Battlefield 6

Рувики тiп сайттаң
Battlefield 6
Battlefield 6.png
Тӧстегҷі Battlefield Studios
Издатель Electronic Arts
Серия чардығы Battlefield
Анонс кӱні 2025 чылнын от айынын 24-ҷі кӱні
Сыххан кӱні 2025 чылның чарыс айының 10-ҷы кӱні
Жанр пос хараанаң атчатхан кізі
Технические данные
Платформа Windows, PlayStation 5, Xbox Series X/S
Движок Frostbite
Ойын режимі кӧп араласчы ойыны, пір араласчы ойыны, кооператив
Устағ компьютер клавиатуразы[d], компьютер кӱскезі[d] и геймпад[d]
Официальный сайт
Логотип РУВИКИ.Медиа Медиафайлы на РУВИКИ.Медиа

Battlefield 6 (хысх. BF6) — пір тиксі Battlefield Studios брендте Criterion Games, Motive Studio паза Ripple Effect пірігістернең хада DICE студия тимнеен пос хараанаң атчатхан жанрдағы компьютер ойыны. PlayStation 5, Xbox Series X/S приставкаларға паза Windows устаандағы пос компьютерлерге килістіре иділген ойын[1]. Сыххан кӱні — 2025 чылның чарыс айының 10-ҷы кӱні[2].

Ойындағы киректер 2027 паза 2028 чыллар аразында иртчелер, анда НАТО паза альянсха кірген хазна-араласчыларның кӱзінең чааласчатхан Pax Armata тіп частнай чаа корпорациязы аразында улуғ талас парча[3]. Алнындағы Battlefield 2042 серияның чардығынаң тиңнестірзе,BF6 ойында толдыразынаң чалғыс кізі иртчең полта кампаниязы айландырылған. Ойынның пастағы сезонынаң хада «король чаалазииның» тикке режимі сыххан[4].

Ойын полтазы

Ойындағы киректер амғы тустағы средада  (орыс) (рус. иртчелер, анда НАТО паза Pax Armata тіп частнай чаа корпорациязы аразында талас парча. Хаҷан-да НАТО-ға кірген хазналарның, кӧзідімге, Францияның, кӱзінең тоғынчатхан компания тилекейде иптіг поларына хорғыс ағылча[1][5].

Ойын килкім чаа таластарында иртче, ӧӧн рольны танктарның паза истребительлернің, ідӧк пасха чаа техникаларының аразындағы палғалыс ойнапча. Ойынның полтазының ӧӧн сағызы — ойынҷының отряды чаа оңдайларына иң улуғ ӧлім ағылчатхан тиріг полча[1][5].

Ойын процезі

Battlefield 6 — пос хараанаң атчатхан кӧп араласчы ойыны. Анда килкім чаалазығлар парчалар, ойынҷылар тактика саринаң палғалыс тутчалар. Ойынның тӧстегҷілері, специалисттернің ӧӧн сағызын хайы идіп, кибірліг класс системазына айланғаннар: ойынҷылар пір алай нинҷе-нинҷе роль таллап алар оңдайлығлар, оларның полғаны ла пос кӧнігістіг, тирігліг. Андағ система отряд істінде тактика паза специализация саринаң пик палғалыс тударға оңдай пирче. Анзы аны Battlefield 2042 ойындағы специалисттер системазынаң пасхалапча. Класстарға айланыс команда ойынын тыыдар ӱчӱн паза полған на рольны чаалазығда уламох тузалығ идерге кӧріл парған[1][6]. Ойында прай 4 класс[7]:

  1. Штурмовик: штурм винтовказынаң тузаланча; чӱгӱріп ала табырах ат сыхча паза холында тирігні алыстыр полча.
  2. Инженер: пистолет-пулемёттарнаң тузаланча; пудынаң тирігнең хап-орта ат полча;
  3. Полызығ: хол пулемёттарынаң тузаланча; тирігнең атчатса, чӱгӱрістің табыраан тӱзірбинче;
  4. Разведчик: снайпер винтовказынаң тузаланча; кӧстег табырах алылча, кӧстегде киині тудынған тузы узах арах паза «снайперкаларнаң» тузаланчатхан туста атызы табырах арах парча[7].
  • Battlefield 6 ойыннаң пічікке кирілген скриншоттар
  • 1-Официальный скриншот из Battlefield 6.jpg
  • 2-Официальный скриншот из Battlefield 6.jpg
  • 3-Официальный скриншот из Battlefield 6.jpg
  • 4-Официальный скриншот из Battlefield 6.jpg
  • 5-Официальный скриншот из Battlefield 6.jpg
  • 6-Официальный скриншот из Battlefield 6.jpg
  • 7-Официальный скриншот из Battlefield 6.jpg

