DNS (компания)

Рувики тiп сайттаң
Сыныхталған статья
DNS, ДНС
Файл:DNSLogo.png
Тип кізі компаниязы
Тӧстелгені 1998
Орныхханы  Россия: Владивосток
Ӧӧн кізілер Николай Копылов (генеральнай директор)
Отрасль Россияның (МСОК)
Парыс ▲ 597 млрд салк. (2022)[1][2]
Арығ парыс ▲ 37,645 млрд салк. (2022)[1][2]
Активтер ▲ 295,75 млрд салк. (2022)[1]
Тоғынҷылар саны 38 947 кізі. (2023)[3]
Сайт dns-shop.ru
Логотип РУВИКИ.Медиа Медиафайлы на РУВИКИ.Медиа
Пу терминнің пасха даа тузалары пар, кӧр. DNS (значения).

DNS — саннығ, иб аразындағы техниканы, компьютер техниказын сатчатхан, аны итчеткен паза тибірібинчеткен ис-пайны пӱдірчеткен компаниялар группазы. DNS-тың штаб квартиразы Владивостокта, пастағы садығ туразы азылған городта, орных парған[4][5][6].

«ДНС Ритейл» ООО-зы (англ. CSN Retail LLC) электроннай DNS ретейлернің ӧӧн компаниязы полча[4]. Компания DNS, DEXP, ZET маркаларының компьютерлерін, мониторларын, ноутбуктарын, планшеттерін, смартфоннарын, питание источниктерін паза техникаа аксессуарларын итче[6]. Садығның ӧӧн чардығы интернет пастыра садыға, онлайн-ретейлге килісче[5].

Пасха проекттер санына «ДНС-Лес» компания паза «Приморье» туралар пӱдірҷең комбинат кірче[4]. 2023 чылның орғай айындағы танығлары хоостыра, тиксі Россияның 1179 городында DNS-тың 2614 садығ туразы саналған. Компанияда 38947 кізі тоғынча[3].

Тархын

Москвадағы Братеево райондағы DNS садығ туразы

Компания тархыны 1990 чыллардаң сығара пасталча. Ол туста аның тӧстегҷілері Дмитрий Алексеев паза Юрий Карпцов корпоратив кізілеріне компьютер оборудованиезін чыып пирҷеңнер паза сатчаңнар, ідӧк система интеграциязынаң айғасчаңнар[6].

1998 чылдағы кризис тузында компания тӧстегҷілері пос компьютерлерін алҷаң ахча синін тӱзірерге чаратханнар, че оларны алҷаң кізілер саны тӱспеен. Анзы оларны розница оңдайынаң садығнаң айғазар сағысха ағылған. DNS (Digital Network System) компания тӧстелген[5][6][7].

2000 чылда компания тӧстегҷілері офис суурып, Владивостокта пастағы компьютерлер садығ туразын азыбысханнар[6], аның пір чардығында компьютерлер чыырынаң айғасчаңнар[5].

2004 чылдаң сығара DNS садығ палғалызын тилідіп пастапча, 2005 чылдох Находкада ікінҷі садығ туразын асча. Олох чылда компания Приморскай крайдаң сығып, Хабаровскта ӱзінҷі садығ туразын асча[5].

2006 чылда садығ туразы Иркутскта, 2007 чылда Комсомольск-на-Амуре, Благовещенск, Томск паза Ағбан городтарда садығ туралары азылчалар[5][8]. Олох 2007 чылда компания позы ниме-ноолар ит сыххан[6].

2008—2009 чылларда садығ туралары Читада, Новосибирскте, Хызылчарда, Екатеринбургта, Челябинскте, Ростов-на-Дону, Южно-Сахалинск городтарда азылғаннар. Наа регионнарда алғыдылчатхан туста, компанияның пар палғалызы тиліп турған. DNS палғалызын алғыдар ӱчӱн позының паза пасха чирдең килген ахчанаң тузаланған[5].

