Max (приложение)

Рувики тiп сайттаң
Пу терминнің пасха даа тузалары пар, кӧр. Max.
Max
Скриншот программы Max
Тип Компьютерная программа[d]
Разработчик «Коммуникационная платформа» ООО
Операция системалары iOS, Android, macOS, Windows
Интерфейс тіллері англия, орыс паза пасхазы
Пастағы сығарыс 27 кӧрік айы 2025
Состояние активнай
Сайт max.ru

Max (стильдеMAX) — «ВК» компанияның саннығ платформазы. Андар кірче мессенджер, кічіг приложениелер, тӧлег системазы  (орыс) (рус. паза хазна сервистерінің функциялары[1]. Мессенджер кірген бета-версия 2025 чылның кӧрік айының 27-ҷі кӱнінде iOS, Android, macOS паза Windows оңдайында тоғынчатхан устройстволарда вебсайт паза приложение чіли кӧзіділген[2]. 2025 чылның от айында VK корпорация Max-та табылған читпестер ӱчӱн 5 млн салковайға теере тӧлирге тимдезін чарлабысхан[3].

2025 чылның ӱртӱн айының 1-ғы кӱнінең сығара Max Россияның прай наа устройстволарына законодательство хоостыра турғызылар. Соонаң штрафтарны тӧлирге, пічіктерні тимнирге «Хазна услугаларына» паза пасха хазна сервистеріне кирері кӧрілче[4].

Тархын

Max мессенджерні позыдарға итчеткенінеңер хабарлар 2025 чылның кӧрік айының 25-ҷі кӱнінде пол килгеннер. Андада СМИ-да, инсайдерлерге сылтанып, «иң чағынғы туста» приложениелер магазиннерінде (App Store, Google Play) искіріглернең алызарға, сығдырадарға, 4 ГБ-ха теере файлларны ыс полчатхан мессенджернің бета-версиязы пол килер тіп искіргеннер. Хазнаның чирінде онлайн ондайнаң чоохтасчаң медиасерверлер турғызылғаны, читірілчеткен чоохтың качествозын кӧдірер пӧгіннең, машина ӱгредии  (орыс) (рус. технологиялары кирілгені чоохталған. Пастағы версияа финанстар сервистерін, полызығ службаларын паза пасха продукттарны идерге полысчатхан корпоратив чат-боттарын тимнеҷең тиріглер кирілері таныхталған. Ідӧк саннығ платформаа кічіг приложениелерні, тӧлег системаларын паза хазна сервистерін кирері кӧрілчеткені, приложениезі хыдат WeChat системаа тӧӧй пол парарға айабас тіп таныхталған[5]. Финанстар эксперттерінің паалиинаң, пастағы чардыхтағы проектке инвестициялар 1 млрд салковайға читкен поларға айабас[5].

2025 чылның кӧрік айының 27-ҷі кӱнінде платформа приложение чіли iOS, Android, macOS, Windows, ідӧк вебсайт оңдайынҷа тоғын сыххан. Бета-версияа пос паза группалар чаттары, ӱн искіріглері, медиафайллар, 4 ГБ теере пічіктер, стикерлер паза искіріглерге нандырығлар ысчаң оңдайлар, аудио- паза видеозвоноктар, чат-боттар паза кічіг приложениелер итчең оңдайлар кирілгеннер[2].

2025 чылның хосхар айының 14-ҷі кӱнінде Max сервиске GigaChat 2.0  (орыс) (рус. иділген интеллекттің кирілгені чарлалған. ИИ-наң палғалыс пос чады хоостыра иділче, пользователь андар ӱнніг паза текст искіріглерін, аудиофайлларны, сомнарны паза пічіктерні ызар оңдайлығ, нандыра кирек искірігні тикке ал полар (ол санда тіл модельі интернетте тапханын). Max-тың бизнес-клиенттеріне GigaChat 2 Pro алай GigaChat 2 MAX ИИ версиязы кӧріл парған[6].

2025 чылның хандых айына Россиядағы Max мессенджердегі учётнай записьтер саны мобильнай устройстволарда паза компьютерлерде 1 млн-ға читкен[7]. 2025 чылның от айының пастағы кӱннеріне MAX-та регистрация ирткен кізілернің саны 2 млн ас парыбысхан[8].

2025 чылның ӱртӱн айының 1-ғы кӱнінде Max мессенджерні Россияда сығарылчатхан прай мобильнай устройстволарда турғызарға пӧгін турғысчалар[9].

Функционал

Max мобильнай устройстволарға (iOS, Android), пос компьютерлеріне (Windows, macOS) кирілче, ідӧк веб-интерфейс пастыра. Приложениені App Store, Google Play, RuStore паза AppGallery саннығ магазиннердең турғызып аларға чарир. Пользовательнің регистрациязы Россияның алай Белоруссияның телефон номері пастыра иділче. Тоғындырчатса, атты паза профильнің сомын кирерге кирек[2][10].

