Ӱрееннернің кӱні

Ӱрееннернің кӱні
Катринаның фигураҷахтары, Ӱрееннернің кӱнінің ӧӧн матыры
Тип	Культура-тархын
Тузазы	ӱреен нанҷыларны, чағыннарны сағысха кирері
Таныхталчатхан орны	Мексика,  Гватемала,  Сальвадор,  Гондурас,  Никарагуа
Пасталғаны	1 ноябрьда
Тоозылғаны	2 ноября
Кӱні	Кiчiг хырлас айының 1-ғы кӱні
Палғалыстығ	прай ах-арығлар соборынаң, Хэллоуиннең
Медиафайлы на РУВИКИ.Медиа

Ӱрееннернің кӱні (исп. El Día de Muertos, (орыс. День мёртвых) — ӱреен кізілерні сағысха кирҷең ӱлӱкӱн, чыл сай 1-ғы паза 2 ноябрьда Мексикада, Гватемалада, Никарагуада, Гондурасе, Сальвадорда таныхталча. Киртініс хоостыра, пу кӱннерде ӱреен туған-чағыннарның хуттары пос иблерінзер килчелер. Кибір майянаң паза ацтектернең палғалыстығ, олар Миктлансиуатль худайға сыйыхтар ағылҷаңнар паза стеналарны цомпантли теен хуу пастар хоозынаң чайаҷаңнар.

Пу кӱн ікі католиктер ӱлӱкӱніне килісче — Прай ахарығлар соборынаң (1 ноябрьда) паза Прай хуттарның кӱні (2 ноябрьда).

2003 чылда ЮНЕСКО ӱлӱкӱнні чир ӱстӱндегі материальнай нимес культура ис-пайының изерізіне кирген.

Пу кӱннерде карнаваллар иртчелер, хуу пастар паза тонанҷыхтығ ипчі сӧӧк-саахтары фигураҷахтарына тӧӧй тадылығ чиис пызырылча, олар Катринаа тӧӧйлер.

2004 чылда Мексиканың национальнай автоном университедінің студенттері 5667 сахар, шоколад паза карамель хуу пастарынаң стена пӱдір салғаннар, анзы алнындағы стеназынаң 2667 хуу пасха кӧп полған. Стена Гиннесстің рекордтар киндезіне кирілген.

Ӱрееннернің кӱні алнынҷа сӧӧктерні ленталарнаң, чахайахтарнаң чазапчалар, ӱрееннернің чуртына чолҷа свечілер турғысчалар, ол ӱреен кізі ибзер чол тапсын тіп иділче.

Тархын

Ӱрееннернің кӱнін Амғы Мексиканың чирінде пурунғы ольмектер паза майя чоны таныхтаҷаң. Ӱреннерні хумартхылаҷаң кибірлер 2500—3000 чыл мының алнындох таныхталғаннар. Испания колонизациязы алнында орындағы чуртағҷылар удаа ӱреен кізілернің сын пас сӧӧгін ибде тутчаңнар. Оларнаң удаа аймах кибірлерні иртірҷеңнер, олар ӧлім паза тірілгенін таныхтаҷаңнар.

Ацтектер империязы тузында Ӱрееннернің кӱніне тӧӧй ӱлӱкӱн ацтектер мӱчелінің тоғызынҷы айында таныхталҷаң. Ол амғы орғах айына килісче. Ацтектер пу ӱлӱкӱнні ай тооза пайрамнаҷаңнар. Ол туста ӧлім худайы Миктлансиуатль хумартхылалҷаң. Амғы мифологияда ол худайға Катрина тании килісче. Мексиканың кӧп областьтарында пу ӱлӱкӱн 2 кӱн изере таныхталча: 1 ноябрьда ӱреен палаларны, ыңаҷахтарны сағысха кирчелер, аны ідӧк Ангеллер кӱні (исп. Día de los Angelitos) адапчалар; 2 ноябрьда, Ӱрееннернің кӱнінде (исп. Día de los Difuntos), ӱреен улуғларны хумартхылапчалар.