2009 чылда садығ туралар саны 100-че полған. Чыл сай садығ туралары 70% ӧс турған[9].

2010 чылда филиаллар саны 100-тең ас парыбысхан, олар Россияның 29 городында полғаннар. Оларда 1,5 муң азыра кізі тоғынған[5][8].

2011 чыл пасталчатханда Россияның 30 городында 185 азыра садығ туразы азыл парған[5], тоғынҷылар саны 3,5 муң азыра полған[8]. Олох чылның пастағы чарым чылында компания 193 муң компьютер чыып алған, пос компьютерлерін Россияда чыыпчатханнары аразында 1-ғы орынға сыххан[10]. Компания столица регионына (Москва, Подмосковье) кірген, олох туста Сибирьде паза хазнаның ӱстӱнзархы чардығында тиліп турған[5].

2012 чылда Приморск крайының Артём городында DNS пӱдірген завод тоғын сыххан, ол чылда 1,5 млн компьютер паза ноутбук чыырына кӧріл парған[5][8]. Олох чылның салтары хоостыра, компанияның парызы 86,4 млрд салковайға читкен[9], анзы Forbes журналның танығларынҷа ағаа 2013 чылдағы Россияның кізілер холындағы иң улуғ 200 компания аразында 60-ҷы орынға сығарға оңдай пирген[8].

DNS-тың садығ тураларынаң пасха, аның ээлері TechnoPoint электроннай дискаунтерлер палғалызын тилідіп пастааннар. Ол туралар-складтарны кирче, кізілер кирек нимені интернет алай электроннай терминаллар пастыра таллап алчалар. Сеть филиаллары Россияның 20 городында тоғынғаннар, кӧп сабазын Ыраххы Востокта паза Сибирьде[9].

2013 чылның от айына Россияның 240 городында 700 азыра садығ туразы азылған[7]. Ӧӧнінде улии 300—500 м² садығ орыннары, ідӧк улии 1000 м² 25 гипермаркет. Садығ тураларынаң пасха, компанияның тарадылчатхан 10 кіні, хайзыларының тиксі улии 30 000 м² тиңнелче, Артём городтағы компьютерлер паза ноутбуктар заводы, ідӧк Подмосковьедегі (Старая Купавна) паза Новосибирсктегі ниме-ноолар чыыр орыннар пар[9].

2014 чылның хосхар айында компания Россиядағы алтынзархы-кидеркі чырғалына кірген паза «Компьютерный мир» сетьті алған (21 садығ туразы Санкт-Петербургта паза пасха 11 городта)[5][11]. Компания пос итчеткен производствоны тилідерге, че 2014 чылда садығ тураларын аспасха чаратхан. Аның орнына интернет чиріне кіріп пастаан[9].

2015 чылның хосхар айында садығ тураларының («Фрау-техника», TechnoPoint, Smart) форматтары пірге «DNS» брендке піріктірілгеннер. Садығ орыннарының саны пу туста 1000 чит парған[5].

2016 чылда Калининградта кізілерге сатчатхан садығ туразы азылған. Компания федеральнай синдегі палғалыстығ пол парған[5].

2017 чылда парызы хоостыра, DNS Россияның пастағы орындағы бизнес пірігістерінің пірсі пол парған паза РФ-ның кізілер холындағы иң улуғ компаниялар изерізінде, Forbes журналның танығларынаң, 46-ҷы орын алған[8].

2018 чылның кӧрік айында компанияда алызығлар пол парған: прай юридическай сырайлар «ДНС Ритейлге» піріктірілгеннер[12].

2019 чылның кӧрік айында DNS Петербургтағы «Кей» садығ палғалызын садызып алған[13]. 2019 чылның салтары хоостыра Россиядағы розница оңдайынаң тоғынчатхан иң улуғ 6-ҷы компания полыбысхан[14].

