатығ кирексіністері хоостыра тимнелче (5556-81ГОСТ-ча[8], паза 5556-2022 ГОСТ-тың хазна аразындағы стандарт хоостыра)[7]:
| Показатель ады | Вата нормазы | ||
|---|---|---|---|
| офтальмология | хирургия | гигиена | |
| Таралбаан волокно-узеллернің масса чардығы, %, артых нимес | 1,5 | 2,4 | 5,0 |
| Хысха волокноларның (5 мм хысха) паза хлопок тозынының масса чардығы, %, артых нимес | 0,10 | 0,15 | 0,20 |
| Пасха нимелер учурапчатханы: інгелер, узахтар паза пасх. | имнег киреендегі ватада полбасха кирек | ||
| Ӱстіг паза воскха тӧӧй веществоларның масса чардығы, %, артых нимес | 0,30 | 0,35 | 0,50 |
| Влажность, %, артых нимес | 8 | 8 | 8 |
| Тартынчатхан оңдайы, г, асхынах нимес | 21 | 20 | 18 |
| Капиллярность, мм, асхынах нимес | 77 | 70 | 67 |
| Хлор тустарының масса чардығы, %, артых нимес | 0,04 | 0,04 | 0,04 |
| Стерильнай ватаның ах полар сині, %, асхынах нимес | 61 | 56 | 51 |
| Зольность, %, артых нимес | 0,2 | 0,3 | 0,4 |
Тимнирі
Гигроскопическай имнег киреендегі пӧзік сорттығ ватаны идерге иң артых хлопок (пасха нимелер чох) килісче. Ортын сорттығ ватаны, хлопок чіптерін вискозанаң алай лённаң піріктіріп, итчелер. Пасха хазнаның хлопогынаң позып алар ӱчӱн, имнег киреенің кирексіністеріне кирек, абсорбциязы паза пасха характеристикаларнаң хлопоктаң халбинчатхан пӧзік качестволығ лён ватазын тимнир сурығлар сығысхан[9]. 2011 чылдаң сығара Россияда андағ пастағы тоғыс апарыл сыххан[5].
Имнег киреендегі ватаны хлопокнаң, вискозанаң алай лённаң итчеткен туста аймах химия реагенттері тузаланылча: натрий гидроксиді, ПАВ, сера кислотазы паза пасха химия реагенттері. Имнег киреендегі хлопок ватазын тимнир ӧӧн технология процесстері — нымзатчаң паза тараҷаң машиналардағы механика тоғызы, ідӧк щёлочьта хайнадары, натрий гипосульфидінде тудары, кисловка, аймах оңдайнаң чууры паза хурудары. Хлопок волокнозын хайнатчатхан туста, ол аймах примесьтернең арығлалча[10].
Имнег киреендегі ватаны тимнепчетсе, хлопок волокнозының обработказында хурудар тоғыс ӧӧн чардыхтарның пірсі полча. Іди, волокно иртіре хурғадылған полза, ол оорға саптырылып, тың сыхтығ орында чатырылып, кирек синіне айландырылча[11].
Стерилизация
Гигроскопическай имнег киреендегі хирургия ватазы операция тузында операция орнын хурғадар ӱчӱн паза палығны палғаанында, ханны тохтатчатхан палығлар тампонадазында паза дренированиеде, повязканы орап, палығны паза ӧртелген орынны ікінҷі инфицированиенең арачылир ӱчӱн тузаланылча. Пу кирексіністерге стерильнай вата ла тузаланылча[12].
Производствода тимнел парған имнег киреендегі вата радиация оңдайынаң стерилизация иртче. Кобальт-60 алай Цезий-137 ионизирующай излучениенің радионуклиднай источниктерінең арығлалча. Имнег ватазы андағ оңдайнаң пір дее ниме кірбес иде чабылған соонда арығлалча, анзы ӱр стерильнай поларға полысча[13].
Ідӧк кӧр
Литература
- Соловьев Н. Г. Производство гигроскопической ваты. — М.: Гизлегпром, 1933.
- Егоров П. Н. Технология ваты. — М.: Гизлегпром., 1955.
Алған орын
- ↑ Ожегов С. И. Словарь русского языка / под ред. Н. Ю. Шведовой. — 20-е. — М.: Русский язык, 1989. — Т. 2.
- ↑ Соловьев Н. Г. Производство гигроскопической ваты. — М.: Гизлегпром, 1933. — С. 123.
- ↑ 1 2 Большая Советская Энциклопедия / под ред. Л. С. Шаумяна. — 3-е. — М.: Госиздат, 1960. — Т. 1. — 1575 с.
- ↑ Абаев Ю. К. История раневой повязки // Медицинские новости : журнал. — 2003. — № 6. — С. 23.
- ↑ 1 2 Анна Кошелева. В России научились делать вату из льна. Вести. Дата обращения: 22 Улуғ хырлас айы 2023.
- ↑ Виды медицинской ваты и сферы её применения. Novamed (23 Хосхар айы 2016). Дата обращения: 22 Улуғ хырлас айы 2023.
- ↑ 1 2 ГОСТ 5556-2022: межгосударственный стандарт. Вата медицинская гигроскопическая. Кодекс (1 Орғах айы 2023). Дата обращения: 25 Улуғ хырлас айы 2023.
- ↑ 1 2 ГОСТ 5556-81: государственный стандарт Союза ССР. Вата медицинская гигроскопическая. Технические условия. Кодекс (1 От айы 1982). Дата обращения: 25 Улуғ хырлас айы 2023.
- ↑ Губанов В. А., Ванеева О. Н., Осипов Б. П., Осипова Н. Н. Описание к патенту: способ получения гигроскопической ваты № 97117187/12 : заявл. 13.10.1997. Elibrary.ru (27 Чарыс айы 1998). Дата обращения: 25 Улуғ хырлас айы 2023.
- ↑ Алейников В. Ю., Кошелева М. К. Совершенствование экологической и производственной безопасности технологических процессов в производстве медицинской гигроскопической ваты // Инновационное развитие легкой и текстильной промышленности (ИНТЕКС-2016) : сборник материалов Всероссийской научной студенческой конференции. — 2016. — Т. 1. — С. 180-182.
- ↑ Беляева А. С. Эффективность процесса сушки в технологии получения медицинской гигроскопической ваты // Инновационное развитие техники и технологий в промышленности : Сборник материалов Всероссийской научной конференции молодых исследователей с международным участием. — 2023. — Т. 3. — С. 138-141.
- ↑ Рамкова Н. В., Бажбеук-Меликова Т. В. Радиционный метод стерилизации гигроваты и перевязочных материалов // Гигиена и санитария : журнал. — 1974. — № 8. — С. 64-68.
- ↑ Особенности радиационной стерилизации. Фарм-Глобал (14 Чарыс айы 2021). Дата обращения: 25 Улуғ хырлас айы 2023.
Ссылкалар
- Особенности радиационной обработки медицинских изделий и материалов «Всероссийский научно-исследовательский институт физико-технических и радиотехнических измерений»