Кӧп араласчы ойыны

Сетьтегі Battlefield 6 ойында нинҷе-нинҷе кізі, аймах стильлерде ойнаҷаң режимнернең тузаланарға чарир. Матчтарны таллап алар ӱчӱн, режимнер нинҷе-де плейлистке чарылыхтар[8].

Ӧӧн режимнер[8]:

  • Conquest (Холға кирері) — серияның классика режимі, анда ікі команда улуғ картада нинҷе-нинҷе ӧӧн точканы холға кирер ӱчӱн чааласчалар. Ыырҷының очколарын саңай чох идібісчеткен команда утып алча.
  • Breakthrough (Прорыв) — пір команда чаалап сыхча, соон сӱрістіре секторларны холға киріп одырча, пасхазы позицияларын арачылапча.
  • Rush (Штурм) — чаалапчатхан команда нинҷе-нинҷе пара палғалыс станциязын чох идібізерге кирек, арачыланчатханы — ағаа харығ полча.
  • Escalation (Эскалация) — командалар ӧӧн зона ӱчӱн чааласчалар, анзы картаҷа чыл чӧрче.
  • Domination (Асханы) — улуғ нимес карталардағы пехота режимі, анда ӧӧн точкаларны тут халарға кирек.
  • King of the Hill (Тағ ханы) — командалар картадағы пос алынҷа тоғыныбысчатхан точканы холға киріп алар ӱчӱн чааласчалар.
  • Team Deathmatch (Командалар аразындағы чаалазығ) — ікі команда чааласча, ӧдірістернің лимидіне читкені утып алча.
  • Squad Deathmatch (Отрядтарның командалар чаалазии) — тӧрт кізідең тӧрт отряд аразында чаалазығ парча. Тіріг халғаны утып алча[8].

Redsec

Battlefield Redsec — тикке ойнаҷаң режим, 2025 чылның чарыс айының 28-ҷі кӱнінде тоғын сыххан. Андар «король чаалазии» паза пасха марың форматтары кірчелер. Redsec кирек Fort Lyndon картада иртче, серияның тархынында ол иң улуғ полча[4].

Redsec режимнері[9]:

  • Battle Royale (Король чаалазии) — 100 кізее килкім чаалазығ, анда тӧртер кізідең отрядтар (25 отряд) алай ікілердең (50 дуэт) аралазар оңдайлығ. Ойынҷылар картаға инчелер, тиріглер тілепчелер, пір отряд халғанҷа чааласчалар. Чаа техниказынаң тузаланарға чарир[4];
  • Gauntlet (Перчатка) — 32 кізі (тӧртер кізідең 8 отряд) марығласчатхан режим. Командалар хысхаҷах раундтарда (5 пағат) чааласчалар. Полған на раундта чапсых оңдайлар паза пӧгіннер пирілчелер, отрядтардаң чапчаң хайыныс киректелче[9];
  • Portal (Портал) — редактор, ойынҷыларға, скриптингке паза кастомизацияа кирек тиріглернең тузаланып, Fort Lyndon картада пос ойын режимнерін идерге оңдай пирче[4].

Кампания

BF6 ойынның чалғыс кізі ойнапчатхан кампанияа 9 полта миссиязы кірче, анда аймах матырларнаң устирға чарир — элита диверсанттарынаң пасти пилоттарнаң инженерлерге читіре. Ортымах синде кампанияны иртчең тус 4 частаң 6 часха теере узарадылча, прай коллекция ниме-нооларын чыып (30 чааҷы жетоны — Dog Tags), кампанияны пӱкӱлеезінең тоозыбызар ӱчӱн, 8 час таа киректелче[10][11].

Полта миссиялары аймах-пасхалар: ойынҷылар хараа иртчеткен чазыт операцияларында, ідӧк аар техниканаң чааласчатхан штурмнарда араласчалар. Полған на миссия чапсых чирде иртче: тасхылларда, городтарда паза суғларда. Коллекция жетоннарын тапхан ӱчӱн ойынҷылар косметика сыйыхтарын алчалар, оларнаң кӧп араласчы режимінде тузаланарға чарир[10].


