Leroy Merlin

Рувики тiп сайттаң
Сыныхталған статья
Leroy Merlin SA
Изображение логотипа
Тип Толдыра нимес нандырығлығ пірігіс
Тӧстелгені 1923[1]
Алнындағы аттар Au Stock Americain
Тӧстегҷілер Адольф Леруа, Роза Мерлен[2].
Орныхханы  Франция
Ӧӧн кізілер Филипп Зимерманн (генеральнай директор)[3].
Отрасль Францияның (МСОК)
Парыс 14,6 млрд евро (2014)[4]
Тоғынҷылар саны 68 200 (2014)[4]
Ӧӧн компания Groupe ADEO
Сайт leroymerlin.com
Логотип РУВИКИ.Медиа Медиафайлы на РУВИКИ.Медиа

Leroy Merlin (фр. Leroy Merlin) — дачаны паза тураны пӱдірерге паза иптирге кирек-ниме-нооларны сатчатхан компания-ритейлер [5]. ADEO компаниялар группазына кірче[1]. Компания Францияда 1923 чылда тӧстелген[2]. Россияда пастағы Leroy Merlin садығ туразы 2004 чылда азылған[6].

Тархын

[тӱзедерге | код тӱзедерге]

Пастағы тилекей чаа тоозылған соонда, Адольф Мерлен улуғ нимес Нё-ле-Мин городта Au Stock Americain садығ туразын тӧстеп алған. 1923 чылда ол пос киреен оолғына пирібіскен, аның ады пабазыни осхас Адольф Мерлен полған. Наа ээзі тузында садығ туразында пӱдіріг материаллары паза тыхтағ тоғыстарына кирек ниме-ноолар садылҷаң[2]. Мерленнің пастағы садығ туразының улии улуғ полбаан, че аның ээлері кізілерге товарларның аймағын пирерге кӱстенгеннер. Анзы садығ туразын сабландырған[7].

Адольф Мерленнің ипчізі Роза Леруа полыбысхан. 1960 чылда компания Leroy Merlin адал сыххан[2]. Францияда клиенттернің ибіне читіре товарларны тикке читір пирер пастағы компания полыбысхан[8].

1950—1970 чылларда Leroy Merlin садығ туразында ниме-ноолар алҷаң кізілерні реклама компаниялары пастыра тартчаңнар. Ол пӧгіннең компания тӧстегҷілері мастер-класстар иртірҷеңнер, пӱдіріг материалларынаң тузаланар оңдайларын кӧзітчеңнер[7].

1967 чылда Нё-ле-Мин городта пос алынҷа ниме-нооларны алар пастағы супермаркет азылған[2].

1973—1979 чылларда пос алынҷа ниме-ноолар алар Leroy Merlin садығ туралары тиксі хазнада азылғаннар. Садығ туразына товарларны алар пӧлік паза компьютер службазы тоғын сыххан. 1970 чыллар тоозылчатханда, Leroy Merlin компанияның 8 садығ туразы полған, тоғынчылар саны 500 кізее читкен[8]. Ідӧк 1970 чылларда компанияның ахча сурии турыбысхан[9]. Пу туста Мюлье сӧбірезі компанияны садызып алар сағыснаң айланған, че Leroy Merlin ээлері аны ӱр чаратпааннар. Чӧптезіге килгеннер Адольф Леруа-кічии ӱреен соонда, 1979 чылда, андада Auchan Leroy Merlin компания акцияларының 50 % садызып алған[9].

1981 чылда компания Mulliez Group кірген[9]. 1981 чылда сетьте 33 садығ туразы саналған[2][10].

Компания тиліс чолын кӧмес алыстырған. Leroy Merlin садығ тураларында ӧӧнінде чуртха кирек ниме-нооларны сат сыхханнар, парыс ағылбинчатхан товарларнаң айғаспиныбысханнар[9].

Leroy Merlin садығ туразы Италия Перуджа провинциязындағы Оспедаличиода, 2019 чылның орғах айы.

1989 чылда Leroy Merlin садығ туразы Испанияда азылған[2]. 1989—1999 чылларда компания Бразилияда, Польшада паза Италияда садығ тураларын асхан. Тилекей рыногындағы DIY секторда ол лидерлер санында пол парған[2].

1990 чыллар пасталарынаң Францияда Leroy Merlin 30 садығ туразы тоғынған[7].

2003—2004 чылларда Leroy Merlin DIY компанияларны Португалияда паза Испанияда(Aki) алған, паза Франциядағы пір компанияны (Obi). Leroy Merlin Weldom паза DomPro компанияларнаң хада пірік парған[8].

2004 чылда Leroy Merlin компанияның Россиядағы пастағы садығ туразы Мытищи городта азылған[8]. 2006 чылда GROUPE ADEO компаниялар группазы тӧстелген[8].

2007—2009 чылларда компанияның садығ туралары Румынияда, Украинада, Грецияда, Турцияда азылғаннар[8]. 2018 чылда пастағы садығ туразы Казахстанда азылған[7].

2016 чылның кӧрік айында «Леруа Мерлен Россия» генеральнай директоры Венсан Жанти ретейлер Россияда пис чыл аразына садығ туралары санын 45-тең 140 теере ӧскірібізер пӧгінін искірген. 400 азыра муң чуртағҷылығ городтарда садығ тураларын азар пӧгін турғызылған. Іди ортымахти чылда 20-лер садығ туразын азар сағыс полған[11].