Культура паза киртініс тузазы

Пу ӱлӱкӱнні таныхтапчатхан кізілер Ӱрееннернің кӱнінде тігі чирзер парыбысхан кізілернің худы хазых туған-чағыннарынзар паза нанҷыларынзар кил парча тіп сағынчалар. Пӱ кӱнде кізілер сыыраттарзар чӧрчелер. Сӧӧктерде сомнығ паза реликвиялығ алтарьлар турғысчалар, ӱреен кізінің хынған чиис паза ісчең суун ағылчалар. Анзы ӱрееннерні хазыхтарзар хығырар пӧгіннең иділче. Пірееде ӧріністіг нимелер пол парча: іди туғаннар ӱреен кізінің полған хынығ алай ӧріністіг киректерін сағысха кирчелер.

Ӱлӱкӱн аймах регионнарда пасхалалча. Кибірли пу ӱлӱкӱнге чыл тооза тимненчелер. 1 паза 2 ноябрьда туған-чағыннар ӱрееннернің сӧӧгін чахайахтарнан паза фрукттарнаң чазапчалар. Удаа ӧнетін чахайахтар — хызыл сарығ бархатцы тузаланылчалар. Мексикада пу чахайахтар «Ӱрееннернің чахайахтары» тіп адапчалар. Ангеллер кӱнінде палаларға ойнаҷахтар паза тадылығ чиис ағылчалар. Улуғларға удаа — текила, пиво паза пасха изірткіліг суғлар.

Мадридте ӱрееннернің Мексика Алтарьын ӱлӱкӱн кӱннерінде Сервантес институдында кӧрерге чарир, анда аны ікі чыл Мексикадаң сыххан преподавательлер пӱдірчелер.

• Предметы обряда
• 

  Сахар пастары

• 

  Ӱреннернің халазы — Ӱреннернің кӱніне халас пызырғаны

• 

  Ӱрееннернің чахайахтары — хызыл сарығ бархатцы

• Галлерея
• 

  Сервантес институдындағы ӱрееннернің алтарьы

• 

  Патрика Суэйзинің сомы алтарьда Канададағы Ӱрееннернің кӱнінде

• 

  Кӱнорткі Алтарь

• 

  Хараағы Алтарь

Искусствода

• Фильм Прибытие(1996, реж. Девид Туи) Чарли Шиннің матыры Мексикада Ӱрееннер кӱнінде пол парча.
• Октавио Пас. День всех святых, праздник мёртвых // Он же. Поэзия. Критика. Эротика. М.: Русское феноменологическое общество, 1996, с. 22—35.
• Рэй Брэдбери. Канун всех святых, День мертвых, Следующий, Сахарный череп.
• 2015 чылда сыххан «Hollywood Undead» группаның тӧртінҷі студия альбомы «Day of the Dead» адалған.
• Voltaire «Day of the Dead» сарыны паза аның испан тілінең версиязы «Dia de los Muertos».
• Inkubus Sukkubus «Dia de los Muertos» сарын.
• Hammerfall «Dia de los Muertos» сарын.
• Grave Digger «Dia de los Muertos» сарын.
• Ӱрееннернің кӱнінең «Эль Тигре: Приключения Мэнни Риверы» мультсериалының чардығының пір полта линиязы палғалыстығ (эпизод «Grave Escape», орыс тілінең — «Побег из могилы»).
• «Книга жизни» мультфильмде хыныс тархынынаңар чоох парча, аннаңар чКатрина паза Шибальба чоохтапчалар.
• Ӱрееннернің кӱні паза ӱрееннернің Мексика культуразын улуғлаҷаң кӱн Grim Fandango ойынның полтазының тӧстее полча.
• "Flores de Muertos" сарын "Для тех, кто видит сны, vol. 2" альбомнаң.
• Nelly Furtado - Day and night алай Lilly Wood & The Prick – Prayer in C клиптерде Ӱрееннернің кӱніндегі грим тузаланылча.
• «Лео и легенда» мультфильмде киректер Ӱрееннернің кӱнінде полча.
• Fall Out Boy - HOLD ME TIGHT OR DON'T клибінде киректер Ӱрееннернің кӱнінде полча.
• «Тайна Коко» мультфильмде полта Ӱрееннернің кӱнінде Мексикада полча.
• агент Джеймс Бондтаңар «007: Спектр» фильм Мехикода Ӱрееннер кӱнінең пасталча.
• «Кэндимен 3: День мертвецов» фильм (премьера 1999 ч., реж. Тури Мейер).
• «Вампиры 2: День мёртвых» фильм (премьера 2002 ч., реж. Томми Ли Уоллес).
• «Сельма в городе призраков» мультфильм (сын ады Шаблон:Lang-es2, премьера 2019, реж. Карлос Гутьеррес Медрано).