Кампанияның миссиялар изерізі:

№ Миссия ады Жетоннар саны
1 Хаҷан даа ізестіг (Always Faithful) 3
2 Хайа (The Rock) 3
3 «Гладиус» операция (Operation Gladius) 3
4 Хараағы рейд (Night Raid) 4
5 Ӱйғу чох (No Sleep) 3
6 Тағлар азып (Moving Mountains) 4
7 Нил хадаа (Nile Guard) 2
8 «Ысталып кӧчеткен саабыс» операция (Operation Ember Strike) 4
9 Хаҷан даа алнынзар (Always Forward) 4

Пирілген тиріг

Battlefield 6 ойынның пасталғанында, тиріглернің 45 кӧрімі пирілген, олар 8 категорияа чарылғаннар. Алнындағы чардыхтардаң пасха, клаастар хоостыра тиріглернең тузаланҷаң оңдай чоғыл. Тиріглернің наа кӧрімнері рангты ӧскірген паза ӧнетін чахығларны толдырған соонда азылчалар[12].

Категория Тиріг
Штурм винтовкалары M433, B36A4, SOR-556 MK2, AK4D, TR7, KORD 6P67, NVO-228E, L85A3
Карабиннер M4A1, M277, AK-205, M417 A2, GRT-BC, QBZ-192, SG 553R
Пистолет-пулемёттар SGX, PW5A3, PW7A2, UMG-40, USG-90, KV9, SCW-10, SL9
Ниик пулемёттар L110, DRS-IAR, M/60, RPKM, M123K, M250, KTS100 MK8, M240L
Марксманскай винтовкалар M39 EMR, LMR27, SVK-8.6, SVDM
Снайпер винтовкалары M2010 ESR, SV-98, PSR
Дробовиктер M87A1, M1014, 18.5KS-K
Пистолеттер P18, ES 5.7, M45A1, M44

Пастағы сезон сыххан соонда ойынға тиріглернің наа кӧрімнері кирілгеннер: SOR-300SC карабин, GGH-22 пистолет паза Mini Scout снайпер винтовказы[13].

Тархын паза алнынзар кирері

Battlefield сериязының пазағы ойынынаңар пастағы хабарлар 2024 чылнын ӱртӱн айының 16-ҷы кӱнінде пол килгеннер: андада EA Studios группаның ӧӧн менеджері Винс Зампелла наа ойындағы киректер амғы тустағы сеттингте иртерлер тіп искірген. Ол ідӧк ойынны EA тархынында иң килкім проект полар теен паза анынаң 4 ойын студиязы тоғынчатханын чоохтаан: DICE, Motive, Ripple Effect паза Criterion (чалғызан ойнапчатхан режимні тимнирінде араласхан ідӧк Ridgeline Games, 2024 чыл пасталчатханда, анзы чабыл парған)[14].

2025 чылның азығ айының 3-ҷі кӱнінде EA наа ойынны Battlefield Studios аттығ объединение тимнепче тіп киречілеен. Ойын проектке Battlefield Labs код ады пирілген; ойынны кӧзітчеткен аның пастағы трейлері сыххан[15]. Олох туста ойынны чабых оңдайда сынап сыхханнар, аның кадрлары чарадығ чох 2025 чылның кӧрік айында сетьке сых парғаннар[16].

Ойынның пічік хоостыра ады от айының 19-ҷы кӱнінде искірілген[17]; от айының 21-ҷі кӱнінде ойыннаң пастағы туста азых бета-тестирование пастыра ойнап кӧрерге чарир полар тіп таныхталған[18]. Пазағы кӱнде EA студия ойынның официальнай анонсы от айының 24-ҷі кӱнінде иртер тіп искірген[19], аның алнында «ревила» тӧстегҷілер ойында ӧӧн ыырҷылар Pax Armata паза НАТО пірігістер поларлар тіп ӱлескеннер[20]. Кӧріл парған кӱнде трейлер чарыхха сыххан, анда от айының 31-ҷі кӱнінде кӧп араласчы ойынының кӧзідии полары искірілген[21].