2021 чылда сетьке 2 муң садығ туразы кірген. Олох чылның сілкер айында DNS Казахстанның чырғалына сыххан, іди пастағызын на Россия озаринзар сыххан[15].

2024 чылның орғах айында компания 75 аймах техникаа паза электроникаа иң ниик паалар турғысхан, анзы антимонополия ведомствозы пастаанаң чуртасха кирілген[16].

Ээлер паза устағҷылар

Компанияны Владивостоктағы 10 программист тӧстеен. Олар хаҷанох таныс полғаннар паза компьютерлер тоғызында опыттығ полғаннар, ол санда оларны чыырында паза садарында, ідӧк система интеграциязында опыт пар полған. 2015 чылның танығларынҷа, он кізінің тоғызы компанияда тоғынғаннар, пірсі ӱреен, аның чардығы сӧбірезіне пирілген[9].

Тӧстегҷілернің пірсі финанстар директоры Юрий Карпцов полча, ағаа 44,64% килісче, паза генеральнай директор Дмитрий Алексеев, капиталның 44,35% аның холында. ЕГРЮЛ пастыра вице-губернатор полған паза бизнесті тилідерінҷе директор Константин Богданенконың «ДНС Групп» ООО-да 3,89% чардығы килісче[4].

«ДНС Групп» мының алнында — ол аймах регионнарда пічікке кирілген паза пір ээлернең палғалыстығ 50 юридическай сырай, оларның санында «ДНС Байкал» (ээзі — Карпцов), «ДНС НН» (ээзі — Мещанюк), «ДНС Альфа Новосибирск» (ээзі — Чернявский), «ДНС Плюс-Самара» (ээзі — Усов), «ДНС-Пермь» (ээзі — Фёдоров), «ДНС-Екатеринбург» (ээзі — Богданенко), «ДНС Хабаровскта» (ээзі — Попов), «Восток Центр» (ээзі — Алексеев), «ДНС-Курск» (ээзі — И. В. Кичий)[9].

2018 чылның кӧрік айында компанияда алызығлар пол парған: прай юридическай сырайлар «ДНС Ритейлге» піріктірілогеннер[12]. 2022 чылның 16 августынаң сығара «ДНС Ритейл» директоры Копылов Николай Анатольевич полча[17]. «ДНС Ритейл» ээзі «ДНС Групп» полча[4].

Парыс

2012 чылның танығлары хоостыра, компанияның 30% парызын компьютер аксессуарлары, 18% — ноутбуктар, 16% — смартфоннар, 13% — планшеттер, 11% — телевизорлар, 3% — стол компьютерлері паза кӧріндес камералары, 2% — мобильнай телефоннар, компак камералары паза мониторлар иткеннер[5].

DNS парызы 2012-2022
Чыл Парыс, млрд салк.
2012 86,4[9]
2013 130[9]
2014 115,1[18]
2015 116[19]
2016 151,9[5]
2017 197,8[20]
2018 268,5[21]
2019 309,2[1]
2020 427,6[1]
2021 562,2[1]
2022 597[1]

2022 чылның парыс саннары, эксперттер танығларынаң, 2010 чылда тӧстелген компанияа уғаа улуға саналчалар[2].

Forbes танығларынаң 2021 чылда, DNS Россияның кізілер холындағы иң улуғ 200 компания аразында 22-ҷі орын алған. Аның парызы алнындағы чылға 427,6 млрд салковайға тиңнелче. 2020 чылның рейтингінде компания 27 орында пол парған[22].