Алған орын

Литература

• Andrade, Mary J. Day of the Dead A Passion for Life – Día de los Muertos Pasión por la Vida. La Oferta Publishing, 2007. Шаблон:ISBN
• Anguiano, Mariana, et al. Las tradiciones de Día de Muertos en México. Mexico City 1987.
• Brandes, Stanley. Sugar, Colonialism, and Death: On the Origins of Mexico's Day of the Dead (англ.) // Comparative Studies in Society and History : journal. — 1997. — Vol. 39. — P. 270—299. — doi:10.1017/S0010417500020624.
• Brandes, Stanley. The Day of the Dead, Halloween, and the Quest for Mexican National Identity (англ.) // Journal of American Folklore : journal. — 1998. — Vol. 442. — P. 359—380. — doi:10.2307/541045.
• Brandes, Stanley. Iconography in Mexico's Day of the Dead (неопр.) // Ethnohistory. — Duke University Press, 1998. — Т. 45. — С. 181—218. — doi:10.2307/483058.
• Brandes, Stanley. Skulls to the Living, Bread to the Dead (неопр.)

К:Рувики:Статьи с некорректным использованием шаблонов:Книга (указан неверный код языка). — Blackwell Publishing, 2006. — С. 232. — ISBN 1-4051-5247-8.

• Cadafalch, Antoni. The Day of the Dead. Korero Books, 2011. Шаблон:ISBN
• Carmichael, Elizabeth; Sayer, Chloe. The Skeleton at the Feast: The Day of the Dead in Mexico. Great Britain: The Bath Press, 1991. Шаблон:ISBN
• Conklin, Paul. Death Takes a Holiday (неопр.) // U.S. Catholic. — 2001. — Т. 66. — С. 38—41.
• Garcia-Rivera, Alex. Death Takes a Holiday (неопр.) // U.S. Catholic. — 1997. — Т. 62. — С. 50.
• Haley, Shawn D.; Fukuda, Curt. Day of the Dead: When Two Worlds Meet in Oaxaca. Berhahn Books, 2004. Шаблон:ISBN
• Lane, Sarah and Marilyn Turkovich, Días de los Muertos/Days of the Dead. Chicago 1987.
• Lomnitz, Claudio. Death and the Idea of Mexico. Zone Books, 2005. Шаблон:ISBN
• Matos Moctezuma, Eduardo, et al. "Miccahuitl: El culto a la muerte," Special issue of Artes de México 145 (1971)
• Nutini, Hugo G. Todos Santos in Rural Tlaxcala: A Syncretic, Expressive, and Symbolic Analysis of the Cult of the Dead. Princeton 1988.
• Oliver Vega, Beatriz, et al. The Days of the Dead, a Mexican Tradition. Mexico City 1988.
• Roy, Ann. A Crack Between the Worlds (неопр.) // Commonwealth. — 1995. — Т. 122. — С. 13—16.

Ссылкалар

• Миронова, Марина; Константин Калишко.: День мертвых в Мексике  (неопр.)

. Моя планета (29 Орғах айы 2014).

• В Мексике готовятся к празднованию Дня Мертвых  (неопр.)

. Bueno Latina (18 Кічіг хырлас айы 2012).