Battlefield 6 трейлерге анонс пирчеткен кізі

От айының 31-ҷі кӱніне хараазында ойын версиязының кізілері «мультиплеернің» узуны 15 секунда тизерні чарыхха сығарыбысханнар, че анаң аны чох идібіскеннер. Видеода геймплейнің кадрлары паза ойынның сыхчаң кӱні полған — 2025 чылның чарыс айының 10-ҷы кӱні[2]. Ідӧк от айының 31-ҷі кӱнінде инсайдерлер орғах айында ӱс бета-тестирование сахталча тіп искіргеннер: пастағызы орғах айының 7-ҷі кӱнінде кӧрілче, кіріс клӱстерінҷе азылых полар (азынада чахығҷа пирілчелер, алай 48 час изере Twitch  (орыс) (рус. стримнер кӧрген ӱчӱн); ікінҷізі орғах айының 9—11 кӱннерінде полғанына ла азых полар; ӱзінҷізі — орғах айының 14-ҷі кӱнінең сығара 17-ҷі кӱніне теере[22].

2025 чылның орғах айының 28-ҷі кӱнінде Electronic Arts паза Battlefield Studios объединениенің тӧстегҷілері ойынның ПК-версиязының трейлерін кӧзіт пиргеннер[23]. Ідӧк ойынның техническай кирексіністері искірілгеннер. 4K разрешение, сині чох кадр частотазы, уғаа чалбах мониторлар (21:9, 32:9) паза 600 азыра аймах настройкалар полары кӧріл парған[24].

2025 чылның ӱртӱн айының пастағы кӱннерінде сетьке кизекти Battlefield 6, ойыны сых парған, ол тирігде палғаснаң кір айлан таа килерін кӧзіт пирген, анзы Battlefield 2042  (орыс) (рус. ойында чох полған. Улуғ нимес кизекте чаалазығ тузында тиріг аймах палғаснаң чабылчатханы кӧзіділген[25].

Ойын 2025 чылның чарыс айының 10-ҷы кӱнінде пір саңай прай платформаларда сыххан. Battlefield ӧӧн менеджері Байрон Бидтің искіриинең, релиз маңнаныстығ ирткен: пастағы ікі неделяа ойын франшизаның прай рекордтарын ас парыбысхан, 2025 чылның иң килкім позыдии полыбысхан[4].

2025 чылның чарыс айының 21—22 кӱннерінде Steam ойынның официальнай сообществозында СНГ-дағы ойынҷыларның хоптанызы кил сыххан. Олар ӱр Battlefield 6 серверлеріне кір полбинчатханнар, аннаңар ідӧк пасха техническай форумнарда чоохтааннар[26].

2025 чылның чарыс айының 28-ҷі кӱнінде ойын 1.1.1.0 теере нааҷылалған, анзы ойынның оңдайларын чахсыландырған. Олох кӱнде «Rogue Operations» аттығ пастағы сезон пасталған, ол ӱс фазаа чарылған[27]:

  • 1 фаза (чарыс айының 28-ҷі кӱні): Blackwell Fields карта, Strikepoint режим, тирігнің ӱс наа кӧрімі кирілген; Battlefield Redsec позыдылған.
  • 2 фаза «California Resistance» (кічіг хырлас айының 18-ҷі кӱні): Eastwood карта, Sabotage режим паза Battle Pickups механика айландырылған.
  • 3 фаза «Winter Offensive» (улуғ хырлас айының 9-ҷы кӱні): ӧнетін сезонда полчатхан кирек кирілген[27].

Бета-тестирование

2025 чылның орғах айының 4-ҷі кӱнінде ойынның азынада загрузказы азылған. Тӱрчедең ойынҷылар, Windows ойынны асчатса, Secure Boot активированнай функция (пользовательлернің чардығының программа хоостыра ӱзірілік) кирек тіп піліп алғаннар[28]. EA функцияны тоғындарҷаң инструкцияны азынада чарыхха сығарыбысхан. Официальнай инструкцияны толдыразынаң ссылкаҷа табарзар.

Battlefield 6 ойынның бета-тест версиязы серияда иң улуғ пол парған. Орғах айының 9-ҷы кӱнінде Battlefield 6 ойынның «бетазында» 521 079 кізі полған. Ол кӧзідімҷе азынада версия прай тус аразына Steam иң саблығ 20 ойыны санына кірген[29].

Критика

Критиктернің кӧп сабазы Battlefield 6 ойынны чахсы паалапча. Metacritic  (орыс) (рус. агрегаторда 62 рецензия хоостыра ПК версиязында 100 баллдаң 82 балл алған. Критиктер алынҷа таныхтааннар Battlefield 2042 ойында чох полған чалғыс кізінің толдыра кампаниязы айландырылғанын, ідӧк кӧп кізі араласчатхан чаалазығлардағы килкім изелістерні ит поларын[30].