Алған орын

  1. ↑ 1 2 3 4 5 6 7 ООО "ДНС РИТЕЙЛ": бухгалтерская отчетность и финансовый анализ. Дата обращения: 29 Орғах айы 2023.
  2. ↑ 1 2 3 Ритейлер DNS по итогам 2022 года получил рекордные выручку и прибыль. Интерфакс (27 Хосхар айы 2023). Дата обращения: 29 Орғах айы 2023.
  3. ↑ 1 2 О компании. DNS. Дата обращения: 29 Орғах айы 2023.
  4. ↑ 1 2 3 4 5 Ритейлер DNS занял 6 место в рейтинге крупнейших российских компаний в розничной торговле. PrimaMedia (20 Чарыс айы 2020). Дата обращения: 29 Орғах айы 2023.
  5. ↑ 1 2 3 4 5 6 7 8 9 10 11 12 13 14 15 16 Компания DNS – сеть федерального масштаба по продаже техники и электроники. MMF. Дата обращения: 29 Орғах айы 2023.
  6. ↑ 1 2 3 4 5 6 Анастасия Ляликова. Основатели сети электроники DNS стали долларовыми мультимиллионерами. Forbes (3 Чарыс айы 2019). Дата обращения: 29 Орғах айы 2023.
  7. ↑ 1 2 Компания DNS: компьютерная техника из Владивостока. Mob-Mobile. Дата обращения: 30 Орғах айы 2023.
  8. ↑ 1 2 3 4 5 6 DNS. Бренд-зона. Дата обращения: 30 Орғах айы 2023.
  9. ↑ 1 2 3 4 5 6 7 8 9 Светлана Витковская. Золотая сборка: как построить сеть с выручкой $4 млрд без рекламы. Forbes (19 Кічіг хырлас айы 2013). Дата обращения: 29 Орғах айы 2023.
  10. ↑ Роман Дорохов. В России объявился крупный сборщик и продавец ПК. Ведомости (5 Орғах айы 2011). Дата обращения: 30 Орғах айы 2023.
  11. ↑ Сеть магазинов электроники и мелкой бытовой техники DNS покупает «Компьютерный мир». ЦДИ (18 Хосхар айы 2014). Дата обращения: 30 Орғах айы 2023.
  12. ↑ 1 2 ООО «ДНС РИТЕЙЛ» (ОКПО:68538165). www.list-org.com. Дата обращения: 13 Ӱртӱн айы 2019. Архивировано 27 Кічіг хырлас айы 2021 года.
  13. ↑ Старейший ретейлер бытовой техники и электроники в Петербурге прекратил работу. ТАСС (19 Кӧрік айы 2019). Дата обращения: 30 Орғах айы 2023.
  14. ↑ Крупнейшие компании России по отраслям промышленности, Коммерсантъ (20 Чарыс айы 2020). Дата обращения: 30 Орғах айы 2023.
  15. ↑ Российская сеть DNS вышла на рынок Казахстана. Капитал. Дата обращения: 30 Орғах айы 2023.
  16. ↑ "ДНС" зафиксировала предельные цены на технику и электронику, TACC (16 Орғах айы 2024). Дата обращения: 16 Орғах айы 2024.
  17. ↑ ООО "ДНС Ритейл". Чекко. Дата обращения: 29 Орғах айы 2023.
  18. ↑ Торговая сеть DNS вошла в первую десятку рейтинга INFOLine Retail Russia TOP-100! DNS. Дата обращения: 29 Орғах айы 2023.
  19. ↑ DNS из Владивостока обошел "Эльдорадо", "Связной" и "Евросеть" в рейтинге РБК. Magadan Media (10 Чарыс айы 2016). Дата обращения: 29 Орғах айы 2023.
  20. ↑ Елена Домброва. Федеральный холдинг подтвердил покупку петербургской торговой сети. РБК (17 Кӱрген айы 2019). Дата обращения: 29 Орғах айы 2023.
  21. ↑ Forbes назвал основателей сети электроники DNS долларовыми мультимиллионерами. Ведомости (3 Чарыс айы 2019). Дата обращения: 29 Орғах айы 2023.
  22. ↑ 200 крупнейших частных компаний России — 2021. Forbes. Дата обращения: 29 Орғах айы 2023.

Ссылкалар

Алған орны - https://kjh.ruwiki.ru/w/index.php?title=DNS_(компания)&oldid=141884