Интерфейске  (орыс) (рус. тӧрт ӧӧн вкладка кірче: «Контакттар», «Чаттар», «Сығдырадары», «Настройкалар». Істінде чаттарның тастындағы кӧрімін алыстырар функциялар, папкаларның пӧлізі, искіріглер настройкалары паза конфиденциальностьнаң устанызы парлар[10].

  • Интерфейс мобильного приложения Max
  • Регистрациядағы пастағы хаалағ

    Регистрациядағы пастағы хаалағ

  • Регистрация тузында аватарны таллиры

    Регистрация тузында аватарны таллиры

  • Max-наң пастағы тоғазығ

    Max-наң пастағы тоғазығ

  • Чаттар папказы

    Чаттар папказы

  • Чат-бот

    Чат-бот

  • Кічіг приложение

    Кічіг приложение

2025 чылның от айының 9-ҷы кӱнінең сығара 12:46 часта MAX платформада группалардағы нинҷе дее кізее нинҷе дее тус аразына нинҷе дее хати сығдыратчаң оңдай пирілген. Сығдырадыбызар ӱчӱн пользовательге «Сығдырадары» кнопкаа пазарға паза хығыртыға ссылканы генерировать полыбызарға кирек. Видеоконференция тузында экранда ниме-ноолар кӧзітчең паза араласчыларны сеткада кӧрҷең оңдай пар. Тӱрчедең чат, администраторның правозын пирері, нейроаватарлар, маскалар паза виртуальнай фоннар хозары кӧріл парған[11].

Приложение пастыра хазна істінде Хазна услугалары  (орыс) (рус. аккаунтына кірҷең пір хати тузаланылчатхан кодты аларға чарир[12].

Коммуникация

Платформада искіріглернең алысчаң олаңай оңдайлар тоғынча[2][13]:

  • пос паза группа чаттары тоғынчалар;
  • текст искіріглері, сомнар, видео паза 4 Гб теере пічіктер ызылчалар;
  • ӱнніг искіріглер ызылчалар;
  • стикерлер паза кізі кӧңнін кӧзітчеткен реакциялар[2][13].

Кирілген аудио- паза видеозвоноктар пӧзік паза чабыс синдегі сигналлығ сетьтерде тоғынчалар. СМИ-лар искіріглерінең, сығдыратса, чоохталғаны паза кӧрімі чахсы читірілче[2][13].

Пічіктер пасчатса, контакттарнаң, геолокациянаң ӱлезерге чарир, СБП пастыра ахча ызарға чарир. Приложениенің пастағы версиязында ахчаны Альфа-банктаң паза ВТБ-наң ызарға чарир: кирек банкты Max-та таллап алған соонда, финанстар пірігізінің мобильнай приложениезінзер чол азылча, анда ахча ысчатханын тоос саларға кирек[14].

Чат-боттар паза кічіг приложениелер

Max чат-боттарны  (орыс) (рус. паза кічіг приложениелерні тоғындыртар оңдай пирче. Ол Max Bot API (боттарнаң идерге паза устирға), Max Bridge (клиенттернің кічіг приложениелері библиотеказы) паза MasterBot (табырах чарыхха сығарҷаң паза API-клӱстерні алҷаң служебнай бот) хоостыра иділче. Тимнелче программа хоостыра, ідӧк виртуальнай конструкторлар хабазиинаң, ол санда BotMother, JetBot, ChatForma, SaleBot паза пасхазы. Боттар аттары, Telegram чіли, bot-ха тоозылча (кӧзідімге, @examplebot)[15].

Кічіг приложениелер интерфейсте мессенджер істінде тоғындырылчалар, оларның пос графиказы паза бизнес-логиказы пар[13][15].

Иділген интеллект

2025 чылның хосхар айының 14-ҷі кӱнінең сығара Max мессенджер GigaChat 2.0 иділген интеллектнең піріктірілген. Платформаа кирілген нейросеть тексттерні пӱдірче, сомнарны чайапча, ӱнніг искіріглернең тоғын полча, видеоны, статьяларны паза контенттің пасха формаларын хысхаҷахти чоохтап полча, сомнарның анализін ит пирче паза чарыт полча, A4 форматтың 200 страницаа теере пічіктернең тоғын полча[6].

ИИ пір саңай нинҷе-нинҷе файлны ысчатса, диалогты апар полча. Пирілген искіріглерге тӧстеніп, аналитика нандырығларын пирче паза тузаланылған источниктерге ссылкалар пирче[6].

Тиліс

«Коммуникационная платформа» ООО хоостыра тимнелчеткен Max платформа — аның тӧстегҷізі «ВК компания» ООО — «суперприложение» («супераппа») тӧстее чіли кӧрілче, анда кӱннің сай тузаланылчатхан пірге интерфейстегі саннығ пӧгіннер піріктірілер. 2025 чылның хосхар айының ортызына мындағ функцияларны толдырары кӧрілче[6][5]:

  • кічіг приложениелернің экосистемазы хоостыра брендтерге паза тӧстегҷілерге хабазарын алғыдары;
  • пос тӧлег системазын тоғындыртары;
  • хазна сервистерінең пірігері (ол санда «Хазна услугаларынаң»)[6][5].