IGN издание ойынға 10 саннаң 8 паалағны пирген. «Battlefield 6 серияны тамырларына айландырча, морсымнығ кампанияны паза сетьтегі килкім чаалазығларны пирче тіп таныхтаан, олар Battlefield 3 паза Battlefield 4» ойыннарның иң чахсы тузына тӧӧйлер. Рецензент чалғыс кізі режиміндегі миссияларның аймағын паза ойынның кӧрімін махтаан, ідӧк ойынны пастапчатхан туста сығысчатхан пірее техническай сурығларны таныхтаан[30].

GameSpot ойынға 10 саннаң 7 балл пирген, аны «франшиза формазына айландырылғаны чахсы, читпестері парох» тіп адаан. Критик «кӧп кізі араласчатхан режимнер Battlefield ойында килкім чаалазығлығ паза хаостығ классика ӱтертінгенін пирче, че тирігнің балансын читіре ит саларға кирек» тіп таныхтаан[30].

Техника кирексіністері

Иң асхынах (1080p, 30 кадр/с, графиканың тӧбін настройкалары)

  • ОС: Windows 10 (64 бит);
  • процессор: Intel Core i5-8400 алай AMD Ryzen 5 2600;
  • видеокарта: Nvidia GeForce RTX 2060, AMD Radeon RX 5600 XT алай Intel Arc A380;
  • видеопамять: 6 Гбайт;
  • оперативнай память: 16 Гбайт;
  • DirectX: 12;
  • накопительдегі орын: HDD 55 Гбайт.

Чӧпке пирілчеткен (1440p, 60 кадр/с, пӧзік настройкалар / 1080p, 80+ кадр/с, тӧбін настройкалар)

  • ОС: Windows 11 (64 бит);
  • процессор: Intel Core i7-10700 алай AMD Ryzen 7 3700X;
  • видеокарта: Nvidia GeForce RTX 3060 Ti, AMD Radeon RX 6700 XT алай Intel Arc B580;
  • видеопамять: 8 Гбайт;
  • оперативнай память: 16 Гбайт;
  • DirectX: 12;
  • накопительдегі орын: SSD 90 Гбайт.

«Ультра» кирексіністер (4K, 60 кадр/с, «Ультра» настройкалар/ 1440p, 144 кадр/с, пӧзік настройкалар)

  • ОС: Windows 11 (64 бит);
  • процессор: Intel Core i9-12900K алай AMD Ryzen 7 7800X3D;
  • видеокарта: Nvidia GeForce RTX 4080 алай AMD Radeon RX 7900 XTX;
  • видеопамять: 16 Гбайт;
  • оперативнай память: 32 Гбайт;
  • DirectX: 12;
  • накопительдегі орын: SSD 90 Гбайт[24].

