Google Тілбесчі

Рувики тiп сайттаң
Сыныхталған статья
Google Translate (Тілбесчі)
Изображение логотипа
URL translate.google.com
Сайт тибі Тілбесчі
Регистрация Чох
Тіл (-лер) 133[1]
Ээзі Google
Автор Google
Тоғыс пасталғаны 28 хосхар айы 2008
Амғы статус тоғынча
Логотип РУВИКИ.Медиа Медиафайлы на РУВИКИ.Медиа

Google Тілбесчі орыс. Google Перево́дчик — Google компания тимнеен тексттерні, веб-страницаларны, ідӧк пічіктерні паза чоохтарны пасха тіллерге пос алынҷа[2] тілбестеп полчатхан онлайн-сервис. Google Тілбесчі тилекейде иң саблығ приложениее саналча. Аны 1 млрд хати посха киргеннер[3].

2022 чылның сілкер айының 11 кӱніне 133 тіл тоғынча. Изеріс ӧзіп одырча.

Сервисте кибірліг хыдат тіліне хоза хайығ салылча, хайзында пірее иероглифтер сидік арах пазылчалар[1].

Прай Google аймах тіллерге 100 трлн-ҷа пічік тілбестеп салған[2].

Тархын

Google Тілбесчі 2006 чылда пол килген. Андада сервисте ікі ле тіл полған[4].

Google Тілбесчіні тилідерге анынаң тузаланчатхан кізілер полысханнар. Олар тілбестеглернің пос версияларынаң ӱлескеннер. 2016 чылға сервисте 3,5 млн азыра араласчы саналған, олар 90 млн тӱзедіг кир салғаннар[4].

2014 чылда Word Lens приложение Google холына кірген[5]. 2015 чыл пасталчатханда, сӧстерні холнаң паспин, текстсер смартфон камеразынаң кӧстезе, Google Тілбесчі нандырығ пирҷең[6].

2017 чылның кӧрік айында уламох чахсы тілбестеглер идер ӱчӱн, Google движокты нейросетьке айландырыбысхан (нейрон-машина тілбестее)[7].

2021 чылның кӧрік айында Тілбесчіні 1 млрд хати посха киргеннер. Приложениее 7,8 млн ӱндезіг килген, аны ортымах паалии 4,5 читкен[3].

11 майда 2022 чылда компания машина тілбестиинің наа тибінең тузаланчатханын искірген. Ол наа тіллерге хабазарға кӧріл парған[8]. Ол кӱнде Google тиксі изерізіне 24 тіл хозылғанын искірген. Іди сервис тилекейнің 133 тілінең тоғын сыххан[1].

Технология

SYSTRAN технологиянаң тоғынчатхан Babel Fish паза AOL тілбестег сервистернең тиңңестірзе,[9][10], Google позының ПО-наң тузаланча паза сервистегі пір тілнең пірсіне тілбестег итчең оңдай пирче[2].

Компанияның позын ӱгретчеткен машина тілбестиинің алгоритмі пар. Аның ресурсы хуруғ. 2022 чылға компания чидіглерге читкен, тілбестег сині ӧс парған, наа тіллер кирілгенде, тоғыс алғыдылған[8]. Тілбестегнің качествозы кирілген тексттің темазынаң паза стильінең, аның грамматиказынаң, сӧстерінең паза синтаксизінең палғалыстығ[2]. Хайзы тіллерде тілбестеглернің версиялары пирілчелер, кӧзідімге, техника терминнері[11].

Google компания аймах тіллерге 100 трлн-ға чағын пічік тілбестеп салған. Ол тӧстег материалларына улуғ база полча[2]. Google Тілбесчі статистика анализін идіп тоғынча: сервис удаа тузаланчатханын кӧре, тӧӧй сӧсті таапча, иң кӧп процент тоғасчатхан версияны турғысча[8]. Че удаа тілбестег англия тілі хоостыра иділче, ол метатіл чіли тузаланылча[2].