2019 чылда Владивостокта Россиядағы 100-ҷі гипермаркеді азылған[8]. 2022 чылда компанияның парызы алнындағы чылнаң 15 % ӧс парған, 530 миллиард салковайға читкен[12].

2023 чылның часхызы пасталарынаң компания Leroy Merlin Испанияда, Францияда, Италияда, Грецияда, Румынияда, Бразилияда, Украинада, Россияда, Кот-д’Ивуарда, КНР-да, Кипрде, Казахстанда, Португалияда, Польшада, ЮАР-да пар полған. Францияда 144 садығ туразы тоғынған[2].

2023 чылның кӧрік айында Россияда 62 городта 107 гипермаркет тоғынған. Тоғынҷылар саны 45 муңа читкен. Россиядағы чырғалда компания улиинҷа ікінҷізі пол парған. Олох туста компания Adeo РФ-да пос садығ тураларынаң устирын Россиядағы менеджментке пирчеткенін искірген[2][12]. Анзы Россияда істенчеткен 45 муң тоғынҷы орнын хайраллап халарға полызар тіп искірілген[12]. 2024 чылның хандых айында садығ тураларының палғалызы Россиядағы компанияны «Лема́н ПРО» атха алыстырчатханын чарлабысхан, ребрендинг нинҷе-нинҷе этап иртері кӧріл парған, пастағызы 2024 чылда тоозылар, тиксі идіг — 2025 чылда[13].

Leroy Merlin садығ тураларында пӱдіріг, изоляция материаллары, каминнер паза оларға кирек ниме-ноолар, пӱдіріг оборудованиезі, тастындағы канализация садылча[14].

2024 чылның орғах айында пілдістіг пол парған:Leroy Merlin 2023 чылның салтары хоостыра парызының тӧртінҷі чардығын Россияда алған. Ахча сан-пирізі хоостыра, РФ-дағы садығ сині 6,1 млрд евроға читкен, ол пӱдіріг садығ тураларының палғалызының ӧӧн Adeo компаниязына 287,4 млн евро парыс пирген[15].

Ідӧк кӧріңер

[тӱзедерге | код тӱзедерге]

Примечания

[тӱзедерге | код тӱзедерге]
  1. ↑ 1 2 leroymerlin.kz. forbes.kz. Дата обращения: 22 Орғах айы 2023.
  2. ↑ 1 2 3 4 5 6 7 8 9 10 Что известно о Leroy Merlin. Тасс (24 Кӧрік айы 2023). Дата обращения: 21 Орғах айы 2023.
  3. ↑ Участники встречи с представителями Экономического совета ассоциации «Франко-российская торгово-промышленная палата». special.kremlin.ru (31 Кӱрген айы 2018). Дата обращения: 22 Орғах айы 2023.
  4. ↑ 1 2 Key figures. leroymerlin.com. Дата обращения: 22 Орғах айы 2023.
  5. ↑ Все для дома, 2013, с. II.
  6. ↑ Leroy Merlin затеял ремонт. kommersant.ru (24 Кӧрік айы 2023). Дата обращения: 22 Орғах айы 2023.
  7. ↑ 1 2 3 4 История Leroy Merlin: от маленького магазина к мировой сети. Вести Кузбасс (14 Орғах айы 2023). Дата обращения: 21 Орғах айы 2023.
  8. ↑ 1 2 3 4 5 6 7 История Леруа Мерлен. leroymerlin.ru. Дата обращения: 22 Орғах айы 2023.
  9. ↑ 1 2 3 4 Сага ретейлера «Ашан»: тайны самого закрытого французского клана. История Мюлье. Реальное время. Дата обращения: 22 Орғах айы 2023.
  10. ↑ Анна Кавалли. Семья превыше всего. Как таинственный клан Мюлье из 700 человек управляет «Ашаном» и другим многомиллиардным бизнесом. Секрет фирмы (28 Кӱрген айы 2022). Дата обращения: 22 Орғах айы 2023.
  11. ↑ «Леруа Мерлен» объявил о планах втрое увеличить сеть гипермаркетов в России. lenta.ru (15 Кӧрік айы 2016). Дата обращения: 22 Орғах айы 2023.
  12. ↑ 1 2 3 Уход «Леруа Мерлин» после 18 лет работы в России. Магазины продадут, но не закроют. www.gazeta.ru. Дата обращения: 22 Орғах айы 2023.
  13. ↑ «Леруа Мерлен» сменит название в России. РБК (18 Хандых айы 2024). Дата обращения: 18 Хандых айы 2024.
  14. ↑ Леруа Мерлен Россия. Деловой квартал (24 Кӧрік айы 2023). Дата обращения: 22 Орғах айы 2023.
  15. ↑ Четверть прибыли Leroy Merlin в 2023 году пришлась на Россию, Коммерсантъ (13 Орғах айы 2024). Дата обращения: 13 Орғах айы 2024.

Литература

[тӱзедерге | код тӱзедерге]
  • Тураа кирек прай ниме // Калужгадағы бизнес-журнал. — 2013. — Кӧрік айы (вып. 3). — ISSN 1819-267X.

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Leroy_Merlin&oldid=79332