Алған орын

  1. ↑ 1 2 3 4 Battlefield™ 6 в Steam. Steam. Дата обращения: 7 Кічіг хырлас айы 2025.
  2. ↑ 1 2 Утечка подтвердила дату выхода Battlefield 6 — Electronic Arts раньше времени показала тизер нового трейлера. 3DNews.ru. Дата обращения: 7 Кічіг хырлас айы 2025.
  3. ↑ Дебютный видеоролик Battlefield 6 раскрывает захватывающее будущее культовой серии. Electronic Arts. Дата обращения: 7 Кічіг хырлас айы 2025.
  4. ↑ 1 2 3 4 5 Battlefield REDSEC стартует одновременно с первым сезоном Battlefield 6. Electronic Arts. Дата обращения: Кічіг хырлас айы 2025.
  5. ↑ 1 2 Battlefield 6 first trailer reveals the thrilling future of the iconic series. Electronic Arts. Дата обращения: 7 Кічіг хырлас айы 2025.
  6. ↑ Prepare for Battlefield 6 - Coming Soon! Electronic Arts. Дата обращения: 7 Кічіг хырлас айы 2025.
  7. ↑ 1 2 Battlefield 6: All the info on the new shooter, Red Bull. Дата обращения: 26 Орғах айы 2025.
  8. ↑ 1 2 3 BF6 Multiplayer Modes. IGN. Дата обращения: 7 Кічіг хырлас айы 2025.
  9. ↑ 1 2 REDSEC Game Modes Explained: BR, Gauntlet, and Portal. IGN. Дата обращения: 7 Кічіг хырлас айы 2025.
  10. ↑ 1 2 Список миссий и продолжительность сюжетной кампании Battlefield 6. Playground.ru. Дата обращения: 7 Кічіг хырлас айы 2025.
  11. ↑ Battlefield 6. Всё, что нужно знать для полного прохождения. IGM. Дата обращения: 7 Кічіг хырлас айы 2025.
  12. ↑ Weapons List. IGN. Дата обращения: 7 Кічіг хырлас айы 2025.
  13. ↑ Все новое оружие Battlefield 6 в 1 сезоне и как его разблокировать. Rutab.net. Дата обращения: 7 Кічіг хырлас айы 2025.
  14. ↑ Exclusive: Vince Zampella Confirms Next Battlefield Will Use Modern Setting, First Concept Art Revealed. IGN. Дата обращения: 7 Кічіг хырлас айы 2025.
  15. ↑ First Official Look at New Battlefield Gameplay as EA Reveals Battlefield Labs. IGN. Дата обращения: 19 Ӱртӱн айы 2025.
  16. ↑ PSA: Early Battlefield 6 Footage Seems to Have Leaked Online. IGN. Дата обращения: 7 Кічіг хырлас айы 2025.
  17. ↑ Battlefield 6 is seemingly just called Battlefield 6, according to leaked packages sent to content creators that might signal a reveal from EA soon. Games Radar. Дата обращения: 19 Ӱртӱн айы 2025.
  18. ↑ Battlefield 6 Open Beta Confirmed, Will Include This Key Change. GameSpot. Дата обращения: 19 Ӱртӱн айы 2025.
  19. ↑ Battlefield 6 to Be Officially Revealed This Week. IGN. Дата обращения: 19 Ӱртӱн айы 2025.
  20. ↑ Battlefield 6 Campaign Teaser Shows NATO Under Attack, and Includes the Return of the Series' Classic Theme. IGN. Дата обращения: 19 Ӱртӱн айы 2025.
  21. ↑ Battlefield 6 - Official Reveal Trailer. IGN. Дата обращения: 19 Ӱртӱн айы 2025.
  22. ↑ Battlefield 6 Suffers Significant Leaks Ahead of Official Multiplayer Reveal. IGN. Дата обращения: 19 Ӱртӱн айы 2025.
  23. ↑ Steam :: Battlefield™ 6 :: THE POWER OF PC MEETS THE POTENTIAL OF PORTAL (28 Орғах айы 2025). Дата обращения: 5 Кічіг хырлас айы 2025.
  24. ↑ 1 2 «Самая совершенная в истории серии»: Electronic Arts раскрыла окончательные системные требования Battlefield 6 и показала трейлер ПК-версии, 3DNews - Daily Digital Digest (19 Ӱртӱн айы 2025). Дата обращения: 7 Кічіг хырлас айы 2025.
  25. ↑ Утечка геймплея Battlefield 6 показала возвращение реалистичного загрязнения оружия (9 Ӱртӱн айы 2025). Дата обращения: 7 Кічіг хырлас айы 2025.
  26. ↑ Российские игроки в Battlefield 6 пожаловались на проблемы с доступом к игре, Cybersport.ru (22 Чарыс айы 2025). Дата обращения: 22 Чарыс айы 2025.
  27. ↑ 1 2 EA поделилась подробностями крупного обновления 1.1.1.0 для Battlefield 6 - патч выйдет 28 октября. Playground.ru. Дата обращения: 7 Кічіг хырлас айы 2025.
  28. ↑ Любавин, Игорь. Для Battlefield 6 на ПК необходима функция Secure Boot — в EA рассказали, как её включить. Дата обращения: 7 Кічіг хырлас айы 2025.
  29. ↑ Открытый бета-тест Battlefield 6 стал крупнейшим в серии — шутер вошёл в топ-20 самых популярных игр Steam, 3DNews - Daily Digital Digest (7 Кічіг хырлас айы 2025). Дата обращения: 19 Ӱртӱн айы 2025.
  30. ↑ 1 2 3 Battlefield 6 critic reviews. Metacritic. Дата обращения: 5 Кічіг хырлас айы 2025.

Ссылкалар

Алған орны - https://kjh.ruwiki.ru/w/index.php?title=Battlefield_6&oldid=154210