Критика

Max платоформанаң тузаланчатхан кізілер «ВК» холдингтің пасха сервистерінең кӧнізінең палғалыспинчатханын таныхтапчалар, оларның санында «ВКонтакте» алай VK Музыка. Ікі факторлығ аутентификация паза искіріглер шифрованиезі чох полчатханы хорғыс чох полары паза искіріглернің чазыды хоостыра сағыссыратча[16][17].

Платформа Telegram мессенджернең тӧӧй полчатханы ӱчӱн хомайлалча — анынаң тузаланчатхан кізілер боттарның паза кічіг приложениелернің сах ідӧк тоғынчатханын таныхтапчалар. Андағ саблығ платформалар парда, наа мессенджерні идерге кирек пе тіп ікінҷілепчелер. Піреезі Ада чирібістің платформазы пасха хазналарның платформалары орнына иділерге кӧріл парған тіп сағынча[13][18].

2025 чылның от айының 7-ҷі кӱнінде VK MAX мессенджернің азымахчы реклама компаниязын позыдыбысхан, ол санда Санкт-Петербургтағы VK Fest ӧнетін мероприятиелерні. Блогерлер, ол санда Инстасамка сервистеңер ӧткін искірчелер. Мессенджернің рейтингтері илееде пасхалалчалар: App Store — 4.1, Google Play — 1.1, анзы Telegram пользовательлері конкурентті ол-пу нимені хызырчатханы ӱчӱн хомайлапчатханынаң палғалыстығ поларға айабас. MAX хазна полызиина тӧстенче паза официальнай сервистернең піріктірілген, Telegram тузаланчатхан кізілернің хайиин тартча килістіре функциональынаң. Платформаларның чарысчатханы ӧсче[19].

Алған орын

  1. ↑ VK создает аналог китайского мессенджера с госуслугами и платежами WeChat. Ведомости. Дата обращения: 14 От айы 2025.
  2. ↑ 1 2 3 4 5 6 В России представили MAX — отечественный мессенджер и аналог WeChat. Hi-Tech. Дата обращения: 14 От айы 2025.
  3. ↑ За найденные уязвимости в мессенджере Max заплатят до пяти миллионов рублей, РИА Новости (20250701T1442). Дата обращения: 14 От айы 2025.
  4. ↑ Всё о Max: российский национальный мессенджер запустят в 2025 году. Дата обращения: 14 От айы 2025.
  5. ↑ 1 2 3 4 VK запустит бета-версию аналогичного китайскому WeChat мессенджера Max. Forbes. Дата обращения: 14 От айы 2025.
  6. ↑ 1 2 3 4 5 Чатная инициатива: нацмессенджер MAX объединился с крупнейшим в РФ ИИ-ботом. Известия. Дата обращения: 15 От айы 2025.
  7. ↑ В российском мессенджере MAX зарегистрировались больше 1 млн пользователей, Hi-Tech Mail (30 Хандых айы 2025). Дата обращения: 15 От айы 2025.
  8. ↑ Пользователям МАХ стали доступны групповые видеозвонки, Известия (9 От айы 2025). Дата обращения: 15 От айы 2025.
  9. ↑ Новый мессенджер Max: что это такое, зачем нужен и где скачать, РБК Life. Дата обращения: 15 От айы 2025.
  10. ↑ 1 2 Max: что известно о новом приложении ВК и аналоге WeChat. РБК. Дата обращения: 15 От айы 2025.
  11. ↑ Платформа MAX запустила неограниченные групповые видеозвонки, ВЗГЛЯД.РУ. Дата обращения: 15 От айы 2025.
  12. ↑ Эксперт Храпунова: код для входа на "Госуслуги" через Max будет действовать в РФ. ТАСс (21 Орғах айы 2025). Дата обращения: 21 Орғах айы 2025.
  13. ↑ 1 2 3 4 5 VK выпустила Max — бета-версию мессенджера с мини-приложениями, ботами, звонками и API для разработчиков. Habr. Дата обращения: 15 От айы 2025.
  14. ↑ Протестировал MAX от VK, iPhones.ru. Дата обращения: 15 От айы 2025.
  15. ↑ 1 2 MAX для разработчиков. Max Docs. Дата обращения: 15 От айы 2025.
  16. ↑ MAX: общение, полезные сервисы. RuStore. Дата обращения: 15 От айы 2025.
  17. ↑ VK по-китайски. Что за платформа MAX от ВКонтакте с «невидимкой» и передачей огромных файлов. Trashbox. Дата обращения: 15 От айы 2025.
  18. ↑ Компания VK выпустила приложение MAX — обещают сделать аналог китайского WeChat. Клуб DNS. Дата обращения: 15 От айы 2025.
  19. ↑ Мессенджер МАХ - борьба за пользователя — Малкин про MAX на vc.ru, vc.ru. Дата обращения: 15 От айы 2025.
Алған орны - https://kjh.ruwiki.ru/w/index.php?title=Max_(приложение)&oldid=153898