Google Тілбесчінің тоғынчатхан оңдайы:

  1. сӧстерні, сӧс пірігістерін алай предложениелерні тексттең таллиры;
  2. базаларда андағох тіл единицаларын тілирі;
  3. табылған единицаны килісчеткеніне сыныхтиры;
  4. толдыразынаң киліспинчетсе, пастағы пунктха айландырары;
  5. иділ парған тілбестегні кӧзідері;
  6. салтарны базаа кирері[2].

Оңдайлар

Google Тілбесчінің аймах функциялар пар[12]:

  • Офлайнда тілбестег идері: Настройки хоостыра кирек тіллернің сӧстіктерін кир салза, тілбесчіні интернет чох тоғындырарға чарир;
  • Холнаң пасханы: Карандаштың таниин пазыбысса, сӧстерні кирҷең кӧзенектің алтында хоза кӧзенек азыл парча, анда холнаң пазарға чарир. Алтында сервис оңарып алған сӧстер сых килерлер. Ол функция сервистің веб-версиязында паза мобильнай приложениеде тоғынча;
  • Синхроннай тілбестег: пазылған текст чоохталча паза чоохталған ниме пазылча, ол функция веб-версияда паза приложениеде пар. Приложениеде ідӧк «Чоох алызары» функция пар. Ол пасха хан чирі кізізінең чоох алызарға полысча;
  • Камера пастыра табырах тілбестег: 2014 чылда Word Lens Google холына кірген[5], 2015 чылдаң сығара смартфон камеразын текстке ле кӧстебіссе, Google Тілбесчі сах андох аны тілбестеп пирче[6];
  • Пос сӧстігі: аймах сӧстернің паза чоох кизектерінің тілбестеглерін хайраллап халарға чарир, че оларзар айланар ӱчӱн, пастап оларны «чылтызахнаң» таныхтап саларға кирек;
  • Пасха приложениелердең тілбестеглер алары: функция Android-те тоғынча, пасха приложениелердең тілбестеглер итче. Оларда кирек сӧсті алай чоох кизегін таныхтап, контекст менюзын азарға кирек, ӱс точкаа пазып, «Тілбестег» пазарға кирек. Ӧӧн приложение ӱстӱнде тілбесчі кӧзенегі азыл парар, анда ідӧк іл алыстырарға алай аны истіп аларға чарир;
  • СМС тілбестее: искіріглерге Google Тілбесчінің мобильнай приложениезінең парыбызарға чарир;
  • Тілег чолында тілбестег идері: Тілбесчінең кӧнізінең тузаланмин, браузернің тілег чолында киріп, пір алай нинҷе-де сӧсті тілбестеп аларға чарир;
  • Пічіктерні тілбестирі: функция компьютердең PDF алай docx форматтығ файлларны кирче паза кирек тілге тілбестепче. Ол браузерде ле тоғынча;
  • Сайттарны тілбестирі: сервис прай веб-страницаны тілбестепче паза искірігні тілеп сах андох аны тілбестепче. Компанияның тоғынҷылары веб-дизайнерлерге скрипт тимнеп салғаннар. Ол сайтты сервиске кірген тіллерге тілбестепче[11][12];
  • Тархыннаң устааны: прай тілбестеглернің тархынын облакода хайраллирға чарир. Аны идер ӱчӱн, пастап пос аккаунтынзар кірерге кирек, іди тархын прай тиріглерде азылар[13].

Сервис читпестері

Google Тілбесчінің автомат оңдайынаң тілбестеглер итчеткен тиріглернің чіли читпестері парлар. Пу сервис пасха хан тіліндегі тексттің нимедеңер чоох парчатханын кӧзітче, че тілбестігні толдыразынаң ит полбинча[14].

Орыс тілінең англия тіліне тілбестеені артых арах поладыр. Пасха хан тіллеріне тілбестепчетсе, система англия тілін санға алча, аннаңар тілбестег сині тӱс парча. Грамматика алҷаастары паза пірее сӧстер тілбестелбинчелер[2].

Хоос литературазын алза, Тілбесчі матырларның психология палғалызын, тексттегі оларның чуртазын санға албинча[2].

Іди компания-тӧстегҷі тілбестеглер синін нейросеть пастыра кӧдірче[1][14][2].

Пасха тілбесчілер

Россиядағы Google Тілбесчінең пасха Яндекс Тілбесчі тоғынча. translate.google.ru паза translate.yandex.ru сервистер тӧӧй алгоритмнернең тоғынчалар, ӧнетін техника тексттерін тілбестепчелер. Тілбестеглер сині предмет облазынаң, оларның сӧстігінең, кізілер кирген тіл единицаларынаң палғалыстығ[2].

Тілбесчілернің ікізінде грамматиканы паза орфографияны сыныхтаҷаң функциялар парлар, ідӧк сервиснең тузаланчатхан кізілер таластығ киректерде тӱзедіглер кирер оңдайлығлар[2].

Алған орын

  1. ↑ 1 2 3 4 Isaac Caswell. Google Translate learns 24 new languages (англ.). Google (11 Сілкер айы 2022). Дата обращения: 22 Орғах айы 2023.
  2. ↑ 1 2 3 4 5 6 7 8 9 10 11 12 Мартыненко, 2018, 83-84.
  3. ↑ 1 2 Переводчик Google стал одним из самых популярных приложений Google Play. Его скачали более миллиарда раз. iXBT.com (5 Хосхар айы 2021). Дата обращения: 23 Орғах айы 2023.
  4. ↑ 1 2 Дмитрий Мякин. Google Переводчик отметил десятилетие. 3DNews Daily Digital Digest (2 Сілкер айы 2016). Дата обращения: 23 Орғах айы 2023.
  5. ↑ 1 2 Филипп Концаренко. Google купил приложение для перевода текста в реальном времени Word Lens. Vc.ru (18 Сілкер айы 2014). Дата обращения: 23 Орғах айы 2023.
  6. ↑ 1 2 Nord-news.ru. Google рассказал о революционных возможностях своего переводчика (15.01.15). Дата обращения: 23 Орғах айы 2023.
  7. ↑ Барак Туровски. Нейросети для перевода: на русском и других языках. Google (7 Кӧрік айы 2017). Дата обращения: 23 Орғах айы 2023.
  8. ↑ 1 2 3 Isaac Caswell, Ankur Bapna. Unlocking Zero-Resource Machine Translation to Support New Languages in Google Translate (англ.). Google (11 Сілкер айы 2022). Дата обращения: 23 Орғах айы 2023.
  9. ↑ Франц Джозеф Ок подтвердил это во время своей запланированной речи на 10-м Саммите Машинного перевода, прошедшем в 2005 году, заявив, что они (Google) больше не нуждаются в правилах.
  10. ↑ Екатерина Преображенская. Переводные машинки. Коммерсантъ (12 Кічіг хырлас айы 2007). Дата обращения: 23 Орғах айы 2023.
  11. ↑ 1 2 Системы машинного перевода и Интернет. Google Translator. StudFiles. Дата обращения: 23 Орғах айы 2023.
  12. ↑ 1 2 Виктор Подволоцкий. 10 полезных функций «Google Переводчика», которые должен знать каждый. Лайфхакер (8 Кӧрік айы 2020). Дата обращения: 23 Орғах айы 2023.
  13. ↑ Как управлять историей переводов и искать в ней сведения. Google. Дата обращения: 23 Орғах айы 2023.
  14. ↑ 1 2 Современный «умный» онлайн переводчик (17 От айы 2009). Дата обращения: 23 Орғах айы 2023. Архивировано из оригинала 5 Азығ айы 2010 года.

Литература

Мартыненко И.А. Google-переводчик: практика и перспективы применения в юридическом вузе // Вестник Университета имени О. Е. Кутафина. — 2018. — Ноябрь. — С. 83-84.

Ссылкалар

Алған орны - https://kjh.ruwiki.ru/w/index.php?title=Google_Тілбесчі&